မန်ချက်စတာယူနိုက်တက်အသင်းရဲ့ ပေါ်တူဂီလက်ရွှေးစင် ကစားသမားကြီး ရော်နယ်ဒို ကတော့ နိုင်ငံအတွက် ရောက်ရောက်ချင်းပဲ ဆုတံဆိပ်တစ်ခု လက်ခံရရှိခဲ့ပါတယ်။ Quinas De Ouro 2022 အမည် ရှိ ဒီဆုဟာ ပေါ်တူရီနဲ့အတူ ထာဝရ နိုင်ငံတကာသွင်းဂိုးအများဆုံး ဖြစ်ခဲ့တာကြောင့် ခုလို ဆုလက်ခံခဲ့ခြင်း ဖြစ်ပါတယ်။
လာမည့်နှစ်တွင် UFCမှ နာမည်ကြီး MMAအားကစားသမား မက်ဂရီဂေါ်နှင့် သရုပ်ပြပွဲထိုးသတ်သွားရန် ဆန္ဒရှိနေကြောင်း ပရော်ဖက်ရှင်နယ်လက်ဝှေ့သမားဘဝမှ အနားယူထားသည့် ဖလွိုက်မေဝယ်သာက ပြောကြားခဲ့သည်။
ပရိုလက်ဝှေ့ပွဲများတွင် ရှုံးပွဲလုံးဝမရှိခဲ့သူ မေဝယ်သာ(၄၅ နှစ်)သည် ၂၀၁၇ ခုနှစ်က သူ၏ နောက်ဆုံး ပရော်ဖက်ရှင်နယ်လက်ဝှေ့ပွဲအဖြစ် မက်ဂရီဂေါ်နှင့်ထိုးသတ်ခဲ့ပြီး အလဲထိုးဖြင့် အနိုင်ယူခဲ့သည်။
သြဂုတ်လအတွက် ပရီးမီးယားလိဂ်အကောင်းဆုံးကစားသမားဆု၊ နည်းပြဆုနဲ့ အကောင်းဆုံးသွင်းဂိုးဆုတွေကို မန်စီးတီးတိုက်စစ်မှူးဟာလန်း၊ အာဆင်နယ်နည်းပြအာတီတာနဲ့ နယူးကာဆယ်တောင်ပံကစားသမား စိန့်မက်ဆီမင်တို့ ဆွတ်ခူးရရှိခဲ့ပါတယ်။ နွေရာသီမှာ ဒေါ့တ်မွန်ကနေ မန်စီးတီးကို ပြောင်းရွှေ့လာတဲ့ တိုက်စစ်မှူးဟာလန်းဟာ သူ့ပထမဆုံးလမှာပဲ အသင်းအတွက် ပရီးမီးယားလိဂ်အဖွင့်(၅)ပွဲမှာ (၉)ဂိုး သွင်းယူခဲ့ပါတယ်။ လက်ရှိမှာတော့ ဟာလန်းဟာ ပရီးမီးယားလိဂ်(၇)ပွဲကစားအပြီးမှာ (၁၀)ဂိုးသွင်းယူထားပါတယ်။ ဒါကြောင့် သြဂုတ်လအတွက်ပရီးမီးယားလိဂ်အကောင်းဆုံးကစားသမားဆုကို ဟာလန်းဆွတ်ခူးခဲ့တာဖြစ်ပါတယ်။ ဟာလန်းဟာ ပရီးမီးယားလိဂ်ကို ပြောင်းရွှေ့ပြီး ပထမဆုံးကစားတဲ့လမှာပဲ တစ်လတာအကောင်းဆုံး ကစားသမားဆုကို ရရှိခဲ့တဲ့(၁၀)ယောက်မြောက်ကစားသမားဖြစ်လာခဲ့ပါတယ်။ အာဆင်နယ်နည်းပြအာတီတာ ကလည်း သြဂုတ်လမှာ ကစားခဲ့တဲ့ ပရီးမီးယားလိဂ်(၅)ပွဲမှာ ရာနှုန်းပြည့်နိုင်ပွဲရရှိခဲ့ပြီး တစ်လတာအကောင်းဆုံး နည်းပြဆုကို ဆွတ်ခူးခဲ့တာပါ။ အာဆင်နယ်နည်းပြ အာတီတာဟာ မာကိုဆေးလ်ဗား၊ ဂွါဒီယိုလာ၊ ကွန်တီနဲ့ ဂရေဟမ်ပေါ်တာတို့ကိုကျော်ဖြတ်နိုင်ခဲ့တာဖြစ်ပါတယ်။ နယူးကာဆယ်တောင်ပံကစားသမားစိန့်မက်ဆီမင်ကတော့ ဝုဗ်နဲ့သရေကျတဲ့ပွဲမှာ အသင်းအတွက်ခြေပဂိုးကို ပွဲပြီးခါနီးဂိုးဧရိယာထိပ်ကနေ မြေမကျကန်သွင်းခဲ့တဲ့ဂိုးနဲ့ သြဂုတ်လအတွက်ပရီးမီးယားလိဂ်အကောင်းဆုံးသွင်းဂိုဆုကို ဆွတ်ခူးရရှိခဲ့ပါတယ်။
ချဲလ်ဆီးနည်းပြသစ် ဂရေဟမ်ပေါ်တာဟာ အသင်းတိုက်စစ်ကို အားဖြည့်ဖို့အတွက် ပြိုင်ဘက် စပါးအသင်းဆီကနေ ဟယ်ရီကိန်းကို ခေါ်ယူဖို့ ဆန္ဒရှိနေပါတယ်။ ဒီဘက်နှစ်ပိုင်းတွေအတွင်း တိုက်စစ်ပိုင်း အားနည်းမှုတွေရှိခဲ့တဲ့ ချဲလ်ဆီးအသင်းအနေနဲ့ ရေတိုပြင်ဆင်မှုအဖြစ် အာဆင်နယ်တိုက်စစ်မှူးဟောင်း အူဘာမီးယန်းကို ပြန်လည်အားဖြည့်ခဲ့တာပါ။
PSG အသင်း၏ ပြင်သစ်လူငယ်ကြယ်ပွင့်တိုက်စစ်မှူး ဘာပေသည် အသင်းနှင့် ချုပ်ဆိုလိုက်သည့် စာချုပ်သစ်၏ လစာငွေနှုန်းထားကြောင့် လက်ရှိဘောလုံးလောကတွင် တစ်နှစ်တာအတွင်း ဝင်ငွေအကောင်းဆုံးကစားသမားအဖြစ် ရပ်တည်နိုင်ခဲ့ပြီး စီရော်နယ်လ်ဒိုနှင့် မက်ဆီတို့ကို ကျော်ဖြတ်ခဲ့ကြောင်း သိရှိရသည်။
ဘာပေသည် PSG အသင်းနှင့် ချုပ်ဆိုခဲ့သည့် (၃)နှစ်စာချုပ်ကြောင့် တစ်နှစ်တာ လစာငွေမှာ ဒေါ်လာ (၁၀၅) သန်းအထိ ရှိနေပြီး ကြော်ငြာနှင့် စပွန်ဆာဝင်ငွေများတွင် စီရော်နယ်လ်ဒို၊ မက်ဆီတို့ကို မမီသော်လည်း စုစုပေါင်းဝင်ငွေတွင် ကျော်တက်နိုင်ခဲ့ခြင်းလည်း ဖြစ်သည်။
စပါးတိုက်စစ်ကစားသမား ဆွန်ဟောင်မင်သည် အသင်း၏ပရီးမီးယားလိဂ်သမိုင်းတွင် လူစားဝင်ပြီး ဟက်ထရစ် သွင်းယူနိုင်သည့် ပထမဆုံးကစားသမားအဖြစ် မှတ်တမ်းဝင်ခဲ့သည်။
၂၀၁၅ စက်တင်ဘာလက အဲဗာတန်ကစားသမား နေးစမစ် ချယ်လ်ဆီးနှင့်ပွဲတွင် ဟက်ထရစ်သွင်းခဲ့ပြီးနောက် ပရီးမီးယားလိဂ်တွင် လူစားဝင်ပြီး ပထမဆုံး ဟက်ထရစ်သွင်းသူ ဖြစ်လာခဲ့သည်။
ဆွန်ဟောင်မင်သည် ယခုရာသီ ပရီးမီးယားလိဂ်တွင် ဂိုးကန်သွင်းမှု ၂၁ ကြိမ် ရှိခဲ့ပြီး ယခုပွဲတွင်မှ ပထမဆုံး ဂိုးသွင်းကာ ဟက်ထရစ်ရခဲ့ခြင်းဖြစ်သည်။
ဘရိုက်တန်အသင်းဟာ ပြီးခဲ့တဲ့တစ်ပတ်က ချဲလ်ဆီးကိုကိုင်တွယ်ဖို့ အသင်းကနေထွက်ခွာခဲ့တဲ့ ဂရေဟမ်ပေါ်တာနေရာမှာ အသင်းနည်းပြသစ်အဖြစ် ရော်ဘတ်တိုဒီဖာဘီကို ခန့်အပ်လိုက်ပါတယ်။ အသက်(၄၃)နှစ်အရွယ်အီတလီလူမျိုးနည်းပြကြီးဟာ ဘရိုက်တန်နဲ့(၄)နှစ်စာချုပ်ချုပ်ဆိုလိုက်ပါတယ်။ နိုင်ငံတကာ ပွဲစဉ်ကာလအတွင်း ကစားသမားတွေနဲ့လက်တွဲဖို့ နည်းပြသစ်ဒီဇာဘီ အချိန်ရမှာဖြစ်ပါတယ်။ ဘရိုက်တန်အသင်း ဥက္ကဋ္ဌ တိုနီဘလွန်းက “ကျွန်တော်တို့ရဲ့နည်းပြသစ်ဖြစ် ဒီဇာဘီကို ခန့်အပ်နိုင်ခဲ့လို့ ဝမ်းသာမိပါတယ်။ သူကိုင်တွယ်ခဲ့တဲ့အသင်းတွေဟာ စိတ်လှုပ်ရှားစရာကောင်းပြီးရဲရင့်တဲ့ကစားဟန်ရှိပါတယ်။ ကျွန်တော်တို့မှာရှိတဲ့ ကစားသမားတွေနဲ့ သူ့ရဲ့ကစားဟန်၊ နည်းစနစ်ပိုင်းတွေ အံဝင်မယ်လို့ ကျွန်တော်တယုံကြည်ပါတယ်”လို့ ပြောကြားခဲ့ပါတယ်။ ဒီဇာဘီဟာ အရင်က ရှက်တာဒိုးနက်အသင်းကို ကိုင်တွယ်ခဲ့ဖူးသူလည်းဖြစ်ပါတယ်။
လာမည့်ဇန်နဝါရီအပြောင်းအရွှေ့ကာလတွင် မန်ယူအသင်းမှ နာမည်ကျော်ဝါရင့် တိုက်စစ်မှူး စီရော်နယ်လ်ဒို ထွက်ခွာမည်ဆိုပါက နည်းပြ တန်ဟက်ဂ်အနေဖြင့် ဆောင်းရာသီအသုံးစရိတ် ပေါင်သန်း ၁၀၀ ရရှိမည် ဖြစ်ကြောင်း သိရှိရသည်။ လာမည့်ဇန်နဝါရီအပြောင်းအရွှေ့ကာလတွင် မန်ယူအသင်းမှ နာမည်ကျော်ဝါရင့် တိုက်စစ်မှူး စီရော်နယ်လ်ဒို ထွက်ခွာမည်ဆိုပါက နည်းပြ တန်ဟက်ဂ်အနေဖြင့် ဆောင်းရာသီအသုံးစရိတ် ပေါင်သန်း ၁၀၀ ရရှိမည် ဖြစ်ကြောင်း သိရှိရသည်။
ဂျူဗင်တပ်စ်အသင်းကွင်းလယ်လူ ပေါလ်ပေါ့ဘာ၏ အစ်ကိုဖြစ်သူ မာသီးယပ်စ်ပေါ့ဘာသည် ညီဖြစ်သူအား ခြိမ်းခြောက်ငွေညှစ်ရာတွင် ပါဝင်မှုဖြင့် ဖမ်းဆီးစစ်ဆေးခံနေရကြောင်း သိရသည်။
ပေါ့ဘာက ၎င်းအနေဖြင့် ပြီးခဲ့သည့် မတ်လကတည်းက ငယ်သူငယ်ချင်းများ၏ ပစ်မှတ်ထားခြိမ်းခြောက်မှု ခံခဲ့ရကြောင်း ပြင်သစ်အာဏာပိုင်များအား တိုင်ကြားခဲ့ပြီးနောက် စက်တင်ဘာ (၂) ရက်မှစတင်ကာ ကနဦးအဆင့် စုံစမ်းစစ်ဆေးမှုများ ပြုလုပ်နေခြင်းဖြစ်သည်။
ရှရစ် ဝ-၂ ယူနိုက်တက်
ယူရိုပါလိဂ် အုပ်စုအဖွင့်ပွဲမှာ ဆိုစီဒက်ကို ရှုံးနိမ့်ခဲ့တဲ့ ယူနိုက်တက်ဟာ အခုပွဲမှာတော့ ဆန်ချို၊ ရော်နယ်ဒိုတိုရဲ့ ဂိုးတွေနဲ့အတူ အဝေးကွင်းနိုင်ပွဲ ရခဲ့တာပါ။ ချန်ပီယံလိဂ်မှာ ရီးရဲလ်ကိုတောင် အနိုင်ရခဲ့ဖူးတဲ့ မော်လ်ဒိုဗာကလပ် ရှရစ်ရဲ့ ကစားဟန်ကြောင့် ပွဲအစပိုင်းမှာ ယူနိုက်တက် အခက်တွေ့ခဲ့ပေမဲ့ ဆန်ချိုရဲ့ ပါးနပ်တဲ့ တစ်ချက်ခေါက်ကန်ချက်နဲ့အတူ အဖွင့်ဂိုး ရခဲ့ပြီး ဒါလော့ကြောင့် ရလာတဲ့ ပင်နယ်တီကနေ ရော်နယ်ဒိုက ဒုတိယဂိုး ထပ်သွင်းခဲ့လို ပထမပိုင်းမှာတင် (၂)ဂိုးပြတ် အနိုင်ရခဲ့ပြီး ဖိအားလျှော့ချနိုင်ခဲ့တာပါ။
