တက်စလာ လျှပ်စစ်ကားကုမ္ပဏီ အမှုဆောင်အရာရှိချုပ် အီလွန်မက် သည် အမေရိကန် ဒေါ်လာ ၆ ဒသမ ၉ ဘီလီယံ တန်ဖိုးရှိ တက်စလာ ကုမ္ပဏီ၏ ရှယ်ယာများကို ရောင်းချခဲ့ပြီး တွစ်တာနှင့် တရားရင်ဆိုင်ရာတွင် ရှုးနိမ့်သွားပါက အဆိုပါ ငွေများအား အလားအလာရှိသော တွစ်တာဝယ်ယူမှုအတွက် သုံးစွဲနိုင်ကြောင်း ပြောကြားခဲ့သည်။
လကမ္ဘာပေါ်သို့ လူလိုက်ပါခြင်းမရှိတဲ့ စူးစမ်းလေ့လာရေးယာဉ် Artemis I မစ်ရှင်ကိုစေလွှတ်ဖို့ အဆင်သင့်ဖြစ်နေကြောင်း နာဆာအကြီးအကဲ ဘီလ်နယ်လ်ဆင်က ထုတ်ဖော်ပြောဆိုလိုက်ပြီး ဒါဟာတစ်ချိန်ချိန်မှာ အင်္ဂါဂြိုဟ်ဆီသွားဖို့တွေပါ ဖြစ်လာလိမ့်မယ်လို့ ဆိုပါတယ်။
Artemis I မစ်ရှင်ကို နိုင်ငံတကာနဲ့ မိတ်ဖက်တွေ ပူးပေါင်းပါဝင်ထားပြီး လူလိုက်ပါတဲ့ ပျံသန်းမှုအတွက် နောက်ဆုံးပြင်ဆင်မှုအဖြစ် Artemis I ရဲ့ ဟာ့ဒ်ဝဲနဲ့ဆော့ဖ်ဝဲတွေရဲ့ စနစ်တွေကို စမ်းသပ်ဖို့အတွက် လကမ္ဘာကို လနဲ့ချီပြီးလှည့်ပတ်ဖို့ စီစဉ်ထားပါတယ်။
အိန္ဒိယ မော်တော်ကားထုတ်လုပ်ရေးကုမ္ပဏီတာတာဟာ အနောက်ဂူဂျာရက်ပြည်နယ်မှာရှိတဲ့ ဖို့ဒ်မော်တော်ကား ထုတ်လုပ်ရေးစက်ရုံကို ဒေါ်လာ ၉၁ ဒသမ ၅ သန်းနဲ့ ဝယ်ယူဖို့ သဘောတူလိုက်ပါတယ်။တာတာကုမ္ပဏီဟာ သူ့ရဲ့မော်တော်ကား ထုတ်လုပ်ရေးလုပ်ငန်းကို မြှင့်တင်ဖို့ကြိုးပမ်းနေစဉ်မှာ အခုလိုဝယ်ယူမယ့် အစီအစဉ်ဖြစ်ပေါ်လာတာ ဖြစ်ပါတယ်။ ဝယ်ယူရေး သဘောတူညီချက်မှာတော့ စက်ရုံရဲ့ မြေနေရာ၊ စက်ယန္တရား ပစ္စည်းတွေနဲ့ ကျွမ်းကျင် ဝန်ထမ်းတွေအပါအဝင်ဖြစ်ပါတယ်။
Huawei ကလည်း ကိုရိုနာဗိုင်းရက်စ်ကို ပူးပေါင်း တိုက်ဖျက်နေပြီး ဗိုင်းရက်စ် ကူးစက်တာကို မြန်မြန်ဆန်ဆန် စစ်ဆေးပေးနိုင်တဲ့ AI နည်းပညာကို ဖန်တီးနေပါတယ်။ သူတို့ရဲ့ နည်းပညာကို ဖိလစ်ပိုင်နဲ့ အီကွေဒေါက ဆေးရုံတွေမှာ စတင် သုံးနေပါပြီ။ Huawei က ဒီနည်းပညာကို စိတ်ဝင်စားနေတဲ့ နိုင်ငံများစွာရှိတယ်လို့ ပြောပါတယ်။
ရုရှားနဲ့ ယူကရိန်း စစ်ပွဲမှာ အီလက်ထရောနစ် နည်းပညာတွေကို ထုတ်သုံးနေကြပြီး ရုရှားဟာ အီလက်ထရောနစ် စစ်ပွဲမှာ ယူကရိန်းကို အသာရနေတယ်လို့ ကျွမ်းကျင်သူတွေက သုံးသပ်ပါတယ်။ အခုဆိုရင် စစ်ပွဲ ဖြစ်နေတာ ၆ လကြာပြီ ဖြစ်ပြီး ရုရှားရဲ့ အီလက်ထရောနစ် စစ်ပွဲ (EW) စနစ်တွေဟာ အဓိက အခန်း ကဏ္ဍကနေ ပါဝင်နေပါတယ်။EW မှာ ဟာ့ဒ်ဝဲနဲ့ ဆော့ဖ်ဝဲ စနစ်တွေ ပေါင်းစပ်ထားပြီး ရန်သူ့ ဆက်သွယ်ရေးကို ခြေရာခံတာ၊ ကြားဖြတ်ဖမ်းယူတာနဲ့ Jam လုပ်တာတွေ ပြုလုပ်နိုင်ပါတယ်။ ဇွန်လမှာ Associated Press က အဲဒီ စနစ်တွေကို ယူကရိန်း အရှေ့ပိုင်းမှာ ပိုမို သုံးလာကြတယ်လို့ ပြောပါတယ်။
ပူပြင်းတဲ့ နွေရာသီမှာ ဘယ်သွားသွား လေအေးပေးစက် ယူဆောင်သွားချင်သူတွေအတွက် Sony က ဖန်တီးပေးထားပါတယ်။ Reon Pocket လို့ အမည်ပေးထားပြီး သေးငယ်ကာ ပုခုံးအနောက်နားမှာ ဝတ်ဆင်ရမှာ ဖြစ်ပါတယ်။ ပေါ့ပါးပြီး ကွေးညွှတ်ပျော့ပြောင်းတာကြောင့် ဝတ်ဆင်ရတာ သက်တောင့်သက်သာ ရှိပြီး သင့်ကိုယ်ခန္တာ အနောက်ဘက်ကို လေအေးတွေ ပို့လွှတ်ပေးမှာပါ။စမတ်ဖုန်း App ကနေ အပူချိန်ကို ကိုယ်တိုင် ထိန်းချုပ်နိုင်သလို လေအေးပေးစက်က ဝတ်ဆင်သူရဲ့ အမူအကျင့်၊ ပြင်ပ အပူချိန်တွေကို Motion Sensor တွေကနေ လေ့လာကာ သင့်တော်တဲ့ အပူချိန်ကို အလိုလို ချိန်ညှိပေးနိုင်ပါတယ်။ ဒီနှစ်ထဲမှာ Reon Pocket 3 ကို ရောင်းချပေးခဲ့ပြီး အရင်မျိုးဆက်ထက် အအေးပေးတဲ့ စွမ်းရည်က ၅၀ ရာခိုင်နှုန်း ပိုကောင်းလာပါတယ်။
ဖေ့စ်ဘွတ်ခ်နဲ့ အင်စတာဂရမ်ကို ပိုင်ဆိုင်တဲ့ Meta ကုမ္ပဏီဟာ ဇူလိုင်လအထိ သုံးလတာကာလအတွင်း ကြော်ငြာကနေရတဲ့ ဝင်ငွေဟာ ပထမဆုံးအကြိမ် ကျဆင်းသွားတယ်လို့ ထုတ်ပြန်ထားပါတယ်။
Meta ကုမ္ပဏီရဲ့ဝင်ငွေဟာ ၁ ရာခိုင်နှုန်း ကျဆင်းသွားပြီး ဒေါ်လာ ၂၈ ဒသမ ၈ ဘီလီယံသာရှိခဲ့ပေမယ့် သုံးစွဲသူအရေအတွက်ကိုတော့ ကျဆင်းမှုမရှိအောင် ကာကွယ်နိုင်ခဲ့တယ်လို့ ဆိုပါတယ်။ ကုမ္ပဏီဟာနှစ်ပေါင်းများစွာ အမြတ်အစွန်းတွေ စံချိန်တင်ရရှိခဲ့ပြီးနောက်မှာ အဲဒီအခြေအနေကနေ လွန်မြောက်သွားမှာကို လေ့လာသူတွေက စိုးရိမ်နေကြပါတယ်။
လိုင်စင်စည်းမျဉ်းများကို လိုက်နာရန် ပျက်ကွက်မှုကြောင့် Yahoo ဝက်ဘ်ဆိုက်၊ ငွေပေးချေမှုကုမ္ပဏီ PayPal နှင့် ဂိမ်းဝဘ်ဆိုက်အများအပြားကို အင်ဒိုနီးရှားမှ ပိတ်ဆို့ထားကြောင်း တာဝန်ရှိသူတစ်ဦးက စနေနေ့ (ဇူလိုင် ၃၀ ရက်) တွင် ပြောကြားခဲ့ပြီး လူမှုကွန်ရက်တွင်လည်း တုံ့ပြန်ဝေဖန်မှုများ ဖြစ်ပွားခဲ့သည်။
၂၀၂၀ ခုနှစ် နိုဝင်ဘာလနှောင်းပိုင်းက ထုတ်ပြန်ခဲ့သော စည်းမျဉ်းများအရ မှတ်ပုံတင်ရန်လိုအပ်သည်။ မှတ်ပုံတင်ထားမှသာလျှင် တရားမဝင်သည့်အချက်လက်များ (သို့) အများပြည်သူကိုအနှောင့်အယှက်ဖြစ်စေသည့် အရာများ ဖြစ်ပေါ်လာပါက သက်ဆိုင်ရာကထိန်းချုပ်နိုင်မည်ဖြစ်သည်။
ရုရှားက 5G ကွန်ရက်ကို မတည်ဆောက်တော့ဘဲ 6G ကွန်ရက်ကို တိုက်ရိုက် တည်ဆောက်ဖို့ ဆုံးဖြတ်လိုက်ပါတယ်။ ၂၀၂၅ ခုနှစ်မှာ Skolkovo Institute of Science and Technology နဲ့ the Institute of Radio Manufacturing Science တို့ဟာ 6G ဆက်သွယ်ရေး စံနှုန်းကို သုတေသနပြုဖို့ ရူဘယ် ၃၀ ဘီလီယမ်ကျော် ရရှိမှာပါ။ရုရှား ဒုတိယဝန်ကြီး Dmitry Chernyshenko က ဩဂုတ်လ ၁ ရက်နေ့မှာ 6G ကို သုတေသနပြုဖို့အတွက် ရန်ပုံငွေတွေ ထောက်ပံ့ဖို့ သက်ဆိုင်ရာ ဝန်ကြီးဌာနတွေကို ပြောထားပါတယ်။
ကွေးညွှတ်စမတ်ဖုန်းတွေဟာ လက်ရှိစမတ်ဖုန်းဈေးကွက်မှာ တဖြည်းဖြည်းကြီးထွားလာနေတယ်ဆိုတာ သူတို့ရဲ့ အရောင်းပမာဏက ထင်ဟပ်နေပြီး တောင်ကိုရီးယားအခြေစိုက် ဆမ်ဆောင်းကတော့ ၂၀၂၁ ခုနှစ် တစ်နှစ်တည်းမှာပင် ကွေးညွှတ်စမတ်ဖုန်း ၁၀ သန်းနီးပါး တင်ပို့ရောင်းချခဲ့ရတယ်လို့ ဆိုပါတယ်။
ဒီပမာဏဟာ ၂၀၂၂ ခုနှစ်ကထက် ၃၀၀ ရာခိုင်နှုန်းရောင်းအားတက်လာတာဖြစ်ပြီး စမတ်ဖုန်းဈေးကွက်ရဲ့ကြီးမားတဲ့ ဈေးကွက်ဝေစုကို ကွေးညွှတ်စမတ်ဖုန်းတွေက နေရာယူထားတာဖြစ်ပြီး လာမယ့်နှစ်တွေမှာ ပိုမိုကျယ်ပြန့် လာမယ်လို့ ဆမ်ဆောင်းရဲ့ မိုလ်ဘိုင်းဌာနဥက္ကဋ္ဌဖြစ်သူ တီအမ်ရို့က ပြောပါတယ်။
