၂၀၂၂ PGA Tour ရာသီအတွက် တတိယမြောက် မေဂျာဂေါ့ဖ်ပြိုင်ပွဲဖြစ်သည့် ယူအက်စ်အိုးပင်းပြိုင်ပွဲတွင် အင်္ဂလိပ်ကစားသမား မတ်ဖစ်ဇ်ပက်ထရစ် အနိုင်ရဗိုလ်စွဲပြီး ကစားသမားဘဝတစ် လျှောက် ပထမဆုံး PGA Tour ချန်ပီယံဆုနှင့် မေဂျာအောင်မြင်မှု ရရှိခဲ့ကြောင်း သိရသည်။
၁၂၂ ကြိမ်မြောက် ယူအက်စ်အိုးပင်းပြိုင်ပွဲကို အမေရိကန်ပြည်ထောင်စု၊ မက်ဆာချူးဆက်ပြည်နယ်၊ ဘရွတ်ကလင်းမြို့ The Country Club ဂေါ့ဖ်ကွင်း၌ ဇွန် ၁၆ ရက်မှ ၁၉ ရက်အထိ ကျင်းပခဲ့သည်။
မြန်မာနေရှင်နယ်လိဂ်အမှတ်ပေးဘောလုံးပြိုင်ပွဲ- ၁ အား ဇွန် ၂၅ ရက်မှစတင်၍ ကလပ်အသင်း ၁၀ သင်းဖြင့် မြန်မာနိုင်ငံဘောလုံးအဖွဲ့ချုပ်၊မြန်မာနေရှင်နယ်လိဂ်ကော်မတီမှ ကြီးမှူး၍ပြန်လည်ကျင်း ပသွားမည်ဖြစ်ကြောင်း သိရသည်။
မြန်မာနေရှင်နယ်လိဂ်အမှတ်ပေးဘောလုံးပြိုင်ပွဲ -၁ ၌ ရှမ်းယူနိုက်တက်၊ ဟံသာ၀တီယူနိုက်တက်၊ ဧရာ၀တီ ယူနိုက်တက်၊ ရန်ကုန်ယူနိုက်တက်၊ရတ နာပုံ FC ၊ ရခိုင်ယူနိုက်တက်၊မဟာယူနိုက်တက်၊မြဝတီ FC ၊ ISPE FC နှင့် GFA FC အသင်းတို့ ပါဝင်ယှဉ်ပြိုင်သွားမည်ဖြစ်သည်။
ONE Championship အဖွဲ့အစည်းသည် မြန်မာ MMA ကစားသမား အောင်လအန်ဆန် ထိုးသတ်နေသည့် ONE မစ်ဒယ်ဝိတ်တန်း ချန်ပီယံခါးပတ်စိန်ခေါ်ပွဲအဖြစ် လက်ရှိချန်ပီယံ ဒီရစ်ဒါနှင့် စိန်ခေါ်သူ ဗစ်တာလီဘစ်ဒက်ရှ်တို့၏ ပွဲကို ဇူလိုင်(၂၂) ရက်တွင် ကျင်းပမည်ဖြစ်ကြောင်း ထုတ်ပြန်ကြေညာလိုက်ပြီဖြစ်သည်။
WBA (Super)၊ IBF၊ WBO၊ IBO ဟဲဗီးဝိတ်တန်းကမ္ဘာ့ချန်ပီယံ ယူကရိန်းလက်ဝှေ့သမား အိုလက်ဇန္ဒားအူဆိုက်နှင့် ချန်ပီယံဟောင်း ဖြစ်သည့် ဗြိတိန်လက်ဝှေ့သမား အန်သိုနီဂျိုရှူအာတို့ သြဂုတ် (၂၀)တွင် ဆော်ဒီအာရေဗျနိုင်ငံ၌ မကျေပွဲပြန်လည်ထိုးသတ်မည်ဟု တနင်္ဂနွေနေ့ က အတည်ပြုထုတ်ပြန်ခဲ့သည်။
မူလက ၎င်းတို့နှစ်ဦး၏မကျေပွဲကို နွေရာသီအစောပိုင်းကာလတွင် ကျင်းပရန် စီစဉ်ထားသော်လည်း လက်ရှိချန်ပီယံ အူဆိုက်အနေဖြင့် ရုရှား၏ ကျူးကျော်စစ်အတွက် မိခင်နိုင်ငံကိုကာကွယ်ရန် ကာကွယ်ရေးတပ်ဖွဲ့သို့ ဝင်ရောက်ခဲ့သောကြောင့် ရွှေ့ဆိုင်းထားရခြင်းဖြစ်သည်။
ကမ္ဘာကျော်တစ်ယောက် ဖြစ်ပေမဲ့ ပလွှားမှုမရှိဘဲ အောက်ခြေသိမ်း ဝန်ထမ်းထိုင်ခုံရွှေ့ပေးနေတာကအစ ဝိုင်းဝန်းကူညီပေးခဲ့တဲ့ ဒေးဗစ်ဘက်ခမ်းရဲ့ အပြုအမူကို မလေးစားဘဲ မနေနိုင်အောင် ဖြစ်ရတယ်လို့ စင်ကာပူနိုင်ငံသူ DJ ရာဆစ်က ပြောပါတယ်။အင်္ဂလန်အသင်းခေါင်းဆောင်ဟောင်း ဒေးဗစ်ဘက်ခမ်းဟာ ဇွန်လ ၁၇ ရက်က စင်ကာပူနိုင်ငံကို ရောက်ရှိလာပြီး Adidas က စီစဉ်ကျင်းပတဲ့ စကားဝိုင်းမှာ (We Got This Talk Show 2.0) ပါဝင်ခဲ့ပါတယ်။
မန်ယူလူငယ်ကစားသမားများသည် အသင်းတွင် စီရော်နယ်လ်ဒို၏လွှမ်းမိုးမှုခံနေရသည်ဟု အမာခံပရိသတ် တစ်ဦးဖြစ်သူ ကမ္ဘာ့ဟဲဗီးဝိတ်ချန်ပီယံ တိုင်ဆန်ဖျူရီက သုံးသပ်ခဲ့သည်။
တိုင်ဆန်ဖျူရီသည် စီရော်နယ်လ်ဒို မရောက်ရှိမီ ၂၀၂၀-၂၁ ဘောလုံးရာသီက ဒုတိယရရှိမှုနှင့် ရောက်ရှိပြီးနောက် ၂၀၂၁-၂၂ ရာသီတွင် အဆင့်(၆)နေရာအထိ ကျဆင်းသွားခဲ့ရမှုကို နှိုင်းယှဉ်ပြောဆိုခဲ့ ခြင်းဖြစ်သည်။
ဝေးလ်တောင်ပံကစားသမားဂါရတ်ဘေးလ်ကို ခေါ်ယူဖို့ အသင်းဟောင်းစပါးအပြင် နယူးကာဆယ်နဲ့ ဗီလာအသင်း တို့ကပါ စိတ်ဝင်စားနေတယ်လို့ သိရပါတယ်။ အသက်(၃၂)နှစ်အရွယ်ဘေးလ်ဟာ အခုရာသီအကုန်မှာ ရီးရဲလ်နဲ့ စာချုပ်သက်တမ်းကုန်ဆုံးခဲ့ပြီဖြစ်ပြီး အလွတ်ပြောင်းရွှေ့ကြေးနဲ့ ထွက်ခွာနိုင်ပြီဖြစ်ပါတယ်။ ဂါရတ်ဘေးလ်ကို ချန်ပီယံရှစ်ကလပ် ကာဒစ်ဖ်အသင်းကလည်း ခေါ်ယူဖို့ စိတ်ဝင်စားနေပါတယ်။ ဂါရတ်ဘေးလ်ဟာ ၂၀၀၇ ခုနှစ်မှာ စပါးအသင်းကို ရောက်ရှိလာခဲ့ပြီး စပါးမှာ (၆)နှစ်ကြာကစားခဲ့စဉ်အတွင်း ခြေစွမ်းပြကစားနိုင်ခဲ့ပါတယ်။ အဲဒီနောက်မှာတော့ ၂၀၁၃ မှာ အဲဒီအချိန်တုန်းက ကမ္ဘာ့စံချိန်တင်ပြောင်းရွှေ့ကြေးနဲ့ ရီးရဲလ်ကို ပြောင်းရွှေ့ခဲ့ပါတယ်။ တောင်ပံကစားသမားဘေးလ်ဟာ ၂၀၂၀ မှာ စပါးကို အငှားစာချုပ်နဲ့ ပြောင်းရွှေ့လာခဲ့ပြီး ဒုတိယအကြိမ် ရောက်ရှိခဲ့ပါတယ်။ ဘီဘီစီရဲ့ဖော်ပြချက်အရ စပါးအသင်းဟာ ဘေးလ်ကို တတိယအကြိမ်ခေါ်ယူဖို့ စိတ်ဝင်စားနေပြီး ဘောလုံးဒါရိုက်တာ ပါရာတစ်စီဟာ ဘေးလ်ရဲ့အခြေအနေကို စောင့်ကြည့်နေပါတယ်။ ဂါရတ်ဘေးလ်ကတော့ နောက်ရာသီ သူပြောင်းရွှေ့ကစားမယ့်အသင်းကို အတည်ပြုထုတ်ပြန်ခြင်းမရှိသေးဘူးလို့ သိရပါတယ်။
SKYNET ရွှေအောင်လံ မြန်မာ့ရိုးရာ လက်ဝှေ့ပြိုင်ပွဲကြီးကို ဇွန် ၂၅ ရက်မှာ စတင်ကျင်းပသွားမှာဖြစ်ပါတယ်။ မြန်မာ့ရိုးရာလက်ဝှေ့ကို ပြည်ပနိုင်ငံတွေအထိ ထိုးဖောက်ဝင်ရောက်ဖို့ရည်ရွယ်ပြီး SKYNET ရုပ်သံလိုင်းက မြန်မာနိုင်ငံရိုးရာလက်ဝှေ့ အဖွဲ့ချုပ်နဲ့ ပူးပေါင်းဆောင်ရွက်ကာ SKYNET ရွှေအောင်လံ မြန်မာ့ရိုးရာ လက်ဝှေ့ ပြိုင်ပွဲကြီးကို စီစဉ်ကျင်းပတာလို့ ဆိုပါတယ်။ အခုပြိုင်ပွဲကို နှစ်စဉ်ကျင်းပနိုင်ဖို့အတွက် စီစဉ်ထားပြီး ပြိုင်ပွဲ ကျင်းပမယ့် အစီအစဉ်နဲ့ပတ်သက်တဲ့ သတင်းစာရှင်းလင်းပွဲကိုတော့ ဇွန် ၁၅ ရက် မွန်းလွဲပိုင်းက အရှေ့မြင်းပြိုင်ကွင်းလမ်းရှိရွှေထွဋ်တင်မှာကျင်းပခဲ့တာပါ။ SKYNET ရွှေအောင်လံမြန်မာ့ရိုးရာ လက်ဝှေ့ပြိုင်ပွဲကြီးမှာ စုစုပေါင်း ဝိတ်တန်း (၄) ခုနဲ့ စိန်ခေါ်ပွဲ (၂) ပွဲ အပါအ၀င် ပွဲစဉ် ပေါင်း (၂၆) ပွဲ ယှဉ်ပြိုင်ထိုးသတ်သွားမှာဖြစ်ပါတယ်။
မသန်စွမ်းအိုလံပစ်ပြိုင်ပွဲဝင်တစ်ယောက်ဖြစ်တဲ့ ဂျာမနီနိုင်ငံသား မားကပ်စ်ရမ်းဟာ အလျားခုန်ပြိုင်ပွဲ ကမ္ဘာ့စံချိန်ရှင် ဖြစ်လာပါတယ်။ အသက် ၃၃ နှစ်အရွယ် မားကပ်စ်ရမ်းဟာ ဩစတြီးယားနိုင်ငံမှာ ကျင်းပခဲ့တဲ့ Golden Roof ပြိုင်ပွဲရဲ့ အလျားခုန်ပြိုင်ပွဲမှာ ၈ ဒဿမ ၆၆ မီတာအထိခုန်ပြီး ကမ္ဘာ့စံချိန်သစ်ကို တင်နိုင်ခဲ့ တာဖြစ်ပါတယ်။ အခုပြိုင်ပွဲက နှစ်စဉ်ကျင်းပနေတဲ့ပြိုင်ပွဲဖြစ်ပြီး အခုနှစ်က ၁၈ ကြိမ်မြောက်ပြိုင်ပွဲဖြစ်ပါတယ်။ မားကပ်စ်ရမ်းဟာ မသန်စွမ်းအားကစားသမားတွေထဲက အကောင်းဆုံး ကစားသမားတစ်ယောက်အဖြစ် သတ်မှတ်ခြင်းခံထားရတာပါ။ သူဟာ ၁၄ နှစ်အရွယ်ကတည်းက မတော်တဆမှုတစ်ခုကြောင့် ညာဘက် ခြေထောက်ကို ဆုံးရှုံးခဲ့ရတာဖြစ်ပြီး မသန်စွမ်းအိုလံပစ် အလျားခုန်ပြိုင်ပွဲ ရွှေတံဆိပ်ဆုကို ၃ ကြိမ်ဆက် ရရှိထားတာဖြစ်ပါတယ်။ အခုပြိုင်ပွဲမှာ သူ့ရဲ့ ကမ္ဘာ့စံချိန်ဟောင်းဖြစ်တဲ့ (၈ ဒဿမ ၆၁)မီတာကို ချိုးဖျက်နိုင်ခဲ့တာ ဖြစ်ပါတယ်။
