၂၀၂၃ ခုနှစ် တက္ကသိုလ်ဝင် စာမေးပွဲ ဖြေဆိုခွင့်ကတ်ပြားတွေကို လာမယ့် ဖေဖော်ဝါရီ ၂၀ ရက်က စတင်ပြီး ထုတ်ယူနိုင်ပြီ ဖြစ်တယ်လို့ မြန်မာနိုင်ငံ စာစစ်ဦးစီးဌာနက ထုတ်ပြန်ကြေညာပါတယ်။ တက္ကသိုလ်ဝင် စာမေးပွဲ ကိုတော့ လာမယ့် မတ် ၈ ရက်ကနေ ၁၈ ရက်အထိ တစ်နိုင်ငံလုံးအတိုင်းအတာနဲ့ ကျင်းပသွားမယ်လို့ ထုတ်ပြန် ထားပြီးဖြစ်ပါတယ်။
ပထဝီနိုင်ငံရေးကြား နစက ၏ နိုင်ငံခြားရေးမူဝါဒများသည် ဘက်မလိုက်နေထိုင်မူကို ပြသလျှက်ရှိကြောင်းတွေ့နေရသည်။မြန်မာသည် တရုတ်၊ အိန္ဒိယတို့နှင့် စီးပွားကူးသန်းမှုများ ပြန်လည်မြင့်တက်လာပြီး အိန္ဒိယ ရေတပ် နှင့်လည်း နီးကပ်သောဆက်ဆံရေးရှိနေသည်။ တရုတ်နှစ်ကူး၊ ဟိန္ဒူပွဲတော်၊ ခရစ်ယာန်ပွဲတော်များကိုလည်း နစက ဥက္ကဌက လာရောက်တက်ပေးခဲ့ခြင်းများလည်းရှိသည်။ ထို့အတူရုရှားနှင့်လည်း ဆက်ဆံရေးပြန်လည်တည်ဆောက် လာနေသည်ကိုတွေ့ရသည်။
ရုရှားနိုင်ငံသည် မြန်မာနိုင်ငံ၏ သံတမန်ဆက်ဆံရေးတွင် ဆဋ္ဌမမြောက်နိုင်ငံဖြစ်ပြီး မြန်မာနိုင်ငံလွတ်လပ်ရေး ရရှိခဲ့သည့် ၁၉၄၈ ခုနှစ်ကပင် သံတမန်ဆက်ဆံခဲ့ကြသည်။
မြန်မာနိုင်ငံတွင် ကြက်သွန်နီစိုက်ဧက ၁ ဒသမ ၇ သိန်းကျော်ရှိပြီး နှစ်စဉ်တန်ချိန် တစ်သန်းကျော် ထွက်ရှိသည့် အတွက် ပြည်ပဈေးကွက်သစ်များသို့ တိုးချဲ့တင်ပို့ရန်စီစဉ်လျက်ရှိကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ပြည်ထောင်စုဝန်ကြီး ဦးအောင်နိုင်ဦးကပြောသည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန အစည်းအဝေးခန်းမ-၁ ၌ကျင်းပသည့် ပြည်တွင်းကြက်သွန်နီ ဈေးနှုန်းတည်ငြိမ်စွာဖြင့် ပြည်ပသို့တိုးမြှင့်တင်ပို့နိုင်ရေး ညှိနှိုင်းအစည်းအဝေးတွင် ပြောကြားခဲ့ခြင်းဖြစ်သည်။
ရှမ်းပြည်နယ်တွင် နှစ်ရပ်ဆက်တိုက် မြေငလျင်များလှုပ်ခတ်ခဲ့ပြီး ဖေဖော်ဝါရီ ၁၆ ရက်(ယနေ့) နံနက်ပိုင်းကလည်း မိုင်းပြင်းမြို့အားဗဟိုပြု၍ အင်အား အနည်းငယ်ရှိသည့် မြေငလျင်တစ်ခုလှုပ်ခတ်ခဲ့သည်ဟု မြန်မာနိုင်ငံ မိုးလေဝသနှင့်ဇလဗေဒညွှန်ကြားမှုဦးစီးဌာနမှ ထုတ်ပြန်ခဲ့သည်။
ယနေ့နံနက် ၇ နာရီ ၃၀ မိနစ် ၁၆ စက္ကန့်က မိုင်းပြင်းမြို့၏ အရှေ့မြောက်ဘက်(၁၈)မိုင်ခန့်အကွာ မြောက်လတ္တီတွဒ် (၂၁ ဒသမ ၄၈)ဒီဂရီ၊အရှေ့ လောင်ဂျီတွဒ် (၉၉ ဒသမ ၂၆)ဒီဂရီ၊အနက်(၁၀) ကီလိုမီတာအားဗဟိုပြု၍ အင်အားရစ်(ခ်)တာစကေး(၄ ဒသမ ၅)အဆင့်ရှိ အင်အားအနည်းငယ်ရှိသော မြေငလျင်တစ်ခုလှုပ်ခတ်ခဲ့ကြောင်း မိုးဇလကထုတ်ပြန်ခဲ့သည်။
ဂျပန်ဘာသာအရည်အချင်းစစ်စာမေးပွဲ (JLPT) ဖြေဆိုရန်လျှောက်လွှာတင်ခြင်းကို အွန်လိုင်းမှတစ်ဆင့် လျှောက်ထားနိုင်ပြီး ယခုနှစ်တွင် လူဦးရေအကန့်အသတ်မရှိ လက်ခံသွားမည်ဖြစ်ကြောင်း မြန်မာနိုင်ငံ ဂျပန်ပြန်ပညာသင်ဟောင်းအသင်း (MAJA) ထံမှ သိရသည်။
အဆိုပါစာမေးပွဲကို ရန်ကုန်နှင့်မန္တလေးမြို့များ၌ ဇူလိုင် ၂ ရက်တွင်ကျင်းပသွားမည်ဖြစ်ပြီး စားမေးပွဲ လျှောက်လွှာ တင်ခြင်းအား လာမည့်ဖေဖော်ဝါရီ ၂၁ ရက်မှစတင်ကာ Level အလိုက် လျှောက်ထားနိုင်မည်ဖြစ်ကြောင်းသိရသည်။
ဂျပန်နိုင်ငံမှ မြန်မာလုပ်သား ၆၀၀ ကျော်အတွက် အလုပ်ကမ်းလှမ်းထားကြောင်း တိုကျိုမြို့ရှိ မြန်မာသံရုံးက ယနေ့ (ဖေဖော်ဝါရီ ၁၅) ရက်တွင် အသိပေးလာသည်။
ဂျပန်နိုင်ငံမှ ၂၀၂၃ ခုနှစ်၊ ဖေဖော်ဝါရီလ (၁) ရက်နေ့မှ ဖေဖော်ဝါရီလ (၁၅) ရက်နေ့ အတွင်းပေးပို့ထားသည့် အလုပ်ကမ်းလှမ်းစာ (၂၄၆)ခုဖြင့် မြန်မာလုပ်သား (၆၀၀) ကျော်ကို အလုပ်ကမ်းလှမ်းထားခြင်းဖြစ်ပြီး ခေါ်ယူသည့် ကုမ္ပဏီများ၏ အချက်အလက်များအား စစ်ဆေးပြီးဖြစ်သည်ဟု ဆိုသည်။
တရုတ်နိုင်ငံမှ တင်သွင်းလာသည့် EV Charger 60KW ငါးစုံသည် ဖေဖော်ဝါရီ ၁၁ ရက်တွင် ရန်ကုန်အပြည်ပြည်ဆိုင်ရာလေဆိပ်သို့ ဒုတိယအကြိမ်ထပ်မံရောက်ရှိခဲ့ကြောင်း သိရသည်။
အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေး ဦးဆောင်ကော်မတီ၏ ခွင့်ပြုချက်ဖြင့် မြန်မာနိုင်ငံအတွင်းသို့ ဒုတိယအကြိမ်အဖြစ် N.P.K Motors ကုမ္ပဏီလီမိတက်မှ ဒုတိယအကြိမ်ထပ်မံတင်သွင်းခြင်းဖြစ်သည်။
၂၀၂၀ မတ်လမှ စတင်ကာ ကိုဗစ်ကြောင့် မြန်မာ-အိန္ဒိယ နယ်စပ်ကုန်သွယ်ရေးဂိတ်များ ပိတ်ထားသော်လည်း ကုန်သွယ်မှုလုပ်ငန်းများ ပုံမှန်အတိုင်း လည်ပတ်နေကြောင်း ကလေး-တမူးနယ်စပ်ကုန်သွယ်ရေးကုန်သည်များ အသင်းမှ သိရသည်။
“အိန္ဒိယဘက်ကတော့ ခုချိန်ထိ ပိတ်ထားတုန်း။ လက်ရှိကုန်သွယ်မှုကတော့ ရှိပါတယ်။ ကွမ်းသီး အစရှိတဲ့ကုန်တွေကိုတော့ ပို့နေကြတာပဲ”ဟု ကလေး-တမူးနယ်စပ်ကုန်သွယ်ရေးကုန်သည်များ အသင်းမှ ဥက္ကဋ္ဌ ဦးလှမောင်က ပြောသည်။
ပဲခူးတိုင်းဒေသကြီး ညောင်လေးပင်မြို့တွင် ဖေဖော်ဝါရီ ၁၃ ရက် နေ့လယ်ပိုင်းက ညောင်လေးပင်ဘူတာရုံစင်္ကြန်၌ ဗုံးပေါက်ကွဲမှုဖြစ်ပွားခဲ့ပြီး ဗုံးပေါက်ကွဲမှုကြောင့် အရပ်သားသုံးဦး သေဆုံးကာ အရပ်သား ကိုးဦးခန့် ထိခိုက်ဒဏ်ရာရရှိသွားခဲ့ကြောင်း သိရသည်။
မြန်မာနိုင်ငံမှဝရိန်ကျွမ်းကျင်လုပ်သား ၅၀၀ ဦးကို ကိုရီးယားနိုင်ငံသို့တရားဝင်စေလွှတ်ခွင့်ရမည်ဖြစ်ကြောင်း ရန်ကုန်မြို့ရှိပြည်ပအလုပ်အကိုင်ရှာဖွေရေး ပုဂ္ဂလိကအေဂျင်စီတစ်ခုထံမှသိရသည်။
အဆိုပါမြန်မာလုပ်သား ၅၀၀ ဦးကို ပြည်တွင်းရှိပုဂ္ဂလိကအေဂျင်စီလေးခုက လုပ်သားစုဆောင်း၍ ကိုရီးယားနိုင်ငံ သင်္ဘောကျင်းလုပ်ငန်းတွင်လုပ်ကိုင်ရန် တရားဝင်စေလွှတ်သွားမည်ဖြစ်ကြောင်း ယင်းပုဂ္ဂလိကအေဂျင်စီမှ တာဝန်ရှိသူတစ်ဦးကပြောသည်။
“ဟုတ်ပါတယ်။ ဝရိန်ကျွမ်းကျင်နဲ့ခေါ်တာပါ။ လောလောဆယ်တော့ လုပ်သားစုဆောင်းနေတုန်းပါပဲ” ဟု အဆိုပါပုဂ္ဂလိကအေဂျင်စီတစ်ခုမှ တာဝန်ရှိသူတစ်ဦးကပြောသည်။
