ရုရှားသမ္မတ ဗလာဒီမာပူတင်သည် တနင်္လာနေ့ (ဇူလိုင် ၁၁ ရက်) တွင် ယူကရိန်းနိုင်ငံသားအားလုံးကို ရုရှားနိုင်ငံသားအဖြစ်ခံယူခွင့်ပြုသည့်အမိန့်ကို လက်မှတ်ရေးထိုးခဲ့သည်။

မကြာသေးမီကာလများက ယူကရိန်းနိုင်ငံ Donetsk နှင့် Luhansk ဒေသများတွင် နေထိုင်သူများနှင့် တောင်ပိုင်း Zaporizhzhia နှင့် Kherson ဒေသများတွင် နေထိုင်သူများသာ ယခုအစီအစဉ်၏ ပထမအသုတ်အဖြစ် အကျုံးဝင်ခဲ့သည်။ သို့သော်ယခုအခါ ပူတင်၏အမိန့်သည် ယူကရိန်းနိုင်ငံသားအားလုံးအတွက် အကျုံးဝင်ခဲ့ပြီး ဖြစ်သည်။ ယခုအခြေအနေနှင့် ပတ်သက်၍မူ ယူကရိန်းအရာရှိများထံမှ တုံ့ပြန်မှု တစ်စုံတစ်ရာ မရရှိသေးပေ။  
သတင္းအျပည့္အစံုကိုၾကည့္ရႈရန္

အမေရိကန်ပြည်ထောင်စုက တောင်ကိုရီးယားနိုင်ငံကို အဆင့်မြင့်ဂျက်တိုက်လေယာဉ်တွေ ပေးပို့လိုက်ပြီး ရက်ပိုင်းအကြာမှာပဲ မြောက်ကိုရီးယားနိုင်ငံက တနင်္ဂနွေနေ့မှာ လက်နက်ကြီးတွေပစ်ခတ်ပြီး စစ်ရေးလေ့ကျင့်ခဲ့ပုံ ရတယ်လို့ တောင်ကိုရီးယားကပြောပါတယ်။ နှစ်နိုင်ငံပူးတွဲစစ်ရေးလေ့ကျင့်ဖို့အတွက် အမေရိကန်က တောင်ကိုရီးယားကို ဂျက်တိုက်လေယာဉ်တွေ ပေးပို့ခဲ့တာပါ။ မြောက်ကိုရီးယားဖက်က ပစ်လွှတ်ခဲ့တယ်လို့ ယူဆရတဲ့ လက်နက်သွားရာလမ်းကြောင်းအတော်များများ တနင်္ဂနွေနေ့ခင်းပိုင်းမှာ ထောက်လှမ်းမိခဲ့တယ်လို့ တောင်ကိုရီးယားပူးတွဲစစ်ဦးစီးများအဖွဲ့ချုပ်အကြီးအကဲရဲ့ကြေညာချက်မှာ ဖော်ပြထားပါတယ်။  
သတင္းအျပည့္အစံုကိုၾကည့္ရႈရန္

သီရိလင်္ကာသမ္မတ Gotabaya Rajapaksa သည် လာမည့်သီတင်းပတ်တွင် ရာထူးမှ နုတ်ထွက်ရန် သဘောတူခဲ့ကြောင်း လွှတ်တော်ဥက္ကဋ္ဌ Mahinda Abeywardana က ပြောကြားခဲ့သည်။၎င်းသည် ဒေါသထွက်နေသော ဆန္ဒပြလူအုပ်ကြီးလက် မှလွတ်မြောက်ရန် ဇူလိုင် ၉ ရက် တွင် ၎င်း၏အစိုးရနေအိမ်‌တော် မှ ထွက်ခွာလာကာ လုံခြုံသည့်နေရာတွင်ရှိနေသည်ဟုသိရှိရသည်။  
သတင္းအျပည့္အစံုကိုၾကည့္ရႈရန္

စပိန်နိုင်ငံ၊ ပန်ပလိုနာမြို့မှာ နှစ်စဉ်ကျင်းပနေကျဖြစ်တဲ့ နွားရိုင်းပွဲတော်ကို ဗုဒ္ဓဟူးနေ့က  မီးရှုးမီးပန်းတွေ ပစ်ဖောက်ပြီး စတင်ခဲ့ပါတယ်။ ကိုဗစ်ကပ်ရောဂါကြောင့် ၂ နှစ်ကြာရပ်ဆိုင်းထားတဲ့ စပိန်ရိုးရာနွားရိုင်းပွဲကို ပြန်လည်ကျင်းပရာမှာတော့ လူပေါင်းထောင်နဲ့ချီပြီး ပါဝင်ဆင်နွဲခဲ့ကြပါတယ်။

မီးရှုးမီးပန်းဖောက်ပြီးပြီးချင်းမှာပဲ ပွဲတော်ကိုလာရောက်တဲ့ပရိသတ်တွေဟာ တစ်ယောက်နဲ့ တစ်ယောက် အနီရောင်ဝိုင်တွေ ပက်ဖြန်းခဲ့ကြပါတယ်။  နွားရိုင်းပွဲမှာ ပါဝင်သူတွေဟာ အနီရောင်အင်္ကျီ ၊ လက်ကိုင်ပဝါအနီတွေ ဝတ်ဆင်ကိုင်ဆောင်ပြီး မြို့ရဲ့ လမ်းကျဉ်းတစ်လျှောက်မှာ ပြေးလွှားပြီး နွားရိုင်းမောင်းခဲ့ကြပါတယ်။  
သတင္းအျပည့္အစံုကိုၾကည့္ရႈရန္

နိုင်ဂျီးရီးယားနိုင်ငံ၊ အဘူဂျာမြို့တော်မှာရှိတဲ့ အကျဉ်းထောင်ဟာ ယမန်နေ့က အကြမ်းဖက်တိုက်ခိုက်မှုခံခဲ့ရပြီး အကျဉ်းသား ၄၀၀ ကျော် လွတ်မြောက်နေကြောင်း သိရပါတယ်။ ဒီဖြစ်ရပ်မှာ အကျဉ်းသားလေးဦး၊ လုံခြုံရေးအစောင့်တစ်ဦးနဲ့ အကြမ်းဖက်သမားတချို့သေဆုံးခဲ့ပြီး အကျဉ်းသားအမြောက်အမြား ထွက်ပြေး လွတ်မြောက်သွားခဲ့တာဖြစ်ပါတယ်။  
သတင္းအျပည့္အစံုကိုၾကည့္ရႈရန္

ဗြိတိန်ဝန်ကြီးချုပ် ဘောရစ်ဂျွန်ဆင်ရာထူးမှ နုတ်ထွက်ကြောင်း ကြေညာပြီးနောက် ကွန်ဆာဗေးတစ်ပါတီအမတ် Tom Tugendhat က ၀န်ကြီးချုပ်ရာထူးအတွက် ကမ်းလှမ်းမှုကို စတင်လိုက်ပြီး၊ မဲဆွယ်စည်းရုံးမှုများကိုပါ စတင်တော့မည်ဖြစ်ကြောင်း သူ၏ပါတီကလည်း ကြေညာလိုက်သည်။ကွန်ဆာဗေးတစ်ပါတီ၏ ခေါင်းဆောင်မှုအတွက် သန့်ရှင်းစွာရပ်တည်လိုကြောင်း သူကဆိုသည်။

“ကျွန်တော်ဟာ စစ်တပ်မှာ အမှုထမ်းခဲ့ပြီးနောက် ပါလီမန်အမတ်အဖြစ် တာဝန်ထမ်းဆောင်နေပါတယ်။ ခုတော့ဖြင့် ၀န်ကြီးချုပ်နေရာကနေ တာဝန်ထမ်းဆောင်ဖို့ မျှော်လင့်နေမိပါတယ်”ဟု တွမ်က ဇူလိုင် ၇ ရက်ညပိုင်း၌ပြောခဲ့သည်။  
သတင္းအျပည့္အစံုကိုၾကည့္ရႈရန္

ဂျပန်ဝန်ကြီးချုပ်ဟောင်းရှင်ဇိုအာဘေးသည် ယနေ့ ဇူလိုင် ၈ ရက်နံနက်ပိုင်းက ဂျပန်နိုင်ငံ အနောက်ပိုင်း၊ နာရာမြို့တွင် မဲဆွယ်စည်းရုံးရေးဆိုင်ရာ ဟောပြောပွဲတစ်ခုပြုလုပ်နေဉ် သေနတ်ဖြင့်ပစ်ခံရသဖြင့် ဆေးရုံသို့ တင်ပို့ကုသလျှက်ရှိကြောင်း ဂျပန်သတင်းဌာနများကရေးသားထားကြသည်။

ရှင်ဇိုအာဘေး ဟောပြောနေစဉ် သေနတ်သံကဲ့သို့သော အသံများကြားလိုက်ရပြီးနောက် လဲကျကာ လည်ပင်းမှ သွေးများထွက်နေကြောင်း သူ၏ လစ်ဘရယ်ဒီမိုကရက်တစ်ပါတီမှ သတင်းရင်းမြစ်တစ်ဦးကပြောသည်။

သေနတ်သံ ၃ ချက်ကြားလိုက်ရပြီးနောက် ထိုသို့လဲကျသွားခြင်းဖြစ်ကြောင်း မျက်မြင်သက်သေတစ်ဦးကဆိုသည်။  
သတင္းအျပည့္အစံုကိုၾကည့္ရႈရန္

ဝန်ကြီးအဖွဲ့ဝင်နှစ်ဦးက သူ့ရဲ့ ခေါင်းဆောင်မှုကို တိုက်ခိုက်ပြီး ရာထူးက နုတ်ထွက်သွားပြီးတဲ့နောက်မှာ ဗြိတိန်ဝန်ကြီးချုပ် ဘောရစ်ဂျွန်ဆင်က နိုင်ငံရေးဆက်လက်ရှင်သန်ရေး တိုက်ပွဲဝင်နေရပါတယ်။ ဘဏ္ဍာရေးဝန်ကြီး ရီရှီဆူနက်နဲ့ ကျန်းမာရေးဝန်ကြီး ဆာဂျစ်ဂျာဗစ် တို့က တစ်ဦးနဲ့ တစ်ဦး ဆယ်မိနစ်အတွင်းမှာ နုတ်ထွက်ခဲ့ပြီး ဒုတိယဝန်ကြီးနဲ့ လက်ထောက် အများအပြားလည်း နုတ်ထွက်ခဲ့ပါတယ်။  
သတင္းအျပည့္အစံုကိုၾကည့္ရႈရန္

ဆိုးလ်၊ ဇူလိုင် ၆

တောင်ကိုရီးယားသည် မြောက်ကိုရီးယား၏ ငါးနှစ်အတွင်း ပထမဆုံးအကြိမ် နျူကလီးယားစမ်းသပ်လာမည်ကို စိုးရိမ်နေပြီး အကယ်၍ မြောက်ကိုရီးယားမှ ရန်စမှုတစ်စုံတစ်ရာရှိလာပါက မဆိုင်းမတွဘဲ ချက်ချင်းပြင်းပြင်း ထန်ထန် လက်တုံ့ပြန်ရန် တောင်ကိုရီယားသမ္မတ ယွန်းဆော့ယိုက ၎င်း၏စစ်တပ်အား အမိန့်ပေးထားကြောင်း သိရသည်။ မေလတွင် အာဏာရလာခဲ့သည့် သမ္မတယွန်းသည် ဇူလိုင်လ ၆ ရက် ဗုဒ္ဓဟူးနေ့တွင် ၎င်း၏ ပထမဆုံးအကြိမ် စစ်ဘက်ဆိုင်ရာ ထိပ်တန်းတပ်မှူးကြီးများနှင့် တွေ့ဆုံဆွေးနွေးပွဲတွင် သဘာပတိအဖြစ် ဦးဆောင်​ဆွေး​နွေးခဲ့သည်။  
သတင္းအျပည့္အစံုကိုၾကည့္ရႈရန္

တောင်တရုတ်ပင်လယ်တွင် မုန်တိုင်းအတွင်း အမှုထမ်း ၃၀ ဦးပျောက်ဆုံးခဲ့သည့် သင်္ဘောပျက်စီးမှု ဖြစ်ခဲ့ပြီးနောက် အလောင်း ၁၂ လောင်းကို တွေ့ရှိခဲ့ရကြောင်း တရုတ်အာဏာပိုင်တွေက ပြောပါတယ်။  
သတင္းအျပည့္အစံုကိုၾကည့္ရႈရန္