ဥရောပမှာ ရုရှားရဲ့ ဓာတ်ငွေ့ အပေါ် မှီခိုရမှုကို လျှော့ချနိုင်ရေးအတွက် သဘာဝဓာတ်ငွေ့ အသုံးပြုမှုကို ၁၅ ရာခိုင်နှုန်း လျှော့ချရေး အစီအစဉ်ကို ဥရောပသမဂ္ဂ စွမ်းအင် ဝန်ကြီးတွေ အင်္ဂါနေ့မှာ အတည်ပြုလိုက်ပြီ ဖြစ်ပါတယ်။ သြဂုတ်လကနေ မတ်လ အတွင်း ဆန္ဒအလျောက် လျှော့ချရေး သဘောတူညီချက် ဖြစ်ပြီး လာမယ့် ဆောင်တွင်းလတွေ အကြိုမှာ အဖွဲ့ဝင် နိုင်ငံတွေ အနေနဲ့ ဓာတ်ငွေ့ သိုလှောင်ရေးကိုလည်း ခွင့်ပြုမှာ ဖြစ်ပါတယ်။
ဖိလစ်ပိုင်သမ္မတ ဂျူနီယာမားကို့စ်သည် တနင်္လာနေ့ (ဇူလိုင် ၂၅ ရက်)က လူတစ်ယောက်ကို တစ်နေရာတည်းမှာကြာကြာထားဖို့မဖြစ်နိုင်သောကြောင့် နိုင်ငံအတွင်းကိုဗစ် ကြောင့်လော့ဒေါင်းချခြင်းများကို လုပ်ဆောင်တော့မည်မဟုတ်ကြောင်း ၎င်း၏နိုင်ငံသို့ပြောကြား သောပထမဆုံးမိန့်ခွန်းတွင် ကတိပြုခဲ့သည်။”ကျန်းမာရေးကိစ္စတွေနဲ့ ပတ်သက်ပြီးတော့မျိုးကွဲအသစ် တွေကိုတွေ့နေသေးရင်ဒါက ကိုဗစ်ရဲ့ခြိမ်းခြောက်မှု ရှိနေသေးတာပဲ” ဟုမားကို့စ်က သူ၏ပထမဆုံးနိုင်ငံတော်မိန့်ခွန်းတွင်ပြောကြားခဲ့သည်။
ပင်လယ်နက်ဆိပ်ကမ်းတွေကနေ ယူကရိန်းရဲ့ သီးနှံတွေ တင်ပို့တာကို ခွင့်ပြုဖို့ ရုရှားက သဘောတူလိုက်လို့ စီးပွားရေး ဖိအားတွေလျော့ကျလာမယ်လို့ မျှော်လင့်နေကြချိန်မှာပဲ ယူကရိန်းကို ထောက်ခံတဲ့ နိုင်ငံတွေကို ထိုးနှက်မှုအဖြစ် ဥရောပကို ဓာတ်ငွေ့ပေးပို့မှုကို လျှော့ချသွားမယ်လို့ ရုရှားက ပြောကြားပါတယ်။သီတင်းပတ်ကုန်ရက်တွေက ယူကရိန်း အိုဒက်ဆာဆိပ်ကမ်းကို ရုရှားဒုံးကျည် တိုက်ခိုက်မှု ရှိခဲ့ပေမယ့် သောကြာနေ့က သဘောတူညီချက်ရပြီးနောက် ရက်အနည်းငယ်အတွင်း ယူကရိန်း ကုန်စည်သင်္ဘောတွေ စတင်ထွက်ခွာမယ်လို့ ကုလသမဂ္ဂက ပြောကြားခဲ့ပါတယ်။
အိန္ဒိယနိုင်ငံရဲ့ သမ္မတသစ်အဖြစ် ကျောင်းဆရာမကနေ နိုင်ငံရေးလောကထဲ ဝင်လာတဲ့ ပထမဆုံး တောင်ပေါ်လူမျိုးစုအနွယ်ဝင် အမျိုးသမီး Droupadi Murmu ဒီနေ့ ကျမ်းသစ္စာကျိန်ဆိုပါတယ်။အိန္ဒိယမှာ သမ္မတရာထူးဟာ အာဏာထက် နိုင်ငံ့ခေါင်းဆောင်အဖြစ် ပွဲတက်သင်္ကေတ သဘောသာ ဆောင်ပေမဲ့လည်း Droupadi Murmu သမ္မတဖြစ်လာတာဟာ အိန္ဒိယမှာ အလေးထားမခံရတဲ့ တိုင်းရင်းသားလူမျိုးစု အသိုက်အဝန်း အတွက် အောင်မြင်မှု သင်္ကေတဖြစ်နေပါတယ်။
ဖိလစ်ပိုင်နိုင်ငံ မနီလာမြို့တော်ဒေသတွင်းရှိ တက္ကသိုလ်တစ်ခု၏ ဘွဲ့နှင်းသဘင်အခမ်းအနားတွင် ဇူလိုင် ၂၄ ရက်က သေနတ်ပစ်မှုတစ်ခုဖြစ်ပွားရာ မြို့တော်၀န်ဟောင်းတစ်ဦးအပါအ၀င် လူ၃ ဦးသေဆုံးပြီး အခြားသူ ၂ဦး ဒဏ်ရာရရှိခဲ့သည်။ ယင်းသေနတ်ပစ်မှုသည် ဖိလစ်ပိုင်တောင်ပိုင်း Lamitan မြို့တော်၀န်ဟောင်း Rose Furigay ကို ပစ်မှတ်ထားပြီး လုပ်ကြံမှုဖြစ်ဟန်တူကြောင်း Quezon မြို့တော် ရဲချုပ် Remus Medina ကပြောသည်။သေနတ်သမားမှာ ဖမ်းဆီးရမိထားပြီး စစ်ဆေးမေးမြန်းနေကြောင်း သူကပြောသည်။
စင်ကာပူနိုင်ငံတွင် ယနေ့အထိ မျောက်ကျောက်ရောဂါဖြစ်ပွားနေသူ အမျိုးသား ၆ ဦးကို စစ်ဆေးတွေ့ရှိထားကြောင်း ကျန်းမာရေး၀န်ကြီးဌာနက ယနေ့ ဇူလိုင် ၂၄ တွင် သတင်းထုတ်ပြန်သည်။
သို့ရာတွင် ယင်းမျောက်ကျောက်ရောဂါကို ကာကွယ်ဟန့်တားရန်အတွက် လက်ရှိအခြေအနေတွင် ကျယ်ကျယ်ပြန့်ပြန့်(သို့)ကြီးကြီးမားမား ကန့်သတ်ချက်များ ပြဌာန်းရန် မလိုအပ်သေးကြောင်း စင်ကာပူရှိ ကျန်းမာရေးကျွမ်းကျင်သူများကပြောသည်။
ရုရှားနိုင်ငံရဲ့ ယူကရိန်းနဲ့ပတ်သက်တဲ့စစ်ရေးရည်မှန်းချက်ဟာ အနောက်နိုင်ငံတွေရဲ့လုပ်ရပ်ကြောင့် ပြောင်းလဲ သွားခဲ့ပြီဖြစ်ကြောင်း ရုရှားနိုင်ငံခြားရေးဝန်ကြီး ဆာဂေးလဗ်ရော့ဗ်က ပြောကြားခဲ့ပါတယ်။ ရုရှားမီဒီယာတွေနဲ့ အင်တာဗျူးခဲ့ရာမှာ ယူကရိန်းကို တာဝေးပစ်လက်နက်တွေ ထောက်ပံ့နေတဲ့ အနောက်နိုင်ငံတွေကြောင့် ရုရှားရဲ့စစ်ရေးပစ်မှတ်ကို ချဲ့ထွင်သွားမှာဖြစ်ပြီး ယူကရိန်းအရှေ့ပိုင်း နယ်မြေတွေကို ကျော်လွန်သိမ်းပိုက်သွားမယ်လို့ ပြောကြားခဲ့တာဖြစ်ပါတယ်။ ယူကရိန်းစစ်တပ်အနေနဲ့ လာမယ့်ရက်ပိုင်းမှာ အမေရိကန်လုပ် ဟိုင်းမားစ် (Himars) ဒုံးကျည်စနစ် လေးခုကို ထပ်မံလက်ခံရရှိမှာဖြစ်ပြီး စုစုပေါင်း ၁၆ ခုအထိ အသုံးပြုနိုင်တော့မယ်လို့ အမေရိကန် ပင်တဂွန်စစ်ဌာနချုပ်က ကြေညာခဲ့ပါတယ်။ တစ်ချိန်တည်းမှာပဲ ယူကရိန်းသမ္မတကတော်အိုလီနာဇီလန်စကီးက လေကြောင်းကာကွယ်ရေးလက်နက်တွေ ပိုမိုထောက်ပံ့ပေးကြဖို့ အမေရိကန်လွှတ်တော်မှာ တောင်းဆိုခဲ့တယ်လို့ သိရပါတယ်။ -Ref:BBC
အမေရိကန်သမ္မတ ဂျိူးဘိုင်ဒင်တွင် COVID-19 ရောဂါပိုး စစ်ဆေးတွေ့ရှိကြောင်း အိမ်ဖြူတော် တာ၀န်ရှိသူက ယနေ့ ဇူလိုင် ၂၁ ရက်တွင် ပြောကြားသည်။ “ဒီနေ့မနက်ဆေးစစ်ရာမှာ သမ္မတ ဘိုင်ဒင်ဟာ ကိုဗစ် ပေါ့စတစ် ဖြစ်နေကြောင်း စစ်ဆေးတွေ့ရှိခဲ့ပါတယ်။ သူဟာ ကာကွယ်ဆေးအပြည့်ထိုးပြီးဖြစ်တဲ့အပြင် ထပ်လောင်း ကာကွယ်ဆေးနှစ်ကြိမ်ထိုးထားပြီးဖြစ်ပါတယ်။ ခုအခါမှာတော့ သူဟာ အရမ်ပျော့တဲ့ ရောဂါလက္ခဏာတွေကို ပြသနေပါတယ်”ဟု အိမ်ဖြူတော် သတင်းပြန်ကြားရေးမှူး Karine Jean-Pierre က ပြောသည်။
ဖေဖော်ဝါရီ ၂၄ မှာ ရုရှားက ယူကရိန်းကို ကျူးကျော်ပြီးနောက် သူ့ရဲ့ ပထမဆုံး နိုင်ငံရပ်ခြားခရီးစဉ်မှာ ရုရှားသမ္မတ ဗလာဒီမာ ပူတင်က တီဟီရန်မြို့မှာ အီရန်ထိပ်သီးခေါင်းဆောင် အယာတိုလာအလီခါမေနီနဲ့ တွေ့ဆုံဆွေးနွေးခဲ့ ပါတယ်။ တီဟီရန်မြို့မှာရောက်ရှိနေချိန်မှာပဲ မစ္စတာ ပူတင်က နေတိုးအဖွဲ့ခေါင်းဆောင်တစ်ဦးဖြစ်တဲ့ တူရကီသမ္မတတေရစ်အာဒိုဂန်နဲ့ တွေ့ဆုံပြီး ယူကရိန်း နှံစားသီးနှံများ ပင်လယ်နက်မှတစ်ဆင့် နိုင်ငံခြားတင်ပို့ရေးနဲ့ ဆီးရီးယားနိုင်ငံမြောက်ပိုင်း အရေးတွေနဲ့ပတ်သက်ပြီး ဆွေးနွေးခဲ့ပါတယ်။
