တပ်မတော်သို့ လှူဒါန်းထားသည့် ၂၇၈၉ ဒသမ ၂၅ ကာရက်ရှိ နိုင်ငံတော်ပတ္တမြား(နစက)အဖြစ် ဂုဏ်ပြုခေါ်ဝေါ်သည့် ပတ္တမြားကြီးအား ဇူလိုင် ၇ ရက်တွင် နေပြည်တော်ရှိ တပ်မတော်ကာကွယ်ရေးဦးစီးချုပ်ရုံး၌ နိုင်ငံတော်သို့ တပ်မတော်မှလှူဒါန်းခဲ့သည်။
မကြာမီက နိုင်ငံတော်နှင့်တပ်မတော်အားချစ်မြတ်နိုးသည့် လူငယ်တစ်ဦးက ၎င်း၏ မိဘဘိုးဘွားများလက်ထက်က ထိန်းသိမ်းထားသည့် ပတ္တမြားကြီးအား တပ်မတော်သို့ လှူဒါန်းရန်အတွက် ကမ်းလှမ်းလာခဲ့သည်ဟု နစက ဥက္ကဋ္ဌမှပြောသည်။
(၆-၇-၂၀၂၂) ရက်နေ့၊ ည (၈:၀၀) နာရီမှ (၇-၇-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၄,၉၆၆) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၁၂) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၂၄) ရာခိုင်နှုန်း ရှိပါသည်။
ဇူလိုင် ၆၊ နေပြည်တော်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဝင်များမှ ကရင်ပြည်နယ် “ဥကရစ်ထစခန်း” တိုက်ပွဲစဉ်တလျှောက် အစအဆုံးပါဝင်တိုက်ခိုက်ခဲ့သော တိုက်ပွဲဝင်တပ်မတော်သားများနှင့် ရှေ့တန်းရောက်တပ်မတော်သားများအတွက် စားသောက်ဖွယ်ရာပစ္စည်းများ စုစုပေါင်းတန်ဘိုးငွေ သိန်း(၂၀၀) ပေးအပ်လှူဒါန်းပွဲ အခမ်းအနားကို ၂၀၂၂ ခုနှစ်၊ ဇူလိုင်လ ၆ ရက်နေ့ နံနက် ၀၉:၀၀ နာရီအချိန်တွင် နေပြည်တော်တိုင်းစစ်ဌာနချုပ်ရှိ ပေါင်းလောင်းရိပ်သာခန်းမတွင် ကျင်းပပြု လုပ်ခဲ့ရာ ပါတီအထွေထွေအတွင်းရေးမှူး ဦးသက်နိုင်ဝင်း၊ ဗဟိုအတွင်းရေးမှူး ဒေါက်တာကျော်ကျော်ဌေး၊ ဌာနချုပ်မှူး ဦးသောင်းရွှေတို့မှ ပေးအပ်လှူဒါန်း၍ နေပြည်တော်တိုင်းစစ်ဌာနချုပ် တိုင်းမှူး ဗိုလ်ချုပ်ဇော်ဟိန်းမှ လက်ခံခဲ့ပြီး ဂုဏ်ပြုမှတ်တမ်းလွှာ ပြန်လည်ပေးအပ်ခဲ့ပါသည်။
တောင်ကိုရီးယားနိုင်ငံတွင် ကုန်ထုတ်လုပ်သားအဖြစ် လုပ်ကိုင်မည့် မြန်မာနိုင်ငံသား ၁၃၀ ကို ဇူလိုင် ၅ ရက်တွင် ထပ်မံစေလွှတ်ခဲ့ရာ အင်ချွန်းအပြည်ပြည်ဆိုင်ရာလေဆိပ်သို့ ရောက်ရှိခဲ့ကြောင်း ကိုရီးယားနိုင်ငံဆိုင်ရာ မြန်မာသံရုံးမှ ထုတ်ပြန်ထားသည်။ တောင်ကိုရီးယားနိုင်ငံအစိုးရသည် မြန်မာနိုင်ငံမှ တရား၀င်အလုပ်သမားများအား ပြန်လည် လက်ခံလျက်ရှိရာ ၂၀၂၂ ခုနှစ် ဇူလိုင် ၅ ရက်တွင် ကုန်ထုတ်လုပ်သားအဖြစ် အသစ်ဝင်ရောက်လုပ်ကိုင်မည့် လုပ်သားသစ် ၁၃၀ တို့သည် ရန်ကုန်မှအင်ချွန်းအပြည်ပြည်ဆိုင်ရာ လေဆိပ်သို့ရောက်ရှိခဲ့ရာ မြန်မာသံရုံး ဆိုးလ်မြို့မှ အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့် အချက်များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်းသိရသည်။
ပြည်ပရောက် မြန်မာနိုင်ငံသားများ အနေဖြင့် နိုင်ငံကူးလက်မှတ် သက်တမ်းကုန်ဆုံးလျှင် မြန်မာနိုင်ငံသို့ ပြန်လည်လျှောက်ထားရမည်ဆိုသည့် သတင်းမှာ သတင်းအမှားသာဖြစ်ကြောင်း နိုင်ငံခြားရေးဝန်ကြီးဌာနက ဇူလိုင် ၆ ရက်တွင် သတင်းထုတ်ပြန်သည်။
အဆိုပါထုတ်ပြန်ချက်တွင် ပြည်ပရောက် မြန်မာနိုင်ငံသားများအနေဖြင့် ၎င်းတို့၏ နိုင်ငံကူးလက်မှတ်များ သက်တမ်းကုန်ဆုံးသွားပါက သက်တမ်းတိုးလျှောက်ထားခြင်း လုပ်ငန်းကို မြန်မာနိုင်ငံ၌ ပြန်လည်လျှောက် ထားရမည်ဖြစ်ကြောင်း ဆိုရှယ်မီဒီယာများနှင့် လူမှုကွန်ရက်စာမျက်နှာများတွင် ပျံ့နှံ့လျက်ရှိသည်ကို တွေ့ရှိရကြောင်း၊ အဆိုပါဖော်ပြချက်များမှာ သတင်းမှားများသာဖြစ်ကြောင်း အသိပေးအပ်ပါသည်ဟု ဖော်ပြထားသည်။
(၅-၇-၂၀၂၂) ရက်နေ့၊ ည (၈:၀၀) နာရီမှ (၆-၇-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၅,၄၅၆) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၁၁) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၂၀) ရာခိုင်နှုန်း ရှိပါသည်။
ေက်ာက္မဲ ဇူလုိင္ ၅
ေက်ာက္မဲၿမိဳ့နယ္ ျပည္ခိုင္ၿဖိဳးပါတီဥကၠ႒ ဦးလွတင္၊ အတြင္းေရးမႈး ေဒၚနန္းသန္းသန္ဆင့္၊ ဘ႑ာေရးမွူး ေဒၚျဖဴျဖဴျမင့္၊ ၿမိဳ့နယ္ေကာ္မတီဝင္ဦးေမာင္ညြန္႔၊ ေဒၚခ်ိဳစႏၵာဦး၊ ေဒၚဝတ္ရည္လင္းႏွင့္ ႐ုံးအဖြဲ႕ဝင္မ်ားသည္ အ.မ.က (၅) မူလြန္ေက်ာင္းသို႕ ဗလာစာအုပ္(၁၈)ဒါဇင္၊ အေဝရာဝါသဘုန္းေတာ္ႀကီးရွိေက်ာင္းရွိ စာသင္သံဃာေတာ္ မ်ားအား ဗလာစာအုပ္( ၁၇)ဒါဇင္ သြားေရာက္လႉဒါန္းခဲ့ပါသည္။
မော်လမြိုင်၊ ဇူလှိုင် ၅
ကရင်ပြည်နယ်၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ မြ၀တီမြို့နယ် ဝေါလေဒေသတွင် လုံခြုံရေးနှင့် နယ်မြေစိုးမိုးရေး တာ၀န်ထမ်းဆောင်လျက်ရှိသည့် တပ်မတော်သားများအတွက် ဂုဏ်ပြုချီးမြှင့်ငွေ သိန်း ၂၀ ကျပ်ကို ၄-၇-၂၀၂၂ ရက်နေ့ နံနက်ပိုင်းတွင် သွားရောက်လှူဒါန်းခဲ့ပါသည်။
အလှူငွေကို ကရင်ပြည်နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဒေါ်နန်းနီနီအေးမှ အရှေ့တောင်တိုင်း စစ်ဌာနချုပ် တိုင်းမှူး ဗိုလ်ချုပ် ကိုကိုမောင် ထံသို့ သွားရောက်လှူဒါန်းခဲ့ခြင်းဖြစ်ကြောင်းသိရှိရပါသည်။
ဇူလိုင် ၄၊ နေပြည်တော်
နေပြည်တော်၊ ပြည်ထောင်စုနယ်မြေ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ပြည်ထောင်စုနယ်မြေ ပါတီကော်မတီဝင်များ၊ ခရိုင်ပါတီမှ ပါတီဥက္ကဋ္ဌများ၊ မြို့နယ် (၈)မြို့နယ်မှ ပါတီဥက္ကဋ္ဌများ စုံညီအစည်းအဝေးကို ၄-၇-၂၀၂၂ ရက်နေ့ နံနက် (၀၉၃၀) နာရီအချိန်တွင် ပြည်ထောင်စုနယ်မြေပါတီရုံးတွင် ကျင်းပပြုလုပ်ခဲ့ပါ သည်။
ပြည်ထောင်စုရွေးကောက်ပွဲကော်မရှင် (UEC)အနေဖြင့် မြန်မာနိုင်ငံတွင် တည်ဆဲနိုင်ငံရေးပါတီ ၉၂ ပါတီအနက် ၈၅ ပါတီစစ်ဆေးပြီး စီးခဲ့သည့်အတွက် စစ်ဆေးရန် ခုနစ်ပါတီသာ ကျန်ရှိတော့ကြောင်း ပြည်ထောင်စုရွေးကောက်ပွဲ ကော်မရှင်က ဇူလို်င် ၅ ရက်တွင် ထုတ်ပြန်သည်။
