မန်ယူအသင်းက ထွက်ခွါတော့မယ့် ကက်စ်မဲရိုး
=========================
မန်ယူအသင်း ဝါရင့်ကွင်းလယ်ကစားသမား ကက်စ်မဲရိုးက ယခုဘောလုံးရာသီအကုန်တွင် အသင်းမှ ထွက်ခွာမည့် ဆုံးဖြတ်ချက်ကို ပြန်လည် ပြင်ဆင်သွားမည်မဟုတ်ဘဲ ယခင်ဆုံးဖြတ်ချက်အတိုင်း ဘောလုံးရာသီအကုန်တွင် အသင်းမှထွက်ခွာ မည်ဟု ပြောကြားခဲ့ကြောင်း သိရသည်။
မြန်မာနွယ်ဖွား မွန်တိုင်းရင်းသားဆွန်ရတ်နှင့် မွေထိုင်းဝါရင့်ဖိုက်တာ ဒက်ဒူအန်လတ်တို့ ယှဉ်ပြိုင်ထိုးသတ်မည်
========================
လာမည့် မတ်လ (၂၇)ရက်၌ ONE FF – 148 ပွဲစဉ်အတွင်းမြန်မာနွယ်ဖွား မွန်တိုင်း ရင်းသား ဆွန်ရတ်နှင့် မွေထိုင်းဝါရင့်ဖိုက်တာ ဒက်ဒူအန်လတ်တို့ ယှဉ်ပြိုင်ထိုးသတ်သွားမည်ဖြစ်ကြောင်း သိရသည်။
ပြိုင်ဘက်ဖြစ်သူ ဒတ်ဒူအန်လတ်သည် Flyweight တန်း၏ အဆင့်မြင့်ဖိုက်တာများဖြစ်သည့် Enmanzhaliev၊ Nakrob နှင့် Aslamjon Ortikov တို့နှင့်ရင်ဆိုင်ဖူးသည့် အတွေ့အကြုံရင့်သူ တစ်ဦးလည်းဖြစ်သည်။
တိုက်စစ်မှူး ဂရီးဇ်မန်းနှင့် အော်လန်ဒိုစီးတီး ၂ နှစ် စာချုပ်ဖွယ်ရှိ
=====================
အက်သလက်တီကိုအသင်းရဲ့ ပြင်သစ်တိုက်စစ်မှူး ဂရီးဇ်မန်းဟာ မေဂျာလိဂ်ကလပ် အော်လန်ဒိုစီးတီးနဲ့ စာချုပ်ချုပ်ဆိုဖိုအတွက် အခုတစ်ပတ်အတွင်း အမေရိကန်ကို သွားမယ်လို့ သိရပါတယ်။
ဂရီးဇ်မန်း(၃၅ နှစ်)ဟာ ရာသီကုန်မှာ အက်သလက်တီကိုအသင်းနဲ့ စာချုပ်သက်တမ်းကုန်ဆုံးမှာဖြစ်တာကြောင့် အော်လန်ဒိုစီးတီးအသင်းက ပြောင်းရွှေ့ကြေးအလွတ်နဲ့ ခေါ်ယူနိုင်မှာပါ။
အာဆင်နယ်ကို နှစ်ဂိုးပြတ်အနိုင်ယူကာ ကာရာဘောင်ဖလားကို ဆွတ်ခူးသွားတဲ့ မန်စီးတီး
====================
မန်စီးတီးအသင်းဟာ ဒုတိယပိုင်းအတွင်း အိုရိုင်လေသွင်းယူခဲ့တဲ့ ခေါင်းတိုက်ဂိုးနှစ်ဂိုးနဲ့အတူ အာဆင်နယ်ကို အနိုင်ယူကာ ဒီနှစ်ရာသီ ကာရာဘောင်ဖလားကို ဆွတ်ခူးသွားခဲ့ပါတယ်။
အဓိကခံစစ်မှူးတွေ ဒဏ်ရာရနေပေမဲ့ အကီနဲ့ ကူဆာနော့ဗ်တို့က အာဆင်နယ်တိုက်စစ်ကို အကောင်းဆုံးထိန်းချုပ်ကာ အခွင့်အရေးမပေးရအောင် တားဆီးသွားနိုင်ခဲ့ပါတယ်။
အာဆင်နယ်ကတော့ ဒုတိယပိုင်းအတွင်း ခံစစ်ပိတ်ကစားမှုကနေ အခွင့်အရေးတွေအကြိမ်ကြိမ်ပေးခဲ့ရပြီးနောက် နှစ်ဂိုးဆက်ခွင့်ပြုရကာ ဖလားတစ်လုံးလက်လွှတ်ခဲ့ရပါတယ်။
FIFA ဥက္ကဋ္ဌက ရှမ်းယူနိုက်တက်အသင်းအား ဂုဏ်ပြုစကားပြော
======================
ရှမ်းယူနိုက်တက်အသင်းသည် အာရှဒေသတွင်း ကလပ်အ သင်းများအတွက် စံနမူနာပြအသင်း တစ်သင်းဖြစ်ကြောင်း ကမ္ဘာ့ဘောလုံးအဖွဲချုပ်(FIFA)ဥက္ကဋ္ဌက ဂုဏ်ပြုစကား ပြောကြားခဲ့ကြောင်း သိရသည်။
သမိုင်းဝင် အောင်မြင်မှုကို အသိအမှတ်ပြု ချီးမြှင့်ပေးသည့်အတွက် FIFA ဥက္ကဋ္ဌကို အထူးကျေးဇူးတင်ရှိကြောင်း ရှမ်းယူနိုက်တက်အသင်းက မတ်လ (၂၂) ရက်တွင် အသိပေးထားသည်။
ဆီနီဂေါအသင်းအသင်းရဲ့ ဖလားကို လွှဲပြောင်းရယူခဲ့တဲ့ မော်ရိုကိုအသင်း
============================
အာဖရိကဘောလုံးအဖွဲချုပ်(CAF)ဟာ ၂၀၂၅ အာဖရိကနိုင်ငံများဖလားဗိုလ်လုပွဲရလဒ်ကို ပယ်ဖျက်လိုက်ပြီး မော်ရိုကိုအသင်းကို (၃-၀)ဂိုးနဲ့ အနိုင်ပေးလိုက်ကြောင်း သိရပါတယ်။
ပြီးခဲ့တဲ့ ဇန်နဝါရီ(၁၈)ရက်နေ့က မော်ရိုကိုနိုင်ငံမှာ ကျင်းပခဲ့တဲ့ ဗိုလ်လုပွဲမှာ ဆီနီဂေါအသင်းက (၁-၀)ဂိုးနဲ့ အနိုင်ရရှိပြီး ချန်ပီယံဆုဆွတ်ခူးခဲ့ပေမဲ့ ဆီနီဂေါကစားသမားတွေက ပွဲချိန်အတွင်း ကွင်းထဲက ထွက်ခွာသွားခဲ့တဲ့အတွက် အခုလို အရေးယူခဲ့ခြင်းဖြစ်ကြောင်း သိရပါတယ်။
ဖြစ်ပွားပုံကတော့ ပွဲကစားချိန် မိနစ်(၉၀)ပြည့်လို နာကျင်အချိန်ပိုရောက်ရှိချိန်မှာ ကွင်းလယ်ဒိုင်က မော်ရိုကိုအသင်းကို ပယ်နယ်တီပေးခဲ့တဲ့အတွက် ဆီနီဂေါနည်းပြနဲ့ ကစားသမားတွေက ဆန္ဒပြတဲ့အနေနဲ့ ဆက်မကစားတော့ဘဲ ကွင်းထဲက ထွက်ခွာသွားခဲ့ပါတယ်။
လီဗာပူးလ်ကစားသမားဟောင်း မာနေးရဲ့ ဖျောင်းဖျမှုကြောင့် (၁၇)မိနစ်လောက် ပွဲကိုရပ်နားခဲ့ရပြီးမှ ပြန်ကစားနိုင်ခဲ့တာဖြစ်ပြီး မော်ရိုကိုအသင်းအတွက် ဘရာဟင်မ်ဒီယက်ဇ်ရဲ့ ပယ်နယ်တီကန်ချက်ကို ဆီနီဂေါဂိုးသမား မန်ဒီက ကာကွယ်နိုင်ခဲ့ပါတယ်။
အချိန်ပိုမှာတော့ ဆီနီဂေါအသင်းက ဂေးယီရဲ့ဂိုးနဲ့ မော်ရိုကိုအသင်းကို အနိုင်ယူပြီး ချန်ပီယံဆုဆွတ်ခူးခဲ့တာဖြစ်ပါတယ်။
ဒါပေမဲ့ မော်ရိုကိုဘောလုံးအဖွဲချုပ်ရဲ့ အယူခံတင်သွင်းမှုကြောင့် အာဖရိကဘောလုံးအဖွဲချုပ်က အမှုစစ်အဖွဲ ဖွဲစည်းပြီး ပြန်လည်စစ်ဆေးကာ အခုလို ဆုံးဖြတ်ချက်ချမှတ်လိုက်ခြင်းဖြစ်ကြောင်း သိရပါတယ်။
ဒီဆုံးဖြတ်ချက်အတွက် ဆီနီဂေါဘောလုံးအဖွဲချုပ်က နိုင်ငံတကာအားကစားခုံရုံး(CAS)ထံ အယူခံတင်သွင်းဖွယ်ရှိကြောင်းလည်း သိရပါတယ်။
