မြန်မာ့လက်ရွေးစင် ဖူဆယ်အသင်း၏ အာရှဖလား ခြေစစ်ပွဲစဉ်များ
=======================
စက်တင်ဘာလအတွင်း၌ မြန်မာ့လက်ရွေးစင် ဖူဆယ်အသင်း၏ အာရှဖလား ခြေစစ်ပွဲစဉ်များကို ရန်ကုန်မြိုရှိ MFF Futsal Stadium တွင် ကျင်းပသွားရန် ရှိနေသည်။
ထိုပွဲစဉ်များကို စက်တင်ဘာ (၂၀) ရက်မှ (၂၄) ရက်အထိ ကျင်းပသွားမည်ဖြစ်ပြီး မြန်မာအသင်းသည် အာဖဂန်နစ္စတန်၊ မော်လ်ဒိုက်အသင်းတိုနှင့် ယှဉ်ပြိုင်ရမည် ဖြစ်သည်။
===================
အေစီမီလန်အသင်း ကွင်းလယ်ကစားသမား မိုဒရစ် ဟာ အီတလီစီးရီးအေမှာ ဂိုးသွင်းယူနိုင်သည့် ပဉ္စမမြောက် အသက်ကြီးဆုံးကစားသမားအဖြစ် စံချိန်မှတ်တမ်းဝင်ခဲ့ကြောင်း သိရပါတယ်။
အသက် ၄၀ ပြည့်ပြီးဖြစ်တဲ့ မိုဒရစ် အနေနဲ့ အီတလီစီးရီးအေပွဲစဉ်အဖြစ် အေစီမီလန်အသင်းက ဘိုလော့ဂ်နာ အသင်းကို တစ်ဂိုး၊ ဂိုးမရှိဖြင့် အနိုင်ရရှိခဲ့တဲ့ပွဲစဉ်မှာ အသင်းအတွက် အနိုင်ဂိုးသွင်းယူပေးပြီးနောက် ယခုလို မှတ်တမ်းတစ်ရပ် ပိုင်ဆိုင်ခဲ့ခြင်းဖြစ်ပါတယ်။
ရီးယဲလ်အသင်းအတွက် ဂိုး(၅၀) အမြန်ဆုံးသွင်းနိုင်တဲ့ကစားသမားအဖြစ် ဘာပေ မှတ်တမ်းဝင်
==================
ယနေ့နံနက်အစောပိုင်းက ချန်ပီယံလိဂ်ပွဲစဉ်မှာ ယှဉ်ပြိုင်ကစားခဲ့တဲ့ ရီးယဲလ်မက်ဒရစ်အသင်းရဲ့ တိုက်စစ်မှူး ဘာပေဟာ စီရော်နယ်လ်ဒိုရဲ့နောက် ရီးယဲလ်အသင်းအတွက် ဂိုး(၅၀)အမြန်ဆုံးသွင်းနိုင်တဲ့ ကစားသမားအဖြစ် မှတ်တမ်းဝင်ခဲ့ကြောင်း သိရပါတယ်။
ပြင်သစ်တိုက်စစ်မှူး ဘာပေဟာ မာဆေးလ်အသင်းကို (၂-၁)ဂိုးနဲ့ အနိုင်ရရှိတဲ့ ချန်ပီယံလိဂ်ပွဲစဉ်မှာ အသင်းအတွက် ပယ်နယ်တီကနေ (၂)ဂိုးစလုံးသွင်းယူပြီး ဒီမှတ်တမ်းကို ပိုင်ဆိုင်ခဲ့တာဖြစ်ပါတယ်။
==============
မန်ယူတိုက်စစ်မှူးဟောင်း မာရှယ် ဟာ ဂရိကလပ် AEK အေသင်အသင်းမှ မက္ကဆီကိုကလပ် မွန်တာရေး အသင်းသို့ ပြောင်းရွှေ့သွားခဲ့ပါတယ်။
အသက် ၂၉ နှစ်အရွယ်ရှိပြီဖြစ်တဲ့ အန်တိုနီ မာရှယ် ဟာ မွန်တာရေး အသင်းနဲ့ နှစ်နှစ်စာချုပ်ဆိုခဲ့ပြီး တစ်နှစ်သက်တမ်းတိုးခွင့်လည်း ပါဝင်ခဲ့ပါတယ်။
မန်ယူအသင်း တန်းဆင်းသွားမယ်လို့ စူပါကွန်ပျူတာ တွက်ချက်ထား
==========
နာမည်ကျော် အချက်အလက်ဝက်ဘ်ဆိုက် Opta ရဲ့ စူပါကွန်ပျူတာက ဒီရာသီမှာ မန်ယူအသင်း ချန်ပီယံလိဂ်ဝင်ခွင့်ရရှိဖို့ထက် တန်းဆင်းရဖို့က ဖြစ်နိုင်ခြေပိုများတယ်လို့ တွက်ချက်ထားကြောင်း သိရပါတယ်။
===============
ဥရောပဘောလုံးအဖွဲ့ချုပ်(UEFA)က ၂၀၂၆-၂၇ ရာသီ ချန်ပီယံလိဂ်ဗိုလ်လုပွဲကို အက်သလက်တီကိုအသင်း ရဲ့ Riyadh Air Metropolitano ကွင်းမှာ ကျင်းပဖို့ဆုံးဖြတ်လိုက်ကြောင်း သိရပါတယ်။
အဆိုပါ အက်သလက်တီကို အသင်း ကစားကွင်းကို ၂၀၁၇ ခုနှစ်မှာ စတင်ဖွင့်လှစ်ခဲ့ခြင်းဖြစ်တာကြောင့် (၁၀)နှစ်ပြည့် အထိမ်းအမှတ်အဖြစ် ချန်ပီယံလိဂ် ဗိုလ်လုပွဲ လက်ခံကျင်းပခွင့်ရရှိခဲ့တာ ဖြစ်ပါတယ်။
မန်ယူကွင်းလယ်လူဟောင်း အဲရစ်ဆင် ဝုဖ်ဘတ်အသင်းသို့ ပြောင်းရွှေ့
================================
ဒိန်းမတ်ကွင်းလယ်လူ အဲရစ်ဆင်ဟာ ပြီးခဲ့တဲ့ရာသီအကုန်မှာ မန်ယူအသင်းကနေ ထွက်ခွာခဲ့ပြီးတဲ့နောက် ဝုဖ်ဘတ်အသင်းသိူ့ ပြောင်းရွှေ့ခဲ့ပါတယ်။ အသက်(၃၃)နှစ်အရွယ်ကစားသမားဟာ ဝုဖ်ဘတ်အသင်းနဲ့ ၂၀၂၇ခုနှစ်နွေရာသီအထိ စာချုပ်ချုပ်ဆိုခဲ့ပါတယ်။ မန်ယူအသင်းမှာ (၃)ရာသီကစားခဲ့ရာမှာ အဲရစ်ဆင်ဟာ (၁၀၇)ပွဲကစားပေးခဲ့ပြီး (၈)ဂိုးသွင်းယူခဲ့ကာ အသင်းနဲ့အတူ ၂၀၂၃မှာ ကာရာဘောင်းဖလားနဲ့ ၂၀၂၄ မှာ အက်ဖ်အေဖလား ဆွတ်ခူးခဲ့ပါတယ်။ အဲရစ်ဆင်ဟာ အရင်က ဘရန့်ဖို့ဒ်၊ အင်တာမီလန်၊ စပါးနဲ့ အေဂျက်ဇ်အသင်းတို့မှာ ကစားခဲ့ပြီး မန်ယူကနေ ထွက်ခွာလာချိန် မယ်လ်မိုအသင်းနဲ့အတူလေ့ကျင့်ခန်းဆင်းခဲ့ပါတယ်။
မြန်မာကိုယ်စားပြု ISPE အသင်း ပါဝင်တဲ့ အာရှအမျိုးသမီးချန်ပီယံဂ်မဲခွဲပွဲပြုလုပ်
=========
အာရှအမျိုးသမီးချန်ပီယံလိဂ်မဲခွဲပွဲကို ယနေ့ (စက်တင်ဘာ ၁၁)ရက်နေ့က ကျင်းပခဲ့ရာ မြန်မာကိုယ်စားပြုISPE အသင်း အင်အားကြီးနိုင်ငံကလပ်အသင်းများနှင့် တွေ့ဆုံနေသည်။
ISPE အသင်းသည် တောင်ကိုရီးယား၊ ဂျပန်၊ မြောက်ကိုရီးယားအခြေစိုက်ကလပ်အသင်းများနှင့် အတူ တအုပ်စုတည်းကျရောက်ခဲ့ခြင်း ဖြစ်သည်။
လာလီဂါရဲ့ သြဂုတ်လအတွက် အကောင်းဆုံးနည်းပြဆုကို အလွန်ဆို ရရှိ
==============
ရီးယဲလ်မက်ဒရစ်အသင်းရဲ့နည်းပြ ရှာဘီအလွန်ဆိုဟာ လာလီဂါရဲ့ သြဂုတ်လအတွက် အကောင်းဆုံးနည်းပြဆု ရရှိခဲ့ကြောင်း သိရပါတယ်။
အလွန်ဆိုဟာ အကောင်းဆုံးနည်းပြဆုအတွက် ဘီလ်ဘာအိုနည်းပြ ဗယ်လ်ဗာဒီ၊ အက်စ်ပန်ညိုနည်းပြ မာနိုလိုဂွန်ဇာလက်ဇ်တို့နဲ့ အဓိကပြိုင်ဆိုင်ခဲ့ရတာဖြစ်ကြောင်း သိရပါတယ်။
မန်ယူဂိုးသမား အိုနာနာ တူရကီကလပ်အသင်းသို့ အငှားနဲ့ ပြောင်းရွှေ့မယ်
===========
မန်ယူအသင်းရဲ့ ဂိုးသမား အိုနာနာဟာ တူရကီကလပ် ထရက်ဇွန်စပေါ်အသင်းထံ တစ်ရာသီအငှားစာချုပ်နဲ့ ပြောင်းရွှေ့ကစားဖို့ သဘောတူညီမှုရရှိခဲ့ပြီဖြစ်ကြောင်း သိရပါတယ်။
မန်ယူအသင်းဟာ အိုနာနာကို ၂၀၂၃ နွေရာသီမှာ အင်တာမီလန်အသင်းဆီကနေ ကနဦးပြောင်းရွှေ့ကြေး ပေါင်(၄၃.၈)သန်း+ Add-ons ကြေး ပေါင်(၃.၄)သန်းနဲ့ ခေါ်ယူပြီး (၅)နှစ်စာချုပ် ချုပ်ဆိုထားတာပါ။
