တောင်ကိုရီးယားနိုင်ငံ ဆိုးလ်မြို့တော်ရှိ ညဘက် လူစည်းကားသည့်နေရာတစ်ခုတွင် အောက်တိုဘာ ၂၉ ရက်က Halloween ပွဲတော် (တစ္စေကြီးများပွဲတော်) ကျင်းပချိန်အတွင်း လူအုပ် ကသောင်းကနင်းဖြစ်ပွားခဲ့ပြီး လူ ၁၅၁ ဦးသေဆုံးခဲ့ပြီး ယင်းဖြစ်စဉ်ကြောင့် နိုင်ငံတော်အဆင့် ဝမ်းနည်းဖွယ် ကာလအဖြစ် သမ္မတ ယွန်းဆက်ယိုက အောက်တိုဘာ ၃၀ ရက်တွင် ကြေညာခဲ့သည်။  
သတင္းအျပည့္အစံုကိုၾကည့္ရႈရန္

လူငယ်လူရွယ်တွေကြားမှာ ဆေးခြောက်ကို အပန်းဖြေဖို့နဲ့ ပျော်ရွှင်မှုအတွက် တရားဝင်အသုံးပြုခွင့်ပေးဖို့ စီစဉ်နေပြီဖြစ်ကြောင်း ဂျာမနီညွန့်ပေါင်းအစိုးရက အတည်ပြုကြေညာလိုက်ပါတယ်။

သတင်းတွေအရ ဂျာမနီမှာ လူတစ်ယောက်မှာ ဆေးခြောက် ၃၀ ဂရမ် (တစ်အောင်စ) အထိ သယ်ဆောင်အသုံးပြုခွင့်ပေးမှာဖြစ်ပြီး ရောင်းချမယ့်ဆိုင်တွေအတွက်လည်း တရားဝင်လိုင်စင်ချပေးမယ်လို့ သိရပါတယ်။

ဒီအစီအစဉ်ကို ဂျာမနီလွှတ်တော်က အတည်မပြုသေးပေမယ့် ဥရောပကော်မရှင်ရဲ့ထောက်ခံမှုနဲ့အတူ ၂၀၂၄ ခုနှစ်မှာ ဥပဒေကြောင်းအရ အတည်ပြုနိုင်မယ်လို့ ဂျာမနီကျန်းမာရေးဝန်ကြီး လော်တာဘက်ချ် က ပြောပါတယ်။

တရုတ်မြို့ကြီးရှန်ဟိုင်းသည် အောက်တိုဘာ ၂၆ ရက်တွင် ရှူသွင်းနိုင်သောကိုရို နာဗိုင်းရပ်စ်ကာကွယ်ဆေး တိုက်ကျွေးမှုကို စတင်ခဲ့သည်ဟု သိရသည်။

အဆိုပါရှူသွင်းနိုင်သော ကိုဗစ်ကာကွယ်ဆေးသည် ကမ္ဘာ့ပထမဆုံးကာကွယ်ဆေးဖြစ်ပုံရသည်ဟု ဆိုသည်။

ပါးစပ်မှတစ်ဆင့် စုပ်သွင်းသော အငွေ့ဖြစ်သည့်ကာကွယ်ဆေးကို ယခင်ကာကွယ် ဆေးထိုးနှံထားသူများအတွက် နောက်တိုးကာကွယ်ဆေးအဖြစ် အခမဲ့ပေးခြင်းဖြစ်သည်ဟု ရှန်ဟိုင်းတရားဝင်လူမှုမီဒီယာတွင် တင်ထားသော ထုတ်ပြန်ချက်အရ သိရသည်။  
သတင္းအျပည့္အစံုကိုၾကည့္ရႈရန္

အမေရိက၊ ဂျပန်နှင့် တောင်ကိုရီးယားတို့က မြောက်ကိုရီးယား၏ နျူကလီးယား စမ်းသပ်မှုသည် မကြုံစဖူး ပြင်းထန်သည့် တုံ့ပြန်မှုများနှင့် ကျိန်းသေ ရင်ဆိုင်ရမည်ဖြစ်ကြောင်း အောက်တိုဘာလ ၂၆ ရက် ဗုဒ္ဓဟူးနေ့တွင် သတိပေးခဲ့သည်။

တိုကျိုမြို့တွင် ကျင်းပခဲ့သော ဆွေးနွေးပွဲအပြီး နိုင်ငံသုံးနိုင်ငံ၏ ဒုတိယ နိုင်ငံခြားရေး ဝန်ကြီးများက ဒေသတွင်းရှိ ၎င်းတို့၏ ဟန့်တားမှုများကို တိုးမြှင့်မည်ဖြစ်ကြောင်း ပြောကြားခဲ့သည်။  
သတင္းအျပည့္အစံုကိုၾကည့္ရႈရန္

ဟောင်ကောင် အာဏာပိုင်များသည် အမေရိကန် ဒေါ်လာ ၄၄၆ သန်း တန်ကြေးရှိသော အဖိုးတန်သတ္တုများကို ပြန်လည်ရောင်းချခြင်းဖြင့် ငွေမည်းကို ငွေဖြူလုပ်ခဲ့သော လူနှစ်ဦးအား ဖမ်းဆီးခဲ့ကြောင်းနှင့် ၎င်းသည် မြို့တော်၏ အကြီးဆုံး ငွေမည်းခဝါချမှု ဖြစ်ရပ်များထဲမှ တစ်ခုဖြစ်ကြောင်း တာဝန်ရှိသူများက အောက်တိုဘာလ ၂၆ ရက် ဗုဒ္ဓဟူးနေ့တွင် ပြောကြားခဲ့သည်။  
သတင္းအျပည့္အစံုကိုၾကည့္ရႈရန္

ဗြိတိန်ဘုရင်ချားလ်စ်က အစိုးရဖွဲ့ခိုင်းပြီးတဲ့အခါမှာ Rishi Sunak ဟာ ဗြိတိန်နိုင်ငံရဲ့ဝန်ကြီးချုပ် ဖြစ်လာခဲ့ပါတယ်။ ဆူးနက်က ဘုရင်ချားလ်စ်ကို Buckingham နန်းတော်မှာ ဒီနေ့ အင်္ဂါနေ့မှာပဲ သွားရောက်တွေ့ဆုံခဲ့တာပါ။ ဝန်ကြီးချုပ်တာဝန်ကို လက်ခံပြီးတဲ့နောက် လက်ရှိရင်ဆိုင်နေရတဲ့ စီးပွားရေး အကျပ်အတည်းတွေကို ချက်ချင်း ကိုင်တွယ်ဖြေရှင်းသွားမယ့်အကြောင်းနဲ့ တာဝန်သိမှု တာဝန်ခံမှုရှိတဲ့ ဂုဏ်သိက္ခာရှိတဲ့ အစိုးရတရပ်ကို ဦးဆောင်သွားပါမယ်လို့ ဝန်ကြီးချုပ်သစ် ဆူးနက်က ပြောပါတယ်။  
သတင္းအျပည့္အစံုကိုၾကည့္ရႈရန္

ပြီးခဲ့သည့်သီတင်းပတ်က ကျင်းပခဲ့သည့် တရုတ်ကွန်မြူနစ်ပါတီ ညီလာခံ၌  သမ္မတ ရှီကျင်းပင်က ၎င်း၏ သြဇာအာဏာကို ဆက်လက်ချုပ်ကိုင်ခဲ့ပြီးနောက် ရင်းနှီးမြှုပ်နှံ သူများအကြား စိုးရိမ်မှုများ ဖြစ်ပေါ်နေခြင်း ကြောင့် တရုတ်ယွမ်ငွေတန်ဖိုးသည် ၁၅ နှစ်အတွင်း အနိမ့်ဆုံးသို့ ကျဆင်းသွားခဲ့သည်။  
သတင္းအျပည့္အစံုကိုၾကည့္ရႈရန္

မြောက်ကိုရီးယားခေါင်းဆောင် ကင်မ်ဂျုံအန်းသည် တရုတ်နိုင်ငံ၏ခေါင်းဆောင်အဖြစ် သမ္မတရှီကျင့်ဖျင် ပြန်လည်အရွေးခံရသည့်အပေါ် ဂုဏ်ပြုစာတစ်စောင်ပေးပို့ခဲ့ပြီး နှစ်နိုင်ငံဆက်ဆံရေး ပိုမိုတိုးတက်ကောင်းမွန် လာစေရန် မျှော်လင့်သည်ဟုပြောကြားခဲ့ကြောင်း နိုင်ငံပိုင်သတင်းဌာန KCNA က အောက်တိုဘာ ၂၃ ရက်နေ့တွင် ဖော်ပြခဲ့သည်။

“CPC ၏ အကြိမ် ၂၀ မြောက်ညီလာခံသည် တရုတ်ပါတီနှင့်ပြည်သူများအတွက် အရေးပါသောမှတ်တိုင်တစ်ခုအဖြစ် ခေတ်သစ်၌ တရုတ်လူမျိုးများ၏ ထူးခြားသောလက္ခဏာများနှင့်အတူ  ဆိုရှယ်လစ်အဖွဲ့အစည်းအောက်ရှိ တရုတ်လူမျိုးကြီးပွားတိုးတက်ရေး၏ သမိုင်းဝင်လုပ်ငန်းစဉ်ကို တွန်းအားပေးခဲ့သည်” ဟု ကင်မ်က ၎င်း၏စာတွင် ထည့်သွင်းပြောကြားခဲ့သည်။  
သတင္းအျပည့္အစံုကိုၾကည့္ရႈရန္

အိန္ဒိယနိုင်ငံသည် ဂြိုဟ်တု ၃၆ လုံးကို LVM3 ဒုံးပျံကြီးဖြင့် သယ်ဆောင်ကာ ကမ္ဘာပတ်လမ်းကြောင်းအတွင်းသို့ အောင်မြင်စွာလွှတ်တင်လိုက်ပြီဖြစ်ကြောင်း အိန္ဒိယ အာကာသ သုတေသနအဖွဲ့ကြီးက သတင်းထုတ်ပြန်သည်။

LVM3 ဒုံးပျံကြီးသည် အိန္ဒိယနိုင်ငံ၏ အကြီးမားဆုံးနှင့် အင်အားအကောင်းဆုံး ဝန်တင်ဒုံးပျံကြီးဖြစ်ပြီး ယင်းကို အိန္ဒိယနိုင်ငံတာင်ပိုင်း အန်ဒရာပရာဒက်ရှ်ပြည်နယ်ရှိ Satish Dhawan အာကာသဗဟိုဌာနမှ တနင်္ဂနွေနေ့ ဒေသစံတော်ချိန် နံနက် ၁၂ နာရီ ၇ မိနစ်က ပစ်လွှတ်ခဲ့ခြင်းဖြစ်သည်။

ဘောရစ်ဂျွန်ဆင်က ဝန်ကြီးချုပ်အဖြစ် ပြန်လည်အရွေးခံမည့်ကိစ္စကို စွန့်လွှတ်ရန် ဆုံးဖြတ်လိုက်ပြီးနောက် ဗြိတိန်ကွန်ဆာဗေးတစ်ပါတီဝင်ရီရှီဆူနက်သည် အောက်တိုဘာ ၂၄ ရက်တွင် ဝန်ကြီးချုပ်ဖြစ်လာရန်ရှိနေပြီး ဗြိတိန်၏လူဖြူမဟုတ်သော ပထမဆုံးဝန်ကြီးချုပ်ဖြစ်လာမည်ဖြစ်သည်။

အောက်တိုဘာ ၂၃ ရက်နှောင်းပိုင်းတွင် ဝန်ကြီးချုပ်ဟောင်းဂျွန်ဆင်၏ မျှော်လင့်မထားသော လုပ်ဆောင်ချက်အပြီး အစောဆုံးအနေဖြင့် အောက်တိုဘာ ၂၄ ရက် နေ့ခင်းပိုင်းလောက်တွင် ဆူနက်သည် ဝန်ကြီးချုပ်အသစ် ဖြစ်လာမည်ဖြစ်သည်။ ဆူနက်သည် အာဏာရကွန်ဆာဗေးတစ်ပါတီကို ဦးဆောင်ရန် ပထမဆုံးကြိုးပမ်းမှု အောင်မြင်မှုမရဖြစ်ခဲ့ပြီးနောက် သီတင်းပတ်အနည်းငယ်အတွင်းတွင် ၎င်းင်းအတွက်ကံကြမ္မာအပြောင်းအလဲ ဖြစ်လာခြင်းဖြစ်သည်။  
သတင္းအျပည့္အစံုကိုၾကည့္ရႈရန္