ရန်ကုန်တိုင်းရှိ ပြည်သူများအနေဖြင့် ရန်ကုန်တိုင်းဒေသကြီးရဲတပ်ဖွဲ့သို့ အရေးပေါ်အကူအညီ လိုအပ်လျှင်ဖြစ်စေ၊ သတင်းပေးတိုင်ကြားလိုလျှင်ဖြစ်စေ အသစ်ထပ်မံတပ်ဆင်ထားသော တယ်လီဖုန်းနှစ်လုံးသို့ ဆက်သွယ်တိုင်ကြားနိုင် ကြောင်း သတင်းထုတ်ပြန်သည်။
ရန်ကုန်တိုင်းရဲတပ်ဖွဲ့သို့ ၂၄ နာရီ ဆက်သွယ်နိုင်မည်ဆိုသော ဖုန်းမှာ ၀၁-၂၃၁၇၅၂၆ နှင့် ၀၁-၂၃၁၇၅၂၇ တို့ဖြစ်သည်။
Study Abroad Education Road Show 2016 ကို ဇွန်လ ၁၁ ရက်နှင့် ၁၂ ရက်များတွင် ကျင်းပပြုလုပ်သွားမည် ဖြစ်ကြောင်း သိရသည်။ အဆိုပါ ပညာရေးပြပွဲကို ဇွန်လ ၁၁ ရက်၊ နံနက် ၁၀ နာရီမှ မွန်းလွဲ ၁ နာရီအထိ မန္တလေးမြို့ ဟိုတယ်မန္တလေး၊ စံပယ်ဖြူခန်းမ၌လည်းကောင်း၊ ဇွန်လ ၁၂ ရက် နံနက် ၁၀ နာရီမှ မွန်းလွဲ ၁ နာရီအထိ ရန်ကုန်မြို့ Novotel Hotel ပုဂံခန်းမ၌လည်းကောင်း အသီးသီး ကျင်းပပြုလုပ်သွားမည် ဖြစ်သည်။
အမြင့်ဆုံးဆုငွေ ကျပ်သိန်း တစ်သောင်းအထိ ရရှိမည့် ထီတစ်စောင်လျှင် ကျပ် ၅၀၀ တန် အောင်ဘာလေထီစနစ် လုပ်ဆောင်ရန် အစိုးရအဖွဲ့ကိုတင်ပြထားပြီး အစိုးရသစ် ရက် ၁၀၀ အတွင်း ဆောင်ရွက်သွားမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန၊ ပြည်တွင်းအခွန်များ ဦးစီးဌာနမှ ညွှန်ကြားရေးမှူးချုပ် ဦးမင်းထွဋ်က ပြောကြား ခဲ့ကြောင်း ပြန်ကြားရေးဝန်ကြီးဌာနပိုင် MOI Webportal Myanmar တွင် သတင်းထုတ်ပြန်ထားသည်။
လွှတ်တော်တွင်းရှိ လွှတ် တော်ကိုယ်စားလှယ် လစ်လပ်နေရာများအတွက် ကြားဖြတ်ရွေး ကောက်ပွဲကျင်းပပေးရန် လွှတ်တော်မှ အကြောင်းကြားစာပေးပို့လာပါက ကြားဖြတ်ရွေးကောက်ပွဲ ကျင်းပပေးမည်ဖြစ်ကြောင်း ပြည်ထောင်စု ရွေးကောက်ပွဲကော်မရှင်မှ သတင်းရရှိသည်။
မြန်မာနိုင်ငံဆိုင်ရာ ဗြိတိန်သံအမတ်ကြီး H.E. Mr.Andrew Patrick နှင့်အဖွဲ့အား ပြည်ထောင်စုရွေးကောက်ပွဲ ကော်မရှင် ဥက္ကဋ္ဌဦးလှသိန်းက မေလ ၁၈ ရက်တွင် နေပြည်တော်၌ လက်ခံတွေ့ဆုံရာတွင် ဦးလှသိန်းက ယင်းသို့ ပြောကြားဖြစ်ကြောင်း ပြည်ထောင်စုရွေးကောက်ပွဲကော်မရှင်၏ သတင်းထုတ်ပြန်ချက်၌ ဖော်ပြထားသည်။
အမေရိကန်ပြည်ထောင်စု နိုင်ငံခြားရေးဝန်ကြီး မစ္စတာဂျွန်ကယ်ရီသည် မေလ (၂၂) ရက်တွင် မြန်မာနိုင်ငံသို့ လာ ရောက်မည်ဖြစ်ပြီး နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ဆုံမည်ဖြစ်ကြောင်း သိရသည်။
အမေရိကန်နိုင်ငံခြားရေးဝန်ကြီး မစ္စတာဂျွန်ကယ်ရီသည် ၎င်း၏ အာရှ-ပစိဖိတ်ခရီးစဉ်အဖြစ် မေ (၁၄) ရက်မှ (၂၆) ရက်အထိ မြန်မာနိုင်ငံအပါအဝင် ဆော်ဒီအာရေးဗျ၊ သြစတြီးယား၊ ဘယ်လ်ဂျီယံနှင့် ဗီယက်နမ်နိုင်ငံများသို့ သွား ရောက်မည်ဖြစ်ကြောင်း မေ (၁၃) ရက်စွဲဖြင့် အမေရိကန်နိုင်ငံခြားရေးဝန်ကြီးဌာနမှ သတင်းထုတ်ပြန်ထားသည်။
မြန်မာတောင်တက်သမားနှစ်ဦးဖြစ်သော ကိုပြည့်ဖြိုးအောင်နှင့် ကိုဝင်းကိုကိုတို့ သည် ယနေ့ (မေ ၁၉ ရက်) နံနက် (ဒေသစံတော်ချိန်) ၇ နာရီ ၇ မိနစ်က ကမ္ဘာ့အမြင့်ဆုံးတောင်ဖြစ်သည့် ဧဝရတ်တောင်အား အောင်မြင်စွာ တက်ရောက်ကာ ပြည်ထောင်စုသမ္မတမြန်မာနိုင်ငံတော်အလံစိုက်ထူ၍ နိုင်ငံ့ဂုဏ်ဆောင်နိုင်ခဲ့ကြောင်း သိရသည့် အတွက် တပ်မတော် (ကြည်း၊ ရေ၊ လေ) အရာရှိစစ်သည်များ၊ မိသားစုဝင်များက လှိုက်လှဲစွာ ဂုဏ်ယူ ဝမ်းမြောက် ပါကြောင်း တပ်မတော်ကာကွယ်ရေး ဦးစီးချုပ်ရုံးက သတင်းထုတ်ပြန်လိုက်ကြောင်း သိရသည်။
မြန်မာနိုင်ငံ ကွန်ပျူတာပညာရှင်အသင်းမှ အသိအမှတ်ပြု Network စာမေးပွဲကို ဇွန်လ (၁၉) ရက်တွင် ကျင်းပပြုလုပ် မည်ဖြစ်ကြောင်း သိရသည်။ အဆိုပါ စာမေးပွဲကို မြန်မာနိုင်ငံ ကွန်ပျူတာပညာရှင်အသင်းနှင့် အသင်းခွဲများရှိရာ မန္တလေးတိုင်း၊ ဧရာဝတီတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်းနှင့် ရှမ်းပြည်နယ်၊ မွန်ပြည်နယ်၊ ကရင်ပြည်နယ် တို့တွင် တစ်ပြိုင်နက် ကျင်းပစစ်ဆေးသွားမည်ဖြစ်ကြောင်း သိရသည်။
ဆိုင်ကလုန်းမုန်တိုင်း ရွန်နူ၏ အ၀န်းအ၀ိုင်းထဲကို ပြည်နယ်/တိုင်း ၄ ခု သက်ရောက်မှု အန္တရာယ်ခံစားရနိုင်သည့် အတွက် မုန်တိုင်းကို လိမော်ရောင်အဆင့် တိုးမြှင့်သတ်မှတ်လိုက်ကြောင်း မိုးလေ၀သဌာနက ကြေညာထားကြောင်း သိရသည်။
မြန်မာနိုင်ငံ ချင်းပြည်နယ်၊ ရခိုင်ပြည်နယ်၊ မကွေးတိုင်းဒေသကြီးနှင့် စစ်ကိုင်းတိုင်းဒေသကြီးတို့ဟာ မုန်တိုင်းအ၀န်း အ၀ိုင်းထဲရောက်ရှိပြီး မုန်တိုင်းအန္တရာယ်ရှိနေကြောင်း မိုးဇလသတင်းမှာ ဖော်ပြထားပါတယ်။
MPC ကို NRPC ဟု ပြောင်းလဲဖွဲ့စည်း၍ နိုင်ငံတော်အတိုင်ပင်ခံရုံး ဝန်ကြီးဌာနအောက်တွင် အစိုးရအဖွဲ့အစည်း တစ်ရပ်အဖြစ် ထားရှိမည်။
(၂၁)ရာစုပင်လုံညီလာခံကျင်းပရေး အကြိုပြင်ဆင်ကော်မတီနှင့် ဆပ်ကော်မတီများကို တစ်ပတ်အတွင်း ဖွဲ့၍ လုပ်ငန်းကို အရှိန်မြှင့်လုပ်ကိုင်မည်။
NCA အခြေခံ၍ ပြောင်းလွယ်ပြင်လွယ်ဆွေးနွေးပြီး နိုင်ငံရေးဆွေးနွေးပွဲ မူဘောင်များ ပြန်လည်သုံးသပ်ပြင်ဆင်မည်။
UPDJC(ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီ) အမြန်ဆုံးပြင်ဆင်ဖွဲ့စည်းမည်။
ရန်ကုန်တက္ကသိုလ် လူ့စွမ်းအားအရင်းအမြစ်ဖွံ့ဖြိုးမှုဌာန အစီအစဉ်ဖြင့် ရန်ကုန်တက္ကသိုလ် နိုင်ငံတကာ ဆက်ဆံရေး ပညာဌာနမှ ကြီးမှူးကာ နိုင်ငံတကာဆက်ဆံရေး ပညာ ဒီပလိုမာသင်တန်းကို ဇွန်လ ၁၀ ရက်မှစတင်ကာ ဖွင့်လှစ် သင်ကြား ပေးသွားမည်ဖြစ်ကြောင်း သိရသည်။ သင်တန်းအား တက္ကသိုလ်တစ်ခုခုမှ ဘွဲ့ရရှိပြီးသူများ လျှောက်ထား တက်ရောက်နိုင်ပြီး သင်တန်းကာလ ၉ လ တက်ရောက်ပြီးပါက Diploma in International Relations အောင်လက်မှတ်ကို ရရှိမည်ဖြစ်သည်။
