ကျော်စွာဝင်း မတ်လထဲ ONE မှာ နောက်တစ်ပွဲထိုးသတ်မယ်

ကျော်စွာဝင်း မတ်လထဲ ONE မှာ နောက်တစ်ပွဲထိုးသတ်မယ်

=======================

ဖေဖော်ဝါရီ ၁၈

မြန်မာ့ရိုးရာလက်ဝှေ့သမား ကျော်စွာဝင်းဟာ လာမယ့်မတ်လထဲ ONE Championship မှာ နောက်ထပ်တစ်ပွဲ ထိုးသတ်သွားဖို့ ရှိနေကြောင်း သိရပါတယ်။

ကျော်စွာဝင်းဟာ ပြီးခဲ့တဲ့ ရက်ပိုင်းက ONE Championship နဲ့ နောက်ပွဲထိုးသတ်ဖို့အတွက် သဘောတူစာချုပ် ချုပ်ဆိုလိုက်ပြီဖြစ်ကြောင်း သူ့ရဲ့ပရိသတ်တွေကို တရားဝင်အသိပေးခဲ့ပါတယ်။

ကျော်စွာဝင်းနဲ့ ထိုးသတ်မယ့်ပြိုင်ဘက်ဖိုက်တာကို ONE Championship က လတ်တလော မထုတ်ပြန်သေးပေမဲ့ လာမယ့်ရက်ပိုင်းအတွင်း ထုတ်ပြန်ပေးသွားဖွယ်ရှိနေပါတယ်။

ကျော်စွာဝင်းဟာ ONE Championship မှာ တစ်ပွဲသာထိုးသတ်ရသေးပြီး အနိုင်ရရှိထားပါတယ်။

ကျော်စွာဝင်းဟာ ပြီးခဲ့တဲ့ဇန်နဝါရီလတုန်းက ကျင်းပတဲ့ ONE Friday Fights 139 ပြိုင်ပွဲမှာ ဂျပန်ဖိုက်တာ မူဂါကို ဒုတိယအချီမှာ အလဲထိုးပြီး အနိုင်ယူထားခဲ့ပါတယ်။

ကျော်စွာဝင်းဟာ ပြီးခဲ့တဲ့ ၂၀၂၅ ခုနှစ်၊ ဇူလိုင်အတွင်းက ထိုင်းနိုင်ငံရဲ့ နာမည်ကြီး မွေထိုင်းကလပ် Fairtex Training Center ကို ရောက်ရှိခဲ့ပြီး (၄) နှစ် စာချုပ် ချုပ်ဆိုထားသူဖြစ်ပါတယ်။

ကျော်စွာဝင်းဟာ Fairtex မှာ မွေထိုင်းကို စနစ်တကျ လေ့လာသင်ယူနေပြီး ပြီးခဲ့တဲ့ ၂၀၂၅ ခုနှစ်၊ နိုဝင်ဘာအတွင်းက Lumpinee Super Fights ပြိုင်ပွဲမှာ ထိုင်းဖိုက်တာ ပတ်ထောင်ချိုင်ကို ဒုတိယအချီမှာ အလဲထိုးပြီး အနိုင်ယူထားခဲ့ပါတယ်။

ဒါကြောင့် လာမယ့်မတ်လထဲ ထိုးသတ်မယ့်ပွဲဟာ ကျော်စွာဝင်းအတွက် ထိုင်းနိုင်ငံရောက်ရှိပြီးနောက် (၃) ပွဲမြောက် ထိုးသတ်မယ့် မွေထိုင်းပွဲဖြစ်လာမှာ ဖြစ်ပါတယ်။

Photo- ONE #Eleven