ထိုင်းနိုင်ငံမှာ ရဲဝန်ထမ်းတွေကို တာဝန်ချိန်အတွင်း အင်တာနက် လူမှုကွန်ရက် စာမျက်နှာတွေ အသုံးပြုခွင့် တားမြစ်လိုက်တယ်လို့ ထိုင်းဘာသာနဲ့ထုတ်ဝေတဲ့ မန်နေဂျာအွန်လိုင်း သတင်းမှာ မေလ ၂၉ ရက်နေ့က ဖော်ပြပါတယ်။
ဒီတားမြစ်ချက်ဟာ ထိုင်းနိုင်ငံတောင်ပိုင်းမှာ ထုတ်ပြန်လိုက်တာဖြစ်ပြီး တကယ်လို့ ဖောက်ဖျက်မယ်ဆိုရင် ရာထူးတိုးမြှင့်မှုတွေမှာ ကြန့်ကြာနိုင်တယ်လို့ ဖော်ပြထားတာ ဖြစ်ပါတယ်။
ဥရောပသမဂ္ဂဟာ ပလတ်စတစ်နဲ့လုပ်ထားတဲ့ နားသန့်စင်တံတွေ၊ အအေးသောက်တဲ့ပိုက်တွေ၊ ကော်ဖီဖျော်တဲ့ မွှေတံတွေ ထုတ်လုပ်တာကို တားမြစ်ဖို့ အဆိုတင်သွင်းတော့မှာဖြစ်ပါတယ်။ တခြား ပစ္စည်းတွေနဲ့ အလွယ်တကူ အစားထိုးသုံးနိုင်တာမို့ ပလတ်စတစ်ပစ္စည်းတွေကြောင့် ပင်လယ်ကမ်းခြေတွေနဲ့ သမုဒ္ဒရာကြမ်းပြင်တွေ ပျက်စီးမှုကနေ ကာကွယ်ဖို့ အားထုတ်တာဖြစ်တယ်လို့ ဆိုပါတယ်။
ပြင်သစ်သမ္မတမက်ကရွန်က အသက်(၄)နှစ်အရွယ် ကလေးငယ်ကို တိုက်လေးထပ်တက်၍ ကယ်ဆယ်ခဲ့သော မာလီနိုင်ငံသား ဂက်စ်ဆာမာအား သမ္မတနန်းတော်၏ လက်ခံတွေ့ဆုံနေစဉ် (Thibault Camus/Pool via REUTERS)
ပြင်သစ်နိုင်ငံ ပဲရစ်မြို့က ၄ ထပ်တိုက် လသာဆောင်မှာ တွဲလွဲကျနေတဲ့ ကလေး ငယ်ကို ကယ်ခဲ့တဲ့ မာလီနိုင်ငံက ရွှေ့ပြောင်းနေထိုင်သူကို ပြင်သစ် နိုင်ငံသား အဖြစ် အသိအမှတ်ပြုမှာ ဖြစ်ပါတယ်။
နယူးဇီလန်နိုင်ငံ ၌ ဆိုးရွားသော Mycoplasma Bovis ရောဂါပိုးပျံ့နှံ့မှုကို ထိန်းချုပ်ရေး ကျွဲ၊ နွားအကောင်ရေ ၁၂၆,၀၀၀ ကို သုတ်သင်ရှင်းလင်းရန် မေလ ၂၈ ရက်တွင် အမိန့်ထုတ်ပြန်ခဲ့သည်။
ကျွဲ၊ နွား တိရစ္ဆာန်များတွင် ဖြစ်ပွားသော ယင်းရောဂါသည် နို့အုံသားတစ်သျှူးများ ပျက်စီးခြင်း၊ အဆုပ်ရောင်ခြင်းနှင့် အဆစ် အမြစ်နာကျင်ခြင်း စသည့်ရောဂါများ ဖြစ်ပွားစေသည်။
ဘရာဇီးနိုင်ငံတွင် ထရပ်ကားဒရိုင်ဘာများ၏ သပိတ်မှောက်ဆန္ဒပြနေမှုများ ပိတ်သိမ်းရပ်ဆိုင်းသွားရေးအတွက် ဒီဇယ်ဈေးနှုန်းများကို လျှော့ချပေးသွားမည်ဟု သမ္မတ မိုက်ကယ် တီမာက ကြေညာလိုက်သည်။
အဆိုပါ နိုင်ငံတွင် စက်သုံးဆီဈေးနှုန်း မြင့်တက်နေခြင်းကြောင့် ၀င်ငွေထိခိုက်ရသည်ဟု ဆိုကာ ထရပ်ကားသမားများက လမ်းများပေါ်တွင် ပိတ်ဆို့သပိတ်မှောက်နေခဲ့ကြခြင်း ဖြစ်သည်။
၎င်းတို့၏ သပိတ်မှောက်မှုသည် ယခုအခါ ရက်ပေါင်း ခုနစ်ရက် ကျော်လာခဲ့ပြီဖြစ်ကာ နိုင်ငံ၏ သယ်ယူပို့ဆောင်ရေး စနစ်အပေါ် ထိခိုက်နှောင့်နှေးမှုများ ဖြစ်ပေါ်စေနေလျက်ရှိကြောင်း သိရသည်။
အမေရိကန်သမ္မတ ဒေါ်နယ်ထရမ့်နှင့် မြောက်ကိုရီးယားခေါင်းဆောင် ကင်မ်ဂျုံအန်းတို့အကြား ဖြစ်လာနိုင်ခြေရှိ စင်ကာပူထိပ်သီးအစည်းအဝေးမှာ တောင်ကိုရီးယားသမ္မတ မွန်းဂျေအင်းလည်း ပူးပေါင်းပါဝင်နိုင်ခြေ ရှိကြောင်း ဆိုးလ်မြို့ သမ္မတအိမ်တော်က ထုတ်ပြန်ပြောကြားလိုက်သည်။
သမ္မတ မွန်းဂျေအင်းအနေနဲ့ မြောက်ကိုရီးယားခေါင်းဆောင်၊ အမေရိကန်သမ္မတတို့နှင့် သုံးပွင့်ဆိုင် စည်းဝေးဖို့ အတွက် ဇွန်လမှာ စင်ကာပူကို ခရီးသွားနိုင်ဖွယ် ရှိကြောင်း ဆိုးလ်မြို့ သမ္မတ အိမ်တော်က ထုတ်ပြန် လိုက်ခြင်းဖြစ်သည်။
ကိုလံဘို၊ မေ ၂၈
သီရိလင်္ကလာနိုင်ငံတွင် ပြီးခဲ့သည့် ဆယ်ရက်က မုတ်သုံမိုးသည်းထန်စွာ ရွာသွန်းခြင်းများအတွင်း သေဆုံးသူ ဦးရေသည် အနည်းဆုံး ၂၃ ဦး ရှိသွားပြီး ဘေးလွတ်ရာ ရွှေ့ပြောင်းကြသူများမှာ ၇၅၀၁၃ ဦးရေရှိကြောင်း နောက်ဆုံးတရားဝင်စာရင်းများအရ သိရသည်။
လူများအား ဒုက္ခသည်စခန်းနှင့် ခိုလှုံရေးစခန်းများသို့ ပြောင်းရွှေ့နေရာချထားနေစဉ် ပျောက်ဆုံးသူဦးရေ ၁၃ ဦး ရှိကြောင်း နိုင်ငံ၏ သဘာဝဘေးစီမံခန့်ခွဲရေးစင်တာက ထုတ်ပြန်သည်။
ဗင်နီဇွဲလားက လွှတ်ပေးသော အမေရိကန်သာသနာပြု ဂျိုရှာဟိုလ်ကို အမေရိကန်သမ္မတ ဒေါ်နယ်ထရန့်နှင့်အတူ တွေ့ရစဉ် (Yuri Gripas/reuters)
ဗင်နီဇွဲလားနိုင်ငံ၌ ၂ နှစ်ကြာ အကျဉ်းကျနေသော အမေရိကန်အမျိုးသားတစ်ဦးနှင့် ၎င်း၏ဇနီးတို့ကို စနေနေ့တွင် ပြန်လွှတ်ပေးခဲ့သော်လည်း ဝါရှင် တန်အစိုးရအနေဖြင့် ဗင်နီဇွဲလား အပေါ် ချမှတ်ထားသည့် အရေးယူ ပိတ်ဆို့မှုများကို ဆက်လက် ထားရှိမည်ဖြစ်ကြောင်း ကန် ဒုသမ္မတမိုက်ပင့်စ်ကပြောသည်။
ဆိုးလ်၊ တောင်ကိုရီးယား၊ မေ ၂၅
မြောက်ကိုရီးယားအစိုးရသည် နိုင်ငံတကာမှ သတင်းစာဆရာများနှင့် မီဒီယာများကို ဖိတ်ခေါ်ပြီး ၄င်းတို့ ရှေ့မှောက်တွင် နိုင်ငံပိုင်နျူကလီးယားစမ်းသပ်စခန်းကို အပြီးတိုင်ဖြိုဖျက်ပြီးခဲ့ပြီဖြစ်ကြောင်း ကြာသာပတေး နေ့တွင် ကြေညာခဲ့သည်။
ဖိတ်ကြားခံခဲ့ရသော သတင်းထောက်များ၏အဆိုအရ မြောက်ကိုရီးယားအာဏာပိုင်များသည် နိုင်ငံ၏ အရှေ့မြောက်ပိုင်းမှ Punggye-ri နျူကလီးယားစမ်းသပ်စခန်း၏ အခြေခံအဆောက်အဦးများ၊ မြေအောက် စမ်းသပ်ခန်းသို့ ၀င်နိုင်သော ဥမင်လှိုဏ်ခေါင်းပေါက်များနှင့် ဖွဲ့စည်းပုံအဆောက်အဦးများကို ဖောက်ခွဲရေး ပစ္စည်းများ အသုံးပြုကာ တစ်နေကုန်ဖြိုချဖျက်စီးခဲ့ခြင်းဖြစ်သည်ဟု သိရသည်။
ပြီးခဲ့တဲ့ ၂ဝ၁၄ ခုနှစ်က ယူကရိန်းနိုင်ငံအပေါ် ဖြတ်ကျော်ပျံသန်းနေစဉ် ပျက်ကျသွားခဲ့တဲ့ မလေးရှားလေကြောင်း လိုင်းက ခရီးစဉ်အမှတ် MH17 လေယာဉ်ပျံကို ရုရှားတပ်ဖွဲ့တစ်ခုက ဒုံးပျံနဲ့ ပစ်ချခဲ့တာဖြစ်တယ်လို့ နယ်သာလန် အစိုးရ ရှေ့နေတွေက ကြာသပတေးနေ့ မနေ့က ထုတ်ဖေါ်ပြောကြားလိုက်ပါတယ်။ အဲဒီလေယဉ်ပျံပေါ်မှာပါသူ ၂၉၆ ဦးလုံး အသက်ဆုံးခဲ့ပြီး အများစုက နယ်သာလန်နိုင်ငံသားတွေပါ။
