မန္တလေးတိုင်းဒေသကြီး ၊ မန္တလေးမြို့ရှိ မန္တလေး ဗဟိုကျဉ်းထောင်တွင် အကျဉ်းသားများအား ကိုဗစ်ကာကွယ် ဆေးထိုးနှံပေးခြင်းလုပ်ငန်းကို လုပ်ဆောင်ပေးခဲ့ကြောင်း သိရသည်။
အဆိုပါ ကိုဗစ်-၁၉ ရောဂါ ကာကွယ်ဆေး ထိုးနှံပေးခြင်းကို ဇွန်လ ၂၂ ရက် နံနက်ပိုင်းတွင် လုပ်ဆောင်ပေးခြင်းဖြစ်ပြီး တတိယအကြိမ်မြောက်ဖြစ်ကြောင်း သိရသည်။
(၂၁-၆-၂၀၂၂) ရက်နေ့၊ ည (၈:၀၀) နာရီမှ (၂၂-၆-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၄,၇၆၄) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၁၃) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၂၇) ရာခိုင်နှုန်း ရှိပါသည်။
ထိုင်းနိုင်ငံ ပရာ့ကျွတ်ခရိုင် ထပ်စတယ်မြို့နှင့် မောင်မြို့ နေရာနှစ်ခုတွင် တရားမဝင် ဝင်ရောက်ခဲ့သည့် မြန်မာအလုပ်သမား ၉၂ ဦးကို ယမန်နေ့ (ဇွန် ၂၀ ရက်)တွင် ထိုင်းရဲတပ်ဖွဲ့ကဖမ်းဆီးခဲ့ကြောင်း ထိုင်းအခြေစိုက်သတင်းများကဖော်ပြထားသည်။
ထိုင်းအာဏာပိုင်များသည် အဆိုပါမြို့နယ်နှစ်ခုအတွင်းရှိ ဟွေ့ဆိုင်ကျေးရွာ နှင့် ဟွေ့ယမ် ကျေးရွာများကို စောင့်ကြပ်ဖမ်းဆီးမှုများပြုလုပ်ခဲ့ရာ မြန်မာအလုပ်သမားများနှင့် ထိုင်းပွဲစားတစ်ဉီးကို ဖမ်းဆီးခဲ့ကြောင်း ထိုင်းအခြေစိုက် Migrant Times သတင်းဌာနက ဖော်ပြထားသည်။
တောင်ကိုရီးရီးယားနိုင်ငံကနေ မြန်မာလုပ်သားတွေကို ပြန်လည်ခေါ်ယူနေရာမှာ ဇွန်လ(၂၁)ရက်က လုပ်သားအယောက်(၁၃၀)ဟာ တောင်ကိုရီးယားနိုင်ငံ၊ အင်ချွန်းအပြည်ပြည်ဆိုင်ရာလေဆိပ်ကို ရောက်ရှိ လာတယ်လို့ ဆိုးလ်မြို့၊ မြန်မာသံရုံးက ထုတ်ပြန်ပါတယ်။
အဲဒီလုပ်သားတွေအားလုံးဟာ ကုန်ထုတ် လုပ်သားတွေအဖြစ် လုပ်ကိုင်မယ့်သူတွေ ဖြစ်တယ်လို့လည်း သိရပါတယ်။ ရောက်ရှိလာတဲ့ လုပ်သား တွေကို မြန်မာသံရုံး အလုပ်သမားသံအရာရှိက ကြိုဆိုပြီး အဆင်ပြေအောင် ကူညီဆောင်ရွက် ပေးခဲ့တယ်လို့ ဆိုပါတယ်။
(၂၀-၆-၂၀၂၂) ရက်နေ့၊ ည (၈:၀၀) နာရီမှ (၂၁-၆-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၅,၀၃၃) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၁၄) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၂၈) ရာခိုင်နှုန်း ရှိပါသည်။
မန္တလေး၊ ဇွန် ၂၀
မန္တလေးတိုင်းဒေသကြီး၊ မဟာအောင်မြေမြို့နယ်၊ မဟာမြိုင်(၂)ရပ်ကွက်ရှိ မဟာဝိဇယကျောင်းတိုက်တွင် အသံမစဲမဟာပဌာန်းရွတ်ဖတ်ပူဇော်ခြင်းအောင်ပွဲနှင့် ဆွမ်းဆန်စိမ်းလောင်းလှူပွဲကို ယနေ့နံနက်ပိုင်းတွင် ကျင်းပပြုလုပ်ခဲ့ရာ မန္တလေးတိုင်းဒေသကြီးပြည်ခိုင်ဖြိုးပါတီ တိုင်းဒေသကြီးပါတီကော်မတီဝင် ဦးမျိုးမြင့်၊ ဦးကျော်စန်း၊ ဦးသိန်းထွန်းဦး၊ မန္တလေးခရိုင်ပါတီဥက္ကဌ ဦးဘိုသင်း ခရိုင်ကော်မတီဝင် ဦးဝင်းလှိုင်ငြိမ်း၊ ဦးစံရနှင့် မြို့နယ်ပါတီဥက္ကဌ၊ အတွင်းရေးမှူးနှင့် ကော်မတီဝင်များ တက်ရောက်ကြည်ညိုခဲ့ကြပြီး ဆရာတော် သံဃာတော်များအား လှူဖွယ် ပစ္စည်းများ လောင်းလှူခဲ့ကြပါသည်။
မတ္တရာ ဇွန် ၂၀
(၂၀-၆-၂၀၂၂ )ရက် နံနက် (၁၀) နာရီအချိန်တွင် မန္တလေးတိုင်းဒေသကြီး ပြင်ဦးလွင်ခရိုင် မတ္တရာမြို့နယ် ပြည်ခိုင်ဖြိုး ပါတီရုံးခန်းမတွင် ဆဌမအကြိမ် ဗဟိုကော်မတီအစည်းအဝေး၏ ရှေ့လုပ်ငန်းစဉ်(၅)ရပ် ထပ်ဆင့်ရှင်းလင်းပွဲ အခမ်းအနား ကျင်းပပြုလုပ်ခဲ့ပါသည်။
ထိုင်း-မလေးရှားနယ်စပ်တွင် မလေးရှားနိုင်ငံသို့ တရားမဝင်ဝင်ရောက်ရန်ပြင်ဆင်နေသည့် မြန် မာနိုင်ငံသား ၄၇ ဦးအား ဇွန် ၁၈ ရက်ညပိုင်းက မလေးရှားနိုင်ငံတာဝန်ရှိသူများက ဖမ်းဆီးခဲ့သည်ဟု ထိုင်းနိုင်ငံရောက်မြန်မာအလုပ်သမားများအရေးကူညီဆောင်ရွက်ပေးနေသူများထံမှ သိရသည်။
ထိုင်း-မလေးရှားနယ်စပ်ရှိ ရော်ဘာခြံတစ်ခုအတွင်း၌ ပုန်းအောင်းနေကာ ပွဲစားလာခေါ်မည့်အချိန်အား စောင့်ဆိုင်းနေစဉ် မလေးရှားနိုင်ငံတပ်မ တော်မှ သတင်းအရ ဝင်ရောက်ဖမ်းဆီးခဲ့ခြင်းဖြစ် ကြောင်း သိရသည်။
ရုရှား – မြန်မာ နှစ်နိုင်ငံအကြား စွမ်းအင်ဆိုင်ရာ ကိစ္စရပ်များတွင် ပိုမိုပူးပေါင်းဆောင်ရွက်ရန် မျှော်လင့်ကြောင်း ရုရှားဖက်ဒရေးရှင်းနိုင်ငံ၏ ဒုတိယဝန်ကြီးချုပ်နှင့် စွမ်းအင်ဝန်ကြီးက ပြောကြားခဲ့ကြောင်း သိရသည်။
ရုရှားဖက်ဒရေးရှင်းနိုင်ငံ စိန့်ပီတာစဘတ်မြို့တွင်ကျင်းပသည့် (၂၅) ကြိမ်မြောက် နိုင်ငံတကာ စီးပွားရေးဖိုရမ် (25th St. Petersburg International Economic Forum- SPIEF’ 22 )ကာလအတွင်း မြန်မာကိုယ်စားလှယ် အဖွဲ့နှင့် တွေ့ဆုံစဉ် ထိုသို့ ပြောကြားခဲ့ခြင်း ဖြစ်သည်ဟု မြန်မာအစိုးရဖက်မှ ဇွန်လ ၁၉ ရက်တွင် ထုတ်ပြန်ခဲ့ခြင်း ဖြစ်သည်။
