“O” သွေးပိုင်ရှင်တွေဟာ ဆီးချိုရောဂါဖြစ်နိုင်ခြေ အနည်းဆုံးဖြစ်
ဆီးချိုအန္တရာယ်ကို ခန့်မှန်းတဲ့နေရာမှာ မတူညီတဲ့ အချက်အလက်တွေအပေါ်ကို အခြေခံပါတယ်။ ခုလည်း သွေး အမျိုးအစားကိုကြည့်ပြီး ဆီးချိုရောဂါကို ခန့်မှန်းနိုင်ကြောင်း ပြင်သစ်သုတေသီတွေရဲ့ လေ့လာမှုသစ်တစ်ရပ်အရ သိရပါတယ်။ ပြင်သစ်အမျိုးသမီးပေါင်း ၈၂၀၀၀ ကျော်ကို စစ်ဆေးမှတ်တမ်းတင်ပြီး ရလဒ်သုံးသပ်ချက်တွေကို Diabetologia ဂျာနယ်မှာ တင်ပြခဲ့တာဖြစ်ပါတယ်။
ဆီးချိုဖြစ်နိုင်ခြေဟာ “O” သွေးပိုင်ရှင်တွေမှာ ရာခိုင်နှုန်းနည်းပါတယ်။ “O” သွေးပိုင်ရှင်တွေထက် “A” သွေးပိုင်ရှင် တွေဟာ ဆီးချိုဖြစ်နိုင်ခြေ ၁၀ ရာခိုင်နှုန်းပိုများပြီး “B” သွေးပိုင်ရှင်တွေကတော့ ၂၀ရာခိုင်နှုန်း ပိုများပါတယ်။ “AB” သွေးပိုင်ရှင်တွေရဲ့ ရလဒ်ကတော့ သိပ်ပြီး တိကျမှုမရှိပါဘူး။ ဒီလိုတိုင်းတာတဲ့နေရာမှာ Rh ညွှန်းကိန်းတွေအရ ပြောင်းလဲမှုတော့ ရှိပါတယ်။
လေ့လာတွေ့ရှိချက်တွေအရ၊ B+ တွေဟာ O- တွေထက် အမျိုးအစား ၂ ဆီးချိုဖြစ်နိုင်နှုန်း ၃၅ ရာခိုင်နှုန်းပိုပါတယ်။ A+ တွေကတော့ O- တွေထက် 17 ရာခိုင်နှုန်းပိုများပြီး AB+ တွေက ၂၆ရာခိုင်နှုန်း ဖြစ်နိုင်ခြေပိုပါတယ်။
ဒီလေ့လာတွေ့ရှိချက် ရလဒ်တွေကို အမျိုးသားတွေအတွက်ပါ ထည့်တွက်နိုင်ကြောင်း သုတေသီတွေက ဆိုထားပါ တယ်။
www.phothutaw.com
