အေပ်ာ္စီးသေဘၤာေပၚတြင္ ဟန္တာဗိုင္းရပ္စ္ေၾကာင့္ဟုယူဆရၿပီး လူသုံးဦး ေသဆုံး

အေပ်ာ္စီးသေဘၤာေပၚတြင္ ဟန္တာဗိုင္းရပ္စ္ေၾကာင့္ဟုယူဆရၿပီး လူသုံးဦး ေသဆုံး
================================
အတၱလႏၲိတ္သမုဒၵရာအတြင္း ခုတ္ေမာင္းေနသည့္ ခရီးသြားသေဘၤာတစ္စင္းေပၚတြင္ လူ ၃ ဦး ေသဆုံးခဲ့ၿပီး၊ ၎တို႔အနက္ အနည္းဆုံး တစ္ဦးမွာ ေရာဂါပိုးရွိေသာ ကိုက္ျဖတ္သတၱဝါမ်ားမွတစ္ဆင့္ လူသို႔ကူးစက္တတ္သည့္ ရွားပါးေရာဂါျဖစ္ေသာ ဟန္တာဗိုင္းရပ္စ္ ကူးစက္ခံထားရေၾကာင္း အတည္ျပဳႏိုင္ခဲ့သည္။
​
လက္ရွိတြင္ က်န္းမာေရးအာဏာပိုင္မ်ားသည္ အာဂ်င္တီးနားႏိုင္ငံ၊ အူရႉအာအီယာ (Ushuaia) ၿမိဳ႕မွ ကိပ္ဗာဒီ(Cape Verde) ကြၽန္းစုသို႔ ခုတ္ေမာင္းေနသည့္ MV Hondius အမည္ရွိ သေဘၤာေပၚတြင္ ဗိုင္းရပ္စ္ကူးစက္ပ်ံ႕ႏွံ႔မႈရွိမရွိကို စုံစမ္းစစ္ေဆးေနသည္။
​
ကမာၻ႔က်န္းမာေရးအဖြဲ႕ (WHO) က တနဂၤေႏြေန႔တြင္ ထုတ္ျပန္သည့္ ေၾကညာခ်က္အရ လူတစ္ဦးတြင္ ဗိုင္းရပ္စ္ရွိေၾကာင္း အတည္ျပဳႏိုင္ခဲ့ၿပီး အျခားခရီးသည္ အနည္းဆုံး ၅ ဦးမွာလည္း ကူးစက္ခံရသည္ဟု သံသယရွိေၾကာင္း သိရသည္။
​
“ေရာဂါလကၡဏာျပတဲ့ လူ ၆ ဦးအနက္ ၃ ဦး ေသ ဆုံးသြားခဲ့ၿပီး တစ္ဦးကေတာ့ ေတာင္အာဖရိကမွာ အထူးၾကပ္မတ္ကုသေဆာင္မွာ ကုသမႈခံယူေနပါတယ္” ဟု WHO က ဆိုသည္။ ထို႔ျပင္ ဓာတ္ခြဲခန္းစစ္ေဆးမႈမ်ားႏွင့္ ကပ္ေရာဂါေဗဒဆိုင္ရာ စုံစမ္းစစ္ေဆးမႈမ်ားကို အေသးစိတ္လုပ္ေဆာင္ေနၿပီး ေရာဂါလကၡဏာရွိသည့္ အျခားခရီးသည္ ၂ ဦးကို ေဘးလြတ္ရာသို႔ ေ႐ႊ႕ေျပာင္းႏိုင္ရန္ ႏိုင္ငံမ်ားအၾကား ပူးေပါင္းညႇိႏႈိင္းေပးေနေၾကာင္းလည္း ျဖည့္စြက္ေျပာၾကားခဲ့သည္။
​
ဟန္တာဗိုင္းရပ္စ္သည္ ေရာဂါပိုးရွိေသာ ႂကြက္ သို႔မဟုတ္ ရႉးပ်ံကဲ့သို႔ ကိုက္ျဖတ္သတၱဝါမ်ား၏ မစင္ သို႔မဟုတ္ ဆီးတို႔မွတစ္ဆင့္ လူသို႔ကူးစက္ျခင္းျဖစ္ၿပီး၊ ျပင္းထန္ပါက ေသြးလြန္တုပ္ေကြးကဲ့သို႔ အဖ်ားေရာဂါ ျဖစ္ေစႏိုင္ကာ အသက္အႏၲရာယ္ရွိႏိုင္သည္။
​
​ ေတာင္အာဖရိက အမ်ိဳးသားက်န္းမာေရးဌာန၏ ေျပာေရးဆိုခြင့္ရွိသူ ေဖာ္စတာ မိုဟာလီ (Foster Mohale)၏ ေျပာၾကားခ်က္အရ အသက္ ၇၀ အ႐ြယ္ အမ်ိဳးသားတစ္ဦးတြင္ ေရာဂါလကၡဏာမ်ား ဦးစြာစတင္ျပသခဲ့ၿပီး သေဘၤာေပၚတြင္ပင္ ေသဆုံးခဲ့ေၾကာင္း သိရသည္။ ၎၏႐ုပ္အေလာင္းကို အတၱလႏၲိတ္သမုဒၵရာေတာင္ပိုင္းရွိ ၿဗိတိန္ပိုင္ နယ္ေျမျဖစ္ေသာ စိန႔္ဟယ္လီနာ(Saint Helena) ကြၽန္းတြင္ ထိန္းသိမ္းထားရွိသည္။ ​အဆိုပါအမ်ိဳးသား၏ အသက္ ၆၉ ႏွစ္အ႐ြယ္ ဇနီးျဖစ္သူမွာလည္း ေရာဂါ ကူးစက္ခံခဲ့ရၿပီး ေတာင္အာဖရိကႏိုင္ငံ၊ ဂ်ိဳဟန္နက္စ္ဘာ့ဂ္ၿမိဳ႕ရွိ ေဆး႐ုံသို႔ ေ႐ႊ႕ေျပာင္းကုသစဥ္ ေသဆုံးသြားခဲ့ျခင္းျဖစ္သည္။
​
ေသဆုံးသူမ်ား၏ ႏိုင္ငံသားျဖစ္မႈကို အာဏာပိုင္မ်ားက အတည္မျပဳေသးေသာ္လည္း၊ လက္ရွိ ဂ်ိဳဟန္နက္စ္ဘာ့ဂ္ၿမိဳ႕တြင္ အထူးၾကပ္မတ္ကုသခံေနရသူမွာ အသက္ ၆၉ ႏွစ္အ႐ြယ္ ၿဗိတိန္ႏိုင္ငံသားတစ္ဦးျဖစ္ ေၾကာင္း AFP သတင္းဌာနက ေဖာ္ျပထားသည္။

အပျော်စီးသင်္ဘောပေါ်တွင် ဟန်တာဗိုင်းရပ်စ်ကြောင့်ဟုယူဆရပြီး လူသုံးဦး သေဆုံး
================================
အတ္တလန္တိတ်သမုဒ္ဒရာအတွင်း ခုတ်မောင်းနေသည့် ခရီးသွားသင်္ဘောတစ်စင်းပေါ်တွင် လူ ၃ ဦး သေဆုံးခဲ့ပြီး၊ ၎င်းတို့အနက် အနည်းဆုံး တစ်ဦးမှာ ရောဂါပိုးရှိသော ကိုက်ဖြတ်သတ္တဝါများမှတစ်ဆင့် လူသို့ကူးစက်တတ်သည့် ရှားပါးရောဂါဖြစ်သော ဟန်တာဗိုင်းရပ်စ် ကူးစက်ခံထားရကြောင်း အတည်ပြုနိုင်ခဲ့သည်။
​
လက်ရှိတွင် ကျန်းမာရေးအာဏာပိုင်များသည် အာဂျင်တီးနားနိုင်ငံ၊ အူရှူအာအီယာ (Ushuaia) မြို့မှ ကိပ်ဗာဒီ(Cape Verde) ကျွန်းစုသို့ ခုတ်မောင်းနေသည့် MV Hondius အမည်ရှိ သင်္ဘောပေါ်တွင် ဗိုင်းရပ်စ်ကူးစက်ပျံ့နှံ့မှုရှိမရှိကို စုံစမ်းစစ်ဆေးနေသည်။
​
ကမ္ဘာ့ကျန်းမာရေးအဖွဲ့ (WHO) က တနင်္ဂနွေနေ့တွင် ထုတ်ပြန်သည့် ကြေညာချက်အရ လူတစ်ဦးတွင် ဗိုင်းရပ်စ်ရှိကြောင်း အတည်ပြုနိုင်ခဲ့ပြီး အခြားခရီးသည် အနည်းဆုံး ၅ ဦးမှာလည်း ကူးစက်ခံရသည်ဟု သံသယရှိကြောင်း သိရသည်။
​
“ရောဂါလက္ခဏာပြတဲ့ လူ ၆ ဦးအနက် ၃ ဦး သေ ဆုံးသွားခဲ့ပြီး တစ်ဦးကတော့ တောင်အာဖရိကမှာ အထူးကြပ်မတ်ကုသဆောင်မှာ ကုသမှုခံယူနေပါတယ်” ဟု WHO က ဆိုသည်။ ထို့ပြင် ဓာတ်ခွဲခန်းစစ်ဆေးမှုများနှင့် ကပ်ရောဂါဗေဒဆိုင်ရာ စုံစမ်းစစ်ဆေးမှုများကို အသေးစိတ်လုပ်ဆောင်နေပြီး ရောဂါလက္ခဏာရှိသည့် အခြားခရီးသည် ၂ ဦးကို ဘေးလွတ်ရာသို့ ရွှေ့ပြောင်းနိုင်ရန် နိုင်ငံများအကြား ပူးပေါင်းညှိနှိုင်းပေးနေကြောင်းလည်း ဖြည့်စွက်ပြောကြားခဲ့သည်။
​
ဟန်တာဗိုင်းရပ်စ်သည် ရောဂါပိုးရှိသော ကြွက် သို့မဟုတ် ရှူးပျံကဲ့သို့ ကိုက်ဖြတ်သတ္တဝါများ၏ မစင် သို့မဟုတ် ဆီးတို့မှတစ်ဆင့် လူသို့ကူးစက်ခြင်းဖြစ်ပြီး၊ ပြင်းထန်ပါက သွေးလွန်တုပ်ကွေးကဲ့သို့ အဖျားရောဂါ ဖြစ်စေနိုင်ကာ အသက်အန္တရာယ်ရှိနိုင်သည်။
​
​ တောင်အာဖရိက အမျိုးသားကျန်းမာရေးဌာန၏ ပြောရေးဆိုခွင့်ရှိသူ ဖော်စတာ မိုဟာလီ (Foster Mohale)၏ ပြောကြားချက်အရ အသက် ၇၀ အရွယ် အမျိုးသားတစ်ဦးတွင် ရောဂါလက္ခဏာများ ဦးစွာစတင်ပြသခဲ့ပြီး သင်္ဘောပေါ်တွင်ပင် သေဆုံးခဲ့ကြောင်း သိရသည်။ ၎င်း၏ရုပ်အလောင်းကို အတ္တလန္တိတ်သမုဒ္ဒရာတောင်ပိုင်းရှိ ဗြိတိန်ပိုင် နယ်မြေဖြစ်သော စိန့်ဟယ်လီနာ(Saint Helena) ကျွန်းတွင် ထိန်းသိမ်းထားရှိသည်။ ​အဆိုပါအမျိုးသား၏ အသက် ၆၉ နှစ်အရွယ် ဇနီးဖြစ်သူမှာလည်း ရောဂါ ကူးစက်ခံခဲ့ရပြီး တောင်အာဖရိကနိုင်ငံ၊ ဂျိုဟန်နက်စ်ဘာ့ဂ်မြို့ရှိ ဆေးရုံသို့ ရွှေ့ပြောင်းကုသစဉ် သေဆုံးသွားခဲ့ခြင်းဖြစ်သည်။
​
သေဆုံးသူများ၏ နိုင်ငံသားဖြစ်မှုကို အာဏာပိုင်များက အတည်မပြုသေးသော်လည်း၊ လက်ရှိ ဂျိုဟန်နက်စ်ဘာ့ဂ်မြို့တွင် အထူးကြပ်မတ်ကုသခံနေရသူမှာ အသက် ၆၉ နှစ်အရွယ် ဗြိတိန်နိုင်ငံသားတစ်ဦးဖြစ် ကြောင်း AFP သတင်းဌာနက ဖော်ပြထားသည်။