၂ဝ၂ဝ ပြည့်နှစ် ကာကွယ်ရေးအသုံးစရိတ်အတွက် ငွေကြေးပိုမိုသုံးစွဲရန် သမ္မတ ထရန့် အဆိုပြု
အမေရိကန်သမ္မတ ဒေါ်နယ်ထရန့်က ၂ဝ၂ဝ ပြည့်နှစ် ရသုံးမှန်းခြေစာရင်းတွင် ကာကွယ်ရေးအသုံးစရိတ်အတွက် ငွေကြေးပိုမိုသုံးစွဲရန် အဆိုပြုထားကြောင်း အင်န်အိတ်ခ်ျကေ သတင်းတစ်ရပ် အရ သိရသည်။ အိမ်ဖြူတော်က မတ် ၁၁ ရက်တွင် အစိုးရအဖွဲ့၏ ရသုံးမှန်းခြေစာရင်း အဆိုပြုချက်များကို ထုတ်ပြန်ကြေညာခဲ့သည်။
အဆိုပြုချက်တွင် သမ္မတထရန့်က ဒေါ်လာ ၇၅ဝ ဘီလီယံကို ကာကွယ်ရေးအသုံးစရိတ်တွင် သုံးစွဲရန် အဆိုပြု ထားသည်။ အဆိုပါငွေကြေးပမာဏသည် လွန်ခဲ့သော နှစ်ကထက် ငါးရာခိုင်နှုန်း ပိုမိုများပြားသည်။ ယင်း ကာကွယ်ရေးအသုံးစရိတ်တွင် တရုတ်နှင့် ရုရှားနိုင်ငံများ၏ ခြိမ်းခြောက်မှုများကို တုံ့ပြန်နိုင်ရန် အာကာသ ကာကွယ်ရေးစခန်းအသစ်တစ်ခု ဖွင့်လှစ်ရန်အတွက် ပါဝင်ကြောင်း သိရသည်။
ထို့အပြင် ကာကွယ်ရေးအသုံးစရိတ်တွင် အသံထက် ပိုမိုမြန်ဆန်သော ဒုံးကျည်များကို တန်ပြန်ချေမှုန်းနိုင်ရန် အာကာသအခြေစိုက်အာရုံခံကိရိယာစနစ်များ တပ်ဖြန့် ထားရှိရေး အစီအစဉ်များ လည်း ပါဝင်သည်။
သို့သော် နိုင်ငံခြားရေးဝန်ကြီးဌာနနှင့် နိုင်ငံတကာ ဖွံ့ဖြိုးတိုးတက်မှုဆိုင်ရာ အမေရိကန်အေဂျင်စီအတွက် အသုံးစရိတ်များကို ၂၃ ရာခိုင်နှုန်းမှ ဒေါ်လာ ၁၂ ဒသမ ၃ ဘီလီယံအထိ သိသိသာသာ လျှော့ချခဲ့ကြောင်း သိရသည်။ ပတ်ဝန်းကျင်ထိန်းသိမ်းစောင့်ရှောက်ရေး အေဂျင်စီ အတွက် အသုံးစရိတ်များကိုလည်း ၃၁ ရာခိုင်နှုန်းမှ ဒေါ်လာ ၆ ဒသမ ၁ ဘီလီယံအထိ လျှော့ချခဲ့သည်။
သမ္မတထရန့်က ပြည်သူများအား ကတိပြုခဲ့သည့်အတိုင်း ကာကွယ်ရေးကဏ္ဍကို မြှင့်တင်ရန် ကြိုးပမ်းလျက် ရှိသည်။ သို့သော် သူ၏ အစီအစဉ်များနှင့် အဆိုပြုချက်များအား ဒီမိုကရက်တစ်ပါတီက ဆန့်ကျင်ကန့်ကွက် လျက်ရှိသည်။ ဝါရှင်တန်၏ နိုင်ငံရေးလွန်ဆွဲပွဲသည် ယခုအချိန်မှစပြီး လာမည့်နှစ် ရွေးကောက်ပွဲထိတိုင် ဆက်လက်ဖြစ်ပွားနေဦးမည်ဖြစ်ကြောင်း နိုင်ငံရေး စောင့်ကြည့်လေ့လာသူများက ဆိုသည်။
(ကြေးမုံ)
