မြန်မာနိုင်ငံမှ လက်ဝှေ့ကျော် စိုးလင်းဦး နှင့် စိန်ခေါ်သူ လက်ဝှေ့ကျော် အိကျူစံတို့ ယှဉ်ပြိုင်ထိုးသတ်မည်
ယှဉ်ပြိုင်ထိုးသတ်မည့်သူနှစ်ဦးအားတွေ့ရစဉ် (ဓာတ်ပုံ–MOI)
ရန်ကုန်၊ သြဂုတ် ၂ ရက်။ ။ ကျန်းမာရေးနှင့် အားကစားဝန်ကြီးဌာန မြန်မာနိုင်ငံ ရိုးရာလက်ဝှေ့အဖွဲ့ချုပ်က ကြီးမှူးပြီး MMTS နှင့် H & S Group တို့ ပူးပေါင်းစီစဉ်သည့် Lethwei Nation 50th Media Championship 2018 ၏ ဝိတ်တန်း အလိုက် နောက်ဆုံးဖိုင်နယ် ရွှေခါးပတ် လုပွဲကြီးတွင် ထိုင်းနိုင်ငံ မွေထိုင်းနှင့် ထိုင်းဖိုက်မှ နာမည်ကြီး လက်ဝှေ့ကျော် အိကျူစံနှင့် မြန်မာနိုင်ငံမှ ပထမတန်း လက်ဝှေ့ကျော် စိုးလင်းဦးတို့ အထူး စိန်ခေါ်ပွဲအဖြစ် ယှဉ်ပြိုင်ထိုးသတ်ကြမည် ဖြစ်ကြောင်း ပြန်ကြားရေးဝန်ကြီးဌာန ယနေ့သတင်းထုတ်ပြန်သည်။
အဆိုပါ စိန်ခေါ်ပွဲကြီးကို လာမည့် သြဂုတ် ၅ ရက် မွန်းလွဲ ၂နာရီတွင် ရန်ကုန်မြို့ မင်္ဂလာတောင်ညွန့်မြို့နယ် သိမ်ဖြူရိုးရာလက်ဝှေ့အားကစားရုံ၌ ကျင်းပမည်ဖြစ်ပြီးLethwei Nation 50th Media Championship 2018 ၏ ဝိတ်တန်းအလိုက် နောက်ဆုံး ဖိုင်နယ် ရွှေခါးပတ်လုပွဲများအဖြစ် ၆၁ ကီလိုတန်း တွင် ရဲသွေးနီ (တောင်ကလေး) နှင့် စောဖိုးထွန်း(သတ္တိ)၊ ၆၆ ကီလိုတန်းတွင် ရဲတံခွန် (အဖြူရောင်သွေးသစ်) နှင့် စိုးထက်ဦး (Phoenix)၊ ၇၁ ကီလိုတန်း တွင် ကြယ်စင်ဖြိုး (ရိုးရာပုဂံ) နှင့် ဆန်းသူ ဦး (တိုက်ဂါး) တို့ ယှဉ်ပြိုင်ထိုးသတ် ခါးပတ်လုကြမည်ဖြစ်သည်။ ယင်းပြိုင်ပွဲတွင် အမျိုးသမီးအထူးစိန်ခေါ်ပွဲအဖြစ် နော်ဥမ္မာစိုး (Phoenix)နှင့် မူအဲသိုလ် (တောင်ကလေး) တို့ ယှဉ်ပြိုင်ထိုးသတ်ကြမည်ဖြစ်ပြီး ၂ဝ၁၈ ခုနှစ် ရွှေခါးပတ်ချန်ပီယံပြိုင်ပွဲ၏ ပွဲကျန်ဆီမီး ဖိုင်နယ်ပွဲစဉ်များကို ထည့်သွင်းကျင်းပသွားမည်ဖြစ်သည်။
၂ဝ၁၈ ခုနှစ် ရွှေခါးပတ်ချန်ပီယံ ပြိုင်ပွဲ၏ ပွဲကျန်ဆီမီးဖိုင်နယ်ပွဲများမှာ ၅၁ ကီလိုတန်းတွင် သက်ပိုင်အောင် (ရွှေ ဘားလား) နှင့် သိန်းစိုး(အဖြူရောင်သွေး သစ်)၊ အောင်အောင်(ရန်စစ်ငြိမ်း)နှင့် ကျော်အဲပညာ (တောင်ကလေး)၊ ၅၄ ကီလိုတန်းတွင် လင်းထက်အောင် (တောင်ကလေး)နှင့် ဂျစ်တူး(တိုက်ဂါး)၊ ၆ဝ ကီလိုတန်းတွင် ယူးခလိန်းမင်း (မြိုင်ကလေးဘိလပ်မြေစက်ရုံ) နှင့် ထူးနေသူ (တောင်ကလေး)၊ ၆၇ ကီလို တန်းတွင် စောမင်းအောင် (တောင် ကလေး) နှင့် ကျားပေါက်(ရန်စစ်ငြိမ်း) တို့ ယှဉ်ပြိုင်ထိုးသတ်ကြမည်ဖြစ်ကာ အနိုင်ရရှိသူများက နောက်ဆုံး ရွှေခါးပတ် လုပွဲဖိုင်နယ်သို့ တက်လှမ်းသွားမည်ဖြစ်သည်။ ယင်းနေ့တွင် စိုးလင်းဦးနှင့် အိကျူစံတို့၏ အဓိက စိန်ခေါ်ပွဲကြီး အပါအဝင် စုစုပေါင်း တွဲဆိုင်း ၁ဝ ဆိုင်းပါဝင် ယှဉ်ပြိုင်ထိုးသတ်သွားမည်ဖြစ်ကာ ရုံဝင်ကြေးအနေဖြင့် ငွေကျပ်ရှစ်ထောင်၊ နှစ်သောင်း၊ သုံးသောင်း အသီးသီးသတ်မှတ်ထားပြီး ကြိုတင်လက်မှတ်များကို ဖုန်း- ဝ၉- ၂၅၄၂၁၄၁၆ဝ သို့ မှာယူနိုင်ပြီဖြစ်ကြောင်း သိရသည်။
Lethwei Nation 50th Media Championship 2018 ပြိုင်ပွဲများကို ပြီးခဲ့သော ဧပြီ ၂၉ ရက်တွင် ပထမနေ့ကွာတာဖိုင်းနယ်နှင့် မေ ၁၃ ရက်တွင် ဒုတိယနေ့ကွာတားဖိုင်နယ်များ ကို ကျင်းပခဲ့ပြီး ယခုပြိုင်ပွဲ နောက်ဆုံး ဖိုင်နယ် ခါးပတ်လုပွဲများကို သြဂုတ် ၅ ရက်တွင် ကျင်းပမည်ဖြစ်ကာ ၇၁ ကီလို တန်းတွင် ပထမ ရွှေခါးပတ်ရသူကို ငွေကျပ်သိန်း ၄ဝ၊ ဒုတိယရသူကို ငွေကျပ် သိန်း ၂ဝ၊ ၆၆ ကီလိုတန်းတွင် ရွှေခါးပတ် ရသူကို ငွေကျပ်သိန်း ၃ဝ နှင့် ဒုတိယရသူ ကို ငွေကျပ် ၁၅ သိန်း၊ ၆၁ ကီလိုတန်းတွင် ပထမရွှေခါးပတ်ရသူကို ငွေကျပ် သိန်း ၂ဝ နှင့် ဒုတိယရသူကို ငွေကျပ် ၁ဝ သိန်း ချီးမြှင့် ပေးသွားမည်ဖြစ်ကြောင်း ထုတ်ပြန်ချက်ထဲတွင် ပါရှိသည်။
Source: Xinhua
