ပြည်ခိုင်ဖြိုးပါတီ ဗဟိုအတွင်းရေးမှူးဦးသန်းထွန်း ပုသိမ်မြို့ နယ် ပါတီဝင်သားသမီးများအား ပညာရည်ချွန်ဆုပေးပွဲတက်ရောက်ချီးမြှင့်
ပုသိမ် ဇူလိုင် ၁၆
ပုသိမ်မြို့နယ်အတွင်းရှိ ၂ဝ၁၇-၂ဝ၁၈ တက္ကသိုလ်ဝင်တန်းအောင် ပါတီဝင်သားသမီးများ အားပညာရည်ချွန်ဆုပေးပွဲ အခမ်းအနားကို ပုသိမ်မြို့နယ် ပြည်ခိုင်ဖြိုးပါတီရုံးခန်းမတွင် ယနေ့နံနက် ၉ နာရီကကျင်းပရာ အခမ်းအနားသို့ ပြည်ခိုင်ဖြိုးပါတီ ဗဟိုအတွင်းရေးမှူး ဦးသန်းထွန်း၊ ဗဟို အလုပ်အမှုဆောင် ဧရာဝတီတိုင်းဒေသကြီးပါတီဥက္ကဋ္ဌ ဦးညဏ်လင်းနှင့် တိုင်းဒေသကြီး ကော်မတီ ဝင်များ၊ ပုသိမ် ခရိုင်/မြို့နယ် ပါတီဥက္ကဋ္ဌနှင့်ကော်မတီဝင်များ၊ ဆုရကျောင်းသား၊ ကျောင်းသူများ၊ ကျောင်းသားမိဘများ၊ ဖိတ်ကြားထားသောဧည့်သည်တော်များ စုစုပေါင်း ၃၅ဝ ကျော်တက်ရောက်ခဲ့သည်။
အခမ်းအနားတွင် ပုသိမ်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးကျော် ထွန်းဇော်က ဆုပေးပွဲကျင်းပရခြင်းနှင့်ပတ်သက်၍ ရှင်းလင်းပြောကြားခဲ့ပြီး ဗဟိုအတွင်းရေးမှူးနှင့် တိုင်းဒေသကြီးပါတီဥက္ကဋ္ဌတို့က လမ်းညွှန်အမှာစကား ပြောကြားခဲ့သည်။ ဆက်လက်ပြီး နေပြည်တော်နေ ဦးရဲနီထွန်း-ဇနီး ဒေါ်သီရိဆွေမိသားစုက အလှူငွေကျပ်ငါးသိန်း၊ တိုင်းဒေသကြီး ပြည်ခိုင်ဖြိုးပါတီက အလှူငွေကျပ်တစ်သိန်း၊ တိုင်းကော်မတီဝင် ဒေါ်နွယ်နွယ်ဦးက အလှူငွေကျပ် ငါးသောင်း ပေးအပ်လှူဒါန်းရာ မြို့နယ်ပါတီဥက္ကဋ္ဌက လက်ခံရယူခဲ့သည်။ ဆက်လက်ပြီး ဆုရ ကျောင်းသားကျောင်းသူ ၁၇၇ ဦးတို့အား ဂုဏ်ပြုဆုများ ပေးအပ်ချီးမြှင့်ခဲ့ပြီး ကျောင်းသူနှစ်ဦးနှင့် ကျောင်းသားတစ်ဦးက ကျေးဇူးတင်စကား ပြန်လည်ပြောကြားခဲ့ကြောင်း သိရသည်။
ထို့နောက် နံနက် ၁၁ နာရီတွင် ဧရာဝတီတိုင်းဒေသကြီး တိုင်းပါတီသင်တန်းကျောင်း အစည်း အဝေးခန်းမတွင် ဗဟိုအတွင်းရေးမှူးဦးသန်းထွန်းသည် တိုင်းဒေသကြီးပါတီဥက္ကဋ္ဌ ဦးÓဏ်လင်း၊ အတွင်းရေးမှူး ဦးဝင်းကိုကိုနှင့် တိုင်းပါတီကော်မတီဝင်များ၊ ပုသိမ်ခရိုင်နှင့် ခရိုင်အတွင်းရှိ မြို့နယ်ခုနစ်မြို့နယ်မှ ဥက္ကဋ္ဌ၊ အတွင်းရေးမှူး၊ ကော်မတီဝင်များအား ကဏ္ဍ/ရေးရာများအလိုက် တာဝန်ပေးအပ်ထားမှုများ၊ ၂ဝ၂ဝ အောင်နိုင်ရေးအတွက် စီမံထားရှိမှုများ၊ လှုပ်ရှားဆောင်ရွက်မှုများကို တွေ့ဆုံဆွေးနွေးခဲ့ကြသည်။
တွေ့ဆုံပွဲတွင် ပုသိမ်ခရိုင်အတွင်းရှိ မြို့နယ်ခုနစ်မြို့နယ်၏ ဥက္ကဌများက မြို့နယ်များ၏ ၂ဝ၂ဝ ရွေးကောက်ပွဲအောင်နိုင်ရေးအတွက် စီမံချက်ရေးဆွဲထားရှိမှုများ၊ ရွေးကောက်ပွဲကာလအတွင်း မဲရုံကိုယ်စားလှယ်ခန့်ထားရန် ဆောင်ရွက်ထားရှိမှုများ၊ မိမိနယ်မြေများအတွင်း မဲရုံများအရေ အတွက်၊ မိမိနယ်မြေအတွင်းရှိ မဲပေးနိုင်သည့်ဦးရေ၊ မဲရရှိနိုင်မည့် ခန့်မှန်းရာခိုင်နှုန်းများ စည်းရုံးရေး လုပ်ငန်းများလှုပ်ရှားထားရှိမှုအခြေအနေများကို တင်ပြခဲ့သည်။
မြို့နယ်များ၏ တင်ပြချက်များအပေါ် ပါတီဗဟိုအတွင်းရေးမှူး တိုင်းဒေသကြီး တာဝန်ခံ ဦးသန်းထွန်းနှင့် တိုင်းဒေသကြီး ပါတီဥက္ကဋ္ဌဦးÓဏ်လင်းတို့က ပြန်လည်ရှင်းလင်းဆွေးနွေးရာ ပါတီအောင်နိုင်ရေးအတွက် စီမံချက်များ ချမှတ်ဆောင်ရွက်ရန်လိုအပ်ကြောင်း၊ ပန်းတိုင်အထိ ရောက်ရန် မိမိအဆင့်နှင့်လျော်ညီစွာ ဆောင်ရွက်ရမည်ဖြစ်ကြောင်း၊ မြို့နယ်များအနေဖြင့် ပါတီဝင်ခွင့်ရှိသူများကို ထပ်မံစည်းရုံးထားကြရန် လိုအပ်ကြောင်း ရှင်းလင်းပြောကြားခဲ့ပြီး အခမ်း အနားကို ညနေ ၅ နာရီတွင် ရုပ်သိမ်းခဲ့ကြောင်း သိရသည်။
