လူပေါင်း ၆၀ ကျော်သတ်ခဲ့သည့် ကြေးစားလူသတ်ဂိုဏ်းခေါင်းဆောင်ကို သြစတြီးယား က ရုရှားသို့လွှဲပြောင်း ပေးပို့ 
လူပေါင်း ၆၀ ကျော်ကို သတ်ခဲ့မှုဖြင့် သံသယရှိသည့် ကြေးစားလူသတ်သမား ခေါင်းဆောင် အယ်လန် ဂါဂျီယေ့ဗ်ဆိုသူအား ဇွန် ၂၀ ရက် ဗုဒ္ဓဟူးနေ့တွင် သြစတြီးယားနိုင်ငံက ရုရှားနိုင်ငံသို့ တရားခံ လွှဲပြောင်းပေးခဲ့သည်။ ၄င်းသည် ခေတ်သစ်ရှရှားသမိုင်းတွင် အဆိုးဆုံး ကြေးစားလူသတ်သမား ဟုဆိုသည်။
၎င်းအား ရုရှားလုံခြုံရေး အမြောက်အမြား ခြံရံကာ ဗီယင်နာမှ မော်စကိုသို့ လေယာဉ်နှင့် ပို့ဆောင်ခဲ့ကြောင်း သိရသည်။
ရှရှားပြည်ထဲရေးဝန်ကြီးဌာန ပြောရေးဆိုခွင့်ရှိသူ အိုင်ရီနာဗော့၏ ပြောပြချက်အရ ဒါဟာကို ဟုလည်း လူသိများသည့် ဂါဂျီယေ့ဗ်သည် ရုရှားနိုင်ငံ၌ လုယက်မှု၊ လူသတ်မှု၊ တရားမ၀င် လက်နက်ကိုင်ဆောင်မှု၊ လိမ်လည်မှုနှင့် အုပ်စုဖွဲ့ ရာဇ၀တ်မှုများအပါအ၀င် စွဲချက်ပေါင်းများစွာနှင့် ရင်ဆိုင်ရမည်ဟု သိရသည်။ ၄င်းအနေဖြင့် စွဲံချက်များအတွက် ထောင်ဒဏ် တစ်သက်အထိ ချမှတ်ခံရနိုင်ကြောင်း သိရသည်။
စုံစမ်းစစ်ဆေးသူများ၏ အဆိုအရ ၄င်းသည် ဆိုဗီယက်ပြည်ထောင်စုဝင်ဟောင်း ဂျော်ဂျီယာနိုင်ငံဖွားတစ်ဦးဖြစ်ပြီး ၂၀၀၄ ခုနှစ်က လူဦးရေ ၅၀ ပါဝင်သော ကြေးစားလူသတ်သမားဂိုဏ်းကို ထူထောင်ခဲ့သည်ဟု သိရသည်။ ယင်းဂိုဏ်းကို ရှရှားမီဒီယာများ hitmen army ဟု နာမည်တပ် ဖော်ပြခဲ့ကြသည်။
၂၀၁၃ ခုနှစ်တွင် ၄င်းရုရှားနိုင်ငံမှ ထွက်ပြေးသွားခဲ့ပြီးနော် နိုင်ငံတကာ အလိုရှိစာရင်းတွင် ထည့်သွင်းခဲ့ကာ ၂၀၁၅ ခုနှစ်တွင် ဗီယင်နာ၌ ဖမ်းမိခဲ့သည်။ ၄င်းကို ဖမ်းမိပြီးနောက် သြစတြီးယားတရားရုံးများက ၄င်းကို ရုရှားသို့ လွှဲပြောင်းရန် အမိန့်ချခဲ့ကြသော်လည်း ၄င်း၏ ရှေ့နေများက အခြားအကြောင်းအရားများနှင့် အချိန်ကြန့်ကြာ စေခဲ့ကြောင်း သိရသည်။ တဖန် ၂၀၁၇ ခုနှစ် နိုဝင်ဘာလတွင်လည်း ရှရှားသို့ လွှဲပြောင်းခွင့်ရခဲ့သော်လည်း ၄င်း၏ ရှေ့နေများက သူတို့၏ အမှုသည် သည် အဲရိုဖီဘီယား ဟုခေါ်သော လေယာဉ်စီးရန်ကြောက်သည့် ရောဂါရှိသည်ဟု ဆိုကာ ဆေးစစ်ချက် တင်ပြသောကြောင့် ထပ်မံကြန့်ကြာခဲ့ရသည်။ နောက်ပိုင်းတွင် ၄င်း၌ ထိုကဲ့သို့သော ရောဂါမျိုးမရှိကြောင်း ကျွမ်းကျင်သူတို့ ဖော်ထုတ်နိုင်ခဲ့သည်။
ဂါဂျီယေ့ဗ်၏ ညာလက်ရုံးဖြစ်သူ အိုလက်သည်လည်း လက်ရှိတွင် ရုရှား၌ ထောင်ဒဏ် တစ်သက် ကျခံလျက်ရ၊ှိကြောင်း သိရသည်။
Source: Akonthi
