မြန်မာနိုင်ငံ ခရီးသွားလာရေးဥပဒေ အမြန်ဆုံးအပြီးသတ်ရန် တိုက်တွန်းမည်
မြန်မာနိုင်ငံ ခရီးသွားလာရေးဥပဒေနှင့် ပတ်သက်၍ ဆွေးနွေးရန် အောက်တိုဘာ ၃၁ ရက်တွင် အမျိုးသားလွှတ်တော် ဥပဒေကြမ်းကော်မတီအဖွဲ့ဝင်များနှင့် သွားရောက်တွေ့ဆုံ မည်ဖြစ်ပြီး ယင်းဥပဒေကို အမြန် ဆုံး အပြီးသတ်ရန် တိုက်တွန်းမည်ဖြစ်ကြောင်း ခရီးသွားလုပ်ငန်းရှင် များအသင်း ဥက္ကဋ္ဌဦးသက်လွင် တိုးက ပြောသည်။
‘‘ကျွန်တော်တို့ဥပဒေနဲ့ပတ်သက်ပြီး အကြံတွေအများကြီး ပေးထားတာရှိပါတယ်။ အဓိကအားဖြင့် အမျိုးသား အကျိုးစီးပွားကို ကာကွယ်ပေးဖို့ပါ။ ဘယ်ဟာက ဆောင်ရွက်သင့်တယ်၊ ဆိုင်းငံ့ သင့်တယ်ဆိုတာကိုတော့ အမတ်တွေက ဆွေးနွေးကြမှာပေါ့’’ ဟု ၎င်းကပြောသည်။ ရင်းနှီးမြှုပ်နှံမှုကြီးမားသည့် ဟိုတယ်လုပ်ငန်းရှင် များနှင့် ဆက်စပ်သော်လည်း လုပ်ငန်းသဘာဝ မတူသည့် အတွက် ဥပဒေပါအချက်အချို့ကို ခေတ်ကာလနှင့် ကိုက်ညီစေရန် အကြံပေးထားကြောင်းလည်း ၎င်းကဆိုသည်။
အသစ်ရေးဆွဲထားသည့် ဥပဒေကြမ်းတွင် လိုင်စင်မရှိဘဲလုပ်ဆောင်နေသည့် တည်းခိုရိပ်သာများနှင့် ခရီးသွား ကုမ္ပဏီများ၊ ဧည့်သည်ပို့ဆောင်ရေး၊ လုပ်ငန်း လုပ်ကိုင်နေသူများကို စစ်ဆေး တွေ့ရှိပါက ထောင်ဒဏ် သုံးနှစ် (သို့မဟုတ်) ကျပ်သိန်း ၂၀၀၊ ဧည့် လမ်းညွှန်လိုင်စင်မရှိဘဲ လိုပ်ကိုင် ပါက တစ်နှစ်ထက်မပိုသည့် ထောင်ဒဏ် (သို့မဟုတ်) ကျပ် သိန်း ၂၀ (သို့မဟုတ်) ဒဏ်နှစ်ရပ် စလုံးဖြင့် အရေးယူနိုင်ရန် ထည့် သွင်းရေးဆွဲထားသည်။
‘‘တချို့တွေက ဘာသာစကားတတ်ရုံနဲ့ တိုးရစ်ဂိုက်လုပ်နေကြတာ ရှိတယ်။ သူတို့ရဲ့ ဗဟုသု တအားနည်းရင် လာရောက်လည်ပတ်တဲ့ သူတွေလည်း မြန်မာနိုင်ငံအကြောင်း သေသေချာချာသိခွင့်မရဘူး။ ပြီးတော့ တရားဝင်လိုင် စင်တွေနဲ့ လုပ်ကိုင်နေတဲ့ ကျွန်မ တို့လို တိုးရစ်ဂိုက်တွေအရမ်းနစ် နာတယ်။ တချို့မြန်မာနိုင်ငံ ရောက်တာကြာတဲ့ နိုင်ငံခြားသားတွေက သူတို့အချင်းချင်း ဂိုက်ပြန် လုပ်တာမျိုးတောင် တွေ့ဖူးတယ်’’ ဟု ဧည့်လမ်းညွှန်တစ်ဦးက ပြော ကြားသည်။
မြန်မာနိုင်ငံဟိုတယ်နှင့် ခရီးသွားလာရေး ဥပဒေကို ၁၉၉၂ က ရေးဆွဲခဲ့ပြီး ယင်းဥပဒေအရ သတ် မှတ်ထား သည့်စည်းကမ်းများ လိုက်နာမှုမရှိသည့် ကုမ္ပဏီများကိုဒဏ်ငွေ အမြင့်ဆုံးကျပ်ငါးသောင်းဖြင့်သာ အရေးယူ နိုင်သဖြင့် ထိရောက်သည့်အရေးယူမှုများ လုပ်ဆောင်နိုင်ခြင်း မရှိကြောင်း ခရီးသွားလုပ်ငန်းရှင်များက ဆိုသည်။
