ပြုံယမ်း ဇွန် ၂၃
မြောက်ကိုရီးယားနိုင်ငံ၏ နျူကလီး ယားတိုက်ဖျက်ရေး လုပ်ငန်းစဉ်ကို ဆွေးနွေးနေမည့် ကာလပတ်လုံး ခြောက်ပွင့်ဆိုင် တွေ့ဆုံဆွေးနွေးမှုကို မြောက်ကိုရီးယားနိုင်ငံ အနေဖြင့် စိတ် ပါဝင်စားမှုရှိမည် မဟုတ်ကြောင်း မြောက်ကိုရီးယားအဆင့်မြင့် အရာရှိ တစ်ဦးက ဇွန် ၂၃ ရက်တွင် ပေကျင်း မြို့၌ ကျင်းပခဲ့သည့် လုံခြုံရေးဆိုင်ရာ ဆွေးနွေးပွဲတစ်ခုတွင် ပြောကြားခဲ့သည်။
တရုတ်နိုင်ငံတွင် လေဆင်နှာမောင်းတစ်ခု တိုက်ခတ်မှုကြောင့် လူ ၁၀၀ နီးပါးမျှ အသက်ဆုံးရှုံးခဲ့ကြောင်း သိရှိရသည်။ တရုတ်နိုင်ငံ အရှေ့ပိုင်းရှိ ဂျီယန်ဆု ဒေသတွင် ဇွန် ၂၃ ရက် နေ့လယ်ပိုင်းက ရှားပါးအခြေအနေအဖြစ် လေဆင်နှာမောင်းတစ်ခု တိုက်ခတ်ခဲ့ခြင်း ဖြစ်သည်။ လေဆင်နှာမောင်းကြောင့် လူ ၉၈ ဦးထက်မနည်း သေဆုံးခဲ့သလို နောက်ဆက်တွဲ ရာသီဥတု ဖောက်ပြန်မှုအဖြစ် မိုးသီးများ ကြွေကျခြင်း၊ မိုးကြိုးမုန်တိုင်းများ တိုက်ခတ်ခြင်းတို့ပါ ဖြစ်ပေါ်ခဲ့သည်။
နိုက်ဂျီးရီးယားတွင် ဘိုကိုဟာရမ် စစ်သွေးကြွများလက်မှ ထွက်ပြေးလာသူ အမြောက်အမြား အစာရေစာ ငတ်ပြတ်ပြီး အသက်ဆုံးရှုံးနေကြောင်း သိရသည်။
ကျန်းမာရေး ရန်ပုံငွေ အဖွဲ့အစည်း တစ်ခုဖြစ်သည့် MSFက ဘိုကိုဟာရမ် လက်အောက်မှ တိမ်းရှောင်လာသူ ၂၀၀ ခန့်သည် ပြီးခဲ့သည့် တစ်လတည်းတွင်ပင် ဘာမာမြို့၌ သေဆုံးခဲ့ကြောင်း ကြေညာခဲ့သည်။ “အရမ်းဆိုးရွားတဲ့ ကပ်ဘေးတစ်ခုလို ဖြစ်နေပြီး အကူအညီတွေ အရေးတကြီး လိုအပ်နေပါတယ်”ဟု ဘာမာရှိ စစ်ဘေးရှောင် ဒုက္ခသည်များထံ သွားရောက်ခဲ့သည့် MSF တာဝန်ရှိသူများက ဆိုသည်။
အမေရိကန် နိုင်ငံတွင် လက်နက်ကိုင် အကြမ်းဖက်မှု ထိန်းချုပ်ကာကွယ်နိုင်ရေး ကိစ္စရပ်များနှင့်စပ်လျင်း၍ ရီပတ်ပလစ်ကန်တို့ ဦးဆောင်ထားသော ကွန်ဂရက် လွှတ်တော်ထဲတွင် ဆွေးနွေးဆုံးဖြတ်နိုင်ရေး တောင်းဆိုကာ ဇွန်လ ၂၂ ရက်က အောက်လွှတ်တော်တွင် ဒီမိုကရက်တစ်အမတ်များက ထိုင်ပြီး ဆန္ဒပြခဲ့ကြသည်ဟု သတင်းတစ်ရပ်တွင် ဖော်ပြသည်။
ပြီးခဲ့သည့် ရက်ပိုင်းက ဖြစ်ပွားထားခဲ့သည့် အော်လန်ဒို ဂေးနိုက်ကလပ် အကြမ်းဖက်တိုက်ခိုက်မှုဖြစ်စဉ်နောက်ပိုင်း နိုင်ငံတွင်လက်နက်ထိန်းချုပ်ရေး ဥပဒေတစ်ရပ် ပေါ်ထွက်လာရေး လွှတ်တော်က မဲပေးဆုံးဖြတ်ပေးနိုင်ရန်အလို့ငှာ ဒီမိုကရက်တစ်များဘက်က တောင်းဆိုလာခဲ့ခြင်းဖြစ်သည်။
လန်ဒန်၊ ဇွန် ၂၃
ဗြိတိန်နိုင်ငံအား ဥရောပသမဂ္ဂ အီးယူတွင် အဖွဲ့ဝင်အဖြစ် ဆက်လက်ပါဝင်မည်၊ နုတ်ထွက်မည် သဘောထား ကောက်ခံသည့် သမိုင်းဝင်ပြည်လုံးကျွတ်ဆန္ဒခံယူပွဲများကို ကျင်းပလျက်ရှိသည်။
မဲရုံများကို ဗြိတိန်စံတော်ချိန် နံနက် ၇ နာရီမှ ည ၁၀ နာရီအထိ ဖွင့်လှစ်ထားမည်ဖြစ်သည်။
ပြုံယမ်း၊ ဇွန် ၂၃
မြောက်ကိုရီးယားနိုင်ငံ၏ နောက်ဆုံးစမ်းသပ်ခဲ့သော ဒုံးကျည်ပစ်လွှတ်မှုက အမေရိကန်၏ အကျိုးစီးပွားကို တိုက်ခိုက်နိုင်စွမ်းအား ကျိန်းသေပြသလိုက်ခြင်းဖြစ်ကြောင်း ခေါင်းဆောင်ကင်ဂျုံးအွန်က ပြောသည်။
ဇွန် ၂၂ ရက်က Musudan ဒုံးကျည်များဖြစ်ဖွယ်ရှိသည့် ဒုံးကျည်နှစ်စင်းစမ်းသပ်ပြီးနောက် ကင်က ပြောဆိုလိုက်ခြင်း ဖြစ်သည်။
တရုတ်နိုင်ငံသည် ဇွန် ၂၅ ရက်မှ ၂၉ ရက်အကြားတွင် လောင်းမတ်ခ်ျ-၇ အမျိုးအစားမျိုးဆက်သစ် သယ်ယူ ပို့ဆောင်ရေး ဒုံးပျံယာဉ် တစ်စင်းကို နိုင်ငံတောင်ပိုင်း ဒုံးယာဉ်လွှတ်တင် ရေးစခန်းတစ်ခုမှနေ၍ လွှတ်တင်မည် ဖြစ်ကြောင်း တရုတ်နိုင်ငံ၏ လူ လိုက်ပါသော အာကာသအင်ဂျင်နီယာ လုပ်ငန်းရုံးက ဇွန် ၂၂ ရက်တွင် ပြောကြားသည်။
ထိုင်းနိုင်ငံမှာ အီး-စီးကရက် လက်ဝယ်ပိုင်ဆိုင်ထားရှိသူတွေကို ထောင်ဒဏ် ၅ နှစ်ထိ ပြစ်ဒဏ်ချမှတ်မယ်လို့ အွန်လိုင်း နာမည်ကျော်ရဲဌာန စာမျက်နှာတခုဖြစ်တဲ့ “မာ့တ်ကာ” က အတည်ပြုလိုက်ပါတယ်။
ဥပဒေကို ချိုးဖောက်တဲ့ အီး-စီးကရက် အသုံးပြုသူတွေကို ထောင်ဒဏ် ၅ နှစ်နဲ့ ထုတ်လုပ်သူတွေကို ထောင်ဒဏ် ၁၀ နှစ်ထိ ပြစ်ဒဏ်ချမှတ်မှာ ဖြစ်ပါတယ်။
ပြုံယမ်း၊ ဇွန် ၂၂
ကုလသမဂ္ဂ ချမှတ်ထားသော ဒဏ်ခတ်ပိတ်ဆို့မှုကို အာခံလျက် မြောက်ကိုရီးယားနိုင်ငံက တာလတ်ပစ် ဖျက်အားပြင်းဒုံးကျည်နှစ်စင်းကို ရှေ့နောက်ဆင့် ပစ်လွှတ်စမ်းသပ်ခဲ့ကြောင်း တောင်ကိုရီးယားနိုင်ငံက ပြောသည်။
နာရီပိုင်းအတွင်း ပစ်လွှတ်သည့် ယင်းဒုံးကျည်နှစ်စင်းက Musudan ဖျက်အားပြင်းဒုံးကျည်များဖြစ်ကြောင်း တောင်ကိုရီးယားက ပြောသည်။
အမေရိကန်နိုင်ငံတွင် အကြမ်းဖက်မှု စောင့်ကြည့်စာရင်းထဲ၌ ပါဝင်နေသူများကို လက်နက်ရောင်းချမှု ပိတ်ပင်ခြင်း အပါအ၀င် လက်နက်ပိုင်ဆိုင်မှုကို ပိုမိုတင်းကျပ် ထိန်းချုပ်သွားမည့် အစီအစဉ်များကို ဆီးနိတ်လွှတ်တော်က ပယ်ချသွားခဲ့သည်ဟု သတင်းတစ်ရပ်တွင် ဖော်ပြထားသည်။
ပြီးခဲ့သည့် ရက်ပိုင်းက ဖလော်ရီဒါပြည်နယ်ရှိ ဂေးနိုက်ကလပ်တစ်ခုတွင် အကြမ်းဖက်သမားတစ်ဦး၏ တိုက်ခိုက်မှု ကြောင့် လူပေါင်း ၄၉ ဦးသေဆုံးခဲ့ရသည့် ဖြစ်စဉ်နောက်ပိုင်း နိုင်ငံတွင် လက်နက်ထိန်းချုပ်ကန့်သတ်ရေးဆိုင်ရာ အဆိုပြုချက်လေးခုကို ဆီးနိတ်လွှတ်တော်သို့ တင်ပြလာခဲ့ခြင်းဖြစ်သည်။
