ဆိုက်ဘာရာဇဝတ်မှု ကျူးလွန်သူများက အီလက်ထရွန် နစ်ငွေကြေးနှင့် အခြားဒစ်ဂျစ် တယ်ငွေကြေး ပိုင်ဆိုင်သူများကို ပစ်မှတ်ထားစဉ် အွန်လိုင်းမှတစ်ဆင့် ဟက်၍ ကန်ဒေါ်လာ ၈၇ သန်း တန်ဖိုးရှိသည့် ပိုင်ဆိုင်မှုများ ခိုးယူခဲ့သည်ဆိုသော မသင်္ကာဖွယ်ရာ လူသုံးဦးကို တရုတ်ရဲတပ် ဖွဲ့က ဖမ်းဆီးခဲ့ကြောင်း နိုင်ငံပိုင် မီဒီယာက ဩဂုတ် ၁၉ ရက်တွင် ဖော်ပြသည်။
သြဂုတ် ၂၀
တောင်ကိုရီးယားနိုင်ငံသားတွေဟာ နှစ်ပေါင်း ၇၀ ကြာ အဆက်အသွယ်ပြတ်နေခဲ့တဲ့ မြောက်ကိုရီးယားက မိသားစုဝင်တွေနဲ့ ဒီကနေ့မှာ ပထမဆုံးအကြိမ်အဖြစ် ပြန်လည်တွေ့ဆုံနိုင်ပြီ ဖြစ်ပါတယ်။
၁၉၅၀-၁၉၅၃ အရေးတော်ပုံ ဖြစ်ပြီးနောက်ပိုင်း တောင်ကိုရီးယားနဲ့ မြောက်ကိုရီးယားနိုင်ငံလို့ သီးခြားသတ်မှတ် လိုက်ရာ ဆွေမျိုးသားချင်းတွေလည်း အဆက်အသွယ်ပြတ်ခဲ့ကြရတာဖြစ်ပါတယ်။
အီရတ်နိုင်ငံ အတွင်းရှိ IS စစ်သွေးကြွများ သိမ်းပိုက်ခဲ့ဖူးသော ဒေသများ၌ ဒေသတွင်း တည်ငြိမ်အေးချမ်းရေးကို ကူညီရန်အတွက် အမေရိကန် တပ်ဖွဲ့ဝင်များသည် ၄င်းနိုင်ငံအတွင်း ဆက်လက် တပ်စွဲထားမည် ဖြစ်ကြောင်း အမေရိကန် ဦးဆောင်သော နိုင်ငံတကာညွန့်ပေါင်း တပ်ဖွဲ့မှ ပြောရေးဆိုခွင့်ရှိသူ တစ်ဦးက သြဂုတ် ၁၉ ရက်တွင် ပြောသည်။
ယူဂန္ဓာနိုင်ငံ အနောက်ပိုင်းမှာ သံသယဖြစ်ဖွယ် အီဘိုလာကူးစက်မှု တွေ့ရှိပြီး ကျန်းမာရေးဝန်ထမ်းတွေက အခြေအနေကို စောင့်ကြည့်နေပါတယ်။ အီဘိုလာ ရောဂါလက္ခဏာဆန်ဆန် လူနာတဦးကို တွေ့ရှိထားပြီး သူ့အခြေအနေမှန်ကို သိရှိဖို့ ဓာတ်ခွဲခန်းအဖြေကို စောင့်နေတယ်လို့ ဆရာဝန်တွေက ဆိုပါတယ်။ အဲဒီလူနာ သီးသန့်ထားရာနေရာနဲ့ ကီလိုမီတာ အနည်းငယ်အကွာ ယူဂန္ဓာနဲ့ ကွန်ဂိုဒီမိုကရက်တစ်နိုင်ငံတို့ရဲ့ နယ်စပ် ဝင်ပေါက် ဘန်ဆန်ဂါမှာလည်း ရောဂါရှာဖွေ စစ်ဆေးတာတွေကို ကြပ်ကြပ်မတ်မတ် လုပ်ဆောင် နေပါတယ်။ အဲဒီ ဘန်ဆန်ဂါနယ်စပ် ဝင်ပေါက်ဟာ အီဘိုလာရောဂါဖြစ်ပွားရာ ကွန်ဂိုဒီမိုကရက်တစ်နိုင်ငံ ဘီနီဒေသနဲ့ ကီလိုမီတာ ၁ဝဝ ခန့်အကွာမှာ ရှိနေပါတယ်။ ကွန်ဂိုဒီမိုကရက်တစ်နိုင်ငံမှာ သံသယဖြစ်ဖွယ် အီဘိုလာရောဂါ ဖြစ်ပွားသူ ၅၇ ဦးရှိပြီး ၄၁ ဦး သေဆုံးခဲ့တယ်လို့ ရိုက်တာသတင်းအရ သိရပါတယ်။
ဘာလင် သြဂုတ် ၁၉
ဆီးရီးယားနိုင်ငံ ပြန်လည် ထူထောင်ရေးအတွက် ငွေကြေး ထောက်ပံ့ပေးရန် ရုရှားသမ္မတ ဗလာဒီမာပူတင်၏ တောင်းဆိုချက်ကို ဂျာမနီဝန်ကြီးချုပ် အိန်ဂျဲလာမာကယ်က ငြင်းဆို လိုက်ကြောင်း သိရသည်။
ပါကာရိုင်မာမြို့တွင် ဗင်နီဇွဲလားရွှေ့ပြောင်းနေထိုင်သူများကို ကန့်ကွက်ဆန္ဒပြနေသူအချို့အား သြဂုတ် ၁၈ ရက်က တွေ့ရစဉ် (GERALDO MAIA/EPA)
ဒေသခံ စားသောက်ဆိုင်ရှင်တစ်ဦး ဓားထိုး၊ ရိုက်နှက်ခံရပြီးနောက် ဒေါသထွက်နေသော ဘရာဇီးနိုင်ငံနယ်စပ်ရှိ ပါကာရိုင်မာမြို့ခံများသည် ဩဂုတ် ၁၇ ရက်က ဗင်နီဇွဲလားရွှေ့ပြောင်း ဒုက္ခသည်များကို မောင်းထုတ်ခဲ့ကြောင်း ဒေသခံများနှင့် အစိုးရတာဝန်ရှိသူများ ကပြောသည်။
ပါကစ္စတန်နိုင်ငံတောင်ပိုင်း ကရာချိမြို့မှာ လူတယောက်ကို ရွေးကောက်ခံအမတ်သစ်တယောက်က ရိုက်နှက် နေတဲ့ ဗွီဒီယို ကွန်ပျူတာအွန်လိုင်းမှာ တွေ့ရတဲ့နောက် ဝန်ကြီးချုပ်ဖြစ်မယ့် Imran Khan ရဲ့ Tahreek-e-Insaf ပါတီက အဲဒီအမတ်ကို တာဝန်က ဆိုင်းငံ့လိုက်ပါတယ်။ ခရစ်ကက်သမားဟောင်းဘဝက နိုင်ငံရေးသမားတဖြစ်လဲ Imran Khan ရဲ့ ပါတီဟာ ဒီလို ကျူးလွန်မှုတွေကို ပြင်းပြင်းထန်ထန်အရေးယူမယ့် အစီစဉ်ရှိတာ ပြသဖို့ ရည်ရွယ်တာလို့ သတင်းက ဖော်ပြပါတယ်။ အဂတိလိုက်စားမှုကို တိုက်ဖျက်ပြီး အားလုံးအတွက် တရားမှတမှု ရှိစေရမယ်လို့ မဲဆွယ်ချိန်တုန်း Imran Khan က ကတိပေးခဲ့တာပါ။
နိုင်ငံ၏ စီးပွားရေးအပေါ် တိုက်ခိုက်ခြင်းသည် အမေရိကန်ကို လက်တုံ့ပြန်သော အားဖြင့် တူရကီ အစိုးရက အမေရိကန် ပြည်ထောင်စုမှ တင်သွင်းလာသည့် သွင်းကုန်အချို့ကို အခွန်နှစ်ဆ တိုးမြှင့်ကောက်ခံ လိုက်ကြောင်း သိရသည်။ အခွန်နှစ်ဆ တိုးမြှင့်ကောက်ခံသည့် အမေရိကန် သွင်းကုန်များတွင် ခရီးသည်တင်ကားများ၊ အဖျော်ယမကာနှင့် ဆေးရွက်ကြီးတို့ ပါဝင်မည် ဖြစ်သည်။
နိုင်ငံခြားသားများကို အိမ်ရာ ရောင်းချခွင့် တားမြစ်ရန် နယူးဇီလန် လွှတ်တော်က မဲခွဲ ဆုံးဖြတ်ခဲ့ကြောင်း သိရသည်။
ယင်းသည် နိုင်ငံအတွင်း၌ အိမ်ခြံမြေ ဈေးနှုန်းများ ကြီးမြင့်လာမှုကို တားဆီးပြီး ဈေးနှုန်း သင့်တင့်သည့် အခြေအနေကို ပြန်လည် ထိန်းညှိယူရန် ခြေလှမ်းတစ်ရပ်ဟု ဥပဒေပြု လွှတ်တော် အမတ်များက ပြောကြားခဲ့သည်။
တရုတ် လက်ထောက်ကုန်သွယ်ရေးဝန်ကြီး ဝန်ရှိုဝမ်ဟာ အမေရိကန်နဲ့ ကုန်သွယ်ရေးဆိုင်ရာ ဆွေးနွေးမှုတွေ လုပ်ဖို့ အခုလနှောင်းပိုင်းမှာ အမေရိကန်ကို သွားရောက်မယ်လို့ ဗွီအိုအေသတင်းအရ သိရပါတယ်။
ကမ္ဘာ့အင်အားကြီး နှစ်နိုင်ငံအကြား ကုန်သွယ်ရေးစစ်ပွဲ ပြင်းထန်နေချိန်မှာပဲ တရုတ်ကိုယ်စားလှယ်တွေ အမေရိကန်ကို သွားရောက်မှာ ဖြစ်ပါတယ်။
ဝန်ရှိုဝမ်ဟာ အမေရိကန် လက်ထောက်ဘဏ္ဍာရေးဝန်ကြီး ဒေးဗစ်မယ်လ်ပတ်စ်နဲ့ တွေ့ဆုံဆွေးနွေးမှာပါ။
