ဧပြီ ၃ ရက် ညနေ ၃ နာရီ ၄၀ မိနစ်ချိန်ခန့်တွင် မွန်ပြည်နယ်၊ သထုံမြို့၊ အောက်ကျင်းရပ်ကွက်၊ ရှမ်းစုအလယ်တန်းရှိ သထုံခရိုင် လဝက ရုံးသို့ လူသတ်အကြမ်းဖက် pdf ၄ ဦး မှ မှတ်ပုံတင်ပြုလုပ်ရန်ဟု ပြောပြီး ရုံးထဲသို့ ဝင်ရောက်ခဲ့ကြောင်း၊ ၎င်းနောက် ဝန်ထမ်းများအား လက်နက်ဖြင့်ချိန်ရွယ်၍ လက်ကိုင်ဖုန်းများအားသိမ်း ဆည်းကာ စာရွက်စာတမ်းများအား မီးရှို့ထွက်သွားခဲ့ကြောင်း သိရှိရပါသည်။
ဧပြီ ၂ ရက် နံနက် ၁ နာရီအချိန်တွင် မွန်ပြည်နယ် ၊ ချောင်းဆုံမြို့နယ်နှင့် ဆယ်မိုင်အကွာ သံလွင်မြစ်အတွင်း အမည်မပါရှိသည့် မသင်္ကာစရာ စက်လှေတစ်စီးအား တပ်မတော်ရေမှ တက်ရောက်စစ်ဆေးရာ စက်လှေ ဝမ်းဗိုက်ထဲအတွင်း အထောက်အထားမဲ့ ဘင်္ဂါလီ ကျား ၁၀၂ ဦး၊ မ ၂၀ ဦး၊ ကလေး ကျား၁ ဦး၊ မ ၅ ဦး စုစုပေါင်း ၁၂၈ ဦး အား သယ်ဆောင်လာကြောင်း စစ်ဆေးဖမ်းဆီးရမိခဲ့သဖြင့် ခိုးဝင်ဘင်္ဂါလီများအား မော်လမြိုင်မြို့ သို့ပို့ဆောင် စစ်ဆေးလျက်ရှိကြောင်း သတင်းရရှိပါသည်။ #pan
ဧပြီ ၂
မနေ့က မွန်းလွဲ ၁၂ နာရီ ၄၇ မီးနစ်အချိန်တွင် မန္တလေးတိုင်းဒေသကြီး၊ အောင်မြေသာစံမြို့နယ်၊ မေဃဂီရိရပ်ကွက်၊အကွက်(၁၄၆)၊ ၁၈×၁၉ လမ်း ကြား၊၈၀×၈၁လမ်းကြားရှိ ဒေါ်သူဇာလှိုင်၏နေ အိမ်တွင် အိမ်ငှားနေထိုင်ပြီး Online ငွေလဲလှယ်ခြင်းလုပ်ငန်းလုပ်ကိုင်သူ အောင်နိူင်ဝေ၊ ကုန်းတန်းရပ်၊ ပုသိမ်ကြီးမြို့နယ်နေသူထံသို့ Online ငွေလဲလှယ်မည့်သူ မေသဇင်ဦး၊၃၇နှစ်၊(ဘ)ဦးဝင်းမြင့်၊ဥပုသ်တော်ရပ် ကွက်၊အောင်မြေသာစံမြို့နယ်နေသူရောက်ရှိလာပြီး ငွေလဲလှယ်ဆောင်ရွက်စဥ် အောင်နိူင်ဝေမှ မေသဇင်ဦးအား ကြိုးဖြင့်တုပ်ကာ သတ်ဖြတ်ခဲ့သည့်အတွက် မေသဇင်ဦးတွင် လည်ပင်းပြတ်ရှဒဏ်ရာ၊ဝဲ-ပါးစောင်ပေါက်ပြဲ ဒဏ်ရာများဖြင့်သေဆုံးသွားခဲ့ကြောင်းနှင့် ၎င်းနောက် အောင်နိူင်ဝေမှ မေသဇင်ဦး၏ ငွေသိန်း ၂၀၀ကျပ်နှင့် မေသဇင်ဦးစီးနင်းလာသော Scoopy ဆိုင်ကယ်တို့အား ယူဆောင်ထွက် ပြေးသွားကြောင်း သတင်းရရှိပါသည်။
မြန်မာနိုင်ငံအရပ်ရပ်မှာနွေကာလဖြစ်တဲ့ ဧပြီလနဲ့မေလတွေအတွင်း နေ့အပူချိန်တွေတဖြည်းဖြည်း မြင့်တက်လာရာ ကနေ အပူပျံတက်တိမ်တွေဖြစ်ထွန်းပြီး မွန်းလွဲ/ညနေပိုင်းတို့မှာ မိုးတိမ်တောင်တွေဖြစ်ပေါ်နိုင်တယ်လို့ မိုးလေဝသနှင့်ဇလဗေဒညွှန်ကြားမှု ဦးစီးဌာနကထုတ်ပြန်ပါတယ်။
ဧပြီလ(၁)ရက်နေ့ကထုတ်ပြန်ထားတဲ့ နွေကာလမှာဖြစ်ပေါ်တတ်တဲ့ မိုးလေဝသဖြစ်စဉ်တွေနဲ့ပတ် သက်လို့ ကြိုတင်သတိပေးနှိုးဆော်ချက်ထုတ်ပြန်ရာမှာဖော်ပြပါရှိတာပါ။
အဲဒီမိုးတိမ်တောင်တွေရွေ့လျားရာ နေရာတစ်လျှောက်မှာ လေပြင်းတွေတိုက်ခတ်တာ၊ လေပြင်းနဲ့အတူ ထစ်ချုန်းတာ၊ မိုးကြိုး ပစ်တာ၊ လျှပ်စီးလက်တာ၊ မိုးသီးကြွေတာနဲ့ နေရာကွက်ကျား မိုးထစ်ချုန်းရွာတာစတဲ့
မတ် ၃၀
ပဲခူးတိုင်းဒေသကြီး၊ ကျောက်ကြီးမြို့နယ်၊ နတ်သံကွင်း- ကျောက်ကြီးသွား ကားလမ်းပေါ်၌ KNLA အဖွဲ့မှ အကြမ်းဖက်မှုကို လိုလားသော အဖွဲ့က ထောင်ထားသည့် ဒေသန္တရာကားမိုင်းအား ယနေ့နံနက်ပိုင်းတွင် မော်တော်ယာဉ် တစ်စီးက နင်းမိပေါက်ကွဲခဲ့သဖြင့် အပြစ်မဲ့ပြည်သူ ၁ ဦးသေဆုံးပြီး ၄ ဦးဒဏ်ရာ ရရှိခဲ့ကြောင်း သိရှိရသည်။
ထိုင်းနိုင်ငံသို့ လာရောက်မည့် မြန်မာနိုင်ငံသားများအတွက် ယခင်က ၄၅ ရက်အခမဲ့ဗီဇာရရှိခဲ့သော်လည်း ဧပြီ ၁ ရက်မှ စတင်ကာ ၁၄ ရက်သာရရှိတော့မည်ဖြစ်ကြောင်း ထိုင်းနိုင်ငံဆိုင်ရာ မြန်မာသံရုံးက သတင်းထုတ်ပြန်သည်။
၂၀၂၃ ခုနှစ် ဧပြီ ၁ ရက်မှစ၍ ယခင်အတိုင်း အခမဲ့ဗီဇာ (Visa Free) ဖြင့် ၁၄ ရက်သာ ခွင့်ပြုမည်ဖြစ်သောကြောင့် ရက်ရှည်နေထိုင်လိုသူများအနေဖြင့် ထိုင်းသံရုံး (ရန်ကုန်) ၌ ဗီဇာလျှောက်ထား၍ လာရမည်ဖြစ် ကြောင်း အသိပေးအပ်သည်ဟု ထိုင်းနိုင်ငံဆိုင်ရာ မြန်မာသံရုံးက သတင်းထုတ်ပြန်သည်။
UAB Pay မှတစ်ဆင့် ရွှေကိုတစ်ရွေးမှစတင်၍ ပေါက်ဈေးအတိုင်းဝယ်ယူနိုင်ပြီဖြစ်ကြောင်း သိရသည်။
UAB ဘဏ်သည် Digital application ဖြစ်သည့် uabpay မှတစ်ဆင့် မြန်မာနိုင်ငံ၏ ပထမဆုံးသော ဒီဂျစ်တယ်နည်းပညာနှင့် ရွှေရင်းနှီးမြှုပ်နှံခြင်းဝန်ဆောင်မှုအား စတင်လုပ်ဆောင်နိုင်ပြီဖြစ်ကြောင်း မတ်လ (၂၉) ရက် တွင် တရားဝင်မိတ်ဆက်ခဲ့သည်။
မတ်လ ၂၅ ရက်မှ စတင်ကာ ယာဉ်အသွားအလာ ရပ်ဆိုင်းခဲ့ရသော မြဝတီ-ကော့ကရိတ် ဒေါနတောင်ကျော်လမ်းတွင် မတ်လ ၃၀ ရက် ၌ မော်တော်ယာဉ်များ ပုံမှန်သွားလာနေပြီဖြစ် ကြောင်းသိရသည်။
မြဝတီ ကုန်သွယ်ရေးဇုန်၌ မတ်လ ၂၅ ရက်နေ့က ဖြစ်ပွားခဲ့သော တိုက်ပွဲများ၊ ဒေါနတောင်ကျော်လမ်း နှင့် ကျံဒိုး နယ်မြေအတွင်း ဖြစ်ပွားခဲ့သော တိုက်ပွဲများကြောင့် ထိုင်း-မြန်မာ နယ်စပ် ကုန်သွယ်မှုနှင့် ခရီးသွား မော်တော်ယာဉ်များ သွားလာမှု ရပ်ဆိုင်းခဲ့ရခြင်း ဖြစ်သည်။
ထိုင်းနိုင်ငံတွင် လူကုန်ကူးခံခဲ့ရသည့် မြန်မာနိုင်ငံသား ၂၃ ဦးအား မတ် ၂၉ ရက်နံနက် ၁၀ နာရီတွင် ထိုင်းနိုင်ငံတာဝန်ရှိသူများက မြန်မာနိုင်ငံမှတာဝန်ရှိသူများထံ လွှဲပြောင်းပေးခဲ့ကြောင်း သိရသည်။
ထိုင်းနိုင်ငံ၊တာ့ခ်ခရိုင်ရှိ ခရိုင်လူဝင်မှုကြီးကြပ်ရေးရုံး၌ ထိုင်းနိုင်ငံတာဝန်ရှိသူများက လွှဲပြောင်းပေးခဲ့ရာ မြန်မာနိုင်ငံမှ ပြန်လည်ထူထောင်ရေးဦးစီးဌာန၊မြဝတီမြို့ယာယီလက်ခံစောင့်ရှောက်ရေးဂေဟာ၏ ဦးစီးအရာရှိနှင့်တာဝန်ရှိသူများက လက်ခံခဲ့ကြောင်း သိရသည်။
အိန္ဒိယ-မြန်မာနယ်စပ်ရှိ ဝင်/ထွက်ပေါက်အချို့အား မီဇိုရမ်ဒေသခံ ၃ ဦး သတ်ဖြတ်ခံရပြီးနောက် မတ် ၂၉ ရက် မှစတင်၍ ရက်အကန့်အသတ်မရှိပိတ်ခဲ့သည်ဟု လိုင်းလူငယ်အသင်း Young Lai Association Bualpui(NG)Sub- Headquarters မှထုတ်ပြန်ခဲ့ကြောင်း သိရသည်။
အိန္ဒိယ-မြန်မာနယ်စပ်ဝင်/ထွက်ပေါက်များဖြစ်သည့် Archhuang , Tial dawngilung နှင့် Vawmbuk တို့ကို ရက်အကန့်အသတ်မရှိပိတ်ခဲ့ခြင်းဖြစ်ပြီး မည်သူမှ နယ်စပ်ဖြတ်ကျော်သွားလာခွင့်မပြုရန်၊မြန်မာဘက်နှင့်လည်း မည်သည့်ပစ္စည်းမှလွှဲပြောင်းရယူခြင်းမပြုရန်နှင့်လိုက်နာခြင်းမရှိပါက ထိရောက်စွာအရေးယူမည်ဖြစ်ကြောင်း သိရသည်။
