အာဂျင်တီးနားနိုင်ငံ ဗျူနိုအေးရိစ်အိုးပင်း တင်းနစ်ပြိုင်ပွဲ ဖိုင်နယ်ပွဲစဉ်မှာ ကမ္ဘာ့အဆင့် ၂ တင်းနစ်ကစားသမား ကားလို့စ် အယ်လ်ကာရက်ဇ်က ကမ္ဘာ့အဆင့် ၁၂ တင်းနစ်ကစားသမား ကမ်မရွန်း နော်ရီကို ဖေဖော်ဝါရီ ၁၉ ရက်မှာ အနိုင်ရသွားပါတယ်။ ဒါဟာ စပိန်တင်းနစ်ကစားသမား အယ်လ်ကာရက်ဇ်အတွက် ၂၀၂၃ ခုနှစ်အတွင်း ပထမဆုံး ရယူနိုင်ခဲ့တဲ့ ချန်ပီယံဆု ဖြစ်လာပါတယ်။
မန်ယူအသင်းကို ဝယ်ယူရန်အတွက် လက်ရှိအချိန်တွင် ကာတာ၏အကြီးဆုံးဘဏ်ဖြစ်သော QIB ၏ ဥက္ကဋ္ဌဖြစ်သူ ရှိတ်ဂျက်ဆင်ဘင်ဟာမက်အယ်လ်သာနီနှင့် ဗြိတိန်၏ အချမ်းသာဆုံးပုဂ္ဂိုလ် ဆာဂျင်ရက်ကလစ်ဖ်တို့ အပြိုင် ကြိုးပမ်းနေပြီး အစောဆုံးအဖြစ် မေလဝန်းကျင်မှသာ အရောင်းအဝယ်အပြီးသတ်နိုင်ဖွယ်ရှိကြောင်း သိရသည်။
PSG အသင်းဒါရိုက်တာတစ်ဦးဖြစ်သည့် လူးဝစ်ကမ်းပို့စ်သည် ရိုးမားအသင်းနည်းပြ မော်ရင်ဟိုကို ခေါ်ယူရန် တရားဝင်ချဉ်းကပ်မှုများပြုလုပ်ခဲ့သည်။ လက်ရှိအချိန်တွင် PSG အသင်းသည် မျှော်မှန်းထားသလောက် ရလဒ်များ မကောင်းမွန်သဖြင့် နည်းပြအပြောင်းအလဲပြုလုပ်ရန် ဆန္ဒရှိနေကြောင်း သိရသည်။
PSG အသင်းသည် ပြင်သစ်ဖလားပြိုင်ပွဲမှ ထွက်ခဲ့ရသလို၊ ချန်ပီယံလိဂ်တွင်လည်း ဘိုင်ယန်မြူးနစ်အသင်းကို ပထမအကျော့ပွဲစဉ်တွင် အရေးနိမ့်ထားသဖြင့် အသင်းတာဝန်ရှိသူများက စိတ်ပျက်နေပြီး မော်ရင်ဟိုနှင့် အောင်မြင်မှုများရယူရန် ရည်ရွယ်နေခြင်းဖြစ်သည်။
လက်စတာအသင်းနဲ့ပွဲမှာ ဂိုးမပေးရအောင် လက်စွမ်းပြနိုင်ခဲ့တဲ့ မန်ယူဂိုးသမား ဒီဂီယာဟာ အသင်းရဲ့ ဂန္ထဝင်ဂိုးသမားဖြစ်တဲ့ ရှမိုက်ကယ်ရဲ့ ပေးဂိုးမရှိတဲ့ပွဲ စံချိန်ကိုလိုက်မီသွားခဲ့ပါတယ်။ စပိန်ဂိုးသမား ဒီဂီယာဟာ မန်ယူအသင်းနဲ့အတူ ပရီးမီးယားလိဂ်ပွဲပေါင်း ၅၂၁ ပွဲမြောက်မှာ ပေးဂိုးမရှိတဲ့ပွဲ ၁၈၀ ပြည့်အောင် စွမ်းဆောင် နိုင်ခဲ့တာဖြစ်ပါတယ်။ ဒိန်းမတ်ဂိုးသမား ရှမိုက်ကယ်ကတော့ မန်ယူအသင်းနဲ့အတူ လိဂ်ပွဲ ၃၈၆ ပွဲမှာ ပေးဂိုးမရှိတဲ့ပွဲ ၁၈၀ ပြည့်အောင်စွမ်းဆောင်ထားနိုင်ခဲ့တာပါ။
ပရီးမီးယားလိဂ်ချန်ပီယံဆုဖလားရယူဖို့ မျှော်လင့်နိုင်ကြောင်း မန်ယူတိုက်စစ်မှူး ရက်ရှ်ဖို့ဒ်က ပြောကြား လိုက်ပါတယ်။ မန်ယူအသင်းဟာ မနေ့ညက ပွဲစဉ်မှာ လက်စတာကို ၃ ဂိုး ဂိုးမရှိနဲ့ အနိုင်ရခဲ့ပြီးနောက် အမှတ် ပေးဇယားပထမနေရာက အာဆင်နယ်ထက် တစ်ပွဲပိုကစားပြီး ၅ မှတ်အကွာ၊ ဒုတိယနေရာက မန်စီးတီးနဲ့ ၃ မှတ် ကွာအနေအထားကိုရောက်ရှိလာခဲ့တာပါ။
မြန်မာနိုင်ငံဘောလုံးအဖွဲ့ချုပ်မှ ၂၀၂၃ ခုနှစ် နွေ ရာသီလူငယ်ဘောလုံးသင်တန်း အမှတ်စဉ်(၁)နှင့် အမှတ်စဉ်(၂) တို့အား ရန်ကုန်၊ မန္တလေးတို့၌ ဖွင့်လှစ်ပို့ချပေးသွားမည်ဖြစ်ကြောင်း သိရသည်။
နိုင်ငံတဝန်းရှိ ကျောင်းသားလူငယ်များအတွက် အခြေခံဘောလုံးပညာများကို သင်ကြားပေးသွားမည်ဖြစ်ကာ အမှတ်စဉ်(၁)နှင့်အမှတ်စဥ်(၂)တို့အား ရန်ကုန်နှင့်မန္တလေးရှိ မြန်မာနိုင်ငံဘောလုံးအ ဖွဲ့ချုပ်(MFF )ဘောလုံး အကယ်ဒမီများနှင့် ဗဟန်းကွင်းတို့တွင် ဖွင့်လှစ်ပို့ချသွားမည်ဖြစ်သည်။
၂၀၂၃ ခုနှစ် မြန်မာနေရှင်နယ်လိဂ် ဘောလုံးပွဲစဉ်တွေကို SKY NET ရုပ်သံလိုင်းကနေ Host Broadcaster အဖြစ် တိုက်ရိုက် ရိုက်ကူး ထုတ်လွှင့်ပြသသွားမယ်လို့ သိရပါတယ်။
အဲဒီဘောလုံးပြုင်ပွဲ ထုတ်လွှင့်ပြသမယ့်ကိစ္စနဲ့ ပတ်သက်ပြီး ရန်ကုန်မြို့၊ သုဝဏ္ဏကွင်းမှာ ဖေဖော်ဝါရီ ၁၈ ရက်က သတင်းစာ ရှင်းလင်းပွဲပြုလုပ်ခဲ့ပါတယ်။
ယူရိုပါလိဂ် (၃၂) သင်းအဆင့် ရှုံးထွက်ပွဲစဉ် ပထမအကျော့အဖြစ် ဘာစီလိုနာနဲ့ မန်ယူနိုက်တက်တို့ ယှဉ်ပြိုင်ကစား ရာမဗာ တစ်ဖက် ၂ ဂိုးစီနဲ့ သရေကျခဲ့ပါတယ်။ ဘာစီလိုနာအိမ်ကွင်းဖြစ်တဲ့ နူးကမ့်မှာ ယှဉ်ပြိုင်ခဲ့တာဖြစ်ပြီး နှစ်သင်းစလုံးဟာ ပထမပိုင်းမှာ တစ်ဖက်အသင်းရဲ့အမှားကို တစ်ဖက်စောင့်ကစားခဲ့တာကြောင့် ပွဲဟာအနည်းငယ် အေးခဲ့ပေမယ့် ဒုတိယပိုင်းမှာတော့ တိုက်စစ်ဖွင့်ကစားလာတာကြောင့် အပြန်အလှန်သွင်းဂိုးတွေနဲ့ ဖျော်ဖြေမှု ပေးနိုင်ခဲ့ပါတယ်။ ဒီပွဲစဉ်မှာ ဘာစီလိုနာဟာ မန်ယူနိုက်တက်ကို ဖိအားပေးကစားနိုင်ခဲ့ပြီး မန်ယူနိုက်တက်ဂိုးသမား ဒီဂီယာရဲ့ လက်စွမ်းပြမှုကြောင့်သာ ၂ ဂိုး၂ ဂိုးရလဒ်နဲ့ ပွဲပြီးဆုံးသွားခဲ့တာဖြစ်ပါတယ်။
စပိန်တင်းနစ်သမား ကားလို့စ်အယ်ကာရက်ဇ်က ကမ္ဘာ့အဆင့် ၁ နေရာကို ပြန်လည်ရယူဖို့ ရည်မှန်း ထားတယ်လို့ ပြောကြားလိုက်ပါတယ်။ အသက် ၁၉ နှစ်အရွယ် အယ်ကာရက်ဇ်ဟာ ပြီးခဲ့တဲ့ရာသီက လက်စွမ်းကောင်းတွေနဲ့အတူ ကမ္ဘာ့အဆင့် ၁ နေရာကို ရယူနိုင်ခဲ့တာဖြစ်ပါတယ်။ ဒါပေမယ့် ဒဏ်ရာပြဿနာတွေကြောင့် ရာသီပိတ် အေတီပီဖိုင်နယ်ပွဲကို လွဲချော်ခဲ့ရသလို အခုရာသီအဖွင့်ပွဲ ဖြစ်တဲ့ ဩစတြေးလျအိုးပင်းကိုလည်း လွဲချော်ခဲ့ရပါတယ်။
