ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ရှမ်းပြည်နယ်(အရှေ့ပိုင်း) ပြည်နယ်ပါတီကော်မတီဝင် ဒေါ်တင်မေထွန်းနှင့် ပြည်နယ်အဖွဲ့များက ဧပြီလ (၂၆) ရက်က မိုင်းပျဉ်းမြို့နယ် အမျိုးသမီးအဖွဲ့ များနှင့် တွေ့ဆုံခြင်းကို မိုင်းပျဉ်းမြို့နယ်တွင် ကျင်းပပြုလုပ်ခဲ့ ကြောင်းသိရှိရပါသည်။

တွေ့ဆုံပွဲပြီးနောက် ပြည်နယ်ပါတီကော်မတီဝင် ဦးစိုင်းဟွမ်နွဲ့မှ မြို့နယ်ပါတီအတွင်းရေးမှူးနှင့် ကော်မတီဝင်များဖြင့် ထပ်မံတွေ့ဆုံပြီး ပါတီ၏ ရှေ့လုပ်ငန်းစဉ်များ အမျိုးသမီးအဖွဲ့များ ကျစ်လစ် ခိုင်မာစွာ ဖွဲ့စည်းရေး၊၊ မီဒီယာလုပ်ငန်းများကို ဂရု့စိုက်ဆောင်ရွက်ရေးများကို ဆက်လက်ဆွေးနွေး ခဲ့ကြောင်း သိရှိရပါသည်။

ပြည်ထောင်စုကြံ့ရေးနှင့် ဖွံ့ဖြိုးရေးပါတီ ဒုတိယဥက္ကဋ္ဌ ဦးဌေးဦးသည် ဧပြီလ (၂၅) ရက်နေ့ နံနက် (၉) နာရီ (၁၅)မိနစ်အချိန်တွင် မန္တလေးတိုင်းဒေသကြီး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဥက္ကဋ္ဌ ဦးရဲမြင့်၊ မွေးမြူရေး၊ ရေလုပ်ငန်းနှင့် ကျေးလက်ဒေသ ဖွံ့ဖြိုးရေးဝန်ကြီးဌာန ဝန်ကြီး(ငြိမ်း) ဒုတိယဗိုလ်ချုပ်ကြီး အုန်းမြင့်(ငြိမ်း)၊ မန္တလေးတိုင်းဒေသကြီး ပြည်ခိုင်ဖြိုးပါတီ အတွင်းရေးမှူး ဦးဝင်းမောင်၊ အလုပ်အမှုဆောင် ဦးသန်းထွန်း၊ ကျောက်ဆည်ခရိုင် ပြည်ခိုင်ဖြိုးပါတီခေတ္တ အတွင်းရေးမှူး ဒေါ်သိင်္ဂီအောင်နှင့် အလုပ်အမှုဆောင်များ၊ တံတားဦးမြို့နယ် အတွင်းရေးမှူး ဦးဝင်းမင်းထွန်းနှင့် အလုပ်အမှုဆောင်များနှင့်အတူ ဧပြီလ (၂၂)ရက်နေ့က မိုးသီးများ ကြွေကျခြင်း၊ လေပြင်းများတိုက်ခတ်ခြင်းကြောင့် ပျက်စီးဆုံးရှုံးခဲ့သော တံတားဦးမြို့နယ် သဲမောင်းကန်ကျေးရွာ ရှိ အလင်းတန်းပရဟိတ လူမှုကူညီရေးအသင်းဓမ္မာရုံသို့ ရောက်ရှိပြီး ဒေသခံပြည်သူများနှင့် တွေ့ဆုံသည်။  
သတင်းအပြည့်အစုံကိုကြည့်ရှုရန်

စစ်​​တွေမြို့နယ်​ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အမျိုးသမီး​ရေးရာလှုပ်​ရှားမှုအဖြစ်​ ဧပြီလ (၂၅) ရက်နေ့ ​နေ့လည်​ (၁၁) နာရီအချိန်​က ​ရေချမ်းပြင်​ကျေးရွာ မူလွန်​​ကျောင်းတွင်​ ယဉ်​​ကျေး လိမ္မာသင်​တန်းဖွင့်​လှစ်​ခဲ့သည်​။

အဆိုပါသင်​တန်းဖွင့်ပွဲသို့ စစ်​​တွေမြို့ပညာ​လောကအဘိဓမ္မာသင်​တန်းမှ နာယကကြီး ဗိုလ်​မှူးထွန်း​အောင်​​ကျော် (ငြိမ်း) နှင့်​ တာဝန်​ရှိသူများ သင်​တန်းနည်းပြ ဆရာဆရာမများ ရပ်​မိရပ်​ဖများ သင်​တန်းသား (၁၀၀) ဦးနှင့်​ စုစု​ပေါင်း အင်​အား (၁၅၀) ဦးခန့်​ တက်​​ရောက်​ခဲ့ကြပြီး သင်​တန်းအား (၅) ရက်​တိုင်​တိုင်​ ဖွင့်​လှစ်​မည်​ဖြစ်သည်။  
သတင်းအပြည့်အစုံကိုကြည့်ရှုရန်

ဖျာပုံမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ရုံးအစည်းအဝေးခန်းမ၌ ဧပြီလ (၂၅) ရက် မွန်းတည့် ၁၂နာရီတွင် မြို့နယ် ရပ်/ကျေးပါတီလုပ်ငန်းညှိနှိုင်း အစည်းအဝေးကျင်းပရာ အစည်းအဝေးသို့ မြို့နယ်ပါတီနာယက ဦးဝင်းမြင့်၊ မြို့နယ်ပါတီ အတွင်းရေးမှူး ဦးစိုးမိုးအောင်၊ မြို့နယ်ပါတီကော်မတီဝင်များ၊ ရပ်ကွက် ကျေးရွာ ၇၅ အုပ်စုမှ စည်းရုံးရေးမှူးများ အင်အား (၈၅) ဦးခန့် တက်ရောက်ခဲ့သည်။

မန္တလေးတိုင်းဒေသကြီး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အလုပ်အမှုဆောင် နယ်မြေတာဝန်ခံ ဦးအောင်ဇံသည် ဧပြီ (၂၅) ရက်နေ့က နွားထိုးကြီး ပြည်ခိုင်ဖြိုးပါတီရုံးသို့ ရောက်ရှိလာပြီး မြို့နယ်ပါတီအတွင်းရေးမှူး ဦးစိုးနိုင်ဝင်းနှင့် စည်းရုံးရေးနယ်မြေ ၁၂ ခုမှ စည်းရုံးရေးကော်မတီဝင် မြို့နယ် အလုပ်အမှုဆောင် များနှင့် တွေ့ဆုံသည်။

မန္တလေးတိုင်းဒေသကြီး အလုပ်အမှုဆောင်ဦးအောင်ဇံက ပြည်သူ့အကျိုးပြုလုပ်ငန်းများနှင့် စည်းရုံး လှုပ်ရှားရေး၊ စည်းရုံးရေးလုပ်ငန်းများ ပိုမိုအရှိန်မြှင့်တင် ဆောင်ရွက်သွားကြရန်မှာကြားခဲ့ကြောင်း သိရသည်။

ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဗဟိုအလုပ်အမှုဆောင် ဦးခင်ရီနှင့် ဗဟိုအတွင်းရေးမှူး ဦးသန်းထွန်း တို့သည် အင်ဒိုနီးရှားနိုင်ငံ၊ ဂျကာတာမြို့တွင် ၂ဝ၁၆ခုနှစ် ဧပြီလ(၂၂)ရက်နေ့မှ (၂၄)ရက်နေ့ အထိ ကျင်းပပြုလုပ်သည့် (၂၆)ကြိမ်မြောက် အပြည်ပြည်ဆိုင်ရာ အာရှနိုင်ငံရေးပါတီများကွန်ဖရင့် အမြဲတမ်းကော်မတီ ( ICAPP Standing Committee)နှင့် ပထမအကြိမ် ICAPP COPPAL နှင့် CAPP အဖွဲ့အစည်းများ၏ (၃)ပွင့်ဆိုင် အစည်းအဝေးအခမ်းအနားသို့ တက်ရောက်ရန်အတွက် ဧပြီလ(၂၁)ရက်နေ့၊ ညနေ (၅)နာရီအချိန်တွင် ရန်ကုန်အပြည်ပြည်ဆိုင်ရာလေဆိပ် ဘန်ကောက်လေကြောင်း လိုင်းအမှတ် SQ-962N ဖြင့် ထွက်ခွာသွားခဲ့ပြီး အစည်းအဝေးကို အောင်မြင်စွာ ကျင်းပပြီးစီးပြီး ဧပြီလ(၂၅)ရက်နေ့ နေ့လည် (၁၁း၁၅) နာရီအချိန်တွင် ရန်ကုန်အပြည်ပြည်ဆိုင်ရာလေဆိပ်သို့ ဘန်ကောက်လေကြောင်း လိုင်းအမှတ် SQ-957N ဖြင့် ပြန်လည်ရောက်ရှိလာရာတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဌာနချုပ်ရုံး နိုင်ငံခြားရေးရာဌာနမှ ဒုတိယဌာနမှူး ဦးဆွေဝင်းနှင့် တာဝန်ရှိသူများမှ သွားရောက် ကြိုဆိုခဲ့ကြကြောင်း သိရှိရသည်။

“ခေါင်းဆောင်ဟူ၍ အကြီးအကဲဟူ၍ တာဝန်ပေးခန့်အပ်လိုက်ရုံဖြင့် ခေါင်းဆောင်မဖြစ်နိုင်သေး ကြောင်း၊ တာဝန်အရ ၀တ်ကျေတန်းကျေ ထမ်းဆောင်မည့် ခေါင်းဆောင်မျိုးမဟုတ်ဘဲ မိမိတွင် တာဝန်ရှိသည်ဟူသော အသိစိတ်ဓာတ်ဖြင့် စေတနာပါပါ၊ ကျွမ်းကျွမ်းကျင်ကျင်၊ ထိထိရောက် ရောက်၊ ရည်မှန်းချက်တာဝန်ကို ပြတ်ပြတ်သားသား ပြီးမြောက်အောင် ဆောင်ရွက်နိုင်တဲ့ စွမ်းပကားရှိရန် အထူးလိုအပ်ကြောင်း” ဧပြီ(၂၅)ရက်က မိုးညှင်းမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရုံးတွင် ကျင်းပပြုလုပ်သော မိုးညှင်းပြည်ခိုင်ဖြိုးပါတီ လစဉ်ပုံမှန် လုပ်ငန်းညှိနှိုင်း အစည်းအဝေး၌ နယ်မြေတာဝန်ခံ ဦးကျော်စိုးလေးက ပြောကြားခဲ့သည်။  
သတင်းအပြည့်အစုံကိုကြည့်ရှုရန်

ဧရာဝတီတိုင်းဒေသကြီး တိုင်းဒေသကြီး လွှတ်တော်ကိုယ်စားလှယ် ဒေါ်ခင်စောမူသည် ဧပြီလ (၂၄) ရက် နံနက်ပိုင်းက ကန်ကြီးထောင့်မြို့နယ် ကန်ရွာတွင် နွေရာသီကာလအတွင်း သောက်သုံးရေ ရှားပါးမှုအတွက် ရေရရှိရေးဆောင်ရွက်ရန် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ လှူဒါန်းငွေ ကျပ် (၁၃) သိန်း ကျေးရွာတာဝန်ရှိသူများထံ ပေးအပ်လှူဒါန်းခဲ့သည်။

ထိုသို့သွားရောက်လှူဒါန်းရာတွင် လွှတ်တော်ကိုယ်စားလှယ်အား ကျေးရွာသူ ကျေးရွာများအား လှိုက်လှဲစွာကြိုဆိုကြပြီး ပြည်ခိုင်ဖြိုးပါတီအား ကျေးဇူးတင်လျှက် ရှိကြောင်း သိရသည်။

ဧရာဝတီတိုင်းဒေသကြီး၊ ဘိုကလေးမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ အတွင်းရေးမှူး ဦးမြသိန်းနှင့် တွဲဘက်အတွင်းရေးမှူး ဦးလှဌေး၊ နယ်မြေတာဝန်ခံ ဦးသိန်းထိုက်၊ ဒေါ်မေသန်းဦး၊ ကော်မတီဝင် ဒေါ်တိုးတိုးလှိုင်၊ ဦးဇော်လွန်းတို့သည် ဧပြီလ (၂၅) ရက်နေ့က ဆူးပဒေါင်းကုန်း ကျေးရွာနှင့် ရွာသစ်ကျေးရွာ ပါတီကေဒါများအား တွေဆုံ၍ ရွေးကောက်ပွဲတွင် မိမိကျေးရွာများ အား အနိုင်ရရှိအောင် စွမ်းစွမ်းတမံ ဆောင်ရွက်ပေးခဲ့သည့်အတွက် ကျေးဇူးအထူးတင်ရှိပါကြောင်း မြို့နယ်ပါတီအနေဖြင့်လည်း ဒေသဖွံ့ဖြိုးရေးကို ဆက်လက်ဆောင်ရွက်ပေးသွားမည်ဖြစ်ကြောင်း ဆက်လက်ဆောင်ရွက်မည့် ပါတီလုပ်ငန်းစဉ်များအကြောင်းကို ဆွေးနွေးပြောကြားခဲ့ကြောင်း သိရသည်။  
သတင်းအပြည့်အစုံကိုကြည့်ရှုရန်

ကချင်ပြည်နယ်၊ မိုးညှင်းမြို့၊ အရှေ့ကျောင်းပရိယတ္တိစာသင်တိုက် ဘုန်းတော်ကြီးကျောင်းတွင် ၁၃၇၈ ခုနှစ်၊ နှစ်ဆန်း ၁ ရက်နေ့မှ နှစ်ဆန်း ၁၁ ရက်နေ့အထိ ကျင်းပသော ၃၇ ကြိမ်မြောက် အသံမစဲ မဟာပဌာန်းပွဲ ရွတ်ဖတ်ပူဇော်ပွဲတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ မိုးညှင်း ခရိုင်တာဝန်ခံ ဦးကျော်စိုးလေး၏ ဦးဆောင်စီမံမှုဖြင့် ခရိုင်ပါတီအတွင်းရေးမှူး ဦးစိန်ဝင်း၊ မြို့နယ် ပါတီအတွင်းရေးမှူး ဦးစိန်ဝင်းထွန်း၊ ခရိုင်နှင့် မြို့နယ်ပါတီကောင်မတီဝင်များ၊ ရုံးအဖွဲ့ဝင်များမှ ဧပြီလ (၂၄) ရက် နံနက် (၁၀) နာရီခွဲအချိန်တွင် သံဃာတော်များအား အချိုပွဲများ ဆက်ကပ်လှူ ဒါန်းခဲ့ကြောင်း သိရသည်။  
သတင်းအပြည့်အစုံကိုကြည့်ရှုရန်