တောင်ညွန့်။ ။အောက်တိုဘာ ၃၁
ရန်ကုန်တိုင်းဒေသကြီး ဗိုလ်တထောင်ခရိုင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီလုပ်ငန်း ညှိနှိုင်း အစည်းအဝေးကို ယနေ့(၃၁.၁၀.၂၀၂၂) နေ့လည် (၁၁:၃၀)က မင်္ဂလာတောင်ညွန့်မြို့နယ် ပါတီရုံးခန်းမတွင် ကျင်းပခဲ့ပါသည်။
အခမ်းအနားသို့ ပြည်ခိုင်ဖြိုးပါတီ အရန်ဗဟိုကော်မတီဝင် ဗိုလ်တထောင်ခရိုင် ပါတီဥက္ကဋ္ဌ ဦးညဏ်ဝင်းထိုက်၊ အတွင်းရေးမှုး ဒေါ်လဲ့လဲ့အေး၊ ခရိုင်ကော်မတီဝင်များ၊ ဗိုလ်တထောင်ခရိုင်အတွင်းရှိ (၅)မြို့နယ်မှ ပါတီဥက္ကဋ္ဌ ၊အတွင်းရေးမှုး၊ ဘဏ္ဍာရေးမှုးများ တက်ရောက်ခဲ့ကြပါသည်။
မဟာအောင်မြေခရိုင်၊ ပြည်ကြီးတံခွန် မြို့နယ်၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ လူငယ် စကားဝိုင်း …၃၁.၁၀.၂၀၂၂ မနက် ၁၀:၀၀ နာရီတွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မြို့နယ်ရုံး၌ စကားဝိုင်းကျင်းပခဲ့ရာ မန္တလေးတိုင်းဒေသကြီးပါတီ ဘဏ္ဍာရေးမှူး ၊ လူငယ်ရေးရာတာဝန်ခံ ဒေါ်သိဂ်ီအောင် မှ လက်ရှိ နိုင်ငံရေးရာ အခြေအနေကို ရှင်းလင်းပြောကြားခဲ့ပြီး တက်ရောက်လာသော လူငယ်များမှ သိရှိလိုသည်များကို အသီးသီး မေးမြန်းခဲ့ရာ တာဝန်ရှိသူအသီးသီးမှ ပြန်လည်ဖြေကြားခဲ့ပါသည်။
မြို့သစ် အောက်တိုဘာ ၃၁
မကွေးတိုင်းဒေသကြီး၊ မြို့သစ်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မြို့နယ်ရုံးတွင် တတိယအကြိမ် ပါတီညီလာခံ(၂၀၂၂) အတွေ့အကြုံရှင်းလင်းပွဲနှင့် မြို့နယ်ပါတီကော်မတီ ရှေ့လုပ်ငန်းစဉ်များ ညှိနှိုင်းအစည်းအဝေး ကျင်းပပြုလုပ်ခဲ့ပါသည်။
အောက်တိုဘာ ၃၁
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ တတိယအကြိမ် ပါတီညီလာခံ အတွေ့အကြုံရှင်းလင်းပွဲကို ယနေ့နံနက် ၁၀ နာရီ အချိန်က တွံတေးခရိုင် ဆိပ်ကြီးခနောင်တိုမြို့နယ် ရပ်ကွက်စည်းရုံးရေးမှူးအိမ်၌ ကျင်းပပြုလုပ်ခဲ့သည်။
အဆိုပါအခမ်းအနားတွင် ပြည်ခိုင်ဖြိုးပါတီ တွံတေးခရိုင်ဥက္ကဌ ဦးကျော်ဇင်ဟိန်းမှ အမှာစကားပြောကြားခဲ့ပြီး မြို့နယ်ဥက္ကဌ ဒေါ်အေးအေးမြင့်မှ တတိယအကြိမ်ပါတီညီလာခံ အတွေ့အကြုံအား ရှင်းလင်းပြောကြားခဲ့သည် ၄င်းရှင်းလင်းပွဲအခမ်းအနားအား နံနက် ၁၁နာရီခွဲအချိန်၌ ပြီးဆုံးခဲ့ကြောင်း သိရသည်။
ချောက် ၊ အောက်တိုဘာ ၊ ၃၁
မကွေးတိုင်းဒေသကြီး ချောက်မြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၏ လစဉ်ပြုလုပ်သည့် ပုံမှန်လပါတ်အစည်းအဝေးကို ယနေ့ နံနက် ၉:၃၀နာရီ အချိန်က မြို့နယ်ပါတီအစည်းအဝေးခန်းမ၌ ပြုလုပ်ခဲ့ရာ မြို့နယ်ပါတီဥက္ကဌ ဦးသန်းလှိုင်၊ မြို့နယ်ပါတီအတွင်းရေးမှူး ဦးဖေသန့်ဇော် နှင့် မြို့နယ်ကော်မတီဝင်များ၊ အရံကော်မတီဝင်များ တက်ရောက်ကြပြီး ရပ်ကျေးပါတီများ ပြီးမြောက်အောင်ဖွဲ့စည်းနှိုင်ရေး၊ ရေးရာကော်မတီဝင် တာဝန်ခံများ၏ လုပ်ငန်းတာဝန်များ ကျယ်ပြန့်စွာဆောင်ရွက်နှိုင်ရေး ညှိနှိုင်းဆွေးနွေးခဲ့ကြကြောင်း သိရသည်။
အောက်တိုဘာ(၃၀)
ချမ်းအေးသာစံမြို့နယ် ပြည်ခိုင်ဖြိုးပါတီရုံး၌ လူငယ်စကားဝိုင်းအား နံနက် (၁၀) နာရီ အချိန်က ကျင်းပ ပြုလုပ်ခဲ့ပါသည်။ အဆိုပါစကားဝိုင်းသို့ မဟာအောင်မြေခရိုင်ပါတီဥက္ကဌ ဦးမြင့်သန်းနှင့်ကော်မတီဝင်များ၊ မြို့နယ်ပါတီဥက္ကဌ ဦးကျော်ကျော်ဌေးနှင့်ကော်မတီဝင်များ၊ လူငယ်တာဝန်ခံ ဦးအောင်မင်းဦးနှင့်လူငယ်ပါတီဝင်များ တက်ရောက်ခဲ့ကြပြီး လူငယ်နှင့်ကျန်းမာရေးခေါင်းစဉ်ဖြင့် အပြန်အလှန်ဆွေးနွေးခဲ့ကြပါသည်။
ရန်ကုန်၊ အောက်တိုဘာ ၃၁
ရန်ကုန်တိုင်းဒေသကြီး ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ကျင်းပပြုလုပ်သော လူငယ်စကားဝိုင်းအား ယနေ့ နေ့လည် (၁၃:၀၀)အချိန်က ဆိပ်ကြီးခနောင်တိုမြို့နယ်၌ ကျင်းပပြုလုပ်ခဲ့ကြသည် အဆိုပါစကားဝိုင်းတွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဗဟိုအလုပ်အမှုဆောင်လူငယ်ရေးရာတာဝန်ခံ ဒေါက်တာအောင်မြတ်ဦးက ယနေ့လူငယ်အများစုအတွက် ဝင်ငွေရရှိရေး၊ အလုပ်အကိုင်ရရှိရေးနှင့် ပညာရပ်များဆည်းပူးသင်ယူရေးတို့မှာ ဆက်နွယ်လျှက်ရှိကြောင်း၊ အလုပ်လုပ်ရင်း ပညာရှာမှီးသင်ယူနိုင်ရေး၊ နည်းလမ်းများရှာဖွေရန် လိုအပ်နေပြီ ဖြစ်ကြောင်း၊ လူငယ်များကိုယ်စီ အမျိုးသားရေးကိုယ်ခံအားကောင်းရန် လိုအပ်နေပြီဖြစ်ကြောင်း၊ အိမ်တွင်းစက်ချုပ် လုပ်ငန်းမှသည် အသေးစား စက်ချုပ်လုပ်ငန်းများ လုပ်ဆောင်နိုင်ရေးနှင့် ကွန်ပျူတာ အင်္ဂလိပ်စာ စက်ချုပ်ပညာ ဝပ်ရှော့ပညာ စသည်ကဲ့သို့ အသက်မွေးဝမ်းကြောင်း အထောက်အကူပြု သင်တန်းများ ဖွင့်လှစ်နိုင်ရေး၊ အလုပ်အကိုင်ရှာဖွေနိုင်ရေး ဆုံရပ်တစ်ခု ထူထောင်သွားမည်ဖြစ်၍ လူငယ်များ ပါဝင်ချိတ်ဆက် ဆက်သွယ်ဝိုင်းဝန်း လုပ်ဆောင်ပေးကြရန် ဆွေးနွေးခဲ့ကြပါသည်။
ပြည်၊ အောက်တိုဘာ ၃၁
ပဲခူးတိုင်းဒေသကြီး(အနောက်ပိုင်း)၊ ပြည်ခရိုင်၊ ပြည်မြို့နယ်တွင် တည်ထားကိုးကွယ်သော လေးဆူဓာတ်ပျော် ရွှေဆံတော်ဘုရားကြီး ၂၆၁၁ နှစ်ပြည့် ဗုဒ္ဓပူဇနိယပွဲတော်ဖွင့်ပွဲနှင့် ဆွမ်းဆန်စိမ်းလောင်းလှူပွဲကို ၃၁-၁၀-၂၀၂၂ ရက်နေ့ နံနက် ၀၇:၀၀ အချိန်တွင် စေတီတော်ရင်ပြင်၌ ကျင်းပပြုလုပ်ခဲ့ပါသည်။
တွံ့တေး အောက်တိုဘာ ၃၀
ရန်ကုန်တိုင်းဒေသကြီး၊ တွံ့တေးခရိုင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီရုံးဖွင့်လှစ်ခြင်းနှင့် ပါတီဆိုင်းဘုတ် တင်ခြင်း အခမ်းအနားအား ၃၀.၁၀.၂၀၂၂ရက် နံနက် ၉း၄၅ အချိန်တွင် ပြုလုပ်ခဲ့ပါသည်။
အခမ်းအနားအား တွံတေး ခရိုင်ဥက္ကဌ ဦးကျော်ဇင်ဟိန်း၊ တွံ့တေးခရိုင် အတွင်းရေးမှူး ဦးတင့်လင်း၊ ခရိုင်ဘဏ္ဌရေးမှူး ဦးတင်ဝင်းထွန်း၊ ခရိုင်ပါတီကော်မတီဝင်များနှင့် မြို့နယ်ပါတီကော်မတီဝင်များ စုစုပေါင်း တက်ရောက်လာသူ (၃၀) ဦး တို့ဖြင့် ဖွင့်ပွဲအခမ်းအနားအား ဆောင်ရွက်ခဲ့ပါသည်။
အောက်တိုဘာ ၃၀၊ ရန်ကုန်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ၊ မှော်ဘီခရိုင် ဆိုင်းဘုတ်စိုက်ထူပွဲအခမ်းအနားအား ယနေ့နံနက် ကျင်းပရာ ဗဟိုကော်မတီဝင်/မှော်ဘီခရိုင်နယ်မြေတာဝန်ခံ ဒေါက်တာနေလင်း၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ခရိုင်ဥက္ကဌ ဦးအေးလွင်၊ အတွင်းရေးမှူးဦးသန်းလွင်နှင့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီဝင်များ၊ ဖိတ်ကြားထားသော ဧည့်သည်များ တက်ရောက်ကြပါသည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ခရိုင်ဆိုင်းဘုတ်အား မင်္ဂလာအချိန်ဖြစ်သည့် နံနက် ၉နာရီတိတိတွင် အမွှေးနံ့သာများပက်ဖြန်းကာ စိုက်ထူခဲ့ကြပါသည်။
