အမေရိကန်နိုင်ငံရဲ့ ဖက်ဒရယ်ဆက်သွယ်ရေးကော်မရှင် (FCC) က app stores မှာ TikTok အပလီကေး ရှင်းကို ဖယ်ရှားဖို့ Apple နဲ့ Google ကို ညွှန်ကြားလိုက်ပါတယ်။
နိုင်ငံတကာကုမ္ပဏီတွေနဲ့ စီးပွားရေးလုပ်နေတဲ့ လူပုဂ္ဂိုလ်တွေအပါအဝင် အမေရိကန်နိုင်ငံက ဆက်သွယ် ရေးလုပ်ငန်းတွေ အားလုံးနီးပါးကို ထိန်းကြောင်းတဲ့ FCC က တရုတ်နိုင်ငံနဲ့ဆက်စပ်တဲ့ ဒေတာလုံခြုံရေးကြောင့် TikTok အပလီကေးရှင်းကို ဖယ်ရှားဖို့ Apple နဲ့ Google ကို ညွှန်ကြားလိုက်တာဖြစ်ပါတယ်။
တရုတ်နိုင်ငံကနေ တင်သွင်းတဲ့ ဘက်ထရီတွေ ရှားပါးပြတ်လပ်မှု ကြောင့် အမေရိကန်နဲ့ ဂျာမနီမှာရှိတဲ့ တက်စ်လာ လျှပ်စစ်ကားစက်ရုံ သစ်တွေဟာ ဒေါ်လာဘီလီယံများစွာ အရှုံးပေါ်နေကြောင်း ကုမ္ပဏီရဲ့ စီအီးအိုဖြစ်သူ အီလွန်မာ့ခ်က ထုတ်ဖော်ပြောဆိုပါတယ်။
ဒါ့အပြင် တက်စ်လာစက်ရုံကြီးတစ်ရုံရှိတဲ့ ရှန်ဟိုင်းအပါအဝင် တရုတ်နိုင်ငံမှာ ယခုနှစ်အတွင်း ချမှတ်ခဲ့တဲ့ ကိုဗစ်(၁၉)ဆိုင်ရာ ကန့် သတ်ချက်တွေကြောင့် အဲဒီစက်ရုံရဲ့ လုပ်ငန်းလည်ပတ်မှုတွေဟာလည်း ခက်ခဲလာတယ်လို့ အီလွန် မာ့ခ်က ပြောပါတယ်။
တောင်ကိုရီးယားအခြေစိုက် ဆမ်ဆောင်း ကုမ္ပဏီဟာ နည်းပညာမြင့် 3nm Chips တွေကို လာမယ့်သီတင်းပတ်က စပြီး အမြောက်အမြား ထုတ်လုပ်တော့မယ်လို့ ယွန်ဟတ်သတင်းဌာန က ဖော်ပြထားပါတယ်။
ဒီနှစ် ဒုတိယနှစ်ဝက်အတွင်း 3nm Chips တွေထုတ်လုပ်ဖို့ရည်မှန်းထားတဲ့ TSMC ထက်ခြေတစ်လှမ်းအသာနဲ့ ဆမ်ဆောင်းက အခုလိုထုတ်လုပ်ဖို့ စီစဉ်နေတာလည်းဖြစ်ပါတယ်။ ဒီအမျိုးအစားဟာ 5nm Chips တွေထက် စွမ်းဆောင်ရည် ၃၀ ရာခိုင်နှုန်း ပိုမိုမြင့်မားပြီး ပါဝါသုံးစွဲမှုကတော့ ၅၀ ရာခိုင်နှုန်း လျော့နည်းပါတယ်။
စမတ်ဖုန်းတွေ စထွက်ပေါ်လာတဲ့အချိန်မှာ Memory Card တွေဟာ Megabytes ပမာဏပဲ ပါလာပါသေးတယ်။ အခုတော့ Terabyte ပမာဏ ဝင်ဆန့်တဲ့ microSD Card တွေ ထွက်လာပါပြီ။ အခုလည်း Micron က စံချိန်သစ်တင်လိုက်ပြန်ပါပြီ။
Samsung Electronics က စမတ်ဖုန်းတွေအတွက် စွမ်းရည်မြင့် ကင်မရာ အသစ်ကို ကြေညာလိုက်ပါတယ်။ 200 Megapixel ISOCELL HP3 ဖြစ်ပြီး အရင်မျိုးဆက်ထက် တိုးတက်မှုများစွာနဲ့ လုပ်ဆောင်ချက် အသစ်တွေ ပါလာပါတယ်။
လမ်းမတွေပေါ်မှာ မောင်းနှင်နေစဉ်မှာပဲ လျှပ်စစ်ကားကို ကြိုးမဲ့ အားသွင်းပေးနိုင်တဲ့ နည်းပညာကို ကမ္ဘာအဝန်းမှာ ဖန်တီးနေကြပါတယ်။ ဒီနည်းပညာက လျှပ်စစ်ကားတွေကို အားသွင်းစက်တွေ တည်ရှိတဲ့ နေရာကို သွားပြီး အားသွင်းစရာ မလိုတော့တဲ့အတွက် အရမ်းကို အဆင်ပြေပါတယ်။
ကယ်လီဖိုးနီးယား အခြေစိုက် Stratolaunch ဟာ ကမ္ဘာ့အကြီးဆုံး လေယာဉ် Roc ကို ၇ ကြိမ်မြောက် စမ်းသပ်ပျံသန်းနိုင်ပြီလို့ ကြေညာလိုက်ပါတယ်။ Mojave Desert ပေါ်မှာ ၃ နာရီနဲ့ ၁ မိနစ်ကြာ ပျံသန်းခဲ့ပြီး အမြင့်ပေ ၂၇,၀၀၀ (၈,၂၀၀ မီတာ) အထိ စံချိန်တင် ပျံသန်းနိုင်ခဲ့ပါတယ်။
အိန္ဒိယနိုင်ငံမှာ ယခုနှစ် ဩဂုတ်လကနေ စက်တင်ဘာလအတွင်း 5G ကွန်ရက်ဖြန့်ကြက်သွားမှာဖြစ်ကြောင်း အိန္ဒိယ ဆက်သွယ်ရေးဝန်ကြီး Ashwini Vaishnaw က ပြောပါတယ်။ အင်တာနက် ဒေတာဈေးနှုန်းတွေဟာလည်း အိန္ဒိယနိုင်ငံမှာ ကမ္ဘာ့ပျမ်းမျှဈေးနှုန်းထက် သိသိသာသာ သက်သာနေပြီး 5G ကွန်ရက်ချိတ်ဆက်ပြီးရင်တော့ စံသတ်မှတ်ထားတဲ့ နှုန်းထားတွေကို ပြင်ဆင်သွားမယ်လို့ သူကဆိုပါတယ်။
အမေရိကန်နည်းပညာကုမ္ပဏီကြီးဖြစ်တဲ့ မိုက်ခရိုဆော့ဖ်ဟာ Internet Explorer ရဲ့ သုံးစွဲသူဗားရှင်းတွေကို အဆုံးသတ်လိုက်ပြီဖြစ်ကြောင်း ကြေညာလိုက်ပါတယ်။
မိုက်ခရိုဆော့ဖ်ဟာ Internet Explorer 11 ကို သူ့ရဲ့နောက်ဆုံးဗားရှင်းအဖြစ် ပြီးခဲ့တဲ့နှစ်က ကြေညာခဲ့ပါတယ်။ Internet Explorer ဟာ ၁၉၉၅ ခုနှစ်မှာ Windows desktop ကွန်ပျူတာတွေပေါ်မှာ ပွဲဦးထွက်ခဲ့ပြီး ဈေးကွက်ရဲ့ ၉၅ ရာခိုင်နှုန်း ရယူလွှမ်းမိုးနိုင်ခဲ့ပါတယ်။
ရုရှားဟာ ဧပြီလ နှောင်းပိုင်းမှာ ယူကရိန်းရဲ့ Kherson မြို့ကို စစ်ရေးအရ ထိန်းချုပ်ထားနိုင်ခဲ့ပါတယ်။ အဲဒီမြို့ခံလူများစွာက မေလ ၃၀ ရက်နေ့မှာ အင်တာနက် ပြဿနာ ဖြစ်ခဲ့တယ်လို့ ပြောကြပါတယ်။ ၁ နာရီကြာလောက် သူတို့ဟာ အင်တာနက်နဲ့ ဖုန်းလိုင်းတွေ မရခဲ့ကြပါဘူး။ တစ်နည်းပြောရရင် ရုရှားဟာ သူတို့ကို အင်တာနက် ဖြတ်တောက်ကာ ကမ္ဘာကြီးနဲ့ အဆက်အသွယ် ဖြတ်ခဲ့တာပါ။
