ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးခင်ရီ လူငယ်/အမျိုးသမီးစွမ်းရည်မြှင့်သင်တန်း အမှတ်စဉ်(၁) သင်တန်းဆင်းပွဲသို့တက်ရောက်
ဇူလိုင် ၂၄၊ နေပြည်တော်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးခင်ရီ ဦးဆောင်သော ဗဟိုအလုပ်အမှုဆောင်အဖွဲ့သည် ၂၀၂၃ ခုနှစ် ဇူလိုင်လ ၂၄ ရက်နေ့ နံနက် ၁၁ နာရီအချိန်တွင် ပါတီဌာနချုပ် ညီလာခံခန်းမ၌ ပြုလုပ်သည့် လူငယ်ရေးရာကော်မတီနှင့် အမျိုးသမီးရေးရာကော်မတီတို့မှကြီးမှူး၍ ရက်သတ္တ(၂)ပတ် ဖွင့်လှစ်သင်ကြားခဲ့သည့် လူငယ်/အမျိုးသမီးစွမ်းရည်မြှင့်သင်တန်း အမှတ်စဉ်(၁) သင်တန်းဆင်းပွဲအခမ်းအနားသို့တက်ရောက်ခဲ့ပါသည်။
အခမ်းအနားမစတင်မီ နံနက် ၉ နာရီမှ နေ့လည် ၁၁ နာရီ အချိန်ထိ ပါတီဥက္ကဋ္ဌမှ သင်တန်းသား/သင်တန်းသူများအား သင်တန်းကာလအတွင်း သင်ကြားပို့ချမှုသင်ခန်းစာများ၏ အကြောင်းများ၊ သင်ခန်းစာများအား လက်တွေ့နယ်ပယ်တွင် အသုံးချရမည့်ပုံစံအကြောင်းအရာများနှင့် project cycle management အကြောင်းတို့အား အပြန်အလှန် ဆွေးနွေးခဲ့ပါသည်။
၎င်းနောက် သင်တန်းဆင်းပွဲအခမ်းအနားကို နိုင်ငံတော်သီချင်းသီဆို၍ စတင်ခဲ့ပြီး ပါတီဥက္ကဋ္ဌ ဦးခင်ရီမှ သင်တန်းဆင်းအမှာစကားပြောကြားခဲ့ပါသည်။ ထို့နောက် ပါတီအထွေထွေအတွင်းရေးမှူး ဦးသောင်းအေး မှ သင်တန်းသား သင်တန်းသူ ၁၀၈ ဦးတို့၏ သင်တန်းဆင်းလက်မှတ်များအား ချီးမြှင့်ရာ သင်တန်းသားတစ်ဦးမှ လက်ခံယူခဲ့ပြီး သင်တန်းဆင်းပွဲအခမ်းအနားကို ရုတ်သိမ်းခဲ့ပါသည်။
အဆိုပါ လူငယ်/အမျိုးသမီးစွမ်းရည်မြှင့်သင်တန်း အမှတ်စဉ်(၁)ဆင်းပွဲအခမ်းအနားသို့ ပါတီဥက္ကဋ္ဌ ဦးခင်ရီ၊ ဒုတိယဥက္ကဋ္ဌများဖြစ်ကြသော ဦးမြတ်ဟိန်း၊ ဦးလှထွန်း၊ ဦးမျိုးဇော်သိန်း၊အထွေထွေအတွင်းရေးမှူး ဦးသောင်းအေး၊ တွဲဖက်အထွေထွေအတွင်းရေးမှူးဦးတင်အောင်ချစ်၊ ဗဟိုအတွင်းရေးမှူးများ၊ ဗဟိုအလုပ်အမှုဆောင်များ၊ သင်တန်းသား/သူ (၁၀၈)ဦးနှင့် ဦးစီးရုံးအဖွဲ့ဝင်များတက်ရောက်ခဲ့ပါသည်။
#USDP #Myanmar
#Naypyitaw
==========================================================================
