မြောက်ကိုရီးယား နျူကလီးယားလုပ်ငန်းတွေ ကူညီမှုနဲ့ စင်္ကာပူနိုင်ငံသားကို ကန် ဆုငွေထုတ်

နျူကလီယား အစီအစဉ်တွေ မလုပ်နိုင်အောင် အရေးယူ ဒဏ်ခတ်တာခံနေရတဲ့ မြောက်ကိုရီးယားကို ဒီအစီစဉ်တွေ လုပ်နိုင်အောင်ဝန်ဆောင်မှု ပေးခဲ့တဲ့ စင်္ကာပူနိုင်ငံသား Kwek Kee Seng နဲ့ ပတ်သက်တဲ့ အချက်အလက်တွေကို သတင်းပေးနိုင်ရင် ဆုငွေအဖြစ် အမေရိကန်ဒေါ်လာ ၅ သန်း ချီးမြှင့်မှာဖြစ်ကြောင်း အမေရိကန်အစိုးရက ကြာသပတေးနေ့မှာ ကြေညာပါတယ်။

သူဟာ စင်္ကာပူအခြေစိုက် Swanseas Port Services (S) Pte Ltd ကနေတဆင့် မြောက်ကိုရီးယားကို လောင်စာဆီတွေ လျှို့ဝှက်တင်ပို့ပြီး အမေရိကန်နဲ့ ကုလသမဂ္ဂက မြောက်ကိုရီးယားအပေါ် ချမှတ်ထားတဲ့ အရေးယူမှုတွေကို ရှောင်နိုင်ဖို့ ကျယ်ကျယ်ပြန့်ပြန့် လုပ်ဆောင်ခဲ့သူလို့လည်း အစွပ်စွဲ ခံနေရတာပါ။

Kwek Kee Seng ဟာ အမေရိကန်ပြဌာန်းထားတဲ့ ဥပဒေကို ချိုးဖေါက်ပြီး မြောက်ကိုရီးယားကို ရေနံထွက်ကုန်တွေ တိုက်ရိုက်တင်ပို့ခဲ့သလို သင်္ဘောတစင်းကနေ နောက်တစင်းကို လောင်စာဆီ လွှဲပြောင်းပေးတဲ့အတွက် မြောက်ကိုရီးယားက သူ့ရေနံတင် သင်္ဘောတစင်းမှာ သုံးလို့ရသွားတယ်လို့ အမေရိကန်နိုင်ငံခြားရေးဌာန သံတမန်လုံခြုံရေးဆိုင်ရာ လက်ထောက် နိုင်ငံခြားရေးဝန်ကြီး Paul Houston ကပြောပါတယ်။

အမေရိကန်က အခုလို ဆုငွေထုတ်တာဟာ မြောက်ကိုရီးယားရဲ့ လက်နက်ထုတ်လုပ်မှု၊ ငွေမည်း ခဝါချမှုနဲ့ ဆိုင်ဘာ ဖေါက်ထွင်းမှုတွေအတွက် အထောက်အကူပေးတဲ့ တရားမဝင် လုပ်ရပ်တွေမှာ ပါဝင်ပတ်သက်သူတွေကို ငွေကြေး မလည်ပတ်နိုင်အောင် အမေရိကန်ရဲ့ လုပ်ဆောင်မှု အစိတ်အပိုင်းတခုလည်း ဖြစ်ပါတယ်။ ဒါ့အပြင် မြောက်ကိုရီးယားရဲ့ မကြုံစဖူး များလှတဲ့ မစ်ဇိုင်းဒုံး ပစ်လွှတ်မှုတွေနဲ့ နျူကလီယားအန္တရာယ် ခြိမ်းခြောက်မှုတွေ တိုးလာနေချိန်မှာ သူ့ရဲ့တရားမဝင် လုပ်ဆောင်မှုတွေ အဆုံးသတ်ဖို့ အမေရိကန်က ကြိုးပမ်းနေတာဖြစ်ပါတယ်။

အမေရိကန် နိုင်ငံခြားရေးဝန်ကြီးဌာန နိုင်ငံတကာ လုံခြုံရေးနဲ့ လက်နက် မပြန့်ပွါးရေးဆိုင်ရာ ဒုလက်ထောက် နိုင်ငံခြားရေးဝန်ကြီး Gonzalo Suarez ကလည်း မြောက်ကိုရီးယားဟာ ကြာသပတေးနေ့ အထိဆိုရင် တိုက်ချင်းပစ် ပဲ့ထိန်းတပ် မစ်ဇိုင်းဒုံးကျည် ၆ လုံးအပါအဝင် ပဲ့ထိန်းတပ် မစ်ဇိုင်းဒုံး အလုံး ၅၀ ကျော် ပစ်ခတ်ခဲ့တာဖြစ်ပြီး သူဟာ လက်နက်ပြန့်ပွါးမှုအတွက် အဓိက စိုးရိမ်ရတဲ့ နိုင်ငံတနိုင်ငံဖြစ်နေတယ်လို့ ပြောပါတယ်။  -Ref:VOA