ပြည်ခိုင်ဖြိုးပါတီ ပြည်နယ်ကိုယ်စားလှယ် လမ်းပန်းဆက်သွယ်ရေးဆိုင်ရာမေးခွန်း ပြည်နယ်လွှတ်တော်တွင်မေးမြန်း

ဒုတိယအကြိမ် မွန်ပြည်နယ်လွှတ်တော် သတ္တမပုံမှန်အစည်းအဝေးကို မွန်ပြည်နယ် လွှတ်တော်တွင် ကျင်းပလျှက်ရှိရာ ယနေ့ စက်တင်ဘာလ ၅ ရက်နေ့ ဒုတိယမြောက်နေ့တွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ကျိုက်မရောမြို့နယ် မဲဆန္ဒနယ်အမှတ် ၂ ပြည်နယ်လွှတ်တော်ကိုယ်စားလှယ် ဦးမင်းအောင်မွန်မှ လမ်းပန်းဆက်သွယ်ရေးဆိုင်ရာ မေးခွန်းအားမေးမြန်း        ခဲ့ကြောင်းသိရသည်။
ပြည်နယ်လွှတ်တော်ကိုယ်စားလှယ်မှ “ကျိုက်မရော ခုနှစ်ထွေလမ်းသည် ကျိုက်မရောမြို့နယ်ဘက်ရှိ ပထမကွေ့မှာ ကွေ့ကျဉ်းပြီး မတ်သဖြင့် ကားကြီးများကွေ့ရန် အခက်အခဲဖြစ်ပေါ်ခြင်း၊  ဒုတိယကွေ့မှာ (S) ကွေ့သဏ္ဍာန်ဖြင့် ကွေ့ ( ၂ ) ခုနီးကပ် လျှက်ရှိသဖြင့် ၎င်းနီးစပ်သောကွေ့ ( ၂ )ခုအား တစ်ခုတည်းပြုလုပ်ပါက ကွေ့( ၁ )ခုလျှော့သွားသဖြင့် ယာဉ်အန္တရာယ်မရှိတော့ပဲ ပြည်သူများလွယ်လင့်တကူ သွားလာနိုင်အောင် ဆောင်ရွက်ပေးနိုင်ခြင်း ရှိ/မရှိ ” မေးမြန်းရာ
မွန်ပြည်နယ် အစိုးရအဖွဲ့ စည်ပင်သာယာရေးနှင့် ဆောက်လုပ်ရေးဝန်ကြီး ဦးမင်းကျော်လွင်မှ ကျိုက်မရောမြို့နယ်နှင့် မုဒုံမြို့နယ်သို့ဖောက်လုပ်ထားသော ကျိုက်မရောခုနှစ်ထွေလမ်းမှာ     လမ်းဦးစီး ပြည်နယ်မှ စီမံခန့်ခွဲသော ကလိုင်းကနိုင် – ကျောက်တစ်လုံးလမ်း ဖြစ်ပပါကြောင်း၊ လမ်းအရှည် ( ၅ ) မိုင်ရှိပြီး ( ၁၈ ) ပေအကျယ် ကတ္တရာလမ်းဖြစ်ပါကြောင်း မေးမြန်းချက်ပါ လမ်းကွေ့များသည် မိုင်တိုင် ၂/၄ နှင့် ၂/၆ ကြားရှိ တောင်ပေါ်လမ်းပိုင်းဖြစ်ပါကြောင်း အဆိုပါလမ်းပိုင်းအား အသေးစိတ်ကွင်းဆင်းတိုင်းတာဆောင်ရွက်၍ ပြန်လည်တင်ပြပေးသွားမည် ဖြစ်ပါကြောင်းဖြစ် ပြန်လည်ဖြေကြားခဲ့ကြောင်း သိရသည်။