မြန်မာနိုင်ငံ၌ ကိုဗစ်(၁၉)ရောဂါဖြစ်ပွားမှုနှင့်သေ ဆုံးမှုနှုန်း လျော့နည်းကျဆင်းလာသဖြင့် ကျန်းမာရေးဝန်ကြီးဌာနမှ နှာခေါင်းစည်း(Mask)တပ်ဆင်ခြင်းအား ဖြေလျော့ပေးခဲ့ကာ မဖြစ်မနေတပ်ဆင်ရမည့်နေရာများအား ဇွန် ၃၀ ရက်က အသိပေးထုတ်ပြန်ခဲ့သည်။
နှာခေါင်းစည်း(Mask)အား အခန်းတွင်း၌ လူတစ်ဦးနှင့်တစ်ဦးနီးကပ်စွာရှိနေချိန်နှင့်အများပြည်သူအသုံးပြုသည့် ကား၊မီးရထား၊သင်္ဘော၊လေယာဉ်အစရှိသည့် ယာဉ်များဖြင့် ခရီးသွားလာရာ၌ မဖြစ်မနေတပ်ဆင်ရမည်ဖြစ်ကြောင်း ကျန်းမာရေးဝန်ကြီးဌာနမှ အသိပေးခဲ့သည်။
(၂၉-၆-၂၀၂၂) ရက်နေ့၊ ည (၈:၀၀) နာရီမှ (၃၀-၆-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၅,၅၅၉) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၁၃) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၂၃) ရာခိုင်နှုန်း ရှိပါသည်။
လားရှိုး ဇွန် ၃၀
ရှမ်းပြည်နယ် (မြောက်ပိုင်း)လားရှိူးမြို့ ရပ်ကွက် ၁ နယ်မြေ ၈ နေ ပြည်သူများ၏ တင်ပြလာချက်အရ ရှမ်းပြည်နယ်မြောက်ပိုင်း ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အတွင်းရေးမှူး ဒေါက်တာလဆိုင်း၊ ပြည်နယ်ကော်မတီဝင် ဦးကျော်ဇော်ဝင်း၊ ခရိုင်ပါတီဥက္ကဋ္ဌ၊ ဘဏ္ဍာရေးမှူးနှင့် မြို့နယ်ပါတီဥက္ကဋ္ဌအဖွဲ့များသည် လားရှိုးမြို့ ရပ်ကွက် ၁ နယ်မြေ ၈ အတွင်း လမ်းများပြုပြင်ရန်လိုအပ်သော နေရာများကို လှည့်လည်ကြည့်ရှု့ပြီး အလှူငွေများပေးအပ်ခဲ့ပါသည်။
ရန်ကုန်တိုင်းဒေသကြီးအတွင်းမှာပြေးဆွဲနေတဲ့ YBS ယာဉ်တွေအားလုံးရဲ့ ယာဉ်စီးခပေးချေတာတွေကို YPS ကတ် ငွေပေးချေစနစ်အပြင် QR Code System နဲ့ ပေးချေနိုင်ဖို့အထိ ဆောင်ရွက်သွားမယ်လို့သိရပါတယ်။ အခုလို ဆောင်ရွက်တာဟာ ယာဉ်စီးခ ပိုမိုကောက်ခံတာတွေ၊ ငွေအကြွေပြဿနာတွေနဲ့ မလိုလားအပ်တဲ့ပြဿနာတွေ ပြေလျော့စေဖို့ဖြစ်တယ်လို့ ဆိုပါတယ်။
ရန်ကုန်တိုင်းဒေသကြီး ကွမ်းခြံကုန်းမြို့နယ်အတွင်း ဇွန် ၂၅ ရက် ညပိုင်းက ရက်အကန့်အသတ်မရှိ ဆိုင်ကယ်နှင့် ဘက်ထရီ စက်ဘီး စီးနင်းခွင့်ပိတ်ပင်သည်ဟု အသိပေးကြေညာခဲ့ကြောင်း သိရသည်။
ထို့ကြောင့် ရက်အကန့်အသတ်မရှိ ဆိုင်ကယ်စီးနင်းခွင့် ပိတ်ပင်သည့်မြို့နယ် ခြောက်မြို့နယ်အထိ ရှိလာပြီ ဖြစ်ကြောင်း သိရသည်။
ကိုရီးယာနိုင်ငံ၌ အလုပ်လုပ်ကိုင်လိုသည့် မြန်မာအလုပ်သမားများအတွက် ဘာသာစကားအရည်အချင်းစစ် စာမေးပွဲနှင့် အခြေခံကျွမ်းကျင်မှုစစ်ဆေးခြင်းစာမေးပွဲများကို ၂၀၂၂ ခုနှစ်၊ သြဂုတ်လမှစတင်ကာ လုပ်ငန်း အမျိုးအစားအလိုက် ဖြေဆိုရမည်ဖြစ်ကြောင်း နစက၏ အလုပ်သမားဝန်ကြီးဌာနက ထုတ်ပြန်ကြေညာသည်။
ကိုရီးယားသမ္မနိုင်ငံ၏ အမှတ်ပေးစနစ်ဖြင့် အလုပ်ခန့်ထားရာတွင် အလုပ်လုပ်ကိုင်သူ၏ ကျွမ်းကျင်မှု၊ ရုပ်ပိုင်းဆိုင်ရာ အခြေအနေနှင့်အတွေ့အကြုံများပါ စစ်ဆေးခြင်းဖြစ်ပြီး အထူးသဖြင့် မျက်စိအရောင်ခွဲခြားနိုင်မှုမရှိခြင်းနှင့် ကိုယ်လက်အင်္ဂါချို့ယွင်းချက်ရှိသူများသည် စာမေးပွဲအောင်မြင်ခွင့်ရရှိမည်မဟုတ်ကြောင်းသိရသည်။
(၂၈-၆-၂၀၂၂) ရက်နေ့၊ ည (၈:၀၀) နာရီမှ (၂၉-၆-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (5,442) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၆) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၁၁) ရာခိုင်နှုန်း ရှိပါသည်။
မိုးညှင်း ဇွန် ၂၈
မိုးညှင်းမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ မိသားစုများစုပေါင်း၍ ယနေ့နံနက် ၁၀:၃၀အချိန် ကာဒူကျေးရွာအုပ်စု အလယ်တန်းကျောင်း(ခွဲ)ကျောင်းသား/သူ ၃၀၀ ကျော် ထွန်းမူကြိုကျောင်းမှ ခလေးများနှင့် ခရစ်ယာန်မူကြိုခလေးများကို ပြည်ခိုင်ဖြိုးပါတီမိသားစုများ စုပေါင်း၍အာဟာရဒါနကျွေးမွေးခဲ့ကြသည်။
စုပေါင်းအာဟာရဒါနကျွေးမွေးပွဲကို ခရိုင်အတွင်းရေးမှူး ဦးခိုင်ဇော်ထွန်း ခရိုင်လူငယ် နိုင်မင်းထွန်း၊ စိုးဟေမာ မြို့နယ်ဥက္ကဌ ဦးထက်အောင် အတွင်းရေးမှူး ဦးဇော်ဝင်း မစန်းစန်းဝင်းနှင့် ကာဒူကျေးရွာ ပါတီဝင် မိသားစုများနှင့်အတူကျွေးမွေး ခဲ့ကြပြီးရွာဦးကျောင်းဆရာတော်အား သွားရောက်ကန်တော့ခဲ့ကြသည်။
မြန်မာနိုင်ငံသား တရားဝင်အလုပ်သမား ၁၅၀ ဦးသည် တောင်ကိုရီးယားနိုင်ငံ၌ အလုပ်လုပ်ကိုင်ရန် ဇွန် ၂၈ ရက်တွင် ရန်ကုန်လေဆိပ်မှတဆင့် အင်ချွန်းလေဆိပ်သို့ ထွက်ခွာရောက်ရှိခဲ့ကြောင်း တောင်ကိုရီးယားနိုင်ငံဆိုင်ရာ မြန်မာသံရုံးမှ သိရသည်။ တောင်ကိုရီးယားနိုင်ငံသို့ ရောက်ရှိလာသည့် မြန်မာအလုပ်သမားများမှာ Re-entry လုပ် သားအဖြစ် ပြန်လည် ဝင်ရောက်လာသည့် ကုန်ထုတ်လုပ်သား ၁၃၃ ဦးနှင့်စိုက်ပျိုးရေးလုပ်သား ၁၇ ဦး(စုစုပေါင်း ၁၅၀ ဦး)ဖြစ်ကြောင်း သိရသည်။ ထိုသို့ ဝင်ရောက်လာသည့် မြန်မာနိုင်ငံသားများအား မြန်မာသံရုံး၊ဆိုးလ်မြို့မှ အလုပ်သမားသံအရာရှိကကြိုဆို၍ အလုပ်သမားများ သိရှိလိုက် နာသင့်သည့် အချက်များအားမှာကြားကာ လိုအပ်သည်များကူညီပံ့ပိုးပေးခဲ့သည်။ တောင်ကိုရီးယားနိုင်ငံအစိုးရသည် မြန်မာနိုင်ငံမှ တရားဝင်အလုပ်သမားများ အား ပြန်လည်လက်ခံလျက်ရှိသည်။
