ဗန္းေမာ္ ဇူလုိင္ ၇
ကခ်င္ျပည္နယ္၊ ဗန္းေမာ္ခရိုင္၊ ဗန္းေမာ္ၿမိဳ႕နယ္ ျပည္ခိုင္ျဖိဳးပါတီရံုးခန္းမတြင္ ျပည္နယ္အရံေကာ္မတီဝင္ (ဗန္းေမာ္ျမိ့ဳ)တာဝန္ခံ၊ ျမိ့ဳနယ္ပါတီဥကၠဌ၊ အတြင္းေရးမွဴး၊ ဘ႑ာေရးမွဴး၊ ၿမိဳ႕နယ္ေကာ္မတီဝင္မ်ား၊ ျမိ့ဳနယ္ရံုးအဖြဲ႔မွဴးႏွင့္ ရံုးဝန္ထမ္းမ်ား ပါဝင္၍ လုပ္ငန္းညိွႏိႈင္းအစည္း အေဝးျပဳလုပ္ခဲ့ပါသည္။
လားရှိုး ဇူလိုင် ၇
ရှမ်းပြည်နယ်(မြောက်ပိုင်း)လားရှိုးမြို့၊ လားရှိုးခရိုင် ပြည်ခိုင်ဖြိုးပါတီ လုပ်ငန်းညှိနှိုင်းအစည်းအဝေးကို ခရိုင်ပါတီရုံးတွင် ကျင်းပခဲ့သည်။ ပါတီလုပ်ငန်းစဉ်များနှင့်ပက်သက်၍ ခရိုင်ပါတီဥက္ကဋ္ဌဦးတန်ဂွန်း၊ အတွင်းရေးမှူး ဦးသန်းစိုး၊ ဘဏ္ဍာရေးမှူး ဦးခင်အောင်ဆွေတို့က ရှင်းလင်းဆွေးနွေးခဲ့ကြပါသည်။
လယ်ယာထွက်ကုန်ပစ္စည်းများထဲမှ မြေပဲနှင့်နှမ်းတင်ပို့မှုကို ဇူလိုင် ၅ ရက်မှစတင်ကာ ပြန်လည်တင်ပို့ခွင့်ပြုကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနက ထုတ်ပြန်ကြေညာထားသည်။
ထို့ပြင် ပြည်တွင်းဆီထွက်သီးနှံနှင့်စားသုံးဆီများ ပြည်ပသို့ပြန်လည်တင်ပို့ခွင့်ပြုသွားမည်ဖြစ်ပြီး ပို့ကုန်ဈေးနှုန်း သတ်မှတ်သည့် နှုန်းထားများကို ပင်လယ်ရေကြောင်းကုန်သွယ်မှုသတ်မှတ်သည့် နှုန်းထားနှင့် တစ်ပြေးညီ ဆောင်ရွက်သွားမည်ဖြစ်ကြောင်းသိရသည်။
ရေကြောင်းမှတစ်ဆင့် ဆီထွက်သီးနှံတင်ပို့ရာတွင် အမေရိကန်ဒေါ်လာဖြင့်ရောင်းချရပြီး တရုတ်နှင့်ထိုင်းနယ်စပ်တွင် ဘတ်နှင့်ယွမ်များဖြင့်သာ ငွေပေးချေရကြောင်းသိရသည်။
အရင်ပြည်ထောင်စုရွေးကောက်ပွဲကော်မရှင်ဥက္ကဋ္ဌဟောင်း ဦးလှသိန်းနဲ့ ကော်မရှင်အဖွဲ့ဝင်၂ ယောက်ကို ဇူလိုင် ၇ ရက်မှာ နေပြည်တော်ထောင်တွင်းတရားရုံးက ထောင်ဒဏ်တွေချမှတ်လိုက်တယ်လို့ သိရပါတယ်။ UECဥက္ကဋ္ဌ ဟောင်း ဦးလှသိန်း၊ ကော်မရှင်အဖွဲ့ဝင်ဟောင်းတွေဖြစ်တဲ့ ဦးမြင့်နိုင်နဲ့ ဦးသန်းဌေးတို့ကို ထောင်ဒဏ် ၃နှစ်စီ ချမှတ်လိုက်တာပါ။ ဦးလှသိန်း၊ ဦးမြင့်နိုင်နဲ့ ဦးသန်းဌေးတို့ဟာ ၂၀၂၀ ပြည့်နှစ်အထွေထွေရွေးကောက်ပွဲမှာ ရွေးကောက်ပွဲ တရားမဲ့ပြုကျင့်မှုတွေ လုပ်ဆောင်ခဲ့တယ်ဆိုပြီး ရာဇသတ်ကြီးဥပဒေပုဒ်မ ၁၃၀(က)နဲ့ အမှုဖွင့် အရေးယူခံခဲ့ရတာဖြစ်ပါတယ်။
အချိန်ကာလနှစ်လကျော်ကြာမြင့်တက်ခဲ့သည့် စက်သုံးဆီဈေးနှုန်းများမှာ ဇူလိုင် ၇ ရက်တွင် တစ်လီတာ နှစ်ထောင်ကျပ်အောက်သို့ ပြန်လည်ကျဆင်းခဲ့ကြောင်း စက်သုံးဆီစျေးကွက်အတွင်းမှသိရသည်။
ရန်ကုန်စက်သုံးဆီဈေးနှုန်းများမှာ ယမန်နေ့(ဇူလိုင် ၆ ရက်) တွင် ၉၂ တစ်လီတာလျှင် ၂၀၇၀ ကျပ်မှ ယနေ့တွင် ၁၈၃၅ ကျပ်သို့လည်းကောင်း၊ ၉၅ တစ်လီတာဈေး ၂၁၉၅ ကျပ်မှ ၁၉၅၅ ကျပ်သို့လည်းကောင်း၊ ဒီဇယ် တစ်လီတာ လျှင် ၂၃၈၀ ကျပ်မှ ၂၁၉၅ ကျပ်နှင့် ပရီမီယံဒီဇယ်တစ်လီတာလျှင် ၂၄၁၀ ကျပ်မှ ၂၂၂၅ ကျပ်အထိ ကျဆင်းခဲ့ခြင်းဖြစ်ကြောင်းသိရသည်။
တပ်မတော်သို့ လှူဒါန်းထားသည့် ၂၇၈၉ ဒသမ ၂၅ ကာရက်ရှိ နိုင်ငံတော်ပတ္တမြား(နစက)အဖြစ် ဂုဏ်ပြုခေါ်ဝေါ်သည့် ပတ္တမြားကြီးအား ဇူလိုင် ၇ ရက်တွင် နေပြည်တော်ရှိ တပ်မတော်ကာကွယ်ရေးဦးစီးချုပ်ရုံး၌ နိုင်ငံတော်သို့ တပ်မတော်မှလှူဒါန်းခဲ့သည်။
မကြာမီက နိုင်ငံတော်နှင့်တပ်မတော်အားချစ်မြတ်နိုးသည့် လူငယ်တစ်ဦးက ၎င်း၏ မိဘဘိုးဘွားများလက်ထက်က ထိန်းသိမ်းထားသည့် ပတ္တမြားကြီးအား တပ်မတော်သို့ လှူဒါန်းရန်အတွက် ကမ်းလှမ်းလာခဲ့သည်ဟု နစက ဥက္ကဋ္ဌမှပြောသည်။
(၆-၇-၂၀၂၂) ရက်နေ့၊ ည (၈:၀၀) နာရီမှ (၇-၇-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၄,၉၆၆) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၁၂) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၂၄) ရာခိုင်နှုန်း ရှိပါသည်။
ဇူလိုင် ၆၊ နေပြည်တော်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဝင်များမှ ကရင်ပြည်နယ် “ဥကရစ်ထစခန်း” တိုက်ပွဲစဉ်တလျှောက် အစအဆုံးပါဝင်တိုက်ခိုက်ခဲ့သော တိုက်ပွဲဝင်တပ်မတော်သားများနှင့် ရှေ့တန်းရောက်တပ်မတော်သားများအတွက် စားသောက်ဖွယ်ရာပစ္စည်းများ စုစုပေါင်းတန်ဘိုးငွေ သိန်း(၂၀၀) ပေးအပ်လှူဒါန်းပွဲ အခမ်းအနားကို ၂၀၂၂ ခုနှစ်၊ ဇူလိုင်လ ၆ ရက်နေ့ နံနက် ၀၉:၀၀ နာရီအချိန်တွင် နေပြည်တော်တိုင်းစစ်ဌာနချုပ်ရှိ ပေါင်းလောင်းရိပ်သာခန်းမတွင် ကျင်းပပြု လုပ်ခဲ့ရာ ပါတီအထွေထွေအတွင်းရေးမှူး ဦးသက်နိုင်ဝင်း၊ ဗဟိုအတွင်းရေးမှူး ဒေါက်တာကျော်ကျော်ဌေး၊ ဌာနချုပ်မှူး ဦးသောင်းရွှေတို့မှ ပေးအပ်လှူဒါန်း၍ နေပြည်တော်တိုင်းစစ်ဌာနချုပ် တိုင်းမှူး ဗိုလ်ချုပ်ဇော်ဟိန်းမှ လက်ခံခဲ့ပြီး ဂုဏ်ပြုမှတ်တမ်းလွှာ ပြန်လည်ပေးအပ်ခဲ့ပါသည်။
တောင်ကိုရီးယားနိုင်ငံတွင် ကုန်ထုတ်လုပ်သားအဖြစ် လုပ်ကိုင်မည့် မြန်မာနိုင်ငံသား ၁၃၀ ကို ဇူလိုင် ၅ ရက်တွင် ထပ်မံစေလွှတ်ခဲ့ရာ အင်ချွန်းအပြည်ပြည်ဆိုင်ရာလေဆိပ်သို့ ရောက်ရှိခဲ့ကြောင်း ကိုရီးယားနိုင်ငံဆိုင်ရာ မြန်မာသံရုံးမှ ထုတ်ပြန်ထားသည်။ တောင်ကိုရီးယားနိုင်ငံအစိုးရသည် မြန်မာနိုင်ငံမှ တရား၀င်အလုပ်သမားများအား ပြန်လည် လက်ခံလျက်ရှိရာ ၂၀၂၂ ခုနှစ် ဇူလိုင် ၅ ရက်တွင် ကုန်ထုတ်လုပ်သားအဖြစ် အသစ်ဝင်ရောက်လုပ်ကိုင်မည့် လုပ်သားသစ် ၁၃၀ တို့သည် ရန်ကုန်မှအင်ချွန်းအပြည်ပြည်ဆိုင်ရာ လေဆိပ်သို့ရောက်ရှိခဲ့ရာ မြန်မာသံရုံး ဆိုးလ်မြို့မှ အလုပ်သမားသံအရာရှိက ကြိုဆို၍ အလုပ်သမားများ သိရှိလိုက်နာသင့်သည့် အချက်များကို မှာကြားခဲ့ပြီး လိုအပ်သည်များ ကူညီပံ့ပိုးပေးခဲ့ကြောင်းသိရသည်။
ပြည်ပရောက် မြန်မာနိုင်ငံသားများ အနေဖြင့် နိုင်ငံကူးလက်မှတ် သက်တမ်းကုန်ဆုံးလျှင် မြန်မာနိုင်ငံသို့ ပြန်လည်လျှောက်ထားရမည်ဆိုသည့် သတင်းမှာ သတင်းအမှားသာဖြစ်ကြောင်း နိုင်ငံခြားရေးဝန်ကြီးဌာနက ဇူလိုင် ၆ ရက်တွင် သတင်းထုတ်ပြန်သည်။
အဆိုပါထုတ်ပြန်ချက်တွင် ပြည်ပရောက် မြန်မာနိုင်ငံသားများအနေဖြင့် ၎င်းတို့၏ နိုင်ငံကူးလက်မှတ်များ သက်တမ်းကုန်ဆုံးသွားပါက သက်တမ်းတိုးလျှောက်ထားခြင်း လုပ်ငန်းကို မြန်မာနိုင်ငံ၌ ပြန်လည်လျှောက် ထားရမည်ဖြစ်ကြောင်း ဆိုရှယ်မီဒီယာများနှင့် လူမှုကွန်ရက်စာမျက်နှာများတွင် ပျံ့နှံ့လျက်ရှိသည်ကို တွေ့ရှိရကြောင်း၊ အဆိုပါဖော်ပြချက်များမှာ သတင်းမှားများသာဖြစ်ကြောင်း အသိပေးအပ်ပါသည်ဟု ဖော်ပြထားသည်။
