၂၀၂၂ LPGA Tour ဂေါ့ဖ်ပြိုင်ပွဲရာသီအတွက် တတိယမြောက် မေဂျာပြိုင်ပွဲဖြစ်သည့် အမျိုးသမီးပီဂျီအေ ချန်ပီယံရှစ်(KPMG Women’s PGA Championship) ပြိုင်ပွဲတွင် တောင်ကိုရီးယားနိုင်ငံသူ အင်ဂီးချွန် အနိုင်ရဗိုလ်စွဲပြီး ကစားသမားဘဝတစ်လျှောက် တတိယမြောက် မေဂျာချန်ပီယံအောင်မြင်မှု ရရှိခဲ့ကြောင်း သိရသည်။ ၆၇ ကြိမ်မြောက် အမျိုးသမီးပီဂျီအေချန်ပီယံရှစ်ပြိုင်ပွဲကို အမေရိကန်ပြည်ထောင်စု၊ မေရီလန်းပြည်နယ်၊ ဘီသက်စ်ဒါမြို့ Congressional Country Club ဂေါ့ဖ်ကွင်း၌ ဇွန် ၂၃ ရက်မှ ၂၆ ရက်အထိ ကျင်းပခဲ့ခြင်း ဖြစ်သည်။
ဘရာဇီးတိုက်စစ်မှူး နေမာ က ပီအက်စ်ဂျီအသင်း ဥက္ကဌ အယ်လ် ခီလိုင်ဖီကို စိတ်ခုနေပြီး အသင်းကနေ ထွက်ခွာဖွယ်ရှိကြောင်း ပြင်သစ် က သတင်းတွေက ဖော်ပြကြပါတယ်။ ဇူလိုင် ၁ ရက်မှာ သူ့ရဲ့ ပီအက်စ်ဂျီ စာချုပ်က ၂၀၂၇ ခုနှစ် အထိ အလိုအလျောက် သက်တမ်း တိုးသွားမှာ ဖြစ်ပေမယ့် ၂၀၁၇ တုန်းက ဘာစီလိုနာကနေ ပီအက်စ်ဂျီကို ယူရို ၂၂၂ သန်းနဲ့ပြောင်းရွှေ့ပြီး ကမ္ဘာ့ဈေးအကြီးဆုံး ဘောလုံးသမားဖြစ်ခဲ့တဲ့ နေမာ က အသင်းပြောင်းဖို့ မျှော်မှန်းနေတယ်လို့ ဆိုပါတယ်။
မြန်မာ MMA ကစားသမားဖြစ်သူ ချင်းတိုင်းရင်းသား ထီရယ်လ်ထန်က လတ်တလောတွင် ဒဏ်ရာရရှိထားခြင်း ကြောင့် ပွဲမထိုးသတ်နိုင်ခြင်းအတွက် ပရိသတ်များကို တောင်းပန်ကြောင်း သူ၏ Facebook လူမှု ကွန်ယက်စာမျက်နှာမှ တောင်းပန်စကား ပြောကြားခဲ့သည်။
ဝေးလ် တိုက်စစ်မှူး ဂါရက်ဘေးလ် က ရီးရဲလ်ကနေ ထွက်ခွာပြီးတဲ့နောက်မှာ အမေရိကန်မေဂျာလိဂ်က လော့စ်အိန်ဂျလိစ်အသင်းကို ပြောင်းရွှေ့ဖို့ သဘောတူလိုက်ပါတယ်။ ၂၀၁၃ တုန်းက အဲဒီအချိန် ကမ္ဘာ့စံချိန်တင် ပြောင်းရွှေ့ကြေး ယူရို သန်း ၁၀၀ နဲ့ စပါးကနေ ရီးရဲလ်ကို ပြောင်းသွားခဲ့တဲ့ ဘေးလ် ၃၂ နှစ်က ဒီနွေရာသီမှာ သူ့စာချုပ်သက်တမ်း ကုန်သွားတာကြောင့် ပြောင်းရွှေ့ကြေးအလွတ်နဲ့ လော့စ်အိန်ဂျလိစ်ကို ရောက်မှာ ဖြစ်ပါတယ်။
မန်ယူနိုက်တက်အသင်းဟာ ဘာစီလိုနာ ကွင်းလယ်လူ ဖရန့်ကီဒီယွန်းကို ခေါ်ယူဖို့ သဘောတူညီမှုရရှိခဲ့ပြီလို့ သိရပါတယ်။ နည်းပြသစ် တန်ဟတ်ဂ်ကိုယ်တိုင်ကလည်း အိုင်ယက်မှာ အတူလက်တွဲခဲ့ဖူးတဲ့ ဒီယွန်းကို ခေါ်ယူဖို့ အသင်းဆီကိုတောင်းဆိုထားခဲ့တာပါ။ မန်ယူအသင်းဟာ ဒီယွန်းအတွက် စုစုပေါင်း ၆၉ သန်းပေးချေရမှာဖြစ်ပြီး ဇွန်လမကုန်ခင်မှာ အပြီးသတ်ခေါ်ယူသွားမယ်လို့ ကတ်တလန်အခြေစိုက် စပိန် Sport သတင်းစာမှာဖော်ပြပါတယ်။
ဝေးလ်ကလပ်ကာဒစ်အသင်းဟာ ရီးရဲလ်မက်ဒရစ်ကနေ အလွတ်ထွက်ခွာခဲ့တဲ့ တောင်ပံကစားသမား ဂါရတ်ဘေးလ် ကို ခေါ်ယူဖို့ ဆွေးနွေးညှိနှိုင်းနေကြောင်း ဘေးလ်ရဲ့ကိုယ်စားလှယ်တွေက BBC ကို အတည်ပြုခဲ့ပါတယ်။
အသက် ၃၂ နှစ်ရှိပြီဖြစ်တဲ့ ဘေးလ်ဟာ ရီးရဲလ်နဲ့ စာချုပ်ကုန်ဆုံးခဲ့ပြီးနောက် အသင်းဟောင်းစပါးကို ပြန်ကစားမယ်လို့သတင်းထွက်နေသလို အမေရိကန်မေဂျာလိဂ်ကိုသွားရောက်ကစားဖို့ စဉ်းစားနေကြောင်းလည်း သိရပါတယ်။ ဒါပေမဲ့ ကာဒစ်ဖ်အသင်းရဲ့ဥက္ကဌ မီမက်ဒယ်လန် က ဘေးလ်ရဲ့ကိုယ်စားလှယ်တွေနဲ့ တွေ့ဆုံပြီး အပြောင်းအရွှေ့အတွက် ဆွေးနွေးညှိနှိုင်းခဲ့တာပါ။ ဘေးလ်ဟာ ကာဒစ်ဖ်မြို့မှာ မွေးဖွားကြီးပြင်းခဲ့သူလည်း ဖြစ်ပါတယ်။ BBC Sports
တိုက်စစ်မှူးနေမာအတွက် တခြားကလပ်အသင်းတစ်ခုခုက သင့်တော်တဲ့ပြောင်းရွှေ့ကြေးနဲ့ ကမ်းလှမ်းလာခဲ့ရင် PSG အသင်းဘက်က ရောင်းချသွားဖွယ်ရှိကြောင်း Goal.com ဝက်ဆိုက်က ဖော်ပြခဲ့ပါတယ်။
နေမာဟာ ၂၀၁၈ ခုနှစ်က ဘာစီလိုနာကနေ PSG ကို ကမ္ဘာ့စံချိန်တင်ပြောင်းရွှေ့ကြေးနဲ့ရောက်လာခဲ့သူဖြစ်ပါတယ်။ ဒါပေမဲ့ လတ်တလောမှာ PSG ဟာ နေမာရဲ့ လစာငွေအမြောက်အမြားကို ပေးချေနေရတဲ့အပြင် တိုက်စစ်မှူးဘက်ပီကို ဆက်ထိန်းထားဖို့ဆုံးဖြတ်လိုက်တာကြောင့် ကုန်ကျစရိတ်တွေ များပြားလာခဲ့ပါတယ်။
ချဲလ်ဆီးအသင်းဟာ တိုက်စစ်မှူးလူကာကူကို အငှားချဖို့အတွက် အင်တာမီလန်အသင်းနဲ့မူအားဖြင့်သဘောတူ ညီမှုရရှိခဲ့တယ်လို့ သိရပါတယ်။ The Athletic ရဲ့ဖော်ပြချက်အရ အင်တာမီလန်ဟာ လူကာကူကိုအငှားနဲ့ခေါ် ယူဖို့အတွက် ချဲလ်ဆီးကို ပေါင်(၆.၉)သန်းအပြင် add-ons ကြေးထပ်ပေးရမှာဖြစ်ပါတယ်။ ဘယ်လ်ဂျီယံ တိုက်စစစ်မှူးအနေနဲ့ ဆန်စီရိုကိုအငှားနဲ့မထွက်ခွာခင် လာမယ့်တစ်ပတ်မှာ အင်တာမီလန်နဲ့ ဆေးစစ်ဆေးမယ်လို့ မျှော်လင့်ရပါတယ်။ သဘောတူညီမှုအတွက် စာရွက်စာတမ်းတွေအပြီးသတ်ဖို့ လုပ်ဆောင်နေဆဲဖြစ်ပါတယ်။ ဒါပေမယ့် အင်တာမီလန်အသင်းအနေနဲ့ အငှားစာချုပ်သက်တမ်းကုန်ဆုံးပြီးနောက် လူကာကူကို အမြဲတမ်းစာချုပ်နဲ့ ဝယ်ယူခွင့်ရှိမှာမဟုတ်ပါဘူး။ ချဲလ်ဆီးဟာ လူကာကူကို ပေါင်(၉၈.၅)သန်းနဲ့ ခေါ်ယူခဲ့ရတာကြောင့် လျှော့ဈေးနဲ့သူ့ကိုလက်လွှတ်ရဖို့ ဆန္ဒမရှိဘူးလို့သိရပါတယ်။ ဒါကြောင့် ချဲလ်ဆီးနဲ့ ၂၀၂၆ခုနှစ်အထိစာချုပ်သက်တမ်း ကျန်နေသေးတဲ့ လူကာကူဟာ ၂၀၂၂-၂၃ ဘောလုံးရာသီအပြီးမှာ ချဲလ်ဆီးကို ပြန်လာရမှာဖြစ်ပါတယ်။
၂၀၂၂ PGA Tour ရာသီအတွက် တတိယမြောက် မေဂျာဂေါ့ဖ်ပြိုင်ပွဲဖြစ်သည့် ယူအက်စ်အိုးပင်းပြိုင်ပွဲတွင် အင်္ဂလိပ်ကစားသမား မတ်ဖစ်ဇ်ပက်ထရစ် အနိုင်ရဗိုလ်စွဲပြီး ကစားသမားဘဝတစ် လျှောက် ပထမဆုံး PGA Tour ချန်ပီယံဆုနှင့် မေဂျာအောင်မြင်မှု ရရှိခဲ့ကြောင်း သိရသည်။
၁၂၂ ကြိမ်မြောက် ယူအက်စ်အိုးပင်းပြိုင်ပွဲကို အမေရိကန်ပြည်ထောင်စု၊ မက်ဆာချူးဆက်ပြည်နယ်၊ ဘရွတ်ကလင်းမြို့ The Country Club ဂေါ့ဖ်ကွင်း၌ ဇွန် ၁၆ ရက်မှ ၁၉ ရက်အထိ ကျင်းပခဲ့သည်။
မြန်မာနေရှင်နယ်လိဂ်အမှတ်ပေးဘောလုံးပြိုင်ပွဲ- ၁ အား ဇွန် ၂၅ ရက်မှစတင်၍ ကလပ်အသင်း ၁၀ သင်းဖြင့် မြန်မာနိုင်ငံဘောလုံးအဖွဲ့ချုပ်၊မြန်မာနေရှင်နယ်လိဂ်ကော်မတီမှ ကြီးမှူး၍ပြန်လည်ကျင်း ပသွားမည်ဖြစ်ကြောင်း သိရသည်။
မြန်မာနေရှင်နယ်လိဂ်အမှတ်ပေးဘောလုံးပြိုင်ပွဲ -၁ ၌ ရှမ်းယူနိုက်တက်၊ ဟံသာ၀တီယူနိုက်တက်၊ ဧရာ၀တီ ယူနိုက်တက်၊ ရန်ကုန်ယူနိုက်တက်၊ရတ နာပုံ FC ၊ ရခိုင်ယူနိုက်တက်၊မဟာယူနိုက်တက်၊မြဝတီ FC ၊ ISPE FC နှင့် GFA FC အသင်းတို့ ပါဝင်ယှဉ်ပြိုင်သွားမည်ဖြစ်သည်။
