ဆေးတက္ကသိုလ်ဝင်ခွင့် (၃)ဘာသာရမှတ်အပေါ် မူတည်၍ရွေးမည်

၂၀၂၂ ခုနှစ် တက္ကသိုလ်ဝင် စာမေးပွဲ အောင်မြင်ပြီး သူတွေအတွက် ဆေးတက္ကသိုလ်တွေ နဲ့ သွားဘက်ဆိုင်ရာ ဆေးတက္ကသိုလ်ဝင်ခွင့်ကို အင်္ဂလိပ်စာ၊ ဓာတုဗေဒ၊ ဇီဝဗေဒ (၃) ဘာသာရမှတ်ပေါင်း အနည်းအများပေါ် မူတည်ပြီး ပဏာမ ရွေးချယ်သွားမယ်လို့ ကျန်မာရေးဝန်ကြီးဌာနက ဩဂုတ် (၂၈) ရက်မှာ အသိပေး ကြေညာထားပါတယ်။

ထိုင်း၌ ပြစ်ဒဏ်ကျပြီး လွတ်လာသည့် မြန်မာ(၄၆)ဦး လွှဲပြောင်း

ထိုင်းနိုင်ငံမှာ အကြောင်းအမျိုးမျိုးကြောင့် ပြစ်ဒဏ်ကျခံရပြီး ပြန်လည်လွတ်မြောက်လာတဲ့ မြန်မာနိုင်ငံသား (၄၆)ယောက်ကို ဩဂုတ်(၂၉)ရက်၊ မနက်ပိုင်းက တာချီလိတ်မြို့၊ မြန်မာ-ထိုင်း ချစ်ကြည်ရေး တံတားအမှတ် (၂)ကနေ ပြန်လည်လွှဲပြောင်းပေးခဲ့တယ်လို့ သိရပါတယ်။

ပြန်လည်လွှဲပြောင်းပေးလာသူတွေကို တာချီလိတ်တပ်နယ်က ဗိုလ်မှူးကြီးမင်းမင်းထွန်း၊ ခရိုင်လဝက တာဝန်ရှိသူ တွေက ကြိုဆိုလက်ခံခဲ့ကြတယ်လို့ သိရပါတယ်။ သူတို့ကို ကျန်းမာရေးဝန်ထမ်းတွေက ကိုဗစ်ရောဂါရှိ/မရှိ ဆေးစစ်တာတွေပြုလုပ်ပြီး ဝမ်လုံး Quarantine Center မှာ( ၇ )ရက်ထားရှိမှာဖြစ်တယ်လို့ ဆိုပါတယ်။

Covid-19 ရောဂါ ဓာတ်ခွဲ အတည်ပြုလူနာသစ်(၆၈) ဦး တွေ့ရှိ

(၂၈-၈-၂၀၂၂) ရက်နေ့၊ ည (၈:၀၀) နာရီမှ (၂၉-၈-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၇,၉၁၈) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၆၈) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၈၆) ရာခိုင်နှုန်း ရှိပါသည်။ ယနေ့တွေ့ရှိသော COVID-19 ရောဂါ ဓာတ်ခွဲအတည်ပြု လူနာသစ် (၆၈) ဦးအနက် (၈) ဦး၊ (၁၁.၇၆) ရာခိုင်နှုန်းမှာ ပြည်ပမှဝင်ရောက်လာသူများအား ဓာတ်ခွဲ စစ်ဆေးရာမှ တွေ့ရှိခြင်းဖြစ်ပြီး (၆၀) ဦး၊ (၈၈.၂၄) ရာခိုင်နှုန်းမှာ ပြည်တွင်းတွင် ကူးစက်ဖြစ်ပွားသူ များ ဖြစ်ပါသည်။MOH

မြန်မာနိုင်ငံတော် ဗဟိုဘဏ်က နိုင်ငံခြားငွေလဲနှုန်း တစ်ဒေါ်လာ ကျပ် ၂၁၀၀ စျေးသတ်မှတ်ထားသော်လည်း ပြင်ပစျေးကွက်တွင် တစ်ဒေါ်လာ ကျပ် ၃၂၀၀ ဝန်းကျင်အထိ စျေးနှုန်းဖြစ်ပေါ်နေဟုဆို

၂၀၂၂ ခုနှစ် သြဂုတ် ၂၈ရက်တွင် ဗဟိုဘဏ်စျေးနှုန်း နိုင်ငံခြားငွေလဲနှုန်း တစ်ဒေါ် လာ ကျပ် ၂၁၀၀ စျေးသတ်မှတ်သော်လည်း ပြင်ပစျေးကွက်တွင် တစ်ဒေါ် လာ ၃၂၀၀ ဝန်း ကျင်ဖြစ်ပေါ်နေကြောင်း နိုင်ငံခြားငွေကြေး ရောင်းဝယ်သူများထံမှ သိရသည်။

ထိုင်းသို့ မြန်မာအလုပ်သမား ၈၀၀ ကျော် ထပ်မံရောက်ရှိ

ပြည်တွင်းအလုပ်အကိုင် ရှာဖွေပေးရေး အေဂျင်စီကိုးခုတို့သည် လုပ်သား ၇၀၀ ကျော်ကို ဩဂုတ် ၂၆ ရက် နံနက်ပိုင်းက မြ၀တီ-မဲဆောက် ချစ်ကြည်ရေးအမှတ် (၂)တံတားမှတစ်ဆင့် MoU စနစ်ဖြင့် ထိုင်းနိုင်ငံသို့ ထပ်မံ စေလွှတ်ခဲ့ကြောင်း သိရသည်။

ယင်းသို့ လုပ်သားများ စေလွှတ်ခဲ့ရာတွင် ပြည်တွင်းအလုပ်အကိုင်အေဂျင်စီကုမ္ပဏီများမှ အမျိုးသား ၄၇၂ ဦး၊ အမျိုးသမီး ၂၇၀ စုစုပေါင်းလုပ်သား ၇၄၂ ဦးကို ထိုင်းနိုင်ငံသို့ သွားရောက်အလုပ်လုပ်ကိုင်နိုင်ရန်အတွက် ပို့ဆောင်ပေးခဲ့ကြောင်း သိရသည်။

ရန်ကုန်တွင် ဒီဇယ်တစ်လီတာကို ကျပ် ၃၀၀၀ အထိတက်လာ

စက်သုံးဆီတင်သွင်းသိုလှောင်ဖြန့်ဖြူးခြင်းကြီးကြပ်ရေးကော်မတီက ထုတ်ပြန်တဲ့ ဩဂုတ်(၂၄)ရက်အတွက် စက်သုံးဆီဈေးနှုန်းတွေအရ ရန်ကုန်မှာ ရိုးရိုးဒီဇယ်တစ်လီတာ ကျပ် ၃၀၀၀ အထိ တက်လာပြီး ဓာတ်ဆီရော ဒီဇယ်ပါ ဈေးနှုန်းတွေတက်လာတာကို တွေ့ရပါတယ်။

ဩဂုတ်(၂၄)ရက် ရန်ကုန်စက်သုံးဆီဈေးနှုန်းတွေကတော့ အောက်တိန်း 92တစ်လီတာကို ကျပ် ၂၄၄၀၊ အောက်တိန်း 95 တစ်လီတာကို ၂၅၂၅ ကျပ်၊ ရိုးရိုးဒီဇယ်တစ်လီတာကို ကျပ် ၃၀၀၀၊ ပရီမီယံဒီဇယ်တစ်လီတာကို ကျပ် ၃၀၈၀အထိ ရှိနေပါတယ်။

နေပြည်တော် ဒက္ခိဏခရိုင်တရားရုံးအနီးတွင် ပေါက်ကွဲမှုဖြစ်ပွားခဲ့ပြီး တစ်ဦး ထိခိုက်ဒဏ်ရာရ

နေပြည်​တော် ဇမ္ဗူသီရိမြို့နယ်ရှိ ဒက္ခိဏခရိုင်တရားရုံးအနီးတွင် ​သြဂုတ် ၂၄ ရက် ည ၈ နာရီခန့်က ပေါက်ကွဲမှုဖြစ်ပွားခဲ့ပြီး တစ်ဦး ဒဏ်ရာရရှိခဲ့​ကြောင်း သတင်းရရှိသည်။

“၈ နာရီ ထိုးပြီး​လောက်နဲ့ထင်တယ်။ တစ်​​ယောက်​တော့ ​ခြေ​ထောက်ထိတယ်လို့ ကြားတယ်။ ​နေရာ​တော့ တိတိကျကျ မသိဘူး။ ခရိုင်ရုံးနားမှာ ​ပေါက်တာလို့ ကြားတယ်။ ​သေနတ်သံ​​တော့ မကြားဘူး။ ဗုံး​ပေါက်တာ ​လေးချက်”ဟု ​ဒေသခံတစ်ဦးက ​ပြောကြားသည်။

Covid-19 ရောဂါ ဓာတ်ခွဲ အတည်ပြုလူနာသစ်(၆၃) ဦး တွေ့ရှိ

(၂၃-၈-၂၀၂၂) ရက်နေ့၊ ည (၈:၀၀) နာရီမှ (၂၄-၈-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၈,၀၆၀) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၆၃) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၇၈) ရာခိုင်နှုန်း ရှိပါသည်။ ယနေ့တွေ့ရှိသော COVID-19 ရောဂါ ဓာတ်ခွဲအတည်ပြု လူနာသစ် (၆၃) ဦးအနက် (၄၀) ဦး၊ (၆၃.၄၉) ရာခိုင်နှုန်းမှာ ပြည်ပမှ ဝင်ရောက်လာသူများအား ဓာတ်ခွဲ စစ်ဆေးရာမှ တွေ့ရှိခြင်းဖြစ်ပြီး (၂၃) ဦး၊ (၃၆.၅၁) ရာခိုင်နှုန်းမှာ ပြည်တွင်းတွင် ကူးစက် ဖြစ်ပွား သူများ ဖြစ်ပါသည်။ MOH

ပြည်ထောင်စုနယ်မြေပါတီဥက္ကဋ္ဌ မြို့နယ်ပါတီကော်မတီများနှင့်တွေ့ဆုံ

နေပြည်တော် ဩဂုတ် – ၂၃

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ပြည်ထောင်စုနယ်မြေပါတီဥက္ကဋ္ဌ ဦးမြင့်လှိုင်သည် နေပြည်တော် ပြည်ထောင်စုနေ မြေပါတီကော်မတီဝင်များနှင့်အတူ ဥတ္တရသီရိမြို့နယ် ပြည်ခိုင်ဖြိုးပါတီရုံးတွင် ယနေ့ နံနက် ၉ ရက်နေ့က ပုပ္ပသီရိမြို့နယ်နှင့် ဥတ္တရသီရိ မြို့နယ်တိုမှ ပါတီ ဥက္ကဋ္ဌများ မြို့နယ်ပါတီကော်မတီဝင်များနှင့် တွေ့ဆုံခဲ့သည်။

ရွှေအသင်းက ရည်ညွှန်းဈေး ၂,၀၃၇,၀၀၀ ကျပ်သတ်မှတ်သော်လည်းဈေးကွက်တွင်(၇)သိန်းခန့်ကွာဟ မြင့်တက်နေ

ရွှေအသင်းက ရွှေဈေးနှုန်း သတ်မှတ်မှုများ လုပ်ဆောင်နေသော်လည်း ဈေးကွက်အတွင်း ရွှေပေါက်ဈေးနှင့် (၇) သိန်းဝန်းကျင် ကွာဟနေကြောင်း သိရသည်။ ဩဂုတ်လ (၂၃) ရက် အပိတ်ဈေးအရ ရန်ကုန် ရွှေအသင်း၏ ရည်ညွှန်းဈေးနှုန်းမှာ ၂,၀၃၇,၀၀၀ ကျပ်သာ သတ်မှတ်ထားသော်လည်း ရန်ကုန် ရွှေဈေးကွက်အတွင်း အပိတ်ဈေးနှုန်းမှာ (၂၇) သိန်း အထိရှိနေခြင်း ဖြစ်သည်။