နေပြည်တော် ဇမ္ဗူသီရိမြို့နယ်ရှိ ဒက္ခိဏခရိုင်တရားရုံးအနီးတွင် သြဂုတ် ၂၄ ရက် ည ၈ နာရီခန့်က ပေါက်ကွဲမှုဖြစ်ပွားခဲ့ပြီး တစ်ဦး ဒဏ်ရာရရှိခဲ့ကြောင်း သတင်းရရှိသည်။
“၈ နာရီ ထိုးပြီးလောက်နဲ့ထင်တယ်။ တစ်ယောက်တော့ ခြေထောက်ထိတယ်လို့ ကြားတယ်။ နေရာတော့ တိတိကျကျ မသိဘူး။ ခရိုင်ရုံးနားမှာ ပေါက်တာလို့ ကြားတယ်။ သေနတ်သံတော့ မကြားဘူး။ ဗုံးပေါက်တာ လေးချက်”ဟု ဒေသခံတစ်ဦးက ပြောကြားသည်။
(၂၃-၈-၂၀၂၂) ရက်နေ့၊ ည (၈:၀၀) နာရီမှ (၂၄-၈-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၈,၀၆၀) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၆၃) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၇၈) ရာခိုင်နှုန်း ရှိပါသည်။ ယနေ့တွေ့ရှိသော COVID-19 ရောဂါ ဓာတ်ခွဲအတည်ပြု လူနာသစ် (၆၃) ဦးအနက် (၄၀) ဦး၊ (၆၃.၄၉) ရာခိုင်နှုန်းမှာ ပြည်ပမှ ဝင်ရောက်လာသူများအား ဓာတ်ခွဲ စစ်ဆေးရာမှ တွေ့ရှိခြင်းဖြစ်ပြီး (၂၃) ဦး၊ (၃၆.၅၁) ရာခိုင်နှုန်းမှာ ပြည်တွင်းတွင် ကူးစက် ဖြစ်ပွား သူများ ဖြစ်ပါသည်။ MOH
နေပြည်တော် ဩဂုတ် – ၂၃
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ပြည်ထောင်စုနယ်မြေပါတီဥက္ကဋ္ဌ ဦးမြင့်လှိုင်သည် နေပြည်တော် ပြည်ထောင်စုနေ မြေပါတီကော်မတီဝင်များနှင့်အတူ ဥတ္တရသီရိမြို့နယ် ပြည်ခိုင်ဖြိုးပါတီရုံးတွင် ယနေ့ နံနက် ၉ ရက်နေ့က ပုပ္ပသီရိမြို့နယ်နှင့် ဥတ္တရသီရိ မြို့နယ်တိုမှ ပါတီ ဥက္ကဋ္ဌများ မြို့နယ်ပါတီကော်မတီဝင်များနှင့် တွေ့ဆုံခဲ့သည်။
ရွှေအသင်းက ရွှေဈေးနှုန်း သတ်မှတ်မှုများ လုပ်ဆောင်နေသော်လည်း ဈေးကွက်အတွင်း ရွှေပေါက်ဈေးနှင့် (၇) သိန်းဝန်းကျင် ကွာဟနေကြောင်း သိရသည်။ ဩဂုတ်လ (၂၃) ရက် အပိတ်ဈေးအရ ရန်ကုန် ရွှေအသင်း၏ ရည်ညွှန်းဈေးနှုန်းမှာ ၂,၀၃၇,၀၀၀ ကျပ်သာ သတ်မှတ်ထားသော်လည်း ရန်ကုန် ရွှေဈေးကွက်အတွင်း အပိတ်ဈေးနှုန်းမှာ (၂၇) သိန်း အထိရှိနေခြင်း ဖြစ်သည်။
သင်ရိုးဟောင်း တက္ကသိုလ်ဝင်စာမေးပွဲ နောက်ဆုံးအကြိမ် ဖြေဆိုခွင့်အတွက် လာမယ့် စက်တင်ဘာ (၁) ရက် ကေန (၃၀) ရက်အတွင်း လျှောက်ထားရမှာ ဖြစ်တယ်လို မြန်မာနိုင်ငံစာစစ်ဦးစီးဌာနက ဩဂုတ် (၂၃) ရက်မှာ ထုတ်ပြန်ကြေညာပါတယ်။၂၀၂၂ ခုနှစ် မတ်လက ကျင်းပခဲ့တဲ့ တက္ကသိုလ်ဝင် စာမေးပွဲ ကျရှုံးသူတွေ နဲ့ အကြောင်းအမျိုးမျိုးကြောင့် ဝင်ရောက်ဖြေဆိုတာ မရှိတဲ့ ကျောင်းသား၊ ကျောင်းသူတွေအတွက် စနစ်ဟောင်း ၊ သင်ရိုးဟောင်း တက္ကသိုလ်ဝင် စာမေးပွဲကို နောက်ဆုံးအကြိမ်အဖြစ် လာမယ့် ၂၀၂၃ ခုနှစ်မှာ ကျင်းပပြုလုပ်သွားမှာ ဖြစ်တယ်လို့ သိရပါတယ်။
သြဂုတ် ၂၂ ရက် ည ၈ နာရီမှ ၂၃ ရက် ည ၈ နာရီအထိ COVID-19 ဓာတ်ခွဲနမူနာ ၈၅၀၂ ခုအား စစ်ဆေးရာ အတည်ပြုလူနာသစ် ၅၂ ဦးတွေ့ရှိကြောင်း သြဂုတ် ၂၃ ရက်ညပိုင်း ကျန်းမာရေးဝန်ကြီးဌာန၏ သတင်းထုတ်ပြန်ချက်အရ သိရသည်။
ထိုင်းနိုင်ငံ၊ ကန်ချနာဘူရီခရိုင်နှင့် ပရာ့ကျွတ်ခရိုင်တို့၌ သြဂုတ် ၂၀ ရက်ညပိုင်းက တရားမဝင်သွားရောက်သည့် ရွှေ့ပြောင်း မြန်မာအလုပ်သမား ၃၈ ဦးဖမ်းဆီးခံခဲ့ရကြောင်း ထိုင်းအခြေစိုက် Migrant Times သတင်းက ဖော်ပြထားသည်။ပရာ့ကျွတ်ခရိုင်အတွင်း မလေးရှားနိုင်ငံဘက်သို့ သွားရောက်မည့် မြန်မာအလုပ်သမား ၁၅ ဦးနှင့်ပွဲစားတစ်ဦးကို ထိုင်းစစ်တပ်ကဖမ်းဆီးခဲ့ပြီး ကန်ချနာဘူရီခရိုင်အတွင်း မြန်မာအလုပ်သမား ၂၃ ဦး ကိုလည်း ထိုင်းအာဏာပိုင်များ က ဖမ်းဆီးခဲ့ကြောင်း အဆိုပါသတင်းတွင်ဖော်ပြထားသည်။
COVID-19 ဓာတ်ခွဲနမူနာ ၈၁၈၆ ခုအား စစ်ဆေးရာ ပြည်ပမှဝင်ရောက်လာသူ ၁၄ ဦးနှင့် ပြည်တွင်းမှ ၂၈ ဦး စုစုပေါင်း ၄၂ ဦးတွင် COVID-19 ရောဂါပိုး တွေ့ရှိပြီး သေဆုံးသူမရှိကြောင်း ကျန်းမာရေးဝန်ကြီးဌာန၏ ဩဂုတ် ၂၂ ရက် သတင်းထုတ်ပြန်ချက်အရ သိရသည်။အဆိုပါ ဓာတ်ခွဲစစ်ဆေးမှုများမှာ ဩဂုတ် ၂၁ ရက် ည ၈ ညနာရီမှ ဩဂုတ် ၂၂ ရက် ည ၈ နာရီအထိ စစ်ဆေးခဲ့သည့် စစ်ဆေးမှုများဖြစ်ကြောင်း သိရသည်။
ဩဂုတ် ၁၉၊ နေပြည်တော်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဌာနချုပ်တွင် ၂၀၂၁ – ၂၀၂၂ ပညာသင်နှစ်၌ ထူးချွန်စွာအောင် မြင်ခဲ့ကြသော ကျောင်းသား/ကျောင်းသူများအား ပညာရည်ချွန်ဆုချီးမြှင့်ခြင်းနှင့် ၂၀၂၂ – ၂၀၂၃ ပညသင်နှစ်အတွက် ပညာသင်ထောက်ပံ့ကြေးပေးအပ်ပွဲအခမ်းအနားကို ၁၉-၈-၂၀၂၂ ရက်နေ့ နံနက်ပိုင်းက ပါတီဌာနချုပ် ပြည်ထောင်စုခန်းမတွင် ကျင်းပပြုလုပ်ခဲ့ပါသည်။
ထိုင်းနိုင်ငံ၌ အလုပ်လုပ်ကိုင်ရန် မြန်မာ အလုပ်သမား ၉၀၀ နီးပါးသည် ဩဂုတ် ၁၉ ရက်နှင့် ၂၀ ရက်တိုတွင် MoU ဖြင့် သွားရောက်ခဲ့ကြောင်း သိရသည်။ ဩဂုတ် ၂၀ ရက် မွန်းလွဲပိုင်းက ကော့သောင်းမြို့မှတစ်ဆင့် မြန်မာ MoU အလုပ်သမားအမျိုးသား ၄၀ နှင့် အမျိုးသမီး ၁၀ ဦးတို့ သည် ထိုင်းနိုင်ငံရှိ Chocksamut Marine Co.,Ltd. တွင် နှစ်နှစ် အလုပ်လုပ်ကိုင်ရန် မြန်မာနိုင်ငံရှိ ပြည်ပအလုပ်အကိုင်အကျိုးဆောင် (ထိုင်း) လိုင်စင်ရအေဂျင်စီ Golden Royal Mandalay Co.,Ltd. က တာဝန်ယူစေလွှတ်ပေးခဲ့ကြောင်း သိရသည်။
