မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်၊ မိတ္ထီလာ- ကျောက်ပန်းတောင်းကားလမ်းတွင် စက်တင်ဘာလ ၁၄ ရက် ညပိုင်းတွင် ခရီးသည်တင်ယာဉ် ၂ စီးနှင့် Dyna တစ်စီးတိုက်မိခဲ့ပြီး(၁၂) ဦးသေဆုံးကာ (၁၇) ဦး ဒဏ်ရာရရှိခဲ့ကြောင်း မြန်မာနိုင်ငံမီးသတ်တပ်ဖွဲ့ထံမှ သိရသည်။
(၁၃-၉-၂၀၂၂) ရက်နေ့၊ ည (၈:၀၀) နာရီမှ (၁၄-၉-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၁၂,၁၂၀) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၃၈၄) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၃.၁၇) ရာခိုင်နှုန်း ရှိပါသည်။
မွန်ပြည်နယ် ပေါင်မြို့နယ်အတွင်း စက် တင်ဘာ ၁၂ ရက်က ကျောင်းသား ကျောင်းသူ များအပါအဝင် COVID-19 Postitive လူ နာသစ်ခုနစ်ဦး ထပ်မံတွေ့ရှိခဲ့ကြောင်း ပေါင် မြို့နယ်အခြေစိုက် ပရဟိတလူမှုကူညီကယ် ဆယ်ရေးအသင်းအဖွဲ့များထံမှ သိရသည်။
တောင်ကိုရီးယားနိုင်ငံတွင် အလုပ်လုပ်ကိုင်လိုသည့် မြန်မာအလုပ်သမားများကို တောင်ကိုရီးယားအစိုးရက ပြန်လည်လက်ခံလျက်ရှိကြောင်း တောင်ကိုရီးယားနိုင်ငံရှိ မြန်မာသံရုံး၏ထုတ်ပြန်ချက်အရသိရသည်။
စက်တင်ဘာ ၁၃ ရက် တွင် မြန်မာနိုင်ငံမှ တရား၀င်အလုပ်သမား ၁၁၁ ဦးမှာ ရန်ကုန်မြို့မှတစ်ဆင့် တောင်ကိုရီးယားနိုင်ငံ၊ အင်ချွန်းအပြည်ပြည်ဆိုင်ရာလေဆိပ်သို့ရောက်ရှိခဲ့ကြောင်း အဆိုပါထုတ်ပြန်ချက်တွင် ဖော်ပြထားသည်။ အလုပ်လုပ်ကိုင်ရန်ရောက်ရှိလာသည့် မြန်မာလုပ်သား ၁၁၁ ဦးအနက် စိုက်ပျိုးရေးနှင့် မွေးမြူရေး လုပ်သားအဖြစ် အသစ်ဝင်ရောက်လုပ်ကိုင်မည့် လုပ်သားသစ် ၁၂ ဦး၊ ကုန်ထုတ်လုပ်သားအဖြစ် အသစ်ဝင်ရောက် လုပ်ကိုင်မည့် လုပ်သားသစ် ၇၅ ဦး၊ နှင့် ဆောက်လုပ်ရေးလုပ်သားအဖြစ် အသစ်ဝင်ရောက် လုပ်ကိုင်မည့် လုပ်သားသစ် ၂၄ ဦး တို့ပါ၀င်ကြောင်းသိရသည်။ sdtimedaily
၁၂-၉-၂၀၂၂) ရက်နေ့၊ ည (၈:၀၀) နာရီမွ (၁၃-၉-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၁၁,၁၉၁) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၂၉၉) ဦး တွေ့ရှိရပါသည်။ ထိုကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၂.၆၇) ရာခိုင်နှုန်း ရှိပါသည်။
မြန်မာ့မီးရထားမှ လက်ရှိအချိန်တွင် ပြေးဆွဲလျက်ရှိသည့် ရထားခရီးစဥ်များ၏ ကြိုတင် လက်မှတ်များအား မှတ်ပုံတင်မူရင်းပြသ၍ ဝယ် ယူနိုင်ကြောင်း သိရသည်။ ကြိုတင်လက်မှတ်များအား ရန်ကုန်မြို့၊ ဗိုလ်ချုပ် အောင်ဆန်းလမ်းရှိ ရန်ကုန်ဘူတာကြီး ကြိုတင် လက်မှတ်ရုံတွင် နံနက် ၈ နာရီမှမွန်းတည့် ၁၂ နာ ရီအထိ ရောင်းချပေးလျက်ရှိကြောင်း သိရသည်။ ထိုသို့ ဝယ်ယူရာတွင် မှတ်ပုံတင်မူရင်းအားပြသ၍ ဝယ်ယူနိုင်ကာ ထောက်ခံစာများဖြင့် ဝယ်ယူခွင့်မပြုကြောင်း သိရသည်။
စစ်ကိုင်းတိုင်း၊မုံရွာမြို့၊ဘုရားကြီးရပ်ကွက်၊ဗိုလ် ချုပ်လမ်းမီးပွိုင့်အနီးရှိ “သိန်းတရာ”ရွှေဆိုင်တွင် စက်တင်ဘာ ၁၁ ရက်နံနက်ပိုင်းက ဖြစ်ပွားခဲ့ခြင်းဖြစ်ကြောင်း သိရသည်။ ယင်းနေ့နံနက် ၁၀ နာရီခွဲက အမည်မသိအမျိုး သား ၄ ဦး သည် CRV (အနက်ရောင်)ကားဖြင့် ဘု ရားကြီးရပ်ကွက်နေ ဦးချစ်လှိုင်(၇၉)နှစ်ပိုင် “သိန်းတရာ”ရွှေဆိုင်သို့ ရောက်ရှိလာခဲ့ကြသည်။ ထိုသို့ ရောက်ရှိလာပြီးနောက် ဆိုင်အတွင်းရှိ ဦးချစ်လှိုင်၏ သမီးဖြစ်သူ မနော်ထူး(၅၀)နှစ် နှင့် ဆိုင်ဝန်ထမ်းများဖြစ်သည့် မနုနုယဉ်(၃၄)နှစ်၊ မစန္ဒီလေးအောင်(၂၇)နှစ်၊ သလ္လာရပ်ကွက်နေ မဖြိုးမွန်ငြိမ်း (၃၂)နှစ်၊ ဦးတင်ထွန်း(၅၃)နှစ်တို့အား သေနတ်ပြခြိမ်းခြောက်၍ မနော်ထူးအား ရွှေထည်ပစ္စည်းများ သိမ်းဆည်းထား သည့် အခန်းအားဖွင့်ခိုင်းကာ အသင့်ယူဆောင်သည့် လက်ဆွဲအိတ် ၂ လုံးအတွင်းသို့ ရွှေလက်ကောက်နှင့် ရွှေဆွဲကြိုးမျိုးစုံ(စိစစ်ဆဲ)အားထည့်၍ လုယက်ယူဆောင်သွားခဲ့ကြသည်ဟု နစက ကထုတ်ပြန်ခဲ့သည်။
(၁၁-၉-၂၀၂၂) ရက်နေ့၊ ည (၈:၀၀) နာရီမှ (၁၂-၉-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၁၁,၃၀၆) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၂၀၄) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၁.၈) ရာခိုင်နှုန်း ရှိပါသည်။
၂၀၂၂ ခုနှစ် တက္ကသိုလ်ဝင်စာမေးပွဲအောင်မြင်ပြီး ကျန်းမာရေးဝန်ကြီးဌာနအောက်ရှိ ဆေးတက္က သိုလ်များနှင့် သွားဘက်ဆိုင်ရာဆေးတက္ကသိုလ်များ၌ ဝင်ခွင့်လျှောက်ထားသူများအနက် ဝင်ခွင့်လူတွေ့နှုတ်မေးစာမေးပွဲဖြေဆိုခွင့် ရရှိသူ ၁၃၅၅ ဦးရှိကြောင်း သိရသည်။
အဆိုပါ ဝင်ခွင့်လူတွေ့နှုတ်မေးစာမေးပွဲဖြေဆိုခွင့်ရရှိသူများသည် သားဖွားသင်တန်းကျောင်း(နေ ပြည်တော်)၌ စက်တင်ဘာ ၁၂ ရက်မှ ၂၂ ရက်အထိ သတ်မှတ်ထားသည့် ခုံအမှတ်နှင့်နေ့ရက်အလိုက်ဖြေဆိုရမည်ဖြစ်သည်။
(၁၀-၉-၂၀၂၂) ရက်နေ့၊ ည (၈:၀၀) နာရီမှ (၁၁-၉-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၉,၃၇၈) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၁၈၉) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၂.၀၂) ရာခိုင်နှုန်း ရှိပါသည်။ ယနေ့တွေ့ရှိသော COVID-19 ရောဂါ ဓာတ်ခွဲအတည်ပြု လူနာသစ် (၁၈၉) ဦးအနက် (၁၆) ဦး၊ (၈.၅) ရာခိုင်နှုန်းမှာ ပြည်ပမှဝင်ရောက်လာသူများအား ဓာတ်ခွဲ စစ်ဆေးရာမှ တွေ့ရှိခြင်းဖြစ်ပြီး (၁၇၃) ဦး၊ (၉၁.၅) ရာခိုင်နှုန်းမှာ ပြည်တွင်းတွင် ကူးစက်ဖြစ်ပွားသူ များ ဖြစ်ပါသည်။ MOH
