ထိုင်းနိုင်ငံ၌ အလုပ်လုပ်ကိုင်ရန် မြန်မာ MoU အ လုပ်သမား ၁၀၀ ဦးသည် နိုဝင်ဘာ ၈ ရက်မွန်းလွဲပိုင်းက ကော့သောင်းနယ်စပ်ဂိတ်မှတဆင့် စက်လှေများဖြင့်ထွက်ခွာသွားခဲ့ကြသည်။
မြန်မာ MoU အလုပ်သမားများအား ရန်ကုန်လေ ဆိပ်မှတဆင့် ကော့သောင်းမြို့သို့ ၎င်းတို့အား တာဝန်ယူ ပို့ဆောင်ပေးမည့် ပြည်ပအလုပ်အကိုင်ရှာဖွေရေး(ထိုင်း)လိုင်စင်ရအေဂျင်စီက လေကြောင်းခရီးစဉ်ဖြင့် ခေါ်ဆောင်လာခဲ့ခြင်းဖြစ်သည်။
ထိုင်းနိုင်ငံတွင် ယခုရက်ပိုင်းအတွင်း လုံခြုံရေး တင်းကြပ်မည်ဖြစ်သည့်အတွက် ထိုင်းရောက်မြန်မာများ သတိပြုသွားလာနေထိုင်ရန် ဘန်ကောက်မြို့ရှိ မြန်မာသံရုံးက ယနေ့ (နို၀င်ဘာ ၈) တွင် အသိပေးလာသည်။
ထိုင်းနိုင်ငံ၊ ဘန်ကောက်မြို့တွင် နို၀င်ဘာ ၁၄ ရက်နေ့မှ ၁၉ ရက်နေ့အထိ အာရှ ပစိဖိတ် စီးပွားရေး ပူးပေါင်းဆောင်ရွက်ရေးအဖွဲ့အစည်း (APEC) အစည်းအဝေး ကျင်းပမည်ဖြစ်သည့်အတွက် ထိုင်းနိုင်ငံ၏ လုံခြုံရေးတပ်ဖွဲ့ဝင်များသည် ဗန်ကောက်မြို့၏ လုံခြုံရေးအတွက် လေဆိပ်၊ ရေဆိပ်၊ ဝင်/ထွက်ဂိတ်များအပါအဝင် နေရာအနှံ့ တင်းကျပ်စွာ ဆောင်ရွက်လျက်ရှိသည်ဟု အသိပေးထုတ်ပြန်ချက်တွင်ဖော်ပြထားသည်။
(၈-၁၁-၂၀၂၂) ရက်နေ့၊ ည (၈:၀၀) နာရီမှ (၉-၁၁-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၉,၉၄၃) ခုအား စစ်ဆေး ပြီးစီး ခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၇၀) ဦး တွေ့ရှိရသဖြင့် ရောဂါပိုးတွေ့ရှိမှု ရာခိုင်နှုန်းမှာ (၀.၇) ရာခိုင်နှုန်း ရှိပါသည်။
ထိုင်းနိုင်ငံ၊အန်ထောင်းခရိုင်၊ အန်ထောင်းမြို့နယ်၊ ထာ့အင်ကျေးရွာရှိ နေအိမ်တစ်လုံးတွင် အသက် (၇၇)နှစ်အရွယ် ခန့်ရှိ ထိုင်းလူမျိုး အမျိုးသမီးကြီးတစ်ဦးသည် နိုဝင်ဘာ ၇ ရက်နေ့လည်ပိုင်းက ၎င်းပိုင်နေအိမ်ခြံဝင်းအတွင်း၌ မြက်ခြောက်များအား မီးရှို့ခဲ့သည်။
ယင်းနေ့နေ့လည် ၃ နာရီကျော်ခန့်က မြက်ခြောက်များအား မီးရှို့နေစဉ် ယင်း အသက်(၇၇)နှစ်အ ရွယ်ခန့်ရှိ ထိုင်းလူမျိုး အမျိုးသမီးကြီးမှာ ချော်လဲသွားခဲ့ပြီး ပြန်မထနိုင်ဖြစ်နေစဉ် ၎င်း၏ခန္ဓာကိုယ်အား မီးစွဲလောင်ခဲ့သည်။
နိုဝင်ဘာ ၇ ရက် ည ၈ နာရီမှ ၈ ရက် ည ၈ နာရီအထိ COVID-19 ဓာတ်ခွဲနမူနာ ၁၀၀၄၈ ခုအား စစ်ဆေးရာ အတည်ပြုလူနာသစ် ၇၃ ဦး တွေ့ရှိပြီး တစ်ဦးထပ်မံသေဆုံးကြောင်း နိုဝင်ဘာ ၈ ရက် ညပိုင်း ကျန်းမာရေး ဝန်ကြီးဌာန၏ သတင်းထုတ်ပြန်ချက်အရ သိရသည်။
ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန၊ ပြည်ထောင်စုဝန်ကြီး ဒေါက်တာကံဇော် သည် ရုရှားနိုင်ငံ၊ ရော့စ်ကွန်ဂရက် ရင်းနှီးမြှုပ် နှံမှုရန်ပုံငွေအဖွဲ့၏ ညွှန်ကြားရေးမှူး မစ္စတာ အ လက်ဇန်းဒါး ဆာဂီးအဲဗစ်ရှ် ရှာတီရော့ဗ်အား နိုဝင်ဘာ ၈ ရက်(ယနေ့)နံနက် ၈ နာရီက နေပြည်တော် ၌ လက်ခံတွေ့ဆုံခဲ့သည်။
ရုရှား ဖက်ဒရေးရှင်းနိုင်ငံ ဗလာဒီဗော့စတော့ခ်မြို့ရှိ Far Eastern Federal University ၌ နိုဝင်ဘာ ၉ ရက်မှ ၁၀ ရက်အထိကျင်းပမည့် ဆေးပညာရပ်ဆိုင်ရာ ပူးပေါင်းဆောင်ရွက်မှုလုပ်ငန်းများ ဆွေးနွေးပွဲအစီအစဉ်သို့ မြန်မာမှတက်ရောက်မည်ဖြစ်ပြီး ဆေးပညာရပ်ဆိုင်ရာ ပူးပေါင်းဆောင်ရွက်မှုများ ပြုလုပ်မည်ဖြစ်ကြောင်း သိရသည်။ အဆိုပါဆွေးနွေးပွဲသို့တက်ရောက်ရန်အတွက်ကျန်းမာရေးဝန်ကြီးဌာန ကျန်းမာရေးလူ့စွမ်းအား အရင်းအမြစ် ဦးစီးဌာနမှ ညွှန်ကြားရေးမှူးချုပ် ဒေါက်တာတင်ထွန်း ဦးဆောင်သော ကိုယ်စားလှယ်ငါးဦးအဖွဲ့သည် ယနေ့တွင် ရန်ကုန်မြို့မှ လေကြောင်းခရီးစဉ် အမှတ်၊ 8M-333 ဖြင့် ထိုင်းနိုင်ငံ ဘန်ကောက်မြို့မှတစ်ဆင့် ရုရှားဖက်ဒရေးရှင်းနိုင်ငံသို့ထွက်ခွာသွားပြီဖြစ်ကြောင်း သိရသည်။
(၂၀၂၂)ခုနှစ်၊ တက္ကသိုလ်ဝင်စာမေးပွဲအောင်မြင်ပြီး ဆေးတက္ကသိုလ်တွေနဲ့ ဆေးပညာနှီးနွှယ်တက္ကသိုလ်တွေကို တက်ရောက် ခွင့်ရရှိသူတွေအနေနဲ့ အချိန်မီ ကျောင်းအပ်နှံဖို့ ကျန်းမာရေးဝန်ကြီးဌာနက အသိပေးကြေညာချက် ထုတ်ပြန်ပါတယ်။ အဲဒီသင်တန်းတွေကို နိုဝင်ဘာ(၂၁)ရက်နေ့မှာ စတင်ဖွင့်လှစ်တော့မှာဖြစ်တာကြောင့် သက်ဆိုင်ရာတက္ကသိုလ် အသီးသီးမှာ နိုဝင် ဘာ(၈)ရက်နေ့ကစပြီး ကျောင်းအပ်နှံနိုင်တယ်လို့ထုတ်ပြန်ထားပါတယ်။
COVID-19 ဓာတ်ခွဲနမူနာ ၆၉၅၁ ခုအားစစ်ဆေးရာ အတည်ပြုလူနာသစ် ၄၄ ဦး တွေ့ရှိ ကြောင်း ကျန်းမာရေး ဝန်ကြီးဌာန၏ နိုဝင်ဘာ ၇ ရက် သတင်းထုတ်ပြန်ချက်အရ သိရသည်။
အဆိုပါ ဓာတ်ခွဲစစ်ဆေးမှုများမှာ နိုဝင်ဘာ ၆ ရက် ည ၈ ညနာရီမှ နိုဝင်ဘာ ၇ ရက် ည ၈ နာရီအထိ စစ်ဆေးခဲ့သည့် စစ်ဆေးမှုများဖြစ်ကြောင်း သိရသည်။
ရှမ်းပြည်နယ်(တောင်ပိုင်း)၊ တောင်ကြီးမြို့ တန်ဆောင်တိုင်ပွဲတော်ကို လာမယ့်နိုဝင်ဘာ ၇ ရက်ကနေ ၉ ရက် အထိ သုံးရက်ကြာ ကျင်းပသွားမယ်လို့ ရှမ်းပြည်နယ် အစိုးရအဖွဲ့ဆီက သိရပါတယ်။ အဲဒီပွဲတော်မှာတော့ မီးပဒေသာ လှည့်လည်ပူဇော်ပွဲ၊ စိန်နားပန်အလှမီး လွှတ်တင်ပူဇော်ပွဲ၊ မသိုးသင်္ကန်းရက်လုပ်ပူဇော်ပွဲတွေ ပြုလုပ်သွားမှာပါ။ အဝေရာ မီးပုံးပျံကွင်းမှာတော့ ဈေးဆိုင်ခန်းတွေနဲ့မီးပုံးပျံလွှတ်တင်တာတွေ ပြုလုပ်သွား မယ်လို့ဆိုပါတယ်။
