ယူရို ၂၀၂၂ အမျိုးသမီး ဥရောပဖလား ဘောလုံးပွဲမှာတော့ အင်္ဂလန်အမျိုးသမီးအသင်း ဗိုလ်စွဲပြီး ချန်ပီယံဖြစ်သွားပါတယ်။ ဒါဟာ အင်္ဂလန်အမျိုးသမီးအသင်းအတွက်တော့ ဥရောပဖလားကို ပထမဆုံးအကြိမ် ရလိုက်တာဖြစ်ပါတယ်။

ဖိုင်နယ်ကို တနင်္ဂနွေနေ့က လန်ဒန်မြို့က ဝင်ဘလေကွင်းကြီးမှာ အိမ်ရှင် အင်္ဂလန် နဲ့ ဂျာမနီတို့ ကစားကြတာမှာ အင်္ဂလန်က အချိန်ပိုမှာ ၂ ဂိုး ၁ ဂိုး နဲ့နိုင်ပြီး ဗိုလ်စွဲသွားခဲ့တာဖြစ်ပါတယ်။ ဒီပွဲမှာ ၂ သင်းစလုံး ပထမပိုင်းမှာ ဂိုးသွင်းခွင့်တွေရခဲ့ပေမယ့် နောက်တန်း နဲ့ ဂိုးသမားတွေ ကာကွယ်နိုင်ခဲ့လို့ ဂိုးမရှိသရေဖြစ်ခဲ့ပါတယ်။  
သတင္းအျပည့္အစံုကိုၾကည့္ရႈရန္

ဆီနီဂေါနာမည်ကြီးတိုက်စစ်ကစားသမား မာနေသည် ဂျာမန်စူပါဖလားပွဲစဉ်တွင် အနိုင်ရဗိုလ်စွဲခဲ့ပြီးနောက် ကစားသမားဘ၀ (၁၀)လုံးမြောက်ဆုဖလားကို သိမ်းပိုက်နိုင်ခဲ့ကြောင်း သိရသည်။ ယင်းပွဲအပြီးတွင် မာနေက လက်ရှိကလပ် ဘိုင်ယန်မြူးနစ်အသင်းနှင့်အတူ ဆုဖလားများစွာ ရယူသွားရန် ပစ်မှတ်ထားနေကြောင်း ကြုံးဝါးသွားခဲ့သည်။

ဇူလိုင်လ(၃၀)ရက်က ယှဉ်ပြိုင်ကစားခဲ့သည့် ဂျာမန်စူပါဖလားပွဲစဉ်တွင် ဘိုင်ယန်မြူးနစ်အသင်းအား လိုက်ပ်ဇစ်အသင်းအား (၅-၃)ဂိုးဖြင့် အနိုင်ရဗိုလ်စွဲခဲ့ပြီး မာနေက (၃၁)မိနစ်တွင် အသင်းအတွက် ဒုတိယဂိုးကို နာဘရီ၏ ဖန်တီးပေးမှုမှတစ်ဆင့် သွင်းယူပေးနိုင်ခဲ့သည်။  
သတင္းအျပည့္အစံုကိုၾကည့္ရႈရန္

ပရီးမီးယားလိဂ်ထိပ်သီးကလပ်အသင်းတစ်သင်းဖြစ်သည့် မန်စီးတီးအသင်းသည် ယခုနွေရာသီတွင် အသင်းသမိုင်း တစ်လျှောက် ကစားသမားရောင်းချမှုမှ စံချိန်တင်ဝင်ငွေ ရရှိခဲ့ကြောင်း သိရှိရသည်။ မန်စီးတီးအသင်းသည် ယခုအပြောင်းအရွှေ့ကာလအတွင်း အသင်း၏ ထိပ်တန်းကစားသမား (၃)ဦးကို ပရီးမီးယားလိဂ်ပြိုင်ဘက် အသင်းများထံ ရောင်းချခဲ့ခြင်းအပါအဝင် စုစုပေါင်း ကစားသမားရောင်းချမှု (၁၀) ခုပြုလုပ်ခဲ့ရာ ပေါင် (၁၇၄)သန်း အထိ ရရှိခဲ့သည်။ မန်စီးတီးအသင်းသည် တောင်ပံကစားသမား စတာလင်အား ချယ်လ်ဆီးအသင်းထံသို့ ရောင်းထုတ်ခဲ့ပြီး ဂျေးဇူးနှင့် ဇင်ချန်ကိုတို့ကို အာဆင်နယ်အသင်းထံသို့ ရောင်းထုတ်ခဲ့ခြင်းဖြစ်သည်။ ယင်းကစားသမား (၃)ဦးအတွက် ရောင်းချရမှုဝင်ငွေမှာ ပေါင် (၁၂၅)သန်းဝန်းကျင်ရှိခဲ့သည်။ စတာလင်အတွက် ချယ်လ်ဆီးအသင်းထံမှရရှိခဲ့သည့် ပြောင်းရွှေ့ကြေးငွေက အများဆုံးဖြစ်ပြီး အပိုထပ်ဆောင်း ကြေးများ မပါမီမှာပင် ပေါင် (၄၇.၅) သန်းအထိ ရှိနေသည်။ မန်စီးတီးအသင်းသည် စတာလင်အား လီဗာပူးလ်အသင်းထံမှ ပေါင်သန်း (၅၀)ဖြင့် ခေါ်ယူထားခြင်းဖြစ်သည်။  
သတင္းအျပည့္အစံုကိုၾကည့္ရႈရန္

ပရီးမီးယားလိဂ်ကလပ် မန်ယူဟာ အာဂျင်တီးနားနောက်ခံလူ လီဆန်ဒရို မာတီနက်ဇ်ကို ပေါင် ၅၇ သန်းနဲ့ ခေါ်ယူလိုက်ပြီဖြစ်ပါတယ်။ အသက် ၂၄ နှစ်အရွယ် မာတီနက်ဇ်ဟာ ၂၀၁၉ ခုနှစ်မှာ နယ်သာလန်ကလပ် အေဂျက်ဇ်အသင်းကို စတင်ရောက်ရှိခဲ့သလို အခုတော့ မန်ယူအသင်းမှာ နည်းပြ တန်ဟတ်နဲ့ ပြန်လက်တွဲခွင့် ရတော့မှာပါ။ မန်ယူအသင်းနဲ့အတူ (၅)နှစ်စာချုပ်ချုပ်ခဲ့တာကြောင့် မာတီနက်ဇ်အနေနဲ့ ၂၀၂၇ ခုနှစ်အထိ အိုးလ်ထရက်ဖို့ဒ်မှာ ရှိနေခွင့်ရခဲ့ပြီဖြစ်ပါတယ်။ ခမ်းနားတဲ့အသင်းကို ရောက်ရှိလာတာက ဂုဏ်ယူစရာဖြစ်သလို အချိန်ပေး ကြိုးစားအားထုတ်ခဲ့မှုတွေက အောင်မြင်မှုတွေရယူဖို့ အထောက်အပံ့ဖြစ်လာလိမ့်မယ်လို့ မာတီနက်ဇ် ကဖွင့်ဟခဲ့ပါတယ်။ အာဂျင်တီးနားကလပ်တွေဖြစ်တဲ့ နယူးဝဲလ်အိုးလ်ဘွိုင်းစ်နဲ့ ဒီဖန်ဆာတို့မှာ ကစားခဲ့တဲ့ မာတီနက်ဇ်ဟာ အေဂျက်ဇ်အတွက် ပွဲ ၁၂၀ ကစားပြီး ၆ ဂိုးသွင်းယူခဲ့သလို အာဂျင်တီးနားအသင်းအတွက်လည်း ၇ ပွဲ ပါဝင်ကစားခွင့်ရထားပါတယ်။  
သတင္းအျပည့္အစံုကိုၾကည့္ရႈရန္

၁၉၇၄ ခုနှစ်တွင် လက်ဝှေ့ဂန္ထဝင် မိုဟာမက်အလီ ပြန်လည်သိမ်းပိုက်နိုင်ခဲ့သည့် WBC ဟဲဗီးဝိတ်ချန်ပီယံရွှေခါးပတ်ကို ပေါင် ၅ ဒသမ ၁၅ သန်းဖြင့် လေလံတင်ရောင်းချခဲ့ကြောင်း သိရသည်။

လက်ဝှေ့သမိုင်းတစ်လျှောက် အထင်ရှားဆုံးပွဲတစ်ပွဲဖြစ်သည့် ” Rumble in the Jungle” ဟု ကျော်ကြားသော အဆိုပါလက်ဝှေ့ ပွဲကို အာဖရိကတိုက်ရှိ ဇိုင်ယာ(ယခု DR ကွန်ဂိုနိုင်ငံ)တွင် ပြုလုပ်ခဲ့ပြီး မိုဟာမက်အလီ က ပြိုင်ဘက် ဂျော့ချ်ဖိုမင်ကို ရှစ်ချီမြောက်တွင် အလဲထိုးဖြင့်အနိုင်ယူကာ ကမ္ဘာ့ဟဲဗီးဝိတ်ချန်ပီယံဘွဲ့ကို ပြန်လည် ရရှိခဲ့ခြင်းဖြစ်သည်။  
သတင္းအျပည့္အစံုကိုၾကည့္ရႈရန္

မန်ယူနိုက်တက်အသင်း တာဝန်ရှိသူတွေနဲ့ ဆွေးနွေးခဲ့တဲ့ စီရော်နယ်ဒိုဟာ အသင်းနဲ့ လက်ကျန် တနှစ်သက်တမ်းရှိစာချုပ်ကို ဖျက်သိမ်းပေးဖို့ တောင်းဆိုခဲ့တယ်လို့ သိရပါတယ်။ စီရော်နယ်ဒိုဟာ အသင်းရဲ့ ရာသီကြိုလေ့ကျင့်ရေးခရီးစဉ်မှာလည်း လိုက်ပါခဲ့ခြင်းမရှိဘဲ အသင်းကနေ ထွက်ခွာဖို့ အေးဂျင့် မန်ဒက်စ်ကနေ တဆင့် ထွက်ခွာခွင့် တောင်းဆိုခဲ့ပါတယ်။ အသင်းဆီကို ပြန်ရောက်လာတဲ့ အချိန်မှာလည်း မန်ယူအသင်း တာဝန်ရှိသူတွေနဲ့ တရားဝင်ဆွေးနွေးခဲ့ပြီး လက်ကျန်စာချုပ်ကို ဖျက်သိမ်းပြီး အသင်းပြောင်းရွှေ့ခွင့် ထပ်မံတောင်းဆိုခဲ့တာပါ။ မန်ယူအသင်းဘက်က အဖြေမပေးနိုင်သေးချိန်မှာ ရော်နယ်ဒိုကတော့ ပရော်ဖက်ရှင်နယ် ပီသစွာ အသင်းနဲ့အတူ လေ့ကျင့်ခန်းဆင်းဖို့ ပြင်ဆင်ထားတယ်လို့ သိရပါတယ်။ တဖက်မှာတော့ ဘိုင်ယန်မြူးနစ်နဲ့ အက်သလက်တီကို အသင်းတွေက စီရော်နယ်ဒိုကို ခေါ်ယူမှာမဟုတ်ကြောင်း အတည်ပြုထားကြပါတယ်။  
သတင္းအျပည့္အစံုကိုၾကည့္ရႈရန္

 
သတင္းအျပည့္အစံုကိုၾကည့္ရႈရန္

ကွင်းအတွင်း ကျူးကျော်ဝင်ရောက်တဲ့ ပရိသတ်တွေကို ပရီးမီးယားလိဂ်နဲ့ အင်္ဂလန် ဘောလုံးလောကမှာ ရာသက်ပန် ပွဲကြည့်ခွင့်ပိတ်ပင်တော့မှာဖြစ်တယ်လို့ အင်္ဂလန်ဘောလုံးအဖွဲ့ချုပ် FA က ထုတ်ပြန်လိုက်ပါတယ်။  အဲဒီထုတ်ပြန်ချက်မှာ ပရိသတ်တွေအနေနဲ့ ကွင်းထဲကို မီးရှူးမီးပန်းတွေ၊ မီးခိုးဗုံးလို အငွေ့ထွက်စေတဲ့အရာတွေကို ယူဆောင်လာလို့ မရတော့သလို တွေ့ရှိခဲ့ရင် ရဲတပ်ဖွဲ့ထံအပ်နှံ စစ်ဆေးသွားမယ်လို့လည်း ဖော်ပြထားပါတယ်။ ဒါ့အပြင် သက်ဆိုင်ရာကလပ်ကိုလည်း အရေးယူသွားမယ်လို့ ဆိုပါတယ်။ လာမယ့်ရာသီသစ်မှာ ပရီးမီးယားလိဂ်နဲ့ အင်္ဂလန်ဘောလုံးကလပ်တွေအားလုံး ပရိသတ်တွေကို ရှာဖွေစစ်ဆေးမှုပြုလုပ်ရမှာဖြစ်သလို လုံခြုံရေးအရ အနံ့ခံ ခွေးတွေလည်းအသုံးပြုရတော့မှာဖြစ်ပါတယ်။ ဒါ့အပြင် လူမှုကွန်ရက်စာမျက်နာတွေပေါ်မှာ ပရိသတ်တွေတင်တဲ့ မသင့်လျော်တဲ့ ဗီဒီယိုဖိုင်တွေကိုလည်း ချက်ချင်းဖြုတ်ချပစ်ရမှာဖြစ်တယ်လို့ FA က လုံခြုံရေး စည်းမျဉ်း စည်းကမ်း အသစ်တွေ ထုတ်ပြန်လိုက်တာဖြစ်ပါတယ်။ လက်ရှိမှာ အဲဒီစည်းမျဉ်းသစ်တွေကို ပရီးမီးယားလိဂ် ကလပ်တွေအားလုံး သဘောတူထားပြီး ဖြစ်တယ်လို့ သိရပါတယ်။  
သတင္းအျပည့္အစံုကိုၾကည့္ရႈရန္

လက်ရှိနွေရာသီအပြောင်းအရွှေ့ဈေးကွက်တွင် ဇူလိုင်(၂၃)ရက်အထိ ကစားသမားခေါ်ယူမှု စာရင်းအရ အာဆင်နယ်အသင်းက ငွေအများဆုံးသုံးစွဲထားသည့်အသင်းအဖြစ် ဦးဆောင်နေပြီး ထိပ်ဆုံး(၁၀)သင်းတွင် ပရီးမီးယားလိဂ်မှ (၆)သင်းအထိ ပါဝင်နေကြောင်း သိရသည်။အာဆင်နယ်အသင်းသည် ဇူလိုင် (၂၂)ရက်က မန်စီးတီးအသင်းမှ ဇင်ချန်ကို ကို ယူရို(၃၅)သန်းဖြင့် ခေါ်ယူခဲ့ပြီးနောက် ကစားသမားသစ်(၅)ဦးအတွက် စုစုပေါင်း သုံးစွဲငွေ ယူရို(၁၃၂)သန်း ရှိသွားသည့်အတွက် ဥရောပ၏ ငွေသုံးအများဆုံးအသင်းအဖြစ် ရပ်တည်နိုင်ခဲ့ခြင်းဖြစ်သည်။

မိမိအနေဖြင့် အသင်းရဲ့တိုးတက်မှုကို စိုးရိမ်ကြောင်းနဲ့ အမေရိကန် ရာသီကြို ခရီးစဉ်မှာ ကစားသမားတွေရဲ့ အာရုံစိုက်မှု နည်းပါးတာနဲ့ ပတ်သက်လို့ ပူပန်ကြောင်း ဖလော်ရီဒါမှာ အာဆင်နယ်ကို ၄-၀ ဂိုးနဲ့ ရှုံးပြီးနောက်မှာ ချယ်လ်ဆီးနည်းပြ သောမတ်စ်တူချယ်က ပြောလိုက်ပါတယ်။