မူးယစ်ဆေးဝါးမှောင်ခိုကူးသည်ဟု သံသယရှိသော မြန်မာလုပ်ငန်းရှင်တစ်ဦးကို မိမိတို့ ထိန်းသိမ်းခဲ့သည်ဟု စက်တင်ဘာ ၁၅ ရက်တွင် ထိုင်းအာဏာပိုင်များက ထုတ်ဖော် ပြောကြားခဲ့ကြောင်း ရိုက်တာသတင်းက ဖော်ပြခဲ့သည်။
လွန်ခဲ့သောသီတင်းပတ်၏ အရုဏ်တက် ချိန်စီးနင်းမှုအတွင်း အသက် ၅၃ နှစ်ရှိ ဦးထွန်းမင်းလတ်ကို မူးယစ်မှောင်ခိုမှု၊ ငွေမည်းကို ငွေဖြူပြောင်းလဲမှုတို့ဖြင့် ထိုင်းနိုင်ငံသား သုံး ဦးနှင့်အတူ ထိုင်းမြို့တော် ဘန်ကောက်တွင် ဖမ်းဆီးခဲ့သည်ဟု တော်ဝင်ထိုင်းရဲတပ်ဖွဲ့ ၏ ဒုတိယပြောရေးဆိုခွင့်ရှိသူ ကက်ဆာနာဖာ သနာချာရွန်းက ပြောကြားသည်။
