ဇွန် ၁၈၊ နေပြည်တော်
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးသန်းဌေးသည် ၂၀၂၂ ခုနှစ်၊ ဇွန်လ ၁၈ ရက်နေ့ နံနက် ၀၉:၃၀ နာရီအချိန်တွင် နေပြည်တော် ပြည်ထောင်စုနယ်မြေ၊ ဒက္ခိဏသီရိမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီရုံးတွင် ကျင်းပပြုလုပ်သော မြို့နယ်/ရပ်ကွက်/ကျေးရွာအဆင့်ပါတီများ စုံညီဖွဲ့စည်းပြီးခြင်း အထိမ်းအမှတ် ဂုဏ်ပြုပွဲနှင့် ပါတီတာဝန်၊ ပါတီအလံများ အပ်နှင်းခြင်းအခမ်းအနားသို့ တက်ရောက်ခဲ့ပါသည်။
မြန်မာ-ထိုင်း နယ်စပ် မြဝတီ-မဲဆောက် လမ်းကြောင်းနှင့် ကော့သောင်း-ရနောင်းလမ်း ကြောင်းတို့မှ ဇွန် ၁၇ ရက်က MoU လုပ်သား ၃၄၈ ဦး ထပ်မံစေလွှတ်ခဲ့ကြောင်း သိရသည်။ မြဝတီမြို့ မြန်မာ-ထိုင်း အမှတ် (၂ )ချစ် ကြည်ရေးတံတားမှတစ်ဆင့် ထိုင်းနိုင်ငံသို့ နှစ် နိုင်ငံသဘောတူစာချုပ် MoU စနစ်ဖြင့် မြန်မာ လုပ်သား ၂၉၈ ဦးကို ဇွန် ၁၇ ရက်က ပြည်ပအ လုပ်အကိုင်အကျိုးဆောင် Top 1 အေဂျင်စီ နှင့် ရွှေဝတ်မှုံခအေဂျင်စီတို့က ထပ်မံစေလွှတ် ခဲ့ကြောင်း သိရသည်။
ကချင်ပြည်နယ်၊ ဗန်းမော်မြို့၏ မြစ်ရေကြီးမှုအခြေအနေသည် နှစ်ရက်အတွင်း စိုးရိမ်ရေမှတ်သို့ရောက်ရှိနိုင်ကြောင်း မိုးလေ၀သနှင့်ဇလဗေဒညွှန်ကြားမှုဦးစီးဌာနက ဇွန် ၁၉ ရက် တွင် ထုတ်ပြန်ကြေညာထားသည်။
မြန်မာစံတော်ချိန် နံနက် ၈ နာရီ ၃၀ မိနစ်အချိန်တိုင်းထွာချက်များအရ ဧရာဝတီမြစ်ရေသည် ဗန်းမော်မြို့၏ စိုးရိမ်ရေမှတ်အောက်နှစ်ပေခွဲခန့်တွင်ရောက်ရှိနေကြောင်း ထုတ်ပြန်ချက်အရသိရသည်။
အဆိုပါမြစ်ရေသည် နောက်နှစ်ရက်အတွင်း ယင်းမြို့၏ စိုးရိမ်ရေမှတ်သို့ရောက်ရှိနိုင်သဖြင့် ဗန်းမော်မြို့နယ်အတွင်းရှိ မြစ်ကမ်းအနီးနှင့် မြေနိမ့်ပိုင်းနေထိုင်သူများ အထူးသတိပြုနေထိုင်ကြရန် မိုးလေ၀သနှင့်ဇလဗေဒညွှန်ကြားမှု ဦးစီးဌာနက ထုတ်ပြန်ကြေညာထားသည်။
(၁၈-၆-၂၀၂၂) ရက်နေ့၊ ည (၈:၀၀) နာရီမှ (၁၉-၆-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၄,၁၆၀) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၅) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၁၂) ရာခိုင်နှုန်း ရှိပါသည်။
ဆီးဂိမ်းတွင် ရွှေတံဆိပ်ရရှိသူများကို လူစီးမော်တော်ယာဉ် ဝယ်ယူခွင့်ချထားပေးမည်ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာနက ထုတ်ပြန်သည်။
ရွှေတံဆိပ်ရရှိသူများအား အထူးကိစ္စရပ်အနေဖြင့် ခွင့်ပြုသွားမည်ဖြစ်ကြောင်း၊ ရွှေတံဆိပ်ဆုရ အားကစားသမား များအား ပြည်တွင်းရှိ မော်တော်ယာဉ် Showroom နှင့် Sale Center များမှ စက်စွမ်းအား ၂၀၀၀ စီစီနှင့်အောက်၊ CIF တန်ဖိုး(ဆိပ်ကမ်းရောက်တန်ဖိုး) ကျပ်သိန်း ၃၀၀ နှင့်အောက် လူစီးမော်တော် ယာဉ်တစ်စီးစီ ဝယ်ယူခွင့် ပြုမည်ဖြစ်ပြီး ၎င်းမော်တော်ယာဉ်နှင့်စပ်လျဉ်း၍ ပြည်ပတင်သွင်းယာဉ်မှတ်ပုံတင်ခ အား ကင်းလွတ်ခွင့်ပြုမည် ဖြစ်ပါကြောင်း အသိပေးကြေညာအပ်ကြောင်း ဝန်ကြီးဌာနက ထုတ်ပြန်သည်။
၂၀၂၂ တက္ကသိုလ်ဝင်စာမေးပွဲ အောင်စာရင်များကို ဇွန် ၁၇ ရက် နံနက် ၆ နာရီတွင် တစ်နိုင်ငံလုံးတွင် ထုတ်ပြန်ခဲ့ကြောင်းသိရသည်။
အဆိုပါ စာမေးပွဲ၏ တစ်နိုင်ငံလုံးအောင်ချက်ရာခိုင်နှုန်းသည် ၄၆ ဒသမ ၈၈ ရာခိုင်နှုန်းရှိကြောင်း၊ ဖြေဆိုသူစုစုပေါင်း ၂၈၁၇၅၁ ဦးရှိပြီး အောင်မြင်သူ ၁၃၂၀၇၇ ဦးရှိကြောင်း မြန်မာနိုင်ငံစာစစ်ဦးစီးဌာန၏ ထုတ်ပြန်ချက်အရသိရသည်။
၁၅-၆-၂၀၂၂) ရက်နေ့၊ ည (၈:၀၀) နာရီမှ (၁၆-၆-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၅,၂၇၃) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၃) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၀၆) ရာခိုင်နှုန်း ရှိပါသည်။
မဂ်လာဒုံ၊ ဇွန် ၁၅
ရန်ကုန်တိုင်းဒေသကြီး၊ မြောက်ပိုင်းခရိုင်၊ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ခရိုင်ပါတီဥက္ကဋ္ဌ၊ ခရိုင်ပါတီ အတွင်းရေးမှူးနှင့် ခရိုင်ပါတီကော်မတီဝင်(စည်းရုံးရေးရာတာဝန်ခံ)နှင့် ခရိုင်လူငယ် တွဲဖက်တာဝန်ခံ ဦးဇင်မင်းဗိုလ် တို့ လိုက်ပါလျှက် မဂ်လာဒုံမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ မြို့နယ်ပါတီ ကော်မတီဝင်များ၊ ရပ်ကျေးပါတီ ဥက္ကဌများ၊ ပါတီကော်မတီဝင်များနှင့် လုပ်ငန်းညှိနှိုင်းအစည်းအဝေးပွဲကို ယနေ့ ဇွန်လ၊ ၁၅ရက် နေ့ လည် (၁၂:၀၀) နာရီအချိန် မှစတင်ကာ မဂ်လာဒုံမြို့နယ်ပါတီကော်မတီရုံး အစည်းအဝေးခန်းမ၌ ကျင်းပခဲ့ပါသည်။
(၁၄-၆-၂၀၂၂) ရက်နေ့၊ ည (၈:၀၀) နာရီမှ (၁၅-၆-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၅,၈၂၃) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၄) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၀၇) ရာခိုင်နှုန်း ရှိပါသည်။
Commercial Flight များ ဆင်း သက်မှု ပြန်လည်စတင်နေပြီဖြစ်သည့် ရန်ကုန်အပြည် ပြည်ဆိုင်ရာ လေဆိပ်တွင် KOREAN AIR လေကြောင်းလိုင်းက ရန်ကုန်-အင်ချွန်းခရီးစဉ် အား ပြန်လည်ပျံသန်းမည်ဖြစ်ကြောင်း သိရသည်။
KOREAN AIR လေကြောင်းလိုင်းက ရန်ကုန်-အင်ချွန်းခရီးစဉ်အား လာမည့် ဇူလိုင် ၆ ရက်မှစတင်ကာ အပတ်စဉ် ဗုဒ္ဓဟူးနေ့ များတွင် တစ်ပတ်တစ်ကြိမ် ပျံသန်းမည်ဖြစ်ကြောင်း သိရသည်။
