(၁၄-၈-၂၀၂၂) ရက်နေ့၊ ည (၈:၀၀) နာရီမှ (၁၅-၈-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၇,၀၉၇) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၁၈) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၂၅) ရာခိုင်နှုန်း ရှိပါသည်။
ကျိုင်းတုံ ဩဂုတ် ၁၄
ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ် ပြည်ခိုင်ဖြိုးပါတီမှ ရေကြီးရေလျှံဖြစ်နေသော ရပ်ကွက်များသို့ သွားရောက်၍ ထမင်းဗူးများ၊ သောက်ရေသန့်ဗူးများနှင့် စားသောက်ဖွယ်ရာများ သွားရောက်လှူဒါန်းခဲ့ပါသည်။
မိုးညှင်း ဩဂုတ် ၁၄
ကချင်ပြည်နယ် မိုးညှင်းမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ခရိုင်အစည်းအဝေးခန်းမတွင် ၂၀၂၂ခုနှစ်တက္ကသိုလ်ဝင် စာမေးပွဲ၌ ထူးချွန်စွာအောင်မြင်ခဲ့သည့် ကျောင်းသား/သူများအား ဂုဏ်ပြုချီးမြှင့်ခြင်း အခမ်းအနားကို ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ ယနေ့ နံနက် ၁၀ နာရီအချိန်တွင် ကျင်းပ ပြုလုပ်ပေးခဲ့သည်။
မင်းဘူး သြဂုတ် ၁၄
မကွေးတိုင်း၊ မင်းဘူးခရိုင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ လုပ်ငန်းညှိနှိုင်းအစည်းအဝေးကို ခရိုင်ရုံးအစည်းအဝေးခန်းမ၌ ကျင်းပခဲ့ပါသည်။
ရန်ကုန်၊ သြဂုတ် ၁၄
ရန်ကုန်တိုင်းဒေသကြီး၊ အရှေ့ပိုင်းခရိုင်ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ အခြေခံရုံးလုပ်ငန်း ကွန်ပျူတာ သင်တန်းနှင့် စက်ချုပ်သင်တန်းဖွင့်ပွဲအခမ်းအနားကို ယနေ့ (၁၄.၈.၂၀၂၂) တနင်္ဂနွေနေ့ တွင် မင်္ဂလာတောင်ညွန့် မြို့နယ်ပါတီရုံးခန်းမတွင် ကျင်းပခဲ့ပါသည်။
ရန်ကုန်တိုင်းဒေသကြီး၊ ဒေါပုံမြို့နယ်၊ လမုတန်းရပ်ကွက်၊ ရာဇသင်္ကြန်လမ်းတွင် သြဂုတ် ၁၄ ရက် ည ၁၁ နာရီခန့်တွင် မီးလောင်မှုဖြစ်ပွားနေကြောင်း မြန်မာနိုင်ငံမီးသတ်တပ်ဖွဲ့ဌာနချုပ်မှသိရသည်။
မီးလောင်ကျွမ်းမူအား ဒေါပုံမြို့နယ်မီးသတ်စခန်းမှ မီးသတ်ယာဉ် နှစ်စီး၊ မင်္ဂလာတောင်ညွန့်မြို့နယ်မီးသတ်စခန်းမှ မီးသတ်ယာဉ် တစ်စီး၊သာကေတမြို့နယ်မီးသတ်စခန်းမှ မီးသတ်ယာဉ် နှစ်စီး၊ ရှင်သန်ရေးပရဟိတအသင်းမှ ရေသယ်ယာဉ် တစ်စီး ထွက်ခွာငြှိမ်းသတ်လျက်ရှိပြီး ည ၁၁ နာရီ ၂၁မိနစ်တွင် မီးသတ်ကားထွက်ခွာငြိမ်းသတ်သည့် အဆင့် Level 1 သတ်မှတ်ကာ ငြိမ်းသတ်လျက်ရှိကြောင်း သိရသည်။
(၁၃-၈-၂၀၂၂) ရက်နေ့၊ ည (၈:၀၀) နာရီမှ (၁၄-၈-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၄,၉၅၃) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၂၉) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၅၉) ရာခိုင်နှုန်း ရှိပါသည်။
စစ်တွေ၊ သြဂုတ် ၁၀
စစ်တွေမြို့တွင် သံဃာအပါး ၅၀၀ အား ဆွမ်းဆန်စိမ်းလောင်းလှူပွဲကို ယမန့် သြဂုတ်လ ၁၀ ရက်နေ့ နေ့လည် ၂ နာရီ က ပြုလုပ်ခဲ့ကြသည်။ ရခိုင်ပြည်နယ်အစိုးရအဖွဲ့က ကြီးမှူးသည့် အဆိုပါ ဆွမ်းဆန်စိမ်းလောင်းလှူပွဲကို စစ်တွေမြို့ဘောလုံးကွင်းရပ်ကွက် လောကာနန္ဒာစေတီတော်၌ ကျင်းပခဲ့ကြရာ စစ်တွေမြို့နယ် ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီကမှလည်း ပါဝင်လှူဒါန်းဒါနပြုခဲ့ကြသည်။
ရန်ကုန်၊ သြဂုတ် ၁၁
ရန်ကုန်တိုင်းဒေသကြီး၊ အရှေ့ပိုင်းခရိုင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ အခြေခံရုံးလုပ်ငန်း/ ကွန်ပျူတာသင်တန်းနှင့် စက်ချုပ်သင်တန်း ဖွင့်လှစ်နိုင်ရေးညှိနှိုင်းအစည်းအဝေးကို ယနေ့(၁၁.၈.၂၀၂၂) ကြာသပတေးနေ့ တွင် မင်္ဂလာတောင်ညွန့်မြို့နယ် ပါတီရုံးခန်းမတွင် ကျင်းပခဲ့ပါသည်။
ရန်ကုန်တွင် စက်သုံးဆီစျေးနှုန်းများ ယမန်နေ့ထက် ပျမ်းမျှ အနိမ့်ဆုံး ကျပ်တစ်ရာကျော် မြင့်တက်လာပြီး ၉၂ တစ်လီတာ ၂၂၄၅ ကျပ်သို့ ရောက်ရှိလာကြောင်း စက်သုံးဆီအရောင်းဆိုင်များထံမှ သိရသည်။
စက်သုံးဆီစျေးနှုန်းမှာ သြဂုတ် ၁၁ ရက်တွင် ၉၂ တစ်လီတာလျှင် ကျပ် ၂၁၄၀၊ ၉၅ တစ်လီတာ ကျပ် ၂၂၁၀၊ ရိုးရိုးဒီဇယ် တစ်လီတာလျှင် ကျပ် ၂၄၄၀၊ ပရီမီယံ ဒီဇယ်တစ်လီတာ ၂၅၁၅ ကျပ်ဖြစ်သည်။
