နိုင်ငံတော်၏ ငြိမ်းချမ်းရေးဆွေးနွေး ရေးအဖွဲ့နှင့် NCA လက်မှတ်ရေးထိုးထားသည့် တိုင်းရင်းသားလက်နက်ကိုင် အဖွဲ့ ငါး ဖွဲ့မှ ကိုယ်စားလှယ်အဖွဲ့တို့ ပထမနေ့တွေ့ ဆုံပြီး ငြိမ်းချမ်းရေးဆွေးနွေးမည့် အစီအ စဉ်ရှစ်ရပ်ကို အတည်ပြုနိုင်ခဲ့ကြောင်း သတင်းရရှိသည်။  နေပြည်တော်ရှိ အမျုးသားစည်းလုံး ညီညွတ်ရေးနှင့် ငြိမ်းချမ်းရေး ဖော်ဆောင်မှု ဗဟိုဌာနတွင် ဒီဇင်ဘာ ၂၇ ရက်က နိုင်ငံ တော်၏ ငြိမ်းချမ်းရေးဆွေးနွေးရေးအဖွဲ့နှင့် NCA လက်မှတ် ရေးထိုးထားသည့် တိုင်းရင်း သားလက်နက်ကိုင်အဖွဲ့ငါးဖွဲ့မှ ကိုယ်စား လှယ်အဖွဲ့တို့ တွေ့ဆုံရာတွင် ထိုသို့အတည် ပြုခဲ့ခြင်း ဖြစ်သည်။  
သတင္းအျပည့္အစံုကိုၾကည့္ရႈရန္

အမေရိကန်သမ္မတ အတည်ပြုခဲ့သည့် အမျိုးသားကာကွယ်ရေးအက်ဥပဒေ (National Defense Authorization Act-NDAA) (H.R.7900) က အကြမ်းဖက်မှုကို အားပေးပြီး မြန်မာနိုင်ငံ၏ ပြည်တွင်းရေးကို ဝင်ရောက်စွက်ဖက် ခြင်းဖြစ်ကြောင်း နိုင်ငံခြားရေးဝန်ကြီးဌာနက ဒီဇင်ဘာ ၂၇ ရက်တွင် ထုတ်ပြန်သည်။ အမေရိကန်သမ္မတက ၂၀၂၃ ဘဏ္ဍာရေးနှစ်အတွက် အမျိုးသားကာကွယ်ရေးအက်ဥပဒေ (National Defense Authorization Act-NDAA) (H.R.7900) ကို ဒီဇင်ဘာ ၂၃ ရက်က အတည်ပြုခဲ့ကြောင်း ယင်းအက်ဥပဒေတွင် မြန်မာနိုင်ငံနှင့်ပတ်သက်သည့် ‘BURMA Act of 2022’ အား ထည့်သွင်းခဲ့သည်ကို တွေ့ရှိရကြောင်း နိုင်ငံခြားရေးဝန်ကြီးဌာနက ထုတ်ပြန်သည်။  
သတင္းအျပည့္အစံုကိုၾကည့္ရႈရန္

တရုတ်နိုင်ငံ၏ အကြီးဆုံးမြို့နှစ်မြို့ဖြစ်သည့် ပေကျင်းနှင့် ရှန်ဟိုင်းတို့သည် COVID-19 ရောဂါနှင့်အတူ ယှဉ်တွဲနေထိုင်ရေးဆီသို့ ဦးတည်လာခြင်းနှင့်အတူ ဒီဇင်ဘာ ၂၆ ရက်က မြေအောက်ရထားများပေါ်တွင် နှာခေါင်းစည်းတပ်ဆင်ထားသော ခရီးဝေးအလုပ်ဆင်းသူများနှင့် ပြည့်နှက်နေခဲ့သည်။ တရုတ်နိုင်ငံ တစ်ဝန်းတွင် လူသန်းနှင့်ချီကာ ဗိုင်းရပ်စ်ကူးစက်မှုခံထားရသည်။ ကိုရိုနာဗိုင်းရပ်စ် ထိန်းချုပ်ရေးအတွက် တင်းကျပ်သော အစီအမံများကို သုံးနှစ်ကြာ ကျင့်သုံးခဲ့ပြီးနောက် ဆန္ဒပြမှုများ၊ ရောဂါကူးစက်ပြန့်ပွားမှု မြင့်တက်လာမှုများနှင့် ရင်ဆိုင်နေရစဉ်တွင် သမ္မတရှီကျင်းပင်သည် ကိုဗစ်ကင်းစင်ရေးမူဝါဒကို စွန့်ခွာ ခဲ့သည်။  
သတင္းအျပည့္အစံုကိုၾကည့္ရႈရန္

 
သတင္းအျပည့္အစံုကိုၾကည့္ရႈရန္

ဗဟိုဘဏ်က နိုင်ငံခြားငွေလဲနှုန်း တစ်ဒေါ်လာ ကျပ် ၂၁၀၀ စျေးသတ်မှတ်ထားပြီး ဒီဇင်ဘာ ၁၉ ရက် ပြင်ပစျေးကွက်တွင် တစ်ဒေါ်လာ ကျပ် ၂၈၂၀ ဝန်းကျင်ရှိနေဟု သိရသည်။ ဗဟိုဘဏ်နိုင်ငံခြား ငွေလဲနှုန်း တစ်ဒေါ်လာ ၂၁၀၀ ကျပ်ဝန်းကျင် သတ်မှတ်ထားသော်လည်း ငွေလဲကောင်တာ အများစုတွင် တစ်ဒေါ်လာ ၂၈၆ဝကျပ်ဖြင့် ဝယ်ယူနေပြီး ၂၈၉၀ ဝန်းကျင်ဖြင့် ပြန်လည်ရောင်းချနေကြောင်း သိရသည်။ “အခုကတော့ ပြင်ပစျေးကွက်မှာ ဒေါ်လာစျေးက၂၈၀၀ ဝန်းကျင်ကို ရောက်လာတာပါ။ ခုနေ့လည်မှာတော့ တစ်ဒေါ်လာ ၂၈၂၀ ကျပ်နဲ့ ဝယ်ပြီး ၂၈၄၀ နဲ့ ပြန်ရောင်းနေတာကို တွေ့ရပါတယ်” ဟု ငွေလဲကောင်တာတွင် ဒေါ်လာ သွားရောက် ရောင်းချသူတစ်ဦးက ပြောကြားသည်။  
သတင္းအျပည့္အစံုကိုၾကည့္ရႈရန္

 
သတင္းအျပည့္အစံုကိုၾကည့္ရႈရန္

အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာနပြည်ထောင်စုဝန်ကြီးဦးကိုကိုလှိုင်နှင့် ဘန်ကောက် မြို့အခြေစိုက် ကုလသမဂ္ဂစီမံကိန်းဝန်ဆောင်မှုရုံး(UNOPS)၏ အာရှဒေသဆိုင်ရာ ညွှန်ကြားရေးမှူး မစ္စတာဆန်ဂျေးမာသာကို ဒီဇင်ဘာ ၁၆ ရက် နံနက် ၁၀ နာရီတွင် နေပြည်တော်ရှိ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန၌ တွေ့ဆုံခဲ့ကြောင်းသိရသည်။ အဆိုပါ တွေ့ဆုံဆွေးနွေးပွဲသို့ အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီးဌာနမှ တာဝန်ရှိသူများနှင့်ရန်ကုန်မြို့အခြေစိုက် ကုလသမဂ္ဂ စီမံကိန်းဝန်ဆောင်မှုရုံး၏ မြန်မာနိုင်ငံဆိုင်ရာ ယာယီညွှန်ကြားရေးမှူးတို့ တက်ရောက်ခဲ့ပြီး၊ မြန်မာနိုင်ငံအစိုးရနှင့် ကုလသမဂ္ဂစီမံကိန်းဝန်ဆောင်မှုရုံးတို့အကြား လက်ရှိပူးပေါင်း ဆောင်ရွက်မှုလုပ်ငန်း စဉ်အဆင်ပြေချောမွေ့ရေးကိစ္စရပ်များနှင့်ပတ်သက်၍ ဆွေးနွေးခဲ့ကြောင်းသိရသည်။  
သတင္းအျပည့္အစံုကိုၾကည့္ရႈရန္

ဖုန်းဆင်းကတ်များကို ဇန်နဝါရီ ၃၁ ရက် နောက်ဆုံးထားပြီး မှတ်ပုံတင်ကြရန်နှင့် အချက်အလက်များ မှားယွင်းမှုရှိပါက ပြင်ဆင်ကြရန် အော်ပရေတာများက သတိပေးချက်များ ထုတ်ပြန်ထားသည်။ သုံးစွဲနေ သည့် ဆင်းမ်ကတ်များကို စစ်ဆေးပြီးပြန်လည်ပြင်ဆင်မှတ်ပုံတင်ခြင်းအား ဖြင့် သုံးစွဲသူများအတွက် မိုဘိုင်းလ်ငွေကြေး ဝန်ဆောင်မှုများကိုလည်း လုံခြုံစိတ်ချစွာဖြင့် သုံးစွဲနိုင်မည့်အပြင် ဒီဂျစ်တယ်ပိုင်းဆိုင်ရာ နှင့် ပြင်ပလိမ်လည်မှုများ၏ အန္တရာယ်မှ ကာ ကွယ်ပေးမည် ဖြစ်သည်ဟု အဆိုပါအော်ပ ရေတာများက သုံးစွဲသူများသို့ စာတိုပို့အ ကြောင်းကြားထားသည်။  
သတင္းအျပည့္အစံုကိုၾကည့္ရႈရန္

ဒီဇင်ဘာ ၁၅ ရက် နံနက် ၃ နာရီ ၁၆ မိနစ်က မန္တ​လေးတိုင်း​ဒေသကြီး တံတားဦးမြို့ အ​ရှေ့ဘက် ​လေးမိုင်ခန့်အကွာကို ဗဟိုပြု၍ အင်အားရစ်ချ်တာစ​ကေး ၅ ဒသမ ၂ အဆင့်ရှိ ​ ​ငလျင်လှုပ်ခတ်မှု​ကြောင့် အင်းဝ​ရှေး​ဟောင်း ယဉ်​ကျေးမှု​ဒေသ မင်းကွန်းမြသိန်းတန်​စေတီ အပါအဝင် ​ရှေး​ဟောင်း​စေတီပုထိုးများနှင့် သာသနိကအ​ဆောက်အအုံများ ထိခိုက်ပျက်စီးခဲ့​ကြောင်း စုံစမ်းသိရသည်။ အဆိုပါ အင်အားအသင့် အတင့်ရှိ ​မြေငလျင်လှုပ်ခတ်ခဲ့မှု​ကြောင့် မန္တ​လေးမြို့ရှိ ​စေတီပုထိုးအချို့ စိန်ဖူး​တော်​မြေခခြင်းနှင့် ထိခိုက်မှု များဖြစ်​ပေါ်ခြင်း၊ လူ​နေအိမ်အချို့ ထိခိုက်ခြင်း၊ အမရပူရမြို့နယ် ​တောင်သမန်အင်းစောင်းရှိ ​စေတီအချို့ စိန်ဖူး​တော်​မြေခြင်းနှင့် ထိခိုက်ခြင်း၊ အင်းဝရှေး​ဟောင်းယဉ်​ကျေးမှု​ဒေသရှိ နန်းမ​တော်မယ်နုအုတ်​ကျောင်းအပါအဝင် ​စေတီပုထိုးအချို့ စိန်ဖူး​တော်​မြေခခြင်းနှင့် ထိခိုက်ပျက်စီးမှုများဖြစ်​ပေါ်ခြင်း၊ စစ်ကိုင်း-မင်းကွန်း​ဒေသရှိ မင်းကွန်းပုထိုး​တော်ကြီး အနည်းငယ်ထိခိုက်ပျက်စီးခြင်း၊ မင်းကွန်း မြသိန်းတန်​စေတီ​တော်၏ စိန်ဖူး​တော်​မြေခခြင်းနှင့် အနည်းငယ်ထိခိုက်ပျက်စီးခြင်း၊ မင်းကွန်းပုထိုးတော်ရှိ ခြ​​င်္သေ့ရုပ်ကြီး ထိခိုက်ပျက်စီးခြင်း အစရှိသည်တို့ ဖြစ်ပွားခဲ့့​ကြောင်း စုံစမ်းသိရသည်။  
သတင္းအျပည့္အစံုကိုၾကည့္ရႈရန္

ပြည်ထောင်စုသမ္မတ မြန်မာနိုင်ငံတော်၊ တပ်မတော်(လေ)၏ (၇၅)နှစ်မြောက် စိန်ရတုနှစ်ပတ်လည် နေ့ အခမ်းအနားကို ဒီဇင်ဘာ ၁၅ ရက်က မိတ္ထီလာတပ်နယ်ရှိ လေကြောင်း အတက်သင်လေတပ်စခန်း ဌာနချုပ် ၌ ကျင်းပခဲ့ပြီး လေယာဉ်၊ ရဟတ်ယာဉ်များ တပ်တော်ဝင်ခြင်း ပြုလုပ်ခဲ့ကြောင်းသိရသည်။ အဆိုပါအခမ်းအနားသို့ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့်ဇနီး ဒေါ်ကြူကြူလှ၊ အငြိမ်းစားကာကွယ်ရေးဦးစီးချုပ်(လေ)များနှင့် ဇနီးများ၊ အငြိမ်းစားကာကွယ်ရေးဦးစီးချုပ် (ရေ)များ၊ ကာကွယ်ရေးဦးစီးချုပ်(ရေ) ဗိုလ်ချုပ်ကြီး မိုးအောင် နှင့်ဇနီး၊ ကာကွယ်ရေးဦးစီး ချုပ်(လေ) ဗိုလ်ချုပ်ကြီး ထွန်းအောင်နှင့် ဇနီး၊ ပြည်ထောင်စုအဆင့်ပုဂ္ဂိုလ်များ၊ ပြည်ထောင်စုဝန်ကြီးများနှင့် ဇနီးများ၊  ကာကွယ်ရေးဦးစီးချုပ်ရုံးမှ တပ်မတော်အရာရှိကြီးများနှင့်ဇနီးများ၊ အလယ်ပိုင်းတိုင်းစစ်ဌာနချုပ် တိုင်းမှူး၊ လေတပ် စခန်းဌာနချုပ်မှူးများ၊ စစ်မှုထမ်းဟောင်း အဖွဲ့ဝင်များ၊ ကျောင်းသား၊ ကျောင်းသူများနှင့် ဖိတ်ကြားထားသည့် ဧည့်သည်တော်ကြီးများ တက်ရောက်ခဲ့ကြောင်း သိရသည်။  
သတင္းအျပည့္အစံုကိုၾကည့္ရႈရန္