တနင်္သာရီတိုင်းဒေသကြီး၊ မြိတ်မြို့မှာ မျက်စိဝေဒနာရှင်တွေကို အခမဲ့ကုသပေးမယ့် သီတဂူစက္ခုဒါန မျက်စိဆေးရုံ ကို နိုဝင်ဘာ(၁၇)ရက်က ဖွင့်လှစ်လိုက်ပါတယ်။
ဆေးရုံဖွင့်ပွဲအခမ်းအနားကို သီတဂူဆရာတော်ကြီး ဒေါက်တာအရှင်ဉာဏိဿရ၊ တနင်္သာရီတိုင်းဒေသကြီး ဝန်ကြီးချုပ် ဦးမြတ်ကို၊ ကမ်းရိုးတန်းတိုင်းစစ်ဌာနချုပ်တိုင်းမှူး၊ တိုင်းဒေသကြီးအစိုးရအဖွဲ့ဝင်တွေ၊ မြို့နယ်သံဃ နာယက ဆရာတော်တွေနဲ့ မြို့မိမြို့ဖတွေတက်ရောက်ခဲ့ပြီး ဝန်ကြီးချုပ်ဦးမြတ်ကိုနဲ့ အစိုးရအဖွဲ့ဝင်တွေက ဆေးရုံကို ဖဲကြိုးဖြတ်ဖွင့်လှစ်ပေးခဲ့ပါတယ်။
(၁၆-၁၁-၂၀၂၂) ရက်နေ့၊ ည (၈:၀၀) နာရီမှ (၁၇-၁၁-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၇,၇၇၈) ခုအား စစ်ဆေး ပြီးစီးခဲ့ရာ COVID-19 ရောဂါ ဓာတ်ခွဲအတည်ပြုလူနာသစ် (၄၅) ဦး တွေ့ရှိရသဖြင့် ရောဂါပိုးတွေ့ရှိမှု ရာခိုင်နှုန်းမှာ (၀.၅၈) ရာခိုင်နှုန်း ရှိပါသည်။
မြန်မာနိုင်ငံမှ အရည်အသွေးမြင့် ရေထွက်ပစ္စည်းများ တရုတ်နိုင်ငံစျေးကွက်သို့ ဝင်ရောက်ရေး တိုးမြှင့်လိုကြောင်း မြန်မာနိုင်ငံဆိုင်ရာ တရုတ်သံရုံးစီးပွားရေးသံမှူး Mr.Tan Shufu က ပြောကြားသည်။ နိုဝင်ဘာ ၁၁ ရက်မှ ၁၃ ရက်အထိ တနင်္သာရီတိုင်း မြိတ်မြို့၌ ကျင်းပသည့် တရုတ်-မြန်မာ ရေထွက်ပစ္စည်း ပူးပေါင်းဆောင်ရွက်မှု ကူးလူးဖလှယ်ရေး ဆွေးနွေးပွဲတွင် ၎င်းက အထက်ပါအတိုင်း ထည့်သွင်းပြောကြားခဲ့ခြင်း ဖြစ်သည်။
ဂျပန်နိုင်ငံရှိ ကုမ္ပဏီများ၌အလုပ်လုပ်ကိုင်ရန် မြန် မာနိုင်ငံသားများအားခေါ်ယူမည့် အလုပ်ကမ်း လှမ်းစာ ၂၂၄ စောင် ရရှိထားသည်ဟု ဂျပန်နိုင်ငံဆိုင်ရာ မြန်မာသံရုံး၊ တိုကျိုမြို့မှ နိုဝင်ဘာ ၁၅ ရက်တွင် အသိပေးထုတ်ပြန်ခဲ့သည်။
အဆိုပါ အလုပ်ကမ်းလှမ်းစာ ၂၂၄ စောင်အား မြန်မာသံရုံး၊ တိုကျိုမြို့က နိုဝင်ဘာ ၁ ရက်မှ ၁၅ ရက်အတွင်း စီစစ်ပြီးနောက် ယင်းအလုပ်ကမ်း လှမ်းစာများနှင့်ပတ်သက်သည့် အချက်အလက်များအား နိုင်ငံခြားရေး ဝန်ကြီးဌာနသို့ ပေးပို့ပြန် ကြားခဲ့ခြင်းဖြစ်သည်။
နိုဝင်ဘာ ၁၄ ရက် ည ၈ နာရီမှ ၁၅ ရက် ည ၈ နာရီအထိ COVID-19 ဓာတ်ခွဲနမူနာ ၈၃၂၉ ခုအား စစ်ဆေးရာ အတည်ပြုလူနာသစ် ၉၄ ဦး တွေ့ရှိကြောင်း နိုဝင်ဘာ ၁၅ ရက် ညပိုင်း ကျန်းမာရေးဝန်ကြီးဌာန၏ သတင်းထုတ်ပြန်ချက်အရ သိရသည်။
အင်းစိန်ဗဟိုအကျဉ်းထောင် ပါဆယ်လက်ခံသည့်နေရာ ပေါက်ကွဲမှုဖြစ်ပွားပြီး ရှစ်ဦးသေဆုံးမှုဖြစ်စဉ်မှ ကျူးလွန်သူ နှစ်ဦးအား ဖမ်းဆီးရမိကြောင်း နိုဝင်ဘာ ၁၄ ရက်ညပိုင်း MRTV ည ၈ နာရီသတင်းတွင် ထုတ်ပြန်ကြေညာသည်။
မြန်မာ-ထိုင်းနယ်စပ်ကုန်သွယ်ရေးစခန်းတွေကနေ ကုန်သွယ်မှုတန်ဖိုးဟာ အခုဘဏ္ဍာနှစ် ခုနစ်လအတွင်း အမေရိကန်ဒေါ်လာ ၂ ဒဿမ ၆ ဘီလီယံကျော်ဖိုးရှိတယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ကသိရပါတယ်။ နယ်စပ်ကုန်သွယ်ရေးစခန်းတွေအလိုက် ကုန်သွယ်မှုတန်ဖိုးတွေကို ကြည့်မယ်ဆိုရင် မြဝတီနယ်စပ်ကုန်သွယ်ရေး စခန်းကနေ ကုန်သွယ်မှုတန်ဖိုးက ဒေါ်လာ ၁ ဒဿမ ၃ ဘီလီယံကျော်ရှိပြီး အများဆုံးဖြစ်ပါတယ်။
မြန်မာနိုင်ငံ မိုးလေဝသနှင့်ဇလဗေဒညွှန်ကြားမှုဦးစီးဌာနမှ နိုဝင်ဘာ ၁၄ ရက် နေ့လည် ၁ နာရီခွဲအချိန်က တိုင်းထွာရရှိချက်များအား မွန်းလွဲ ၂ နာရီက အသိပေးထုတ်ပြန်ခဲ့ခြင်းဖြစ်သည်။
နိုဝင်ဘာ ၁၆ ရက်မှ ၂၀ ရက်အတွင်း ကပ္ပလီပင် လယ်ပြင်နှင့်ဘင်္ဂလားပင်လယ်အော်တို့မှ လေနွေးများနှင့် တရုတ် ပြည်မကြီးပေါ်ရှိ လေဖိအားကြီးရပ်ဝန်းဒေသမှရွေ့လျားလာသည့် လေအေးများတွေ့ဆုံခြင်း၊ ကပ္ပလီပင်လယ်ပြင်နှင့် ဘင်္ဂလားပင် လယ်အော်အရှေ့တောင်ပိုင်းတို့တွင် လေထုမငြိမ်မသက်မှုများဖြစ်ပေါ်နေသည်ဟု မိုးဇလကအသိ ပေးခဲ့သည်။ ထို့ကြောင့် တနင်္သာရီတိုင်း၊ကရင်ပြည်နယ်နှင့်မွန် ပြည်နယ်တို့တွင် နေရာစိပ်စိပ်မိုးသည်းထန်စွာရွာ သွန်းနိုင်ကြောင်း မိုးဇလကခန့်မှန်းထားသည်။
ဗီယက်နမ်နိုင်ငံတွင် နိုဝင်ဘာ ၄ ရက်မှ ၁၁ ရက်အထိ ကျင်းပခဲ့သည့် (၃၀)ကြိမ်မြောက် အာဆီယံနိုင်ငံ တပ်မတော်(ကြည်း)သေနတ်ပစ်ပြိုင်ပွဲတွင် မြန်မာ့တပ်မတော်သေနတ်ပစ်အသင်းမှ ရွှေတံ ဆိပ် ၁၂ ခု၊ငွေတံဆိပ် ၁၂ ခု၊ ကြေးတံဆိပ် ၈ ခု (စုစုပေါင်း ဆုတံဆိပ် ၃၂ ခု)ဆွတ်ခူးရရှိခဲ့သည်။
မြန်မာနိုင်ငံမှထွက်ရှိသည့်ဆန်များအား ဘင်္ဂလားဒေ့ရှ်နိုင်ငံသို့ မြန်မာ-ဘင်္ဂလားဒေ့ရှ်နှစ်နိုင်ငံ ဆန်တန်ချိန် ၂ သိန်း တင်ပို့ရေး ဆန်ရောင်းဝယ်မှုဆိုင် ရာ G2G စာချုပ်အရ ပုသိမ်စက်မှုမြို့တော်ဆိပ် ကမ်းမှ ဆန်တန်ချိန် ၁ သိန်း တင်ပို့ရန်ဆောင်ရွက်ရှိကြောင်း သိရသည်။ ဆန်တန်ချိန် ၂ သိန်းအနက် တစ်ချို့တစ်ဝက်အား ရန်ကုန်ဆိပ်ကမ်းမှ လည်း တင်ပို့လျက်ရှိပြီး ပုသိမ်စက်မှု မြို့တော်ဆိပ်ကမ်းမှလည်း ဆန်တန်ချိန် ၃ သောင်းမှ ၁ သိန်း အထိ ဒေသတွင်းရှိ စပါးနှင့်ဆန်ပိုလျှံမှုပေါ် မူတည်၍ တင်ပို့ရန် ဆောင်ရွက်လျက်ရှိခြင်းဖြစ်သည်။
