တောင်ကိုရီးယားနိုင်ငံသို့ EPS စနစ်ဖြင့် မြန်မာလုပ်သား ၅၁ ဦးကို ဖေဖော်ဝါရီလ ၉ ရက်တွင် စေလွှတ်ခဲ့ကြောင်း ဆိုလ်းမြို့၊မြန်မာသံရုံးမှ ထုတ်ပြန်ထားသည်။
တောင်ကိုရီးယားနိုင်ငံတွင် အလုပ်လုပ်ကိုင်ရန် အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် Re-entry ကုန်ထုတ်လုပ်သား ၄၁ ဦး၊ Re-entry စိုက်ပျိုး၊မွေးမြူရေး လုပ်သားသစ် ၁၀ ဦး၊ စေလွှတ်ခဲ့ခြင်းဖြစ်သည်။
ရှမ်းပြည်နယ်(တောင်ပိုင်း)၊မိုးဗြဲမြို့နယ်နှင့်ဖယ်ခုံမြို့နယ်ကြားရှိ တာဝါတိုင် ၂ တိုင် ဖေဖော်ဝါရီ ၈ ရက်က ထပ်မံဖောက်ခွဲဖျက်ဆီးခံခဲ့ရ၍ ပြိုလဲပျက်စီးသွားခဲ့သည်ဟု လျှပ်စစ်စွမ်းအားဝန်ကြီး ဌာနမှ ထုတ်ပြန်ခဲ့သည်။
ဘီလူးချောင်းရေအားလျှပ်စစ်ဓာတ်အားပေး စက် ရုံများမှထွက်ရှိသည့် လျှပ်စစ်ဓာတ်အားကို နိုင်ငံ တော်ဓာတ်အားစနစ်သို့ ပို့လွှတ်ပေးလျက်ရှိသည့် ၁၃၂ ကေဗွီ ဘီလူးချောင်း(၂)-တီကျစ်ဓာတ်အားလိုင်း၏ တာဝါတိုင် ၂ တိုင်ထပ်မံဖောက်ခွဲဖျက် ဆီးခံခဲ့ရခြင်းသည်။
မြန်မာ-တရုတ်နယ်စပ် ကျယ်ဂေါင်-မန်ဝိန်းဂိတ်ကို ဇန်နဝါရီ ၁၄ ရက်က နှစ် နိုင်ငံစလုံး ဖွင့်လှစ်ခဲ့ကြောင်း နယ်စပ်ကုန်သည်များထံမှ သိရသည်။ တရုတ်-မြန်မာနယ်စပ် ရွှေလီနယ်စပ် ဂိတ် တရုတ်ဘက်က စတင်ဖွင့်လှစ်ထား ကြောင်း မြန်မာနိုင်ငံဆိုင်ရာ တရုတ်သံရုံးက ထုတ်ပြန်ခဲ့သည်။ ဇန်နဝါရီ ၈ ရက်မှစ၍ တရုတ်နိုင်ငံတွင် ကိုဗစ်-၁၉ ရောဂါကူးစက်မှုအတွက် “B အဆင့်ကူးစက်မှုရောဂါကို အဆင့် စီမံထိန်း ချုပ်မှု”အကောင်အထည်ဖော်ဆောင်ပြီး ပြည်ဝင်လာသူများနှင့်ကုန်ပစ္စည်းများ စသည် တို့အပေါ် ကူးစက်ရောဂါစစ်ဆေးရေး စီမံ ခန့် ခွဲ မှုအစီအမံများ မကျင့်သုံးတော့ ကြောင်း၊ ထိုနေ့တွင် ယူနန်ပြည်နယ် တရုတ် -မြန်မာ နယ်စပ်ရွှေလီနယ်စပ်ဂိတ်၊ တရုတ် -ဗီယက် နမ်နယ်စပ် ဟိုခိုနန်ရှီးမြစ်နယ်စပ်ဂိတ်၊ တရုတ်-လာအိုနယ်စပ် မိုဟန်နယ်စပ်ဂိတ် တို့ ၌ ဂိတ်ဖြတ်သန်းသွားလာရေး လုပ်ငန်း များ ပြန်လည်စတင်ခဲ့သည်ဟု ထုတ်ပြန်ချက် တွင် ဖော်ပြထားသည်။ ရွှေလီနယ်စပ်ဂိတ်တွင် ဂိတ်ဖြတ်သန်း သွားလာမှုများ ပြန်လည်စတင်ပြီးနောက် ပြည်ဝင်သူများသည် ကျန်းမာရေးကုတ် လျှောက်ထားရယူရန်မလိုတော့ဘဲ ၄၈ နာ ရီအတွင်း စစ်ဆေးထားသော COVID-19 ရောဂါမရှိကြောင်း စစ်ဆေးမှုအစီရင်ခံစာကို သာ လိုအပ်တော့ ကြောင်း၊ ပြည်ဝင်လာသည့် ကုန်တင်ကားများသည် ယာဉ်မောင်းနှင့် ယာဉ်၏အချက်အလက်ကို အကောက်ခွန် ဌာနထံ ကြိုတင်အကြောင်းကြားပြီး ပြည် ဝင်နိုင်ကြောင်း ထုတ်ပြန်ချက်တွင် ဖော်ပြ ထားသည်။ တရုတ်-မြန်မာ နယ်စပ်ဂိတ်လမ်း ကြောင်းများဖြစ်သည့် ရွှေလီနယ်စပ်ဂိတ် ကျယ်ဂေါင်နန်းတော်ဂိတ်၊ ကုန်ပစ္စည်းစခန်း၊ တရုတ်-မြန်မာစျေး စသည့် လမ်းကြောင်း သုံးခု၌ လူ၊ ကုန်ပစ္စည်းများ ဖြတ်သန်းသွား လာမှု ဇန်နဝါရီ ၈ ရက်မှစ၍ ပြန်လည်ဖွင့် လှစ်ခဲ့ကြောင်း သိရသည်။
၂၀၂၃-၂၀၂၄ ဘဏ္ဍာနှစ်အတွက် ကျပ် ၁၀၀၀ တန် အောင်ဘာလေသိန်းဆု ထီလက်မှတ်စာအုပ်များကို ဧပြီလတွင် စတင်ရောင်းချပေးမည်ဖြစ်ပြီး ဇန်နဝါရီ ၁၆ ရက်မှ ၂၇ ရက်အတွင်း သက်ဆိုင်ရာရုံးများသို့ လျှောက်လွှာများ တင်သွင်းနိုင်ကြောင်း ဇန်နဝါရီ ၁၁ ရက်တွင် ပြည်တွင်းအခွန်များဦးစီးဌာန အောင်ဘာလေသိန်းဆုဌာနခွဲက ထုတ်ပြန်သည်။ အဆိုပါထုတ်ပြန်ချက်တွင် ပြည်တွင်းအခွန်များဦးစီးဌာန၊ အောင်ဘာလေသိန်းဆုဌာနခွဲသည် ကျပ် ၁၀၀၀ တန် အောင်ဘာလေသိန်းဆု ထီလက်မှတ်စာအုပ်များကို ၂၀၂၃- ၂၀၂၄ ဘဏ္ဍာနှစ် (၂၀၂၃ ခုနှစ် ဧပြီလမှ ၂၀၂၄ ခုနှစ် မတ်အထိ) အတွက် ၂၀၂၃ ခုနှစ် ဧပြီလတွင် စတင်ရောင်းချမည်ဖြစ်ရာ ထီ စာအုပ် ဝယ်ယူရောင်းချလို သူများအနေဖြင့် ဖော်ပြပါအချက်များနှင့်အညီ ဆောင်ရွက်ကြရမည်ဖြစ်ကြောင်း ပါရှိသည်။
Myanmar Travel Fair 2023 တွင် မြန်မာအမျိုးသားလေကြောင်းလိုင်းက ပြည်တွင်း ပြည်ပလေယာဉ် လက်မှတ်များအား ၁၅ရာခိုင်နှုန်းလျှော့စျေးဖြင့် ရောင်းချမည်ဖြစ်ကြောင်း သိရသည်။ ၂၀၂၃ခုနှစ်ဇန်နဝါရီလ ၂၇ ရက်မှ ၂၉ ရက်အထိ ဝန်ကြီးများရုံးတွင် ကျင်းပမည့် Myanmar Travel Fair 2023 တွင် မြန်မာအမျိုးသား လေကြောင်းလိုင်း က Main Sponsor အဖြစ် ပါဝင်ထားပြီး Travel Fair အတွင်း ပြည်တွင်းပြည်ပ လေယာဉ် လက်မှတ်များအား ၁၅ ရာခိုင်နှုန်းအထိ လျှော့စျေးဖြင့် ရောင်းချပေးသွားမည့်အပြင် လက်ဆောင်ပစ္စည်းများပါ ပေးအပ်သွားမည်ဖြစ်ကြောင်း သိရသည်။
ဘုံသဘောတူညီချက်ငါးရပ်ကို လျင်မြန်စွာနှင့် အပြည့်အဝအကောင်အထည်ဖော်ရန် အာဆီယံက မြန်မာတပ်မတော် ကို ဆက်လက်တောင်းဆိုခဲ့ကြောင်း စင်ကာပူနိုင်ငံခြားရေးဝန်ကြီး ဒေါက်တာဗီဗီယန်ဘာလာခရစ်ရှ်နန်က ပြောကြားခဲ့သည်။ မြန်မာတပ်မတော်အနေဖြင့် အာဆီယံနှင့် ပူးပေါင်းဆောင်ရွက်ရန်နှင့် လာမည့်အာဆီယံဥက္ကဋ္ဌ၏ အထူးသံတမန်ကို မြန်မာနိုင်ငံရှိ သက်ဆိုင်ရာအဖွဲ့အစည်းများအားလုံးနှင့် တွေ့ဆုံခွင့်ပေးရေးအပါအဝင် ၎င်းနှင့် ပူးပေါင်းဆောင်ရွက်ရန်လည်း တောင်းဆိုခဲ့သည်ဟု စင်ကာပူနိုင်ငံခြားရေးဝန်ကြီးက ပြောကြားခဲ့သည်။ မြန်မာနိုင်င ံရှိ နိုင်ငံရေးအနေအထားများနှင့်ပတ်သက်၍ ချဉ်းကပ်မှုအပေါ် အာဆီယံအဖွဲ့ဝင်နိုင်ငံများအကြား သဘောမတူညီမှု များ မည်သည့်အတိုင်းအတာအထိရှိသည်ကို မေးမြန်းသည့် ပါလီမန်မေးခွန်းတစ်ရပ်အား စာရေး၍အကြောင်း ပြန်ကြားရာ တွင် ဘာလာခရစ်ရှ်န်က ယခုကဲ့သို့ထည့်သွင်းပြောကြားခဲ့ခြင်းဖြစ်သည်။ စင်ကာပူနိုင်ငံခြားရေး ဝန်ကြီး၏ ပြောကြားချက်အရ ၂၀၂၁ ခုနှစ် ဖေဖော်ဝါရီ ၁ ရက် တပ်မတော်က အာဏာထိန်းသိမ်းခဲ့ပြီးနောက်ပိုင်း မြန်မာနိုင်ငံ၏အခြေအနေများကို အာဆီယံက တင်းတင်းကျပ်ကျပ်နှင့် အဆက်မပြတ်ချဉ်းကပ်လျက်ရှိကြောင်း သိရသည်။
မြန်မာ့မီးရထားက ရန်ကုန်-မန္တလေး ရထားခရီးစဉ်အား တစ်ရက်လျှင် ရထားနှစ်စင်းဖြင့် ပြေးဆွဲနေပြီး အခြား ခရီးစဉ်များတွင် ခရီးသည်စီးနင်းမှု များပြားလာသည်နှင့်အမျှ ရထားတွဲဆိုင်းများ ပိုမိုချိတ်ဆက်ခြင်းနှင့် ရထားစင်း ရေတိုးမြှင့်ပြေးဆွဲခြင်းများ ပြုလုပ်သွားမည်ဖြစ်ကြောင်း သိရသည်။ မြန်မာ့မီးရထားက နယ်ဝေးရထားခရီးစဉ်များ အဖြစ် ရန်ကုန်-မန္တလေးလမ်းပိုင်း၌ အမြန်ရထားလေးစင်း၊ စာပို့ရထားနှစ်စင်း၊ ရန်ကုန်-ပြည်လမ်းပိုင်းတွင် အမြန်ရထား နှစ်စင်း၊ စာပို့ရထား နှစ်စင်း၊ ရန်ကုန်-မော်လ မြိုင်ညရထားအပါအဝင် လမ်းပိုင်းအသီးသီးတွင် လူစီးနှင့် ကုန်တင်ရထားများပြေးဆွဲပေးလျက်ရှိကြောင်း သိရသည်။
