ရေချိုးခန်းနဲ့ မီးဖိုချောင်ဆိုင်ရာ တီထွင်ဖန်တီးမှုတွေ လုပ်ခဲ့တဲ့ ဂျပန်နည်းပညာကုမ္ပဏီ Science Co. Ltd က လူသားတွေကို အလိုအလျောက် ရေချိုးပေးမယ့် ရေချိုးစက် တီထွင်နေပါတယ်။ Project Usoyaro လို့ အမည်ပေးထားတဲ့ စီမံကိန်းအရ ၂၀၂၄ ခုနှစ်မှာ လက်တွေ့အသုံးပြုနိုင်တဲ့ ရေချိုးစက် ဖန်တီးပြီး ၂၀၂၅ ခုနှစ် အိုဆာကာကုန်စည်ပြပွဲမှာ ခင်းကျင်းပြသသွားဖို့ မျှော်မှန်းထားပါတယ်။
တိုယိုတာသည် BYD Co ဘက္ထရီများဖြင့် မောင်းနှင်မည့် လျှပ်စစ်ကားအသေးစားကို တရုတ်နိုင်ငံတွင် ထုတ်လုပ်ရောင်းချမည်ဖြစ်ကြောင်း တနင်္လာနေ့က ကြေငြာခဲ့သည်။
ယခုထုတ်လုပ်မည့်ယာဉ်အား တိုယိုတာ bZ3 ဟုခေါ်မည်ဖြစ်ကြောင်း ဂျပန်ကားထုတ်လုပ်ရေးကပြောကြားခဲ့ပြီး အရောင်းပြခန်းများ၌ မည်သည့်အချိန်တွင် ရောင်းချမည်ကို ပြောကြားခြင်းမရှိခဲ့ပေ။
ယခုထုတ်လုပ်မှုကို တိုယိုတာက ပြုလုပ်ပြီး ဘက္ထရီလျှပ်စစ်ကားများဖြစ်သည့် Beyond Zero (bZ) စီးရီးသစ်မှ ဒုတိယမော်ဒယ်အမျိုးအစားဖြစ်ကြောင်းသိရှိရသည်။
ဂိမ်း ကစားလို့ကောင်းအောင် ဖန်တီးထားတဲ့ Gaming စမတ်ဖုန်းတွေအပြင် အခုဆိုရင် Gaming TV တွေပါ ထွက်ပေါ်လာပါပြီ။ Xiaomi က Redmi Gaming TV X Pro ကို ကြေညာလိုက်ပြီး ၆၅ လက်မနဲ့ ၇၅ လက်မ ၂ မျိုး ထုတ်လုပ်ထားပါတယ်။ ဈေးနှုန်းက ၄၁၄ ဒေါ်လာနဲ့ ၅၉၅ ဒေါ်လာ အသီးသီး ရှိပါတယ်။
NASA Institute for Advanced Concepts (NIAC) က အာကာသယာဉ် နည်းပညာ အသစ် ၂ ခုကို ဖန်တီးနေပါတယ်။ Ion Drives အသစ်ဟာ စွမ်းဆောင်ရည် အပိုင်းမှာ ၁၀ ဆ ပိုကောင်းပြီး စွမ်းအင်ဟာ အဆ ၁ ထောင် ပိုမြင့်မားပါတယ်။ အဲဒီအတွက် NASA ရဲ့ အနာဂတ် အာကာသယာဉ်ဟာ ၁ နာရီ မိုင် ၁ သန်း အမြန်နှုန်းနဲ့ အာကာသမှာ ခရီးသွားနိုင်မှာပါ။
4G ၊ 5G နည်းပညာဆိုင်ရာ တီထွင်မှုမူပိုင်ခွင့်တွေ ချိုးဖောက်မှုနဲ့ပတ်သက်ပြီး ဂျာမနီဒေသဆိုင်ရာ တရားရုံးမှာ အနိုင်ရခဲ့ပြီးနောက် ဖင်လန်နည်းပညာကုမ္ပဏီ Nokia က တရုတ်စီးပွားရေးလုပ်ငန်းစု BBK electronics နဲ့ လက်အောက်ခံ စမတ်ဖုန်းထုတ်လုပ်ရေးကုမ္ပဏီတွေဖြစ်တဲ့ Oppo ၊ OnePlus တို့ကို တခြားဈေးကွက်တွေမှာပါ တရားစွဲဆိုဖို့ ပြင်ဆင်နေပါပြီ။
SenseRobot ဟု အမည်ပေးထားသည့် AI စက်ရုပ်အသစ်တစ်ခုနှင့် လူသားစစ်တုရင်ဆရာများ ပထမဆုံး ယှဉ်ပြိုင်ပွဲကို ပြီးခဲ့သည့် ရက်သတ္တပတ်အတွင်းက ရှန်ဟိုင်းတွင် ကျင်းပခဲ့ရာ စက်ရုပ်က လူသား စစ်တုရင်ဆရာ အတော်များများကို အနိုင်ယူသွားခဲ့သည်။
ယင်းစက်ရုပ်အသစ်သည် ယခင်က နာမည်ကျော်ခဲ့သော AlaphGo နှင့်မတူပဲ၊ ပိုမိုကောင်းမွန်အောင် ပြုလုပ်ထားသည့်အပြင် စက်ရုပ်၏ ရွှေ့ကွက်များကိုလည်း လူသားမှတစ်ဆင့် ရွှေ့ပေးစရာမလိုပဲ သူကိုယ်တိုင်ပင် ရွှေ့ကာ ယှဉ်ပြိုင်နိုင်သော စက်ရုပ်ဖြစ်သည်။
ဂျပန် စက်မှုလုပ်ငန်းစုကြီးတွေဖြစ်တဲ့ ဆိုနီနဲ့ ဟွန်ဒါကုမ္ပဏီတို့ဟာ နည်းပညာမြင့် လျှပ်စစ်ကားတွေ ထုတ်လုပ်ဖို့အတွက် ပူးပေါင်းလိုက်ကြပြီး ဒီလျှပ်စစ်ကားတွေကို ၂၀၂၆ ခုနှစ်မှာ ဈေးကွက်မှာ ရောင်းချဖို့ ရည်မှန်းနေပါတယ်။
အမေရိကန် ပြည်ထောင်စု Pennsylvania State University မှ သိပ္ပံပညာရှင်တွေက လျှပ်စစ်ကားတွေကို ၁၀ မိနစ်အတွင်း အားအပြည့်သွင်းပေးနိုင်တဲ့ ဘက်ထရီ နည်းပညာအသစ်ကို ကြေညာလိုက်ပါတယ်။ အဲဒီ လစ်သီယမ် အိုင်းယွန်း ဘက်ထရီ ဒီဇိုင်းဟာ အားသွင်းချိန်ကို သက်သာစေသလို ခရီးပိုမိုသွားနိုင်ဖို့ လျှပ်စစ် စွမ်းအင်ကို ပိုမို သိုလှောင်ထားနိုင်တယ်လို့ ပညာရှင်တွေက ပြောပါတယ်။
တရုတ် လျှစ်စစ်ကား ကုမ္ပဏီ Xpeng က တည်ဆောက်ထားတဲ့ ကားပျံကို ဒူဘိုင်းမှာ ပထမဆုံး အကြိမ် စမ်းသပ် ပျံသန်းခဲ့ပါတယ်။ ကုမ္ပဏီဟာ နိုင်ငံတကာ ဈေးကွက်မှာ အဲဒီ လျှပ်စစ်ကားပျံကို ရောင်းချဖို့ ကြိုးစားနေပါတယ်။
Caviar က iPhone 14 Pro မော်ဒယ်တွေရဲ့ Grand Complications Series ကို ကြေညာလိုက်ပါတယ်။ Cosmograph Daytona Rolex နာရီကို iPhone 14 Pro Max ရဲ့ အနောက်ဘက်မှာ ထည့်သွင်းထားပါတယ်။ Limited Edition iPhone 14 Pro Max ဖြစ်ပြီး တန်ဖိုးကြီး ဖုန်း ဈေးကွက်နဲ့ ပရော်ဖက်ရှင်နယ် ပြိုင်ကား မောင်းသူတွေအတွက် ရည်ရွယ် ထုတ်လုပ်ထားပါတယ်။
