ယူကရိန်းကို စစ်ရေးအရ ဝင်ရောက် တိုက်ခိုက်ခဲ့သည့် ဖေဖော်ဝါရီ ၂၄ ရက်က တည်းက ယူကရိန်းတွင် ရုရှားစစ်သား ၅၉၃၇ ဦးသေဆုံးခဲ့သည်ဟု ရုရှားကာကွယ်ရေးဝန် ကြီး ဆာဂေးရွှိုက်ဂူက စက်တင်ဘာ ၂၁ ရက် တွင် ပြောကြားခဲ့ပြီး ယင်းသည် ရုရှားစစ်တပ် ၏ ဆုံးရှုံးမှုများနှင့်ပတ်သက်ပြီး ကြုံတောင့် ကြုံခဲ ဝန်ခံမှုတစ်ခုဖြစ်ခဲ့သည်။
မကြာခင်က ရုရှား က စွန့်လွှတ်သွားခဲ့တဲ့ နယ်မြေတွေထဲဆီ မိမိတို့တပ်ဖွဲ့တွေက အရှေ့ဘက်ကို ထပ်မံချီတက်သွားခဲ့တယ်လို့ ယူကရိန်းက ပြောကြားပြီး ရုရှား ထိန်းချုပ် ဒွန်ဘတ်စ် ဒေသကို တိုက်ခိုက်နိုင်ဖို့ လက်တစ်ကမ်း နေရာကို ရောက်ရှိသွားခဲ့ချိန်မှာပဲ ယူကရိန်း ရဲ့ ထိုးစစ်အောင်မြင်မှု အပေါ် မော်စကို ထောက်ခံတဲ့ ဒွန်ဘတ်စ် အစိုးရရဲ့ စိုးရိမ်မကင်းဖြစ်မှုကို ပြသနေတဲ့ လက္ခဏာ အဖြစ် ရုရှားနိုင်ငံရဲ့ တစိတ်တပိုင်းဖြစ်လာစေရေး သူတို့ ဒေသမှာ လူထုဆန္ဒခံယူပွဲ အဆောတလျင် ကျင်းပရေး ဒွန်ဘတ်စ် အစိုးရ ခေါင်းဆောင် က တောင်းဆိုလိုက်ပါတယ်။
ဖင်လန်နဲ့ ဆွီဒင် ခေါင်းဆောင်တွေကို စက်တင်ဘာ ၁၉ ရက်မှာ အမေရိကန်နိုင်ငံ နယူးယောက်မြို့မှာရှိတဲ့ အတ္တလန္တစ်ကောင်စီက ကမ္ဘာ့နိုင်ငံသားဆုကို ပေးအပ်ချီးမြှင့်လိုက်ပါတယ်။
ဆုပေးပွဲ အခမ်းအနားကို လူကိုယ်တိုင် မတက်ရောက်နိုင်ပေမယ့် ဗီဒီယိုမက်ဆေ့ချ်ပေးပို့ခဲ့တဲ့ ဖင်လန်သမ္မတ ဆောင်းလေ နီးနစ္စတာက “ကမ္ဘာကြီးက ပိုပိုပြီးမလုံခြုံသလို ကွဲကွဲပြားပြား ကြီးထွားလာတာနဲ့အမျှ ကျနော်တို့တွေ ပိုပြီးတော့ နီးနီးကပ်ကပ် ရှိနေဖို့က အရေးကြီးပါတယ်။ အတူတကွ လုပ်ဆောင်ဖို့ အရေးကြီးတယ်”လို့ သူက ပြောပါတယ်။
ထိုင်ဝမ်ကျွန်း၌ ယမန်နေ့က လူတစ်ဦးသေဆုံးပြီး လူ ၁၅၀ ခန့်ဒဏ်ရာရခဲ့သည့် ထိတ်လန့်ဖွယ် ငလျင် လှုပ်ခတ်ပြီးနောက် စက်တင်ဘာ ၁၉ ရက် တွင် ၅ ဒသမ ၅ မဂ္ဂနီကျု့အဆင့်အပါအဝင် နောက်ဆက်တွဲငလျင်များ ထပ်မံလှုပ်ခတ်ခဲ့ပြီး မြို့တော်တိုင်ပေ၌ပါခံစားခဲ့ရသည်။
အမေရိကန်သမ္မတ ဂျိုးဘိုင်ဒင်က တရုတ်က ထိုင်ဝမ်ကိုကျူးကျော်လာလျှင်ထိုင်ဝမ်ကိုအမေရိကန်တပ်ဖွဲ့များက ခုခံကာကွယ်ပေးမည်ဖြစ်ကြောင်းပြောကြားခဲ့ပြီး ယခုအချိန်အထိ အဆိုပါကိစ္စနှင့်ပတ်သက်၍ အရှင်းလင်းဆုံး ပြောကြားလိုက်သည့်ယခုထုတ်ပြန်ချက်သည် ပေကျင်းကိုဒေါသထွက်စေမည့်အရာတစ်ခုလည်းဖြစ်သည်။
စက်တင်ဘာ ၁၈ ရက် တနင်္ဂနွေနေ့ကထုတ်လွှင့်သည့် CBS နှင့်အင်တာဗျူးတစ်ခု၌ အမေရိကအနေဖြင့် တရုတ်က၎င်း၏ပိုင်နက်ဟု ယူဆထားသောကိုယ်ပိုင်အုပ်ချုပ်ခွင့်ရထိုင်ဝမ်ကျွန်းအား မကြုံဖူးသည့်တိုက်ခိုက်မှုမျိုး တစ်ခုခုလုပ်ပါက အမေရိကန်တပ်များကကာကွယ် ပေးမည်ဟု ကန်သမ္မတကပြောကြားခဲ့သည်။
အလွန်ပြင်းထန်သော စူပါတိုင်ဖွန်းမုန်တိုင်း နန်မာဒိုလ်(Nanmadol) သည် ဂျပန်နိုင်ငံ အနောက်မြောက်ပိုင်း ကျူးရှူးကျွန်းကို တနင်္ဂနွေနေ့ ညကတည်းက ဝင်ရောက်တိုက်ခတ်လျှက်ရှိသဖြင့် မုန်တိုင်းတိုက်ခတ်မှုနှင့် မိုးသည်းထန်စွာ ရွာသွန်းမှုတို့အား ရှောင်ရှားကြရန်အတွက် သန်းနှင့်ချီသော ဒေသခံပြည်သူများအနေဖြင့် မိမိတိုနေအိမ်များကို စွန့်ခွာ၍ ဘေးလွတ်ရာတွင် နေထိုင်ကြရန် ဒေသတာဝန်ရှိသူတို့က တိုက်တွန်းထားသည်။
ယင်းမုန်တိုင်းသည် ဂျပန်စံတော်ချိန် တနင်္ဂနွေနေ့ည ၇ နာရီခန့်က စတင်၍ ကုန်းတွင်းပိုင်းသို့ ဝင်ရောက်တိုက်ခတ်နေခြင်းဖြစ်ကြောင်း၊ ဂျပန်မိုးလေဝသဌာနက ကြေညာထားသည်။
တရုတ်(တိုင်ပေ)အရှေ့တောင်ပိုင်းက လူနေကျဲပါးတဲ့နေရာမှာ စက်တင်ဘာ(၁၈)ရက်က ပြင်းအားမဂ္ဂနီကျု ၆ဒသမ၈အဆင့်ရှိတဲ့ ငလျင်တစ်ခု လှုပ်ခတ်သွားတယ်လို့ တရုတ်(တိုင်ပေ) မိုးလေဝသဗျူရိုရဲ့ ပြောကြားချက်ကို ကိုးကားပြီး CNA သတင်းမှာ ဖော်ပြထားပါတယ်။
အဲဒီငလျင်ကြောင့် ရထားတွဲတချို့လမ်းချော်ပြီး စတိုးဆိုင်တစ်ဆိုင်ပြိုကျကာ တောင်တစ်လုံးပေါ်မှာလည်း လူတွေပိတ်မိနေတယ်လို့ ဆိုပါတယ်။
ငလျင်ရဲ့ ဗဟိုချက်က တိုင်တောင်ခရိုင်မှာရှိပြီး စနေနေ့ညနေက အဲ့ဒီဒေသမှာပဲလှုပ်ခတ်ခဲ့တဲ့ ပြင်းအားမဂ္ဂနီကျု ၆ဒသမ၄အဆင့်ရှိတဲ့ ငလျင်ရဲ့ နောက်ဆက်တွဲငလျင်အဖြစ် လှုပ်ခတ်ခဲ့တာဖြစ်သလို လူအသေအပျောက်မရှိခဲ့ဘူးလို့ မိုးလေဝသဗျူရိုက ပြောပါတယ်။
ပါကစ္စတန်ဆိုင်ရာ ကုလကိုယ္စားလွယ္က ပါကစ္စတန်ရေးဘေးကယ်ဆယ်ရေးအတွက် ကုလအဖွဲ့ဝင်နိုင်ငံတွေက အမေရိကန်ဒေါ်လာ သန်း ၁၅၀ ထည့်ဝင်လှူဒါန်းဖို့ ကတိပြုထားကြတယ်လို့ ဗုဒ္ဓဟူးနေ့က ပြောပါတယ်။ အဲဒီကတိကဝတ်တွေကို နိုင်ငံတကာအန်ဂျီအို၊ ပြည်တွင်းအန်ဂျီအိုနဲ့ ကုလအေဂျင်စီတွေရဲ့ တရားဝင် သဘောတူညီချက်အဖြစ် အကောင်အထည်ဖော်ပြီး ပြည်သူတွေအတွက် အကူအညီပေးရေး ပစ္စည်းတွေအဖြစ် အမြန်ပေးအပ်နိုင်ဖို ဆောင်ရွက်ရမယ်လို့လည်း သူကပြောပါတယ်။
ရက်အတန်ကြာတိုက်ပွဲဖြစ်ပွားခဲ့တဲ့ အာမေးနီးယားနဲ့ အဇာဘိုင်ဂျန်နယ်စပ်ဒေသမှာ အပစ်အခတ် ရပ်စဲရေး သဘောတူညီမှုရရှိခဲ့ပြီလို့ သိရပါတယ်။
နယ်မြေပိုင်ဆိုင်မှုနဲ့ပတ်သက်ပြီး အငြင်းပွားနေတဲ့ နှစ်နိုင်ငံနယ်စပ်မှာ တနင်္လာညကစပြီး တိုက်ပွဲပြင်းထန်ခဲ့သလို အာမေးနီးယားတပ်ဖွဲဝင် ၁၀၀ ကျော် သေဆုံးခဲ့တယ်လို အာမေးနီးယားဝန်ကြီးချုပ် နီကိုးပါရှင်ယန် က ဆိုပါတယ်။
ဆမားကန္ဒ္၊စက္တင္ဘာ ၁၅
ယူကရိန္းစစ္ပြဲေနာက္ပိုင္း ပထမဆုံးအႀကိမ္အျဖစ္ ရွီႏွင့္ပူတင္တို ၾကာသပေတးေန႔တြင္ေတြ႕ဆုံၾကသည္။ ေခါင္းေဆာင္ႏွစ္ဦးသည္ ဥဇဘက္ကစၥတန္နိုင္ငံ ေရွးေဟာင္း ပိုးလမ္းမ ၿမိဳေတာ္ Samarkand ၌ ရွန္ဟိုင္း ပူးေပါင္းေဆာင္ရြက္ေရး အဖြဲ႕ (SCO) အစည္းအေဝး တက္ေရာက္ရန္ ေရာက္ရွိ ေနၾကျခင္းျဖစ္သည္။
ယူကရိန္းႏွင့္ စစ္ပြဲေၾကာင့္ ပူတင္ႏွင့္ အေနာက္နိုင္ငံမ်ား၏ ဆက္ဆံေရးပ်က္သြားခဲ့သလိုတိုင္ေပကိစၥေၾကာင့္ အေမရိကန္၊ဥေရာပ မဟာမိတ္မ်ားႏွင့္ ရွီကလည္းထိပ္တိုက္ေတြ႕ ေနသည္။
