ရုရှားနိုင်ငံကို ပိတ်ဆို့အရေးယူမှုများဖြင့် သီးသန့်ခွဲထုတ်ရန် အချည်းနှီးပြင်းထန်စွာကြိုးပမ်းနေမှုမှာ ကမ္ဘာ့စီပွားရေးကို ပျက်ပြားစေလျှက်ရှိသဖြင့် အနောက်နိုင်ငံများကျရှုံးနေသည့်အားလျော်စွာ အာရှနိုင်ငံများ၏ အနာဂတ်ကို မြင့်မားလာစေနေကြောင်း ရုရှားသမ္မတ ဗလာဒီမာပူတင်က ယနေ့ပြောကြားလိုက်သည်။

ထိုသို့ပိတ်ဆို့အရေးယူမှုများသည် စီးပွါးရေးစစ်ပွဲကြေညာသကဲ့သို့ပင်ဖြစ်ကြောင်းလည်း ပူတင်ကပြောသည်။

ရုရှားနိုင်ငံ ဗလာဒီဗော့စတော့မြို့တွင် ယနေ့ကျင်းပသော အရှေ့ဖျားစီးပွားရေးဖိုရမ်၌ သမ္မတပူတင်က အဖွင့်မိန့်ခွန်းပြောကြားရာတွင် ထိုသို့ထည့်သွင်းပြောကြားခဲ့ခြင်းဖြစ်သည်။  
သတင္းအျပည့္အစံုကိုၾကည့္ရႈရန္

အဓိကဓာတ်ငွေ့ပိုက်လိုင်းကို ပိတ်ရန် ရုရှား၏လုပ်ဆောင်မှုကြောင့် ဖြစ်ပေါ်လာသည့် နက်ရှိုင်းသော အကျပ်အတည်းတစ်ခုအတွင်း ဥရောပသည် စွမ်းအင်ပံ့ပိုးမှုများ ရရှိစေရန် အပြင်းအထန်ကြိုးပမ်းနေရသည့် အနေအထား၌ ဖင်လင်နှင့် ဆွစ်ဇာလန်တို့က စက်တင်ဘာ ၆ ရက်တွင် ဓာတ်အားကုမ္ပဏီများထံ ဘဏ္ဍာရေး အထောက်အပံ့ ဘီလျံချီပံ့ပိုးခဲ့သည်။  
သတင္းအျပည့္အစံုကိုၾကည့္ရႈရန္

တရုတ်နိုင်ငံ အနောက်တောင်ပိုင်းမှာ စက်တင်ဘာ(၅)ရက်က ပြင်းအား (၆.၈) အဆင့်ရှိတဲ့ အင်အားပြင်း ငလျင်  လှုပ်ခတ်ခဲ့တဲ့အတွက် အနည်းဆုံး လူ (၄၆) ယောက်သေဆုံးပြီး (၁၆) ယောက် ပျောက်ဆုံးနေပါတယ်။ ငလျင်ဟာ ဒေသစံတော်ချိန် နေ့လယ် (၁)နာရီလောက်မှာ  စီချွမ်ပြည်နယ်ကို ဗဟိုချက်ထားပြီး အောက်အနက် (၁၀) ကီလိုမီတာကနေ လှုပ်ခတ်ခဲ့တာပါ။  
သတင္းအျပည့္အစံုကိုၾကည့္ရႈရန္

ဂျပန်နိုင်ငံ အနောက်တောင်ပိုင်း ဖုခုအိုခါ့မြို့မှာ စက်တင်ဘာ ၆ ရက် အစောပိုင်းက ဝင်ရောက်တိုက်ခတ်ခဲ့တဲ့ တိုင်ဖွန်းမုန်တိုင်း ဟင်နမ်နော်ကြောင့် လေယာဉ်ခရီးစဉ်ပေါင်း ၁၀၀ ကျော် ဖျက်သိမ်းခဲ့ပြီး ရထားဝန်ဆောင်မှုတွေကို ရပ်ဆိုင်းထားရပါတယ်။

ဒေသစံတော်ချိန် မနက် ၅ နာရီအထိ အနည်းဆုံး လေယာဉ်ခရီးစဉ် ၁၂၄ ခုကို ဖျက်သိမ်းခဲ့ရတာပါ။ ဟာခါ့တာ့နဲ့ ခုမာ့မိုတို ဘူတာတွေကြားမှာ ပြေးဆွဲနေတဲ့ ကျည်ဆန်ရထားလိုင်းတွေကို ရပ်ဆိုင်းထားတယ်လို့ အများပိုင်ရုပ်သံလိုင်း NHK က ပြောပါတယ်။  
သတင္းအျပည့္အစံုကိုၾကည့္ရႈရန္

ထိုင်ဝမ်-တရုတ်အကျပ်အတည်းတွင် ဖိလစ်ပိုင်အနေဖြင့် ထိုင်ဝမ်အကျပ်အတည်းကယခုထက်ပိုမိုဆိုးရွားလာသည် ရှိသော် အမေရိကန်တပ်ဖွဲ့များအား ၎င်း၏စစ်အခြေစိုက်စခန်းများကို အသုံးပြုခွင့်ပေးမည်ဟုပြောကြားထားသည်။  
သတင္းအျပည့္အစံုကိုၾကည့္ရႈရန္

ဂျာမနီအစိုးရက စွမ်းအင်စျေး မြင့်မားမှုနဲ့ ငွေကြေးဖောင်းပွမှု လျော့ပါးသက်သာစေဖို့ ယူရို ၆၅ ဘီလီယံ ရင်းနှီး မြှုပ်နှံမယ့် အစီအစဉ်တစ်ရပ်ကို ကြေညာလိုက်ပါတယ်။ ဂျာမနီဟာ ခက်ခဲတဲ့ ကာလမှာ အတူတကွ ရပ်တည် သွားကြမှာဖြစ်တယ်လို့လည်း ဝန်ကြီးချုပ် အိုလက်ဖ်ရှိုးလ်က တနင်္ဂနွေနေ့မှာ အခုအစီအမံကြေညာရင်း ပြောဆို သွားခဲ့ပါတယ်။  
သတင္းအျပည့္အစံုကိုၾကည့္ရႈရန္

ဂျပန်နိုင်ငံသည် တရုတ်နှင့် ရုရှားတို့၏ ခြိမ်းခြောက်မှုများကို ရင်ဆိုင်နိုင်ရန် ရည်ရွယ်သည့် စစ်ရေးတိုးချဲ့မှု တစ်စိတ်တစ်ပိုင်းအနေဖြင့် ခရုဇ်ဒုံးကျည်များနှင့် မြန်နှုန်းမြင့် ပဲ့ထိန်းစနစ် ဒုံးကျည်များကို  အမြောက်အမြား ထုတ်လုပ်သွားမည်ဟု ဩဂုတ်လ ၃၁ ရက် ဗုဒ္ဓဟူးနေ့တွင် ပြောကြားခဲ့သည်။

အဆိုပါ ဒုံးကျည် ဝယ်ယူထုတ်လုပ်ရေး အစီအစဉ်ကို ကာကွယ်ရေး ဝန်ကြီးဌာန၏ နှစ်စဉ်ဘတ်ဂျက်တောင်းခံမှုတွင် ထုတ်ဖော်ပြသခဲ့ခြင်း ဖြစ်သည်။  
သတင္းအျပည့္အစံုကိုၾကည့္ရႈရန္

ထိုင်းနိုင်ငံထဲကို ဝင်ရောက်လာမယ့် နိုင်ငံခြားသားတွေဆီကနေ တယောက်ကို ဘတ် ၃၀၀ နှုန်းကောက်ခံသွားဖို့ စီစဉ်နေတယ်လို့ မန်နေဂျာအွန်လိုင်း ထိုင်းသတင်းမှာ ဖော်ပြပါတယ်။နိုင်ငံတကာလေကြောင်းလိုင်းကနေ ဝင်ရောက်လာမယ့် နိုင်ငံခြားသားတွေဆီကနေ တယောက်ကို ဘတ် ၃၀၀ နှုန်းကောက်ခံဖို့ အတည်ပြုလိုက်ပြီဖြစ်ကာ လာမယ့် ၂၀၂၃ ခုနှစ် နှစ်ဦးပိုင်းမှာ စတင်အကောင်အထည် ဖော်နိုင်မယ်လို့ ထိုင်းနိုင်ငံခရီးသွားလုပ်ငန်းနဲ့ အားကစားဝန်ကြီး နိုင်းဖိဖတ် ရတ်ချ်ကစ်ပရကန်က  ဩဂုတ် ၂၉ မှာ  သတင်းထောက်တွေကို ပြောလိုက်ပါတယ်။  
သတင္းအျပည့္အစံုကိုၾကည့္ရႈရန္

တချိန်က ဆိုဗီယက် ယူနီယံခေါင်းဆောင် Mikhail Gorbachev ကွယ်လွန်ကြောင်း ရုရှားသတင်းမီဒီယာတွေက ဖော်ပြလိုက်ကြပါတယ်။အသက် ၉၁ နှစ်အရွယ် ရုရှားခေါင်းဆောင်ဟောင်းဟာ နာတာရှည် ရောဂါဝေဒနာ ခံစားခဲ့ရပြီးနောက် ကွယ်လွန်သွားကြောင်း ဆေးရုံတာဝန်ရှိသူတွေကို ကိုးကားပြီး ဖော်ပြခဲ့ကြတာပါ။ Gorbachev ရဲ့ ရုံးကတော့ Central Clinical Hospital မှာ ဆေးကုသမှု ခံယူနေကြောင်း အစောပိုင်းမှာ သတင်းထုတ်ပြန်ထားပါတယ်။

ယူကရိန်းစစ်ပွဲအတွင်း မော်စကိုနှင့် ပေကျင်းကြား အလွန်ရင်းနှီးသော ကာကွယ်ရေးဆိုင်ရာ ဆက်ဆံရေး ရှိနေသည်ကို ပြသရန်အတွက် ရုရှားနိုင်ငံသည် တရုတ်နိုင်ငံမှ စစ်တပ် တပ်ဖွဲ့ဝင်များနှင့်အတူ စစ်ရေးလေ့ကျင့်မှုများ စတင်ဆောင်ရွက်သွားမည်ဖြစ်ကြောင်း ရုရှားက ပြောကြားခဲ့သည်။ရုရှားဦးဆောင်သော ဗားစတခ် ၂၀၂၂ အမည်ရ အဆိုပါ ပူးတွဲစစ်ရေးလေ့ကျင့်မှုကို ရုရှားနိုင်ငံအရှေ့ဖျားနှင့် ဂျပန်ပင်လယ်ရှိ နေရာအသီးသီးတွင် စက်တင်ဘာလ ၁ ရက်မှ ၇ရက်အထိ ပြုလုပ်ကျင်းပသွားမည် ဖြစ်သည်။  
သတင္းအျပည့္အစံုကိုၾကည့္ရႈရန္