ကာဂျစ်စတန်နိုင်ငံ၏ မြို့တော်ဘီရှက်ရှိ တရုတ်သံရုံးဂိတ်ပေါက်ကို အသေခံကားဗုံးခွဲသူတစ်ဦးက ၀င်တိုက်ခဲ့ ပြီးနောက် ယင်းနိုင်ငံတွင်ရှိနေသော တရုတ် နိုင်ငံသားများ ပြင်ပသို့ သွားလာ ခြင်းနှင့် လူထူထပ်သော နေရာများသို့ လည်ပတ်ခြင်းများမှ ရှောင်ရှားကြရန် တရုတ်အစိုးရက အကြံပြုခဲ့သည်။
ယမန်နေ့က ဖြစ်ပေါ်ခဲ့သော ပေါက်ကွဲမှုတွင် တိုက်ခိုက်သူအ ပါအ၀င် အနည်းဆုံး အခြားလူ သုံးဦး ဒဏ်ရာရရှိခဲ့ပြီး ယင်းမှာ အကြမ်းဖက်တိုက်ခိုက်မှု လုပ်ရပ် ဖြစ်သည်ဟု နှစ်နိုင်ငံအရာရှိများက ပြောသည်။
ကုလသမဂ္ဂ၊ သြဂုတ် ၃၀ ပေါ်တူဂီဝန်ကြီးချုပ်ဟောင်း အန်တိုနီယိုဂူတာရီးစ်သည် သြဂုတ် ၂၉ ရက်ကပြုလုပ်သော တတိယအကြိမ်ကောက်ယူသော စစ်တမ်းများအရ ကုလသမဂ္ဂအတွင်းရေးမှူးချုပ်နေရာ၌ လူကြိုက်များနေဆဲဟု သိရှိရသည်။ ဂူတာရီးစ်သည် လုံခြုံရေးကောင်စီဝင် ၁၅ ဦး မဲတွင် ၁၁ မဲရရှိခဲ့ပြီး၊ ကန့်ကွက်မဲ သုံးမဲနှင့် ကြားနေမဲ တစ်မဲ တို့ရရှိခဲ့သည်ဟု သိရှိရသည်။
အိုင်အက်စ်၏ အဓိက မဟာဗျူဟာ စစ်ဆင်ရေးမှူးတစ်ဦး အနောက်အုပ်စု မဟာမိတ်များနှင့် တိုက်ပွဲဝင်ရင်း သေဆုံးသွားကြောင်း သိရသည်။
အိုင်အက်စ်ကို လိုလားသည့် မီဒီယာတစ်ခုဖြစ်သော Amaq သတင်းအေဂျင်စီက အဘူမူဟာမက် အယ်လ် အက်ဒ်နာနီသည် အေလက်ပိုတွင် သေဆုံးသွားခဲ့ကြောင်း အတည်ပြုခဲ့သည်။ အမေရိကန်၏ ပင်တဂွန် စစ်ဌာနချုပ်က အေလက်ပိုအနီးရှိ အယ်လ်ဘက်မြို့တွင် ပြုလုပ်ခဲ့သည့် လေကြောင်း တိုက်ခိုက်မှုတစ်ခု၌ အက်ဒ်နာနီ သေဆုံး ခဲ့ခြင်းဟု ထုတ်ပြန်သည်။
Apple နည်းပညာကုမ္ပဏီက အိုင်ယာလန်နိုင်ငံကို ပေးဆောင်သင့်တဲ့ အခွန် ၁၄.၅ ဘီလီယံ ပြန်ပေးဆောင်ဖို့ ဥရောပကော်မရှင်ရဲ့ ဆုံးဖြတ်ချက်ကို စိတ်ပျက်ကြောင်း အမေရိကန်အစိုးရက တုံ့ပြန်လိုက်ပါတယ်။
ဥရောပကော်မရှင်ရဲ့ ဆုံးဖြတ်ချက်ဟာ အဆုံးသတ်မှာတော့ အမေရိကန်နိုင်ငံက အခွန်ပေးဆောင်သူတွေကို ထိခိုက်နစ်နာစေလိမ့်မယ်လို့ သမ္မတ အိမ်ဖြူတော် ပြောခွင့်ရ Josh Earnest က ပြောပါတယ်။
ဘရာဇီးသုတေသီတွေဟာ ဇီကာဗိုင်းရပ်စ်ပိုးကြောင့် ဖြစ်ပွားနိုင်တဲ့ ဆိုးကျိုးတစ်ခုကိုပါ ထပ်မံသိရှိခဲ့ကြပါတယ်။ ဇီကာဗိုင်းရပ်စ်ပိုး ကူးစက်ခံထားရတဲ့မိခင်မှ မွေးဖွားလာတဲ့ ကလေးတွေမှာ အကြားအာရုံဆုံးရှုံးခြင်းနဲ့ပါ ကြုံတွေ့ရ နိုင်တယ်လို့ သိရပါတယ်။
ယခင်သုတေသနရလဒ်တွေမှာတော့ ဇီကာဟာ အမြင်အာရုံကိုပါ ထိခိုက်စေနိုင်သလို ဦးနှောက်ကိုပါ ပြင်းပြင်း ထန်ထန် ထိခိုက်စေနိုင်တယ်လို့လည်း သိရှိခဲ့ပြီးပါပြီ။ သိပ္ပံပညာရှင်တွေဟာ ဇီကာကြောင့်ဖြစ်ပေါ်လာနိုင်တဲ့ ကျန်းမာရေး ဆိုးကျိုးတွေကို ကျယ်ကျယ်ပြန့်ပြန့် သိရဖို့ ကြိုးစားနေကြဆဲပါပဲ။
နယူးဒေလီ သြဂုတ် ၃ဝ
အမေရိကန်နိုင်ငံခြားရေးဝန်ကြီး ဂျွန်ကယ်ရီနှင့် စီးပွားရေးဝန်ကြီး ပန်နီပရစ်ဇ်ကာ တို့သည် အင်္ဂါနေ့က အိန္ဒိယအစိုးရ နှင့် စီးပွားရေးပူးပေါင်းဆောင်ရွက်ရေး နှစ်ရက်တာ ဆွေးနွေးပွဲကိုစတင်ခဲ့ပြီး ကတ်ရ်ှမီးယားဒေသနှင့်ပတ်သက်၍ ပါကစ္စတန်နှင့် ဆွေးနွေးပွဲများပြုလုပ်ရန် တွန်းအားပေးသွားမည်ဖြစ်ကြောင်း သိရသည်။
ကယ်ရီသည် နယူးဒေလီသို့ တနင်္လာနေ့ညက အမေရိကန်- အိန္ဒိယမဟာဗျူဟာ မြောက် နှစ်ပတ်လည်နေ့အတွက် ရောက်ရှိခဲ့ပြီး ကုန်သွယ်ရေးဆိုင်ရာ ဆွေးနွေးမှုများ ပြုလုပ်သွားမည်ဖြစ်သည်။
တိုကျို သြဂုတ် ၃ဝ
ယခုသီတင်းပတ်ကုန်ပိုင်း ဂျပန်ဝန်ကြီးချုပ် ရှင်ဇိုအာဘေးနှင့် ရုရှားသမ္မတ ဗလာဒီမာ ပူတင်တို့တွေ့ဆုံပြီးချိန်တွင် ပူတင်၏ ဂျပန်နိုင်ငံသို့ ခရီးစဉ်ကို အတည်ပြုနိုင်လိမ့် မည်ဖြစ်ကြောင်း ဂျပန်ထိပ်တန်းအစိုးရ ပြောခွင့်ရသူတစ်ဦးက ရိုက်တာသတင်းဌာန သို့ ပြောကြားခဲ့သည်။
ပေကျင်း သြဂုတ် ၃ဝ
တရုတ်နိုင်ငံ၌ လာမည့်နှစ်တွင် ပါတီညီလာခံကို ကျင်းပရန်ရှိနေစဉ် ကွန်မြူနစ်ပါတီ၏ ပြည်နယ်အဆင့် ပါတီ ခေါင်းဆောင်နေရာ သုံးနေရာအတွက် ရာထူးနေရာ အပြောင်းအလဲများ ပြုလုပ်ရန် သမ္မတ ရှီကျင့်ဖျင် က ညွှန်ကြားလိုက်ကြောင်း ဒေသဆိုင်ရာသတင်းဌာနများက သြဂုတ် ၃ဝ ရက် တွင် သတင်းထုတ်ပြန်သည်။
ထရီပိုလီ၊ သြဂုတ် ၃၀
ယခုလက်ရှိထိ ကယ်ဆယ်ရေးလုပ်ငန်းစဉ်များအတွင်း အကြီးဆုံးကယ်ဆယ်ရေးလုပ်ငန်းတစ်ခုတွင် လစ်ဗျား ကမ်းလွန်၌ လှေစီးရွှေ့ပြောင်းသူ ၆၅၀၀ ဝန်းကျင်ကို အီတလီကမ်းခြေစောင့်တပ်ဖွဲ့က ကယ်တင်လိုက်ရသည်။
ဆာဘရာသာမြို့ ၁၂ မိုင်အကွာခန့်တွင် ပူးပေါင်းကယ်ဆယ်ရေးလုပ်ငန်းပေါင်း ၄၀ ခန့် ပြုလုပ်ခဲ့ကြောင်း အီတလီ ကမ်းခြေစောင့်တပ်က ပြောသည်။
ဖိလစ်ပိုင်သမ္မတ ဒူတာတေးက အဘူဆေယက်ဖ်သူပုန်အုပ်စုကို ချေမှုန်းပစ်ရန် စစ်တပ်ကို အမိန့်ပေးခဲ့ပြီးနောက် စစ်ဆင်ရေးစတင်ခဲ့တာ ဖြစ်ပါတယ်။
စစ်တပ်နဲ့ အဘူဆေယက်ဖ်သူပုန်များကြား ဖြစ်ပွားခဲ့တဲ့ တိုက်ပွဲအတွင်း အနည်ဆုံး စစ်သား ၁၂ ဦး သေဆုံးခဲ့ကြောင်း ဖိလစ်ပိုင်စစ်တပ်က သြဂုတ် ၂၉ ရက်မှာ ပြောပါတယ်။ ဖိလစ်ပိုင်စစ်တပ်က နိုင်ငံတောင်ပိုင်းမှာ ခြေကုပ်ယူထားတဲ့ အဘူဆေယက်ဖ် အစွန်းရောက်သူပုန်အဖွဲ့ကို တိုက်ခိုက်နေမှု ငါးရက်မြောက်နေ့မှာ စစ်သားများ သေဆုံးမှုစာရင်း ထွက်ပေါ်လာတာ ဖြစ်ပါတယ်။
