ရုရှား – မြန်မာ နှစ်နိုင်ငံအကြား စွမ်းအင်ဆိုင်ရာ ကိစ္စရပ်များတွင် ပိုမိုပူးပေါင်းဆောင်ရွက်ရန် မျှော်လင့်ကြောင်း ရုရှားဖက်ဒရေးရှင်းနိုင်ငံ၏ ဒုတိယဝန်ကြီးချုပ်နှင့် စွမ်းအင်ဝန်ကြီးက ပြောကြားခဲ့ကြောင်း သိရသည်။

ရုရှားဖက်ဒရေးရှင်းနိုင်ငံ စိန့်ပီတာစဘတ်မြို့တွင်ကျင်းပသည့် (၂၅) ကြိမ်မြောက် နိုင်ငံတကာ စီးပွားရေးဖိုရမ် (25th St. Petersburg International Economic Forum- SPIEF’ 22 )ကာလအတွင်း မြန်မာကိုယ်စားလှယ် အဖွဲ့နှင့် တွေ့ဆုံစဉ် ထိုသို့ ပြောကြားခဲ့ခြင်း ဖြစ်သည်ဟု မြန်မာအစိုးရဖက်မှ ဇွန်လ ၁၉ ရက်တွင် ထုတ်ပြန်ခဲ့ခြင်း ဖြစ်သည်။  
သတင္းအျပည့္အစံုကိုၾကည့္ရႈရန္

 
သတင္းအျပည့္အစံုကိုၾကည့္ရႈရန္

(၁၉-၆-၂၀၂၂) ရက်နေ့၊ ည (၈:၀၀) နာရီမှ (၂၀-၆-၂၀၂၂) ရက်နေ့၊ ည (၈:၀၀) နာရီအတွင်း ဓာတ်ခွဲနမူနာစုစုပေါင်း (၅,၁၄၁) ခုအား စစ်ဆေးပြီးစီးခဲ့ရာ COVID-19 ရောဂါ ဓာတ်ခွဲ အတည်ပြုလူနာသစ် (၄) ဦး တွေ့ရှိရပါသည်။ ထို့ကြောင့် ယနေ့အတွက် ရောဂါပိုးတွေ့ရှိမှု ရာခိုင်နှုန်းမှာ (၀.၀၈) ရာခိုင်နှုန်း ရှိပါသည်။

(၁၇-၆-၂၀၂၂)ရက် နံနက်(၁၀:၀၀) နာရီမှ(၁၃:၀၀)အချိန်ထိ မိတ္ထီလာခရိုင်ပြည်ခိုင်ဖြိုးပါတီရုံးခန်းမတွင် ဆဌမအကြိမ် ဗဟိုကော်မတီအစည်းအဝေး(၂၀၂၂)မှချမှတ်ခဲ့သော ပါတီရှေ့လုပ်ငန်းစဉ်များ ထပ်ဆင့်ရှင်းလင်းပွဲ ပြုလုပ်ခဲ့ပါသည်။ အဆိုပါထပ်ဆင့်ရှင်းလင်းပွဲသို့ ပါတီဗဟိုအလုပ်အမှုဆောင် မန္တလေးတိုင်းဒေသကြီး ပြည်ခိုင်ဖြိုးပါတီ ဥက္ကဌ ဦးအောင်ကျော်မိုး၊ ပါတီဗဟိုအလုပ်အမှုဆောင် ဒေါက်တာမောင်သင်း၊ တိုင်းဒေသကြီး ပါတီအတွင်းရေးမှူး ဦးညွန့်ဆောင်၊ ဘဏ္ဍာရေးမှူး ဒေါ်သိင်္ဂီအောင် တိုင်းဒေသကြီးပါတီကော်မတီဝင် ဦးရွှေနန်း၊ ဦးမျိုးမြင့်၊ ဒေါ်ဝါဝါလှိုင်၊  မိတ္ထီလာခရိုင်ပါတီဥက္ကဌ ဦးထွန်းထွန်းဦး၊ အတွင်းရေးမှူး ဦးရဲထွန်းနိုင်နှင့်ကော်မတီဝင်များ၊ မိတ္ထီလာခရိုင်အတွင်းရှိ မိတ္ထီလာ၊ သာစည်၊ ဝမ်းတွင်း၊ မလှိုင်မြို့နယ်တို့မှ ဥက္ကဌ၊ အတွင်းရေးမှူးနှင့်ကော်မတီဝင်များ တက်ရောက်ခဲ့ကြပါသည်။  
သတင္းအျပည့္အစံုကိုၾကည့္ရႈရန္

ဇွန် ၁၈၊ နေပြည်တော်

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီဥက္ကဋ္ဌ ဦးသန်းဌေးသည် ၂၀၂၂ ခုနှစ်၊ ဇွန်လ ၁၈ ရက်နေ့ နံနက် ၀၉:၃၀ နာရီအချိန်တွင် နေပြည်တော် ပြည်ထောင်စုနယ်မြေ၊ ဒက္ခိဏသီရိမြို့နယ် ပြည်ထောင်စုကြံ့ခိုင်ရေးနှင့်ဖွံ့ဖြိုးရေး ပါတီရုံးတွင် ကျင်းပပြုလုပ်သော မြို့နယ်/ရပ်ကွက်/ကျေးရွာအဆင့်ပါတီများ စုံညီဖွဲ့စည်းပြီးခြင်း အထိမ်းအမှတ် ဂုဏ်ပြုပွဲနှင့် ပါတီတာဝန်၊ ပါတီအလံများ အပ်နှင်းခြင်းအခမ်းအနားသို့ တက်ရောက်ခဲ့ပါသည်။  
သတင္းအျပည့္အစံုကိုၾကည့္ရႈရန္

မြန်မာ-ထိုင်း နယ်စပ် မြဝတီ-မဲဆောက် လမ်းကြောင်းနှင့် ကော့သောင်း-ရနောင်းလမ်း ကြောင်းတို့မှ ဇွန် ၁၇ ရက်က MoU လုပ်သား ၃၄၈ ဦး ထပ်မံစေလွှတ်ခဲ့ကြောင်း သိရသည်။ မြဝတီမြို့ မြန်မာ-ထိုင်း အမှတ် (၂ )ချစ် ကြည်ရေးတံတားမှတစ်ဆင့် ထိုင်းနိုင်ငံသို့ နှစ် နိုင်ငံသဘောတူစာချုပ် MoU စနစ်ဖြင့် မြန်မာ လုပ်သား ၂၉၈ ဦးကို ဇွန် ၁၇ ရက်က ပြည်ပအ လုပ်အကိုင်အကျိုးဆောင် Top 1 အေဂျင်စီ နှင့် ရွှေဝတ်မှုံခအေဂျင်စီတို့က ထပ်မံစေလွှတ် ခဲ့ကြောင်း သိရသည်။  
သတင္းအျပည့္အစံုကိုၾကည့္ရႈရန္

ကချင်ပြည်နယ်၊ ဗန်း‌မော်မြို့၏ မြစ်ရေကြီးမှုအခြေအနေသည် နှစ်ရက်အတွင်း စိုးရိမ်ရေမှတ်သို့ရောက်ရှိနိုင်ကြောင်း မိုးလေ၀သနှင့်ဇလဗေဒညွှန်ကြားမှုဦးစီးဌာနက ဇွန် ၁၉ ရက် တွင် ထုတ်ပြန်ကြေညာထားသည်။

မြန်မာစံတော်ချိန် နံနက် ၈ နာရီ ၃၀ မိနစ်အချိန်တိုင်းထွာချက်များအရ ဧရာဝတီမြစ်ရေသည် ဗန်းမော်မြို့၏ စိုးရိမ်ရေမှတ်အောက်နှစ်ပေခွဲခန့်တွင်ရောက်ရှိနေကြောင်း ထုတ်ပြန်ချက်အရသိရသည်။

အဆိုပါမြစ်ရေသည် နောက်နှစ်ရက်အတွင်း ယင်းမြို့၏ စိုးရိမ်ရေမှတ်သို့ရောက်ရှိနိုင်သဖြင့် ဗန်းမော်မြို့နယ်အတွင်းရှိ မြစ်ကမ်းအနီးနှင့် မြေနိမ့်ပိုင်းနေထိုင်သူများ အထူးသတိပြုနေထိုင်ကြရန် မိုးလေ၀သနှင့်ဇလဗေဒညွှန်ကြားမှု ဦးစီးဌာနက ထုတ်ပြန်ကြေညာထားသည်။  
သတင္းအျပည့္အစံုကိုၾကည့္ရႈရန္

ဆီးဂိမ်းတွင် ရွှေတံဆိပ်ရရှိသူများကို လူစီးမော်တော်ယာဉ် ဝယ်ယူခွင့်ချထားပေးမည်ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာနက ထုတ်ပြန်သည်။

ရွှေတံဆိပ်ရရှိသူများအား အထူးကိစ္စရပ်အနေဖြင့် ခွင့်ပြုသွားမည်ဖြစ်ကြောင်း၊ ရွှေတံဆိပ်ဆုရ အားကစားသမား များအား ပြည်တွင်းရှိ မော်တော်ယာဉ် Showroom နှင့် Sale Center များမှ စက်စွမ်းအား ၂၀၀၀ စီစီနှင့်အောက်၊ CIF တန်ဖိုး(ဆိပ်ကမ်းရောက်တန်ဖိုး) ကျပ်သိန်း ၃၀၀ နှင့်အောက် လူစီးမော်တော် ယာဉ်တစ်စီးစီ ဝယ်ယူခွင့် ပြုမည်ဖြစ်ပြီး ၎င်းမော်တော်ယာဉ်နှင့်စပ်လျဉ်း၍ ပြည်ပတင်သွင်းယာဉ်မှတ်ပုံတင်ခ အား ကင်းလွတ်ခွင့်ပြုမည် ဖြစ်ပါကြောင်း အသိပေးကြေညာအပ်ကြောင်း ဝန်ကြီးဌာနက ထုတ်ပြန်သည်။  
သတင္းအျပည့္အစံုကိုၾကည့္ရႈရန္

၂၀၂၂ တက္ကသိုလ်ဝင်စာမေးပွဲ အောင်စာရင်များကို ဇွန် ၁၇ ရက် နံနက် ၆ နာရီတွင် တစ်နိုင်ငံလုံးတွင် ထုတ်ပြန်ခဲ့ကြောင်းသိရသည်။

အဆိုပါ စာမေးပွဲ၏ တစ်နိုင်ငံလုံးအောင်ချက်ရာခိုင်နှုန်းသည် ၄၆ ဒသမ ၈၈ ရာခိုင်နှုန်းရှိကြောင်း၊ ဖြေဆိုသူစုစုပေါင်း ၂၈၁၇၅၁ ဦးရှိပြီး အောင်မြင်သူ ၁၃၂၀၇၇ ဦးရှိကြောင်း မြန်မာနိုင်ငံစာစစ်ဦးစီးဌာန၏ ထုတ်ပြန်ချက်အရသိရသည်။  
သတင္းအျပည့္အစံုကိုၾကည့္ရႈရန္